新大光燈

营业中

休息中

最好放支大光燈系門口等客人容易搵啊第三次去他The Mills, 上兩次都未開食店，今早來到入去大堂，所有鋪頭都無開，又無directory同地圖，又無人問，再走出去，睇到遠處有人走入旁邊，原來就系果度，真系幾難搵，起碼有D指示或者牌在柱上面好D嘍。雖然裡面都幾多人，但服務員見到外面有客就馬上招呼，又等住你叫乜，仲厲害系落單快，出餐仲快，吾使一分鐘，好適合工廠區上班。沙爹牛肉麵～無乜沙爹味，比較甜，牛肉OK啦！麵就吾多彈口，煙肉炒蛋多士～很難得在這樣茶餐廳檔次能食到比較真的煙肉，炒蛋也很嫩滑，仲睇到有D蛋白，多士用上厚多士，牛油幾香。雪菜肉絲公仔麵～ 雪菜不咸，吾會一舊舊上，肉絲不算多，中上水平。咖啡～ 是即沖，有點苦但帶香味，奶味不夠。

第一次入南豐紗廠，到處都係文青咖啡室，我同老婆都不是咖啡控。行完紗廠便到附近找食店，見餐牌都OK，就入去。 見餐牌都係魚蛋粉麵，驚喜是4X多蚊竟然有冷熱飲品跟，單拼$36起。平時都係食過牛腩，見有豬潤即時叫個雙拼，牛腩都幾淋身，肉質都幾入味，湯吳算好油淋淋；豬潤一般茶餐廳都無得食，見佢好似好大塊，但好有咬口，而且吳會太熟。飲品吳會有太大期望，凍檸茶不過不失，吳算好多冰。

位於荃灣南豐紗廠地下嘅新大光燈係一間粥麵店，剛開業人氣十分鼎盛，坐位唔算闊落，但企理乾淨。當日幫襯點咗碗$33蚊嘅水餃麵同$28蚊嘅豬潤腸粉，水餃3粒大小適中，同一般水餃餡料無異，木耳筍豬肉蝦，麵質爽脆彈牙，不過不失。豬潤腸粉嘅豬潤切得細細粒，爽爽脆脆，腸粉有拉力，煙煙韌韌，美味。

想行南豐紗廠，十點才開門，故在這裏吃早餐。 早餐還是多元化，有粥炒麵腸粉，三文治或者西式早餐配麥皮粉麵， 價格相宜只是30元。早餐份量頗大，一個女孩子可能吃不完，味道ok。已叫了走包，但仍剩很多。。。有點浪費。

今天來到荃灣新落成的工廠活化空間-The Mills，四周都有著濃濃的工業風，影完打卡相就來到這間懷舊餐室“新大光燈”準備醫一醫肚。由於 The Mills 新開幕不久，連帶附近餐廳的裝潢都很新。這間新大光燈主打廣東粉麵，有雲吞/水餃面、撈麵、腸粉炸兩、燒味等。我們點了一個雲吞撈麵，加一個齋腸粉。先說雲吞撈麵，雲吞皮薄滑溜，裏面的蝦肉爽口，不過有點太鹹，未能吃到蝦肉的鮮味。幼麵有咬口，吃起來沒有鹼水味，配上醬汁撈起來吃算是不錯。整體是不過不失，唯獨無甚驚喜。至於腸粉，齋腸粉最能反映出腸粉的質素，可惜這間店要讓我失望了。腸粉夾起來太黏，明顯是下不夠油，吃起來皮太厚，而且不夠滑，有“鞋口”的感覺，像是蒸過頭了。另外順帶一提，這間店還是很新，因此暫時只收現金，八達通要 2 月才有喔b

平日下午與朋友食lunch，又來了南豐紗廠，今日食呢間，係一間傳統麵舖。新穎裝修配經典食物，是個幾特別既感覺。我同朋友分叫左水餃炸醬撈麵同雲吞水餃麵，再叫左個西多士share。炸醬撈麵份量感覺幾多，同埋炸醬都好多，唔會得一小撮，少少辣辣地，不錯不錯，水餃都好大粒。朋友嗰碗麵可能擺埋同一個碗就感覺比我嗰個小，但就擺滿左成個碗。西多士有生炸感覺，唔係好厚好大件，但生炸感覺好似好耐冇試過，同埋係明顯食到中間嗰層有花生醬味。不錯不錯～～值得推薦！食到勁飽咁走，又要做運動啦！

開張一個多月， 我食過超過十次， 早餐 午餐 下午茶 都試過。 主要 粥底靚， 材料靚。 但缺點也不少， 價錢定位比較高 就應該畀返 高定位的出品。 麵底 一般 所以我只食粗麵 。 第－差 ， 無從客人角度想。例如 牛腩麵 ＄36 ，牛筋腩麵 收雙屏價＄46 在此不談論平貴 單面加了＄10， 是４件牛腩１件牛筋， 正常一碗牛腩麵都有四件牛腩， 聰明的顧客一想 十蚊買了一件牛筋 。加上個碗比較細 湯都唔多 影響了賣相，有唔抵嘅感覺。 其實可以收貴啲畀番一個足夠份量， 外觀做好啲。 第二差 啲阿姐非常勤力， 一見你停手 就問你要唔要，立即收走 ，快過大家樂 個客都未食完 ，就算食完想坐多陣都唔得 ，係咪老闆吩咐趕客走可快Ｄ返枱呢！ 第三差，外賣碗 發泡膠碗畀人感覺可以保暖同埋較硬，佢偏偏用 透明 膠碗 感覺唔保暖，外觀不好。 因為 粥 保暖好重要所以唔想再叫外賣。 希望老闆見到呢個文章 ，有所改進 ，可留低客人， 老闆你的產品的確唔差，但細節做得唔好，客人食得唔開心 好難返轉頭 留唔到熟客。 另外 小建議，你係粥麵店就賣粥麵做早餐，賣茶餐廳早

南豐紗廠成為新一個打卡景點，景區入面有幾間餐廳仔，尼間主打雲吞麵，以及其他小食。4至5點時間，人流都ok，唔駛等位。最低消費每人$25。叫左炸兩($28)，西多士($25)。油炸鬼脆，外層腸粉皮薄，滑滑地，配埋豉油食一流。個人少食炸兩，尼間覺得唔錯，唔油膩，而且油炸鬼大件，有口感。份量夠。西多士最重要係熱辣辣，唔會過"林"，而且仲有d脆香。加埋多牛油多煉奶，正。而且，中間夾住花生醬，仲有少少微粒花生，花生醬亦塗得均勻。整體，環境舒服，炸兩係最多人叫既食物，整得亦唔錯，有水準。

首次踏足荃灣文青新蒲點，當然期待能發掘一些有創意、精緻、非主流，不像大財團的大路貨色刺激下五感。但原來大多都未開業，唯有找間店hea下醫下肚算。這裏自稱是「馳名巷仔雲吞麵」，咁一定要試下是龍是蟲啦。來到一看湯色不對勁，沒有經典的深沉清澈琥珀色，是帶微黃有點混濁的湯底，心諗一定鹼水過不清， 飲一啖果然有淡淡澀味，亦沒有甘甜的鮮味。馳名？再吃雲吞，皮太淋有點發脹，相信是煮定再翻灼。 餡料不多，型狀扁平，因蝦肉少(亦煮過火)，吃來口感不豐盈，是成本所限？！好彩麵拿回不少分數，真的有銀絲細麵的效果，吃來爽口有彈性，不硬。曾吃過一些所謂竹昇打麵的名店， 好似鐵線咁硬，實在不敢恭維！如果這裏的麵蛋香味濃一些會更好。再來是及第粥，碗少但料足，全是厚切有咬口，吃得出新鮮貸，粥底有淡淡酒香，相信是用酒爆炒過材料才下粥，好味。再來是炸兩。香港地現今要吃到鬆脆炸兩實是買少見少，多是「老油條」，淋滋滋。這店卻是十分鬆脆可口，腸粉又薄又滑，雖冇麻甜雙醬，但這樣簡簡單單吃亦不減滋味。賽果二比一，ok收貸。

荃灣南豐沙廠，改建成文化的地方。已經關業了，入面好大，開了一些cafe，又開了些餐廳，不過未開晒。我們見到有間麵舖，就來試下。有粥麵，仲有午餐都好多人呀！叫左叉燒腸粉，不算十分滑但也是好味的，叉燒比較碎。雲吞麵，細細碗，四粒雲吞，有蝦同豬肉，好爽口好味。麵也夠彈牙的。水餃麵，水餃有蝦，木耳，豬肉，好爽口好好味。牛腩麵，份量不大，有牛腩又有牛筋，湯底不會好濃，麵唔重鹼水味，都算彈牙，牛腩好淋，牛筋也好淋。

聽老輩叔父講起，以前大光燈係紅磡無人不識既的雲吞麵。本身係小販檔，70年代起係曲街，漆咸道交界小販檔， 因為鄰近「大酒店」， 所以老輩送花都必會幫襯， 不過聽講舊時比食環捉左已經冇做 ， 不過後來喺其他地方都有開左分店 ，而家終於開左一間喺荃灣等我又試下究竟係咩滋味同朋友一個食咗雲吞麵，一個食咗水餃面，再加咗一碟油菜，一碗麵都係三十幾蚊，油菜都係十幾蚊，價錢都算親民， 比一般街邊食到既雲吞麵，湯底比較濃，材料都比較足，下次再食下其他野支持下