新大光燈

营业中

休息中

大雨來這裏買外賣 ，蔥油豬扒煎蛋飯 。咬了一口豬扒 感覺很淋，但咬開後， 發現裏面是不熟的，紅心。 唯有用蔥油及雞蛋送白飯。檸茶茶底也沒什麼味道。 這個餐六十多元。。。貴喔

有日小編去南豐紗廠🏭的時候無意中發現呢間餐廳 佢係位於南豐紗廠🏭的地下一角 小編原本仲以為得個度只得文青cafe tim..餐廳以懷舊做主題 有別於平時的粥舗 幾特別😋1. 炸兩 ($28)熱辣辣上枱 份量都幾多😲 最好share 食 油炸鬼係脆卜卜的❤️ 出面已經好少可以食到脆😭 惟一個皮厚左少少同埋唔算滑 如果唔係真係好perfect 可惜🥺2. 狀元及第粥 ($38) 粥底好綿又有米香🥣 口感好實在 裡面有豬潤 豬心 粉腸 肉片 豬肉丸🐽 真係非常足料👍🏻 而且材料好新鮮 屋企人話食番以前的味道 所以好滿足😋 雖然價錢偏高 不過好值 推介💯

21/9/2020，天陰重要落好大雨，嗰日約咗朋友嚟南豐紗廠影下相，點知落狗💩,四圍影完都未落完，影完嘢又鬼死咁肚餓，原來已經下午五點幾了，唔知你哋有無嚟過南豐紗廠，入面啲餐廳裝修得靚一靚比人打卡，行行哋一個人都要一百五十蚊左右落樓，你知啦家下肺炎當道，個個返工又搵少咗，我家下重要係no pay緊，都係搵啲平民化餐廳醫下肚好了，就響紗廠正門入口直行就見到呢間新大光燈餐廳，可能嗰日落好大雨，所以無乜人用餐，就入去坐底睇下有乜食，呢間餐廳主打食粥粉面飯，碟頭飯、有生滾粥重有即叫即拉蒸腸粉，入面裝修都好簡潔(下面有相可以睇返)。好喇費話少講，入返正題先，今次我哋叫咗兩碗麵，一碗係柱侯牛腩撈麵，另一碗係薑蔥豬潤麵，其實兩碗都看似好普通嘅嘢，但係亦好考㕑師嘅功力，今次呢兩碗都好出色，先講牛腩，好腍好入味，而且份量都唔少，至於豬潤亦好爽口一啲都唔粉，呢隻口感我比較鍾意，並唔似深水埗維X嗰種豬潤嘅口感，好正，大家去開呢頭又唔想食紗廠入面咁貴嘅西餐，不防一試👌P.S有樣嘢要提提大家，佢呢度係無茶餐時段，所以幾時嚟餐牌價錢都係一樣ok😉

雲吞和水餃嘅質素都好高，大細適中，起碼有兩隻蝦喺裏面，湯底就太多胡椒粉味，有點兒失色。蔥花蝦米腸，蔥花蝦米都唔多，腸粉唔夠滑，有啲膠，豉油又冇乜味，得個咸字。炸腸都幾脆，但係刀法一般，亂咁切。有好多用過嘅碗碟就咁擺咗喺收銀隔離，唔係好衛生囉⋯⋯

腸粉即叫即做有誠意，牛筋腩肉足料又夠林，鯪魚球亦有少少彈牙, 奶茶係茶餐廳水準。食過:鮮蝦腸 (不是無味水晶蝦)炸兩 (我覺得炸得太脆無左外炸內軟既感覺)柱侯牛筋腩飯,有紫菜湯。油菜-菜心 (排得好靚上碟)淨鯪魚球熱奶茶位於南豐紗廠外圍既舖。

黎紗廠雖然正常要扮文青去Cafe坐，但係突然想食啲地道啲既傳統味道，最後揀左呢間貌似普普通通既餐廳。諗住普通是但，不過又有啲驚喜喎🤣薑蔥牛肉麵同埋柱侯牛腩麵都幾正😆牛肉剛好，唔柴，幾軟熟，有牛味。柱侯味道又幾好，唔會死咸到口渴。麵質口感都唔錯，又係岩岩好唔硬。豬潤腸粉就令我有啲失望啦，因為佢個米漿既質感太過漿，唔滑，入口好癡好漿住咁既。豬潤就唔錯，好爽口，唔臭。整體性價比都幾高，下次黎都可以回頭再食

呢間大光燈曾經隔日買早餐，但一直都覺得個收銀阿姨黑口黑面，事隔一個月再次幫襯，點知呢個收銀阿姨咁啱係我張枱度執嘢，執嘢咪執嘢囉，唔需要大大力嘅。其實都唔係第一次，忍唔住講咗句：唔使咁大力嘅。 點知佢再大力啲，驚死全間餐廳聽唔到咁。到找錢嘅時候仲犀利呀，態度極度惡劣。如果佢試吓將啲錢定到落去地下嘅話，我睇佢仲有冇得嘮。一間餐廳好唔好食固然重要，但係員工嘅態度如此惡劣的話，絕對唔會吸引到人再嚟第二次。忍無可忍，以後唔會再幫襯。

高質粥粉麵舖，連蠔油菜芯都咁好食！店舖環境舒適，坐落年輕人常去的文青勝地南豐紗廠。推介蝦腸($28)，皮薄蝦足料。粥又綿又滑，碎牛粥非常足料，有牛筋，並不是把不靚的牛肉碎用少就煲粥，用心之作！菜芯配陳寶生蠔油，蠔油不只咸味還有帶甜味😋

1. 牛筋腩麵$38牛筋好有咬口，又炆得入味，腩肉算係實心，但未到一咬化開嘅程度，我覺得可以再冧啲。2. 雲吞河$33雲吞好驚喜，一碗有四粒，蝦同豬肉餡都好鮮味。一咬，肉汁流出而蝦好彈牙。3. 叉燒腸粉$25叉燒粉腸係個皮做得好晶凝通透，唔厚。但價錢略有一點貴，如果可以做到用優惠價配餐上我覺得會更好。呢度食飯仲可以免泊車費架！我在附近工廠區返工，呢間店以及南豐紗廠其他餐廳既出現，係多好多選擇。要慢慢一間間試晒

一盞大光燈，配合一碗巷仔雲吞麵，可能就係60年代香港人嘅共同回憶。雖然未能夠親身經歷一段段歷史，但新大光燈則選擇喺同樣非常有歷史特色嘅南豐紗廠開設分店，希望能夠重現老香港嘅特色。鮮蝦雲吞撈麵首先要講嘅係佢嘅麵底非常大份，如果只叫雲吞麵亦絕對食得飽，不過蠔油就未食到有太大特別！雲吞嚟講算係水準之上，蝦嘅份量亦都比較多，大細適中，作為小型連鎖嘅食肆都可以算係幾大件夾抵食！薑蔥豬潤鮮牛麵講到港式麵食，又點能夠無豬潤同鮮牛？雙拼湯麵份量十足，而且價錢亦都相對經濟。可以一提嘅係豬潤非常嫩滑同埋飽滿，同時亦都保持到好爽身，一啲都唔老。而鮮牛肉亦大大塊，食得出鮮甜味。配埋薑蔥做佐料，成個麵都非常吸引同埋有質感！炸兩雖然新大光燈主打嘅係麵食同粥，但估唔到最令人驚艷嘅並唔係主食，而係貌似平平無奇嘅炸兩！佢嘅炸兩炸得非常脆口之餘亦一啲都唔油膩，即使食咗半個鐘後仍然保持到脆口程度，同埋腸粉皮都幾滑身同煙韌，都可以算係食過之中十分出色嘅炸兩。＊整體嚟講迎新大光燈都算係性價比幾唔錯嘅連鎖麵食店，設計亦都以懷舊港式做主題，舊酒新瓶但絕不遜色。味道 ⭐️⭐️⭐️⭐️服務 ⭐️⭐️⭐️環境 ⭐️⭐️⭐️⭐️性價比 ⭐️⭐️⭐️⭐️

食返d香港好西先哈哈哈,,尼間既雲吞麵好出名架,,個麵底真係好好食,,每次食親雲吞麵🧒🏽都鐘意食粗麵,,唔知大家又有咩喜好呢?其實瀨粉都超級好食架😎今次叫雙拼唔少得雲吞之餘仲有最愛既魚蛋啦緊係,,真係好好味,,果種簡水味既湯底,,之後一定一定仲要加辣真係好好好好食呀🤤仲有佢地既炸魚皮都好大份,,同埋係超級脆卜卜,,大家都可以試下,,仲有佢地既滑強叉燒飯都幾好味哈哈,,大家除左食麵都仲有好多好option可以揀下呀🥰

今天去了南豐，吃雲吞，再吃了一個牛筋撈粗面，wawawa, 好吃到不得了，D牛筋好軟又有小小咬口, D汁撈落粗麵度 ，份量又足，及第粥，勁多料！豬肝腸粉，古早味～，三個人share $149,

水準非常好的餐廳本人好喜歡食雞，但平時食雞唔中意加蔥油，因為食完會唔舒服但新大光燈呢碟雞飯令我喜出望外，蔥油好新鮮，加上特製ge雞扒，外層好香脆，但同時保持住雞肉ge鮮嫩之後陸續再黎，仲試埋兩款豬扒， 唔乾唔硬，肉汁豐富會繼續幫襯

下午茶時間經過，試叫左啲食物，都叫有水準。1. 牛筋腩麵 - 牛筋有咬口，麵底可以，腩汁湯底都唔錯！2. 水餃麵- 水餸 一般般，唔夠飽滿，不過麵底還可以3. 淨雲吞- 出色好味細細粒4. 碎牛粥 - 粥底好綿 ，好味5. 叉燒腸- 即拉腸粉滑，豉油都鮮味，叉燒夠多，不過有少少硬。總體來講都算好味手，下次可以試下牛腸6. 凍奶茶 - 最估唔到，麵店粥店一般啲奶茶 都係麻麻地，估唔到哩間又沖得幾好飲，有驚喜！7. 炸鯪魚球 - 即炸夠鮮味又唔會硬，正！Overall 哩間店各方面食物都唔錯會再來

原本同同事諗住過嚟食粥，但係原來發現佢粥嘅價錢係冇食麵咁抵😂😂跟住我哋見到豬什兩個字就雙眼發光一齊叫咗。佢就係蠔油撈面，我就係腩汁撈粗。豬什係同湯一齊上！本身撈麵都好多面㗎啦，估唔到豬什一樣食極都有，佢個湯好有胡椒味，所以一啲蘇味都冇。正 不過好驚膽固醇過高