新大光燈

营业中

休息中

老闆好好人呀 係咁傾計講返食物！叫左蔥油雞大陽蛋飯！完全比佢大陽蛋吸引！真心係好食呀 ！雞係juicy 蔥油唔會好油 唔會好salty仲有湯送 湯中有魚蛋試埋同事的咖哩 都係好食架價錢算平啦今時今日

今次第二次黎The Mills做野，見到有一間店鋪食牛腩粉麵，就試一試，見門面裝修唔錯，但有位短髮姨姨態度有點差，正常見客人食完野會問一問你要唔要，但個姨姨直接伸手係係碗邊等你講唔要就拎走。問一句仲要唔要好難？普通粉麵價錢，熱飲加$7 ，凍似就加$10。一碗牛腩麵$38再加一杯凍奶茶$10，咁就成為$48。奶茶不過不失，但牛腩麵 少得可憐，麵量方面三四啖就食晒，牛腩有四舊，還有少少碎既牛肉。牛腩味道偏淡，麵分量少。下次應該唔會再黎。

讚：1. 服務勁好，笑容滿面，明明就收店都叫客慢慢食2. 腸粉做得幾好噃，滑溜，卷得好，唔會入口好似爛晒咁彈1. 豬潤麵質感奇怪，係爽口既，但中間又有種黏住口既質感，奇2. 麵有啲鹼水味呃，可能叫雲吞麵會好少少？服務咁好，會再比多次機會

是日係南豐紗廠開工，到食晏時間諗唔到食咩，落雨又想行到去愉景新城咁遠，有同事推薦呢間既豬手好味，見到唔算多人唔駛等位就試試佢。一開始以為多數啲文青地方既餐廳都會係又貴又細份，但呢間就岩岩相反，唔算貴，份量對女仔黎講又岩岩好。因為我自己本身好中意食豬手，叫左個南乳豬手撈麵，個豬手好入味，肉質夠淋，但個汁用黎撈麵有少少咸。另外仲有配個魚片湯，味道都唔錯，唔會話好重味精或者淡而無味。個侍應見我食豬手，就即刻主動攞個碗仔畀我放骨，幾貼心。南豐紗廠唔算多餐廳，呢間都算係平得黎幾高質，值得再encore!

翻新後的南豐紗廠充滿文青風格，四處可見藝術塗鴉，除左影下靚相，扮下文青當然要醫下肚位於南豐紗廠地下的新大光燈，裝修以工業風為主調，環境簡潔舒適，唔會坐得太迫。這裡的餐單以粥粉麵飯為主，一碗食得出心思的魚蛋河+油菜再簡單的料理都考功夫，河粉爽口略彈牙，湯底好清…不是手打魚蛋，不過有魚蛋+魚片各三粒/片，算是足料！油菜翠綠而且唔會油，蠔油唔會太鹹蠔味十足總結: 食魚蛋粉既價錢，但環境衛生，坐得舒服，食物質素亦唔差，讚

新光燈都算係飯堂，經常黎幫襯，一來食物質素高，價錢親民如果大家去食我會推介大家牛腩飯同埋豬手撈粗。牛腩好味，加上腩汁調較得香噴噴，好正豬手加上果皮調味，食落冇咁大罪疚感，講笑呢兩樣必食

南豐紗廠開幕啦雖然好多店都仲裝修緊 冇乜野行但已經有唔少文青打卡 因為空間感十足.新大光燈-主打港式料理牛腩飯 配湯&熱飲 $40牛腩炆得好淋又入味 仲有牛筋添湯就好重胡椒味 個人不太喜歡

假日嚟到南豐紗廠打卡影相之餘緊係要黎食下野啦入邊簡左好耐 都係咖啡店 輕食為主唯獨地下走廊位有間香港特色餐廳入面有主打嘅 蝦子麵 粥 炸倆等等我地叫左碗 鯇魚粥 同肉丸粥粥底好綿 綿到好似唔係用米煲嘅咁似食緊米糊咁 鯇魚 好新鮮 冇咩骨另外叫咗碟叉燒腸同炸兩腸粉皮夠滑炸兩入邊條 油炸鬼好脆 不過就多左少少油叉燒就夠入味 不過cut 左一啲 有啲冇切斷整體呢餐都唔錯工作人員都好親切 快手 盡快安排位置價錢方面 係南豐紗廠比較 算係抵食得閒過黎 都值得嘗試

公司附近新開既南豐紗廠，入面有好多間餐廳，都係主打文青路線，但價錢就比較高檔呢。呢間算係比較平價既粥店，裝修都算幾有特色，臨近月尾=糧尾，作為窮人的我Lunch就當然係要平食，所以就同同事黎左呢間食。我就點左個艇仔粥，個粥都算多料既，有魚肉、有魷魚、有蝦，30蚊貨仔，味道算唔錯，都鮮甜的，對得住佢個價啦。因為嫌食粥太淡口，所以我地就點多個炸兩，share黎食，炸兩係即製，入面個油炸鬼好脆，味道就一般。除返開，埋單都是40蚊，平食但質素都唔錯，值得推薦呢。

因為附近無咩餐廳，所以去南豐紗廠嘅話，都通常食哩間。店舖細細，但佢嘅裝修都好啱大家去打卡，可能佢位於打卡熱點裡面，所以裝修都靚之前都嚟過哩間分店食過2次，想同大家分享下我試過嘅3款食物 第一次食，食鳳城水餃撈粗麵，佢係分開湯水餃一碗，撈粗麵一碟嘅，都會有1-2條菜。粗麵嘅份量好多。水餃入面嘅材料係有蝦嘅，個味道都唔差，正正常常。第二次就係食北菇雞球粥，個粥都算大碗。佢嘅材料好足，您會食到好多菇同雞肉，味道就同出邊粥舖差唔多，無咩特別。今次試咗豬潤麵，一碗麵入面有大約4-5塊豬潤，每塊豬潤都係厚砌嘅，真係好厚！ 有足足1cm咁厚，豬潤嘅口感係滑嘅，但滑得嚟有少少粉 佢個湯麵係幼麵，對於男仔嚟講哩個份量可能比較少，唔夠食。

帶住小朋友去完南豐紗廠玩完，近近地想飲杯野唇下肚，去到門口見到有間食粥麵就入去坐，店內無bb椅，但見到我地帶小朋友都無話唔歡迎，點了雲吞麵，鮮蝦腸粉同熱華田，雲吞麵正常份量，不算特別多或少，叫待應給了小碗分比小朋友，麵不重皀水味，也不多味精味，可以給小朋友吃，雲呑也不錯，鮮蝦腸粉美中不足是沒有分開豉油上，淋了豉油才拿過來，但蝦是大隻的，一碟用了6隻，熱華田中規中矩，價錢方面，三樣加起來才$68，在南豐紗廠算便宜又不錯了。

未入去，門口個短髮嬸嬸態度已經唔好，好似喺門口等佢安排入座啲人係嚟食免費餐咁嘅態度，入到去，部份店員態度繼續惡劣，態度語氣都係晚娘或債主面口，見到有人喺門口等，個白髮肥阿伯，極度不耐煩語氣，加厭惡表情大聲呼叫：「兩個叫佢等下啦！」其實人哋都係啱啱到，你自己的店員問佢幾多位人哋答兩位，好正常咁樣，冇催佢冇盛，對待普通人都唔需要咁嘅態度，何況對客？入去食嘢附送「負能量無限」！講返食物，其實真係好普通，唔係難食，又唔可以話好食，只係佢喺the mills 嚟講係低價，但係食完影響心情，一定冇下次！

第一次買向這餐廳點叫外賣。價錢58至60一碗牛腩麵，價錢也絕不便宜。以為質量會ok所以一班人叫外賣。到餐後，發現每一份的份量也極少，小朋友也吃不飽，但收費要幾近$60，極之不合理。雲吞加上麵的份量也不足外賣的半碗。最後全部人無奈要再買別的午餐，取代這令人愈食愈嬲的撈麵小吃。有人的撈麵沒有加蠔油，要被迫吃乾撈麵。還要麵本身也煮得不夠軟。連有人的牛腩撈也是完全沒有加進牛肉汁的乾撈麵。也沒有按要求給予餐具。

最好放支大光燈系門口等客人容易搵啊第三次去他The Mills, 上兩次都未開食店，今早來到入去大堂，所有鋪頭都無開，又無directory同地圖，又無人問，再走出去，睇到遠處有人走入旁邊，原來就系果度，真系幾難搵，起碼有D指示或者牌在柱上面好D嘍。雖然裡面都幾多人，但服務員見到外面有客就馬上招呼，又等住你叫乜，仲厲害系落單快，出餐仲快，吾使一分鐘，好適合工廠區上班。沙爹牛肉麵～無乜沙爹味，比較甜，牛肉OK啦！麵就吾多彈口，煙肉炒蛋多士～很難得在這樣茶餐廳檔次能食到比較真的煙肉，炒蛋也很嫩滑，仲睇到有D蛋白，多士用上厚多士，牛油幾香。雪菜肉絲公仔麵～ 雪菜不咸，吾會一舊舊上，肉絲不算多，中上水平。咖啡～ 是即沖，有點苦但帶香味，奶味不夠。

第一次入南豐紗廠，到處都係文青咖啡室，我同老婆都不是咖啡控。行完紗廠便到附近找食店，見餐牌都OK，就入去。 見餐牌都係魚蛋粉麵，驚喜是4X多蚊竟然有冷熱飲品跟，單拼$36起。平時都係食過牛腩，見有豬潤即時叫個雙拼，牛腩都幾淋身，肉質都幾入味，湯吳算好油淋淋；豬潤一般茶餐廳都無得食，見佢好似好大塊，但好有咬口，而且吳會太熟。飲品吳會有太大期望，凍檸茶不過不失，吳算好多冰。