新匯聚餐廳小廚

营业中

休息中

新輝聚食廳是一間位於觀塘的滷味海鮮食肆。雖然店名聽起來頗具規模,但事實上該店的環境十分狹窄且缺乏衛生,在裝修和空間方面需要改善。首先,滷水食物的價格偏高,與其他食肆相比缺乏競爭優勢。該店主打滷水皮蛋、滷水豆腐等滷味食物,但價格過於昂貴,性價比不太理想,難以吸引更多客人。其次,環境而言,該店空間過於狹小,桌子緊密排放,座位也不太舒適。地方又髒亂不已,令人感到不太衛生和舒服。另外,該店的蠔餅和話梅骨雖然是招牌菜式,但質素一般,並不算是其他食肆無可比擬的頂級美食。蠔餅的皮薄餡少,美中不足。話梅骨的話梅味也不太突出,難以成為推薦的菜式。總括來說,新輝聚食廳最大的優勢是提供傳統滷味和海鮮食物,但環境和食物質素都需要改進,特別是價格方面更需要適當調整,才有可能吸引更多食客和重建口碑。希望該店能在這些方面作出改善,提供更理想的食肆用餐體驗。

同事Farewell飯特登上OpenRice搵吓好食嘅大排檔，見到「新滙聚」呢間好多好評所以去試吓，結果冇令我哋失望。😎我哋叫咗豉椒炒蜆、椒鹽鮮魷、滷水拼盤、黑椒薯仔牛柳粒、蠔餅等等。 每一樣嘢食都好好味，好有獲氣而且好新鮮。每樣嘢都係即叫即整所以熱辣辣！特別欣賞佢嘅炸嘢，佢嘅椒鹽鮮魷同蠔餅都係即刻炸起，好鬆化而且好香口！🤤飲品方面我嗌咗杯「有氣鮮檸蜜🍯🍋」，好正，好解渴！因為有檸檬同蜜糖，食啲齋嘢飲呢個就啱晒啦！食完晒之後個夥計仲請我地食桂花糕！清清甜甜咁可以解油膩感👍🏻呢間餐廳嘅位置位於工廈入面，所以帶啲難搵。同埋餐廳入邊嘅座位都比較想迫，所以多人嘅時候覺得有啲太嘈同埋好窄好迫。

一直聽聞呢間餐廳啲野大份又抵食，午市時段長期爆滿。前排到訪時的確座無虛席，需要同多位客人share同一張大圓枱，環境較擠逼及氣氛急速，比較適合速食，下午1點已經有機會部分是日午餐選擇已經賣哂，炒飯極大碟👍🏻成年男人都一定夠飽。今次叫左沙嗲羊架飯，羊架有2件，沙嗲味偏甜惹味，有大量花生碎👍🏻整體味道都唔錯不過見到同枱其他食客有漏單情況，可能因為太旺場人手未必夠，所以有啲混亂。餐廳重有做外賣比附近既公司，唔遠既話一個飯都會送上門，適合唔想行又搵唔到人夾份叫外賣既打工仔

之前睇電視介紹觀塘大排檔，見到呢度家庭式小廚，好有風味咁，已經想試下🤭。可惜一直都無時間，今日終於同朋友去附近做野，第一時間話去呢度食飯，果然無令我失望😋！由於地點係工廠區，格局真係好似大眾食堂，不過安排我哋坐卡位，所以坐得都好舒服🤗。因為天氣太熱，一坐低即刻叫杯檸檬薏米水 $20，消下暑，估唔到又幾好飲，淡淡檸檬味，用料好足，少少甜飲落好舒服，應該係自家制既。食物選擇都唔少，樣樣都想試，可惜得兩個人，眼闊肚窄😅，唯有試左最想食既芝麻雞同話梅骨先。話梅骨 $115天氣開始熱，我覺得呢個餸好啱依家食，排骨炸得酥脆，外層掛上話梅汁，酸酸甜甜好開胃😋😋，越食越想食🤤。芝麻雞半隻 $155再來梗係招牌芝麻雞，就係為左佢而來🤭。之前見電視介紹，真係心機菜，依家唔係好多地方有。果然名不虛傳👍👍，雞皮加左芝麻好香脆，好似食薯片咁，雞肉又唔會好鞋，仲有少少雞油香味，好惹味🤤🤤🤤，必食推介👍👍👍，好彩我地早左去先有得食，因為7點嗰陣，聽到好似已經賣晒😅。最後竟然有甜品送，椰汁綠豆糕，椰汁味香濃，質感軟滑，唔太甜，成為呢餐飯最好既結尾😁。其實仲有好多野想試，但已經好飽，依家咁有風味既食肆已經唔多，下次一定

如果唔係朋友介紹都唔會知呢度有間大排檔。叫左蠔餅，蜂蜜欖角骨拼蝦餅同蝦醬豬頸肉炒通菜，一碗白飯，仲有叫左一支生力啤啤佢。香脆蠔餅 $88蠔餅炸好鬆脆，唔會太油，好乾身，蠔嘅份量都幾多，忍唔住繼續食呀。蜂蜜欖角骨拼蝦餅 $160欖角骨好有咬口，好香口；蝦餅都煎得好有鑊氣，好惹味。蝦醬豬頸肉炒通菜 $98豬頸肉好入味，份量好多；通菜炒得好香。聽到隔離枱落單果時個侍應問佢地「食唔食得晒架，可以唔叫個肉餅喎」我覺得侍應溫馨提示幾好人，唔會為左賺錢而叫你叫多啲，值得一讚。會再黎！

位於成業街的新匯聚餐廳小廚，係一間好有人情味既街坊小廚。老闆同店員既招呼好好，坐低就介紹左唔少特色小菜，小菜款色多，但每款都係特色手藝，好考師傅既手勢。 魚香茄子煲$90魚香茄子煲超有穫氣，用鐵板上碟，非常熱辣辣。肉碎加上超入味既茄子，十分開胃，先炸既茄子十分惹味，送飯一流。紅燒豆腐$90紅燒豆腐看似簡單，其實一點都不容易整。豆腐先煎炸已經好繁複，仲要入面係保持到滑溜既豆腐口感，加上芡汁，出色。蜜糖薯仔牛柳粒$138近年呢款小菜十分吸引，蜜糖薯仔夠飽肚，加上炒香左既牛柳粒，煙韌有口感，食唔停口 白飯$17自製檸檬薏米水$20清新的蕙米水，中和了飯後既飽濟。耶汁馬豆糕(送的)呢個甜品係送既，味道都好好，彈牙有口感，很滿足。

去到觀塘想食大排檔，見到隻平又好似好吸引咁樣，於是就揀咗入去食啦。去到門口開一條好污糟，問我幾多位咁我話兩位啦，入到去諗住慢慢睇吓餐牌，幾多電未夠三斤咁我哋係咁意嗌咗幾個餸啦，跟住問佢攞杯茶你所有杯，點知佢話要錢我當堂下一句！大排檔都要收茶錢？咁都算啦，咁買兩支酒咁啦，跟住佢仲問我哋要唔要指發仔嘅飲品話唔使啦。大前後兩個店員都send咗兩次，我唔明點解係咁hard sell講返啲嘢，就當然唔好食啊，睇餐牌價錢都覺得比較貴囉，咁冇辦法啦去到坐低咗，只係知食完覺得冇下次囉。

琴晚落堂去搵地方食飯都成10點半🤔同朋友幾個人咁啱喺觀塘，經過見到呢間工廈入面嘅大排檔，見佢咁夜都仲有好多人，差唔多坐滿，所以我哋就試吓啦🤭門口環境嚟講唔算話好乾淨，不過入邊都幾光猛，枱枱坐滿。一坐低店員推介咗幾個招牌菜，最後叫左椒鹽茄子、脆豬手、欖菜肉鬆四季豆、瑤柱蛋白炒飯、滷水鵝片、蠔餅😋另外店員有推介一個飲品叫做有汽鮮檸蜜，呢個飲品超好飲😍食住咁有鑊氣嘅小炒配有汽飲品同啤酒，一流👍🏻🔥餐廳最後仲送咗甜品俾我哋係自家製的🤣係椰汁馬豆糕😍佢呢個甜品椰汁味都幾香，而且幾挺身唔會一夾就爛，整體嚟講都好豐富，食到好飽☺️有機會下次帶埋屋企人嚟試多幾個唔同嘅菜式先🤙🏻

屋企人鍾情鑊氣小炒，剛巧電視節目介紹這間我曾經也光顧過數次，位於觀塘廠區內的食肆 ，印象也不錯，所以便提議帶他們來試試。餐廳環境和以前沒有大分別，老闆依舊會親自走到每一檯，和客人打交道，交流煮餸心得，遇上眼闊肚窄的客人， 偶爾會給予溫馨提示；夥記也很勤快，會主動提議今天有哪些撚手小菜，新鮮食材。【 滷水鵝片  $ 120 】喜歡這裏的鹵水鵝片，片片均等，厚薄適中，滷汁清香、入味，肉質軟嫩得來又有嚼勁，蘸少少醋，風味絕佳。底層還鋪了厚身綿滑滷豆腐，將豆腐完全揸乾水後再滷，故此非常入味。【 煎蠔仔餅 $88】非常大份，足料，滿滿一整碟，彷彿食極都仲有。 蠔仔粒粒飽滿、鮮味，金黃香脆，粉漿炸得很乾身，完全沒有油膩感，蘸漁露或胡椒粉最合適 【 乳鴿 $70 】老板話一日來貨約廿隻以內，即叫即炸，香味隨熱力四散，令人垂涎。較普通乳鴿大，多肉之餘，肉味亦濃，醃得入口，皮薄甘香、肉嫩多汁，質素不俗。【 招牌話梅骨 $115】話梅骨一口一顆，肉質纖細富彈性，醬汁稀稠適中，夾雜著話梅肉細碎，所以每一口都酸甜有致，老板話經過篩選，才決定用這批味道較為中容的話梅，不會太搶味，没有糖醋骨那種甜酸霸氣，亦更顯話

突然想去大排檔，朋友就介紹尼間室內嘅大排檔。環境有啲老舊，一睇就唔係覺得好乾淨同整潔嘅餐廳，門口地氈黑蚊蚊，走廊位仲有兩個爐頭。不過冇所謂啦，咁先有大排檔嘅氣氛😆啲叔叔阿姨都好熱情好客🫶🏻。因為係晚市時間無卜位，所以被安排到一個比較狹窄嘅位置，出入都有啲辛苦啊😌。有興趣嘅朋友，建議先卜位啊。▪️招牌話梅骨排骨炸得好香脆👍🏿肉質有啲硬，雖然唔會好柴，但都唔係好Juice囉😌味道酸酸甜甜禁好開胃。有啲似咕嚕肉，係白飯小偷啊😆▪️椒鹽九肚魚炸得好酥脆，但係入面啲肉好軟同嫩滑，連骨都可以食埋👍🏿。雖然灑咗好多炸🧄，但唔算重口味。另外，每一分都配有一碟豉油同淮鹽。▪️豉椒炒花甲花甲都好大隻，肉都算大塊啊。食左好多隻都無沙既👍🏿豉椒味唔係好重，但又未到無味既。▪️金銀蛋浸時菜係成餐飯既清泉😂材料好豐富，有鹹蛋，皮蛋，肉碎同娃娃菜。湯雖然好清，但有少少鹹蛋嘅鹹香，一啲都唔清湯掛水。娃娃菜好清甜，中和左成餐飯既油膩感。▪️馬豆糕臨走時餐廳亦會送佢哋自製嘅甜品🫶🏻。上一次係桂花糕，今次係馬豆糕，所以應該係會不定期更換既😆甜品既質感好挺身，動L動L禁😆。椰奶味好濃又唔會過甜。口感軟熟Q彈🫶🏻總括而言，個人覺得尼間大

食物係幾好食,而且價錢都算平幾抵食沒有收加一的但是!都忍唔到手要俾「喊喊」差評1. 入口好污濁門口好污濁,因為近廚房位,所以放滿晒D 碗碟雖然未到行路好濕滑,但地下都好污糟我一入去以為係後門...2.坐位好迫環境吵,超多人坐位好迫,我坐個位係侍應會行黎行去既位而且貼到好近,好多次佢都企到我好埋同我後面枱既食客落單之類,我要特登縮向我隔離朋友方向避開佢先得,好反感3.催唔停(最大問題,最差)有一個極大扣分位係,佢地催唔停total 5個人, 我地約左19:003個朋友準時到, 我19:10到,仲有一位黎緊3位朋友坐低先,朋友話D侍應已經不停問佢地「朋友黎未」朋友話我未黎個陣,洗緊茶杯個陣,侍應又問「你地飲唔飲茶架?唔飲唔好洗wo」...到我黎(19:10)了, 因為仲有一位朋友未黎,所以我地都係睇左一陣MENU 先我地都打算叫食物先,因為始終朋友遲到,唔會等佢黎先食野但係,睇緊MENU 既時候,好快手已經前後有5個老闆/侍應輪流問:「叫定D 野食啦」「朋友未黎呀?」「叫住D 小食先啦」真係冇吹水,真係所有侍應都問齊,真係!真係頂唔順,其實佢一係一開波就限時,唔好不停催不停迫我地俾錢食野,

來到觀塘，選擇了食成業街的新匯聚餐廳小廚。餐牌有較多大排檔中式小菜選擇。蓮藕羊腩煲$220， 送啤酒一支/ 汽水兩罐。現在是秋冬季節，是食羊腩煲的好時機，餐廳也正是推出了蓮藕羊腩煲，跟爐上。蓮藕煲份量都不少，裡面有蓮藕、腐竹、馬蹄、冬菇、香芹菜、芫茜蔥……等。羊腩切得較大件，炆得夠腍，也很入味，尤其喜愛連皮食，腍滑有膠質。蒜蓉蒸大元貝 $106大元貝面上有很多蒜蓉及粉絲，粉絲吸收了大元貝的鮮味，很入味。元貝是少見的大隻，大大粒又厚肉，味道很鮮甜。合桃糊，要了熱的，不會太傑，也不太稀，不太甜，口感帶點滑，好香合桃味。杞子桂花糕是餐廳免費送的飯後甜品，又軟又滑，而且很香桂花香。不愧是老牌大排檔起家，味道及菜式都頗有質量，而且食完後還送上免費甜品，無怪乎這麼多客。

高質鑊氣小炒同老公咁啱要去觀塘買啲嘢，買完嘢搵地方醫肚，咁啱經過見到呢間工厦入面嘅大排檔，見佢有好多客人差唔多坐滿，所以我哋就試吓。一坐低店員便推介餐廳嘅招牌菜式，見到餐牌有好多菜式選擇，最後點了三個小菜，另外店員推介自製檸檬薏米水，所以叫了一杯試試，這個檸檬薏米水檸檬味很清新，而且好足料，有很多薏米，啱晒食小炒解熱氣👍🏻首先來了椒鹽九肚魚拼蝦餅，九肚魚滑得來啖啖肉，配埋椒鹽外皮好香口，蝦餅Q彈爽口，熱辣辣好香脆，點啲泰式甜辣醬一流。之後來了蜜汁薯仔牛柳粒，這個牛柳粒牛味濃而且很嫩滑，薯仔外脆內軟，配上蜜汁非常之正😍最後來了薑蔥炒魚卜，用煲仔上枱夠晒熱，魚卜爽口彈牙，配上香口嘅薑蔥唔會腥之餘夠晒惹味，有個侍應叔叔還跟我們分享煮這個魚卜唔腥既秘訣呢😋餐廳最後還送了甜品椰汁馬豆糕，雖然已經食到好飽但點都要試吓甜品，這個甜品椰汁味幾香而唔會太甜，味道唔錯。我同老公呢餐都食到勁飽，因為我哋每樣小菜都想試吓但得兩個人，下次有機會多啲人一齊可以試多幾樣菜式👍🏻

中午來講觀塘所有餐廳都幾乎要排隊咁滯，途經呢一間餐廳以為要排好長隊，點知出奇地佢哋嘅位置都非常之多，安排咗一張枱俾我哋。由於佢哋午餐係冇得嗌小菜，所以今次就嗌咗每人一個午餐。食飯之前去咗個廁所，衛生情況一般，廁所入邊亦都掛咗一啲嘅衣物10分奇怪，不過最主要都係佢哋啲嘢食嘅質素，嗌咗一個炒烏冬，佢哋個份量都可以話好多，不過個炒烏冬就比較有，飲品嚟講就嗌咗奶茶，佢哋奶茶。非常具港式風味，甜度亦都非常之適中，呢個價錢來講喺觀塘算係性價比非常之高，不過始終嘢食有少少油同埋衛生情況可以再改善下

聽說觀塘工業區有一間大排檔風味的餐廳，經常都想來，終於約到朋友。餐廳位於工廠大廈一樓，但也十分容易找，老闆很熱情，我們坐下後亦介紹很多招牌菜，我們只有兩個人，老闆亦建議人少不要叫太多，吃完一樣才叫另一樣，不用急，實在難得。藥膳雞腳我其實對雞腳情有獨鍾，由其是藥膳，但朋友不吃，也不敢叫，老闆知道後便送我們一細碟，十分感動呀🥺雞腳軟糯口感，輕吸一咬便能脫骨，而且完全吸收了湯的精華，濃郁藥香，最後一定要喝湯底，超級清甜呢，火喉十足，一試難忘。滷水拼盤(細)雖然是細份，但份量超驚人，墨魚，豆腐，豬腸，紅腸，鵝肉，豬耳，全部都很入味，爽口，脆爽，香嫰，豐盈，彈韌，全部集結在一碟內，令人齒頰留香，滷汁不會太鹹，配啤酒白飯簡直一絕。蠔餅口感鬆化香脆但又帶點煙韌，蠔餅煎到兩邊金黃色，脆卜卜還帶點蛋香，每口都有肥美的蠔仔，吃時沾點魚露或辣醬，鮮味更提升，多重滋味。沙薑炆芥菜芥菜新鮮，初嘗時是有一點像苦瓜的苦味，但慢慢便嘗到苦中一點甜的感覺，回甘味香，沙姜太能提香開胃去油膩了，清爽極了。起初還想吃蠔仔粥，被老闆正確地回絕了，幸好真的沒有叫，不然一定吃不下。🙈最後老闆還送我們甜品，椰汁馬豆糕，不會太甜，透涼