新大光燈

营业中

休息中

因為一個YouTuber介紹，所以好奇入去試一試，入去嘅時候有個唔係着制服嘅大媽叫我哋去搭枱，態度唔係太友善，唔緊要啦，周圍都係吉枱，自己走去吉枱度，坐低咗之後，制服大媽連續四次不停催促下單，但當時非常多吉枱，為何要催促客人呢？其實食得呢啲茶餐廳，都冇諗住要食服務食態度，但全程黑面，水都冇一杯，就真係茶餐廳界入邊嘅經典店，呢啲都唔係重點，重點係戲肉嚟啦食完，我攞住張單去收銀處，有個黑面皺皮大媽，大大聲好差態度同我講，叫我要帶走啲垃圾，我未聽過有茶餐廳，唔收+1，所以要自行帶走垃圾，呢下真係封神，我同佢理論咗幾句，同佢講你講聲係冇問題，我可以自己帶走，但係你咁嘅態度，你算唔算係做緊服務業？如果繼續有呢啲咁嘅經營者喺香港一日，香港應該好快變成臭港

店中一名短髮女樓面態度極差，就算食物如何，我也不建議幫襯！服務態度屬於最低級別！真係快餐店都好過佢。香港的餐飲業越來越不景氣，港人北上消費，我終於明白某些原因正是這些人造成。這種態度對待客人，我就算比多啲錢，我都會選擇一間正常餐廳。

新大光燈餐廳以其地道的港式美食聞名，尤其是其招牌菜牛腩雲吞麵，深受食客喜愛。以下是一些關於這家餐廳的食評和主打菜品的介紹：- **牛腩雲吞麵**：這道菜結合了軟嫩的牛腩和鮮美的雲吞，湯頭濃郁，麵條彈牙，是許多顧客的首選。牛腩燉得恰到好處，入口即化，雲吞則皮薄餡多，充滿鮮蝦的甜美。- **鮮蝦雲吞麵**：雲吞內餡飽滿，鮮蝦口感爽脆，湯頭清甜，麵條吸收了湯汁的精華，味道豐富。- **鳳城水餃麵**：傳統的鳳城水餃，皮薄餡多，內有鮮蝦和豬肉，搭配清湯和彈牙的麵條，非常受歡迎。- **炸兩腸粉**：腸粉包裹著酥脆的油條，口感層次豐富，是港式早餐的經典之選。- 餐廳位於南豐紗廠地下，環境乾淨整潔，雖然空間不大，但充滿港式茶餐廳的氛圍。- **服務**：服務員態度友善，上菜速度較快，適合忙碌的上班族或想要快速用餐的顧客。- **價格**：價格合理，大部分菜品的價格在$30至$50之間，性價比高。新大光燈餐廳以其傳統的港式風味和實惠的價格吸引了許多食客。無論是牛腩雲吞麵還是其他經典菜品，都能讓人感受到地道的香港味道。如果你喜歡港式美食，這家餐廳絕對值得一試。

上星期日約左在南豐紗廠旁工廠大厦studio同朋友jam歌。自己早到就一個人去新大光燈食quick lunch, order左一個叉燒炒滑蛋飯。點知嚟到嗰碟飯係出面用叉燒圍住個白飯，然後一塊蛋皮舖在白飯上面..最大鑊係塊蛋係凍嘅😬！連d叉燒都又凍又硬😵，可以想像下嗰飯有幾難食😡！好彩送左碗紫菜湯叫做可以濕下個飯容易食D。。😢另外因為要食即沖中藥粉，麻煩位侍應阿哥攞杯滾水，佢就俾左杯凍水我！我再同佢講話要滾水，佢換左杯暖小小但唔夠熱嘅比我！ 結果沖d藥沖到一pat pat!😡早知去食隔離間日式烏冬！😡

難得去到南豐紗廠，但係身邊嗰個唔想去Cafe，於是就揀咗呢間嘢食啦呢間中式粉麵好特別，可以叫埋隔籬嗰間日本嘢食選擇多咗好多～今次我哋兩邊嘅嘢食都有試雲吞河雲吞都算大粒，河粉軟硬度適中，味道就正正常常白灼豬雜呢個望落普普通通，但係食落火候啱啱好！完全無過熟或者過生，保留咗本身嘅鮮味汁燒慢煮牛利飯呢個係隔籬舖頭嘅Menu ，牛脷有啲乾，味道都算濃郁，烏冬偏軟身，湯底幾清凍奶茶幾有茶味，唔錯呢個價位唔算好平，不過味道都算ok，如果食得多Cafe想轉口味都可以一試

由於自己好鐘意食雲吞麵今日見到呢間野 緊係唔放過啦🤣📍雲吞麵粒粒鮮蝦雲吞🦐每粒都彈牙 蝦多過肉👍🏻📍水餃米🥟用雲吞皮包既水餃皮薄咸靚 仲有好爽口既木耳好味👍🏻📍牛筋豬手麵牛筋好入味而且好淋 豬手估佢唔到入味之餘仲要肥而不膩成碗野充滿骨膠原 正👍🏻📍炸両入口脆卜卜 明顯唔會係擺左好個啲最重要係冇油益味👍🏻📍凍檸茶咁熱既天氣 食野估然重要野飲都唔小得👍🏻飲反杯凍檸茶鋸一鋸個人 即時降溫爽曬🤗

本人打電話話外賣，即炸油炸鬼，$15到自取時收$16 ， 我問餐牌是寫$15為何收$16他跟我說因為有膠袋，一條剛炸起的油炸鬼用紙袋裝住是正常的，本人也是環保人士，膠袋也是徵費，但是她跟說我沒有要膠袋是我的問題，我問他我是否應該要攞住條油炸鬼走難道？全程對話我都是在電話內問她，還有我們的對話還未說完他cut我線⋯我真的第一次遇上一個更沒有禮貌的收銀員⋯我不是付不起一蚊的價錢，而是條氣，再者我沒有要他的膠袋，那為何要收取我一蚊？做生意不是這樣做嗎？如果是餐盒要付我沒有問題。一個紙袋都要收取一蚊？重點係響電話度cut線完全不尊重別人佢仲要係一個大媽一名唔係80、90後，服務性行業是這個態度嗎？

今日同屋企人去南豐紗廠行吓街，帶住兩隻貓推住個寵物BB車🤣😂 本身諗住淨係裏面西餐嗰啲餐廳先可以入去，點知去到呢間餐廳老細見到我哋可能因為老細自己都有養貓，而且坐住BB車影響唔到其他食客，所以老細唔俾我哋入去。雲吞麵雲吞尺寸適中但係真係好鮮甜，裏面明顯望到有蝦🦐佢嘅辣椒油真係好辣🤣不過份量就唔算好大豬潤腸粉呢個一望到就想嗌，出邊好少見到有豬潤腸粉。佢裏面用咗啲薑絲醃製，擗咗豬潤嘅腥味❤️ 個皮都算薄， 我覺得女仔食都幾啱，補下血。 炸兩腸粉老細話呢個係招牌，係新鮮自己炸之後再包，食落真係唔錯。裏面仲係脆卜卜，亦都唔會有油益味叉燒蛋飯都算大大碟，叉燒薄切味道都OK。不過如果叉燒多幾舊就好啦。可能因為我比屋企人夾晒 😂😂😂所以覺得唔夠！ 雞蛋就可以揀煎蛋或者炒蛋。 我自己揀咗煎蛋，睇相就見到佢煎得幾靚，蛋黃仲係完整同生嘅❤️可能因為呢間餐廳一般都唔俾寵物入，所以唔係咁多人。 嘢食都ok，老細就非常友善同有禮貌。

叫左碗雙併牛根腩雲吞麵 本身食左1粒以為雲吞係底所以一直諗住食會仲有 點知成碗得1粒 仲要收雙併$52 實在係呃人雙併完全唔值得再幫襯而且樓面同收銀服務又係差又唔平唔值得再幫襯

其實入餐廳食嘢，只要食物對得住價錢，客人都無需投訴。以前開業初期，都經常來幫襯，因為公司附近選擇唔多。之後都係因為服務實在不敢恭維，而好長時間都沒再來。今早因趕時間行過，諗住食個快早餐，但服務特色一如既往保持水準，有個樓面姐姐，黑面就算啦，自己聽錯人落單要求，仲要呼呼喝喝客人…成間舖都係態度麻麻，都唔明點解返工要返得咁唔開心，遷怒係客人身上🫣！雖然知道飲食業難請人，但咁既服務真係唔得👎！仲見到有烏蠅🪰飛過，衛生程度都需要改善。

有一天，跟朋友去南豐紗廠，見肚餓，就隨隨便便找了一間茶餐廳！我叫了一個「叉燒雙蛋飯」加一罐裝可樂！賣相OK，但食落普通！只是一般味道叉燒飯！不過不失！我朋友是叫麵食的，不過我沒有問他好唔好味道！

本身好欣賞依家食店,但現在不了！ 我們於5月20日幫襯，坐著的位置因為冷氣風太大，親眼見到有麈吹到枱的食物上。然後就要求店員把風轉細，她說不可以。然後跟我們說轉枱。但沒枱可轉。店員之後用埋怨的態度叫我們離門。隨後因為仔仔放低了水杯。我回頭打算取回已經被店員放入潄水桶 😡🤬這家店食物是好，但人和衛生也太差了！

原本想去南豐紗廠扮文青，點知CAFE 滿座，咁就求其有位就入✨新大光燈✨較為傳統港式風味，粥粉麵飯一樣有齊🌈南乳豬手撈麵南乳豬手好出色，超級軟腍，撈麵質感係唔錯，但鹼水味好重，食到拿口🌈雲吞牛筋腩麵麵質雖然唔算好彈牙，不過可以接受，食落冇乜鹼水味，牛筋腩火喉爭少少，有部份唔係太夠淋，雲吞足料大大粒蝦，可惜原來雙併得兩粒🌈牛肉腸腸粉算滑溜，不過牛肉質感就麻麻，同埋好多筋位咬唔開凍檸茶同凍咖啡就正常茶餐廳水準。

今日同太太去到坐低食野，諗住快食少少野。叫左西多同雲吞麵，佢自己可以係櫃桶拿餐具，見到得筷子，咁叫個員工拿匙，餐刀同叉，點知個員工（灰色衫呀姐，約50，60歲，短髮帶有繩眼鏡），態度差到x街，首先你見到佢個樣西到呢，一問佢野就反你白眼🙄️，仲要西聲西氣咁應你，好啦，拿左個叉過來，咁冇刀，咩諗住再問多次，利申本人態度正常，有講唔該，點知個呀姐好似殺左佢全家咁，好x西既樣加勁晦氣咁應返我，話：陣間會跟d野食來，我即刻著左，問返佢：我唔知先問你，你估我係度做呀？ 跟住佢仲ee um um係度話番我🫤強烈建議大家真係唔好係度食，無謂晒錢同受氣，又唔係好食🤷🏻‍♂️

今日返工晏晝同同事嚟緊呢度食飯呢間舖頭位於荃灣南豐紗廠平日中午12點左右嚟到唔需要等位叫咗炸兩，豬手麵，雲吞麵，牛筋腩麵老細仲送咗炸魚皮俾我哋非常小何覺得豬手麵好出色落足果皮非常金香所有肉送到餐枱都係非常軟林林