新光燒臘茶餐廳 (已結業)

今日喺蟠龍苑做嘢，太懶唔想行過對面荷里活廣場搵早餐食，所以就喺依間茶餐廳搞掂😚茶餐廳客群都係街坊，朝早人唔多，點坐都得～～店員叔叔有笑容，落單有耐性，欣賞👍🏻👍🏻不過茶餐廳始終比較舊，啲櫃/牆身/枱面都有啲漬，介意嘅朋友要注意～✴️雪菜肉絲米粉✴️米粉較粗身，唔係我鍾意食個種🙈雪菜鹹度合適，份量都足夠，肉絲就得幾條，可有可無～～✴️煎雙蛋配厚多士✴️兩隻蛋黃仲係流心狀態，唔係一早煎定，非常好👍🏻

【黃大仙區】【新光燒味茶餐廳】啱啱喺外地返香港，第一餐飯往往都係選擇茶餐廳。始終都係香港嘅根本，選擇多之餘又喺控制範圍之內。價錢大多都係經濟實惠，而且豐儉由人，中意食乜就叫乜，多數都整到畀你。今次返港，就去咗呢間喺鑽石山嘅茶記。雖然係下午茶時段，但係我都習慣性咁搵常餐嚟叫。叫咗個 $52 嘅「醬爆雞球麵」配「火腿奄列」同「厚多士」，加 $3 飲「凍奶茶」。常餐有醬爆雞球嘅地方唔多，唔算話好好食，有辣味嘅雞柳咁啫，勝在常餐少見到。個奄列都有蛋汁，屬用心之作，厚多士都 okay，杯凍奶茶就比較平庸，普通茶記水準。食完，咁我啱啱返香港，梗係食多少少嘢。叫多份「歡樂下午茶」，揀咗 $30 嘅「西多士」，加 $3 飲杯「凍華田」，都唔理肥唔肥喇。味道上，西多士嘅牛油夠細舊，溶晒啱啱好，唔使撇走佢，糖漿都可以，麵包有夾花生醬，都係正常水準嘅西多士嚟，冇伏。飲多杯凍飲咁就 $88 埋單，都唔過份嘅價錢，要留意叫新光酒樓廚房嘅嘢食會等耐啲，隔離枱就係咁。。。（地址：鑽石山龍蟠苑商場103號舖）#1amfoodie #foodie #hkfoodie #thatfoodiething #hkfood #

1月23日諗住係住處楼下嘅巴士總站，嘅大快活食個早餐，就搭巴士入黄石碼頭，但早上O7：3O左右到此店門前，見此店舖內仍然烏燈黑火， 尚未開門營業 ，有見及此又要就返搭車時間，肥華和靚媽只好退而求其次，到呢閒平時絕少幫襯的樓下新光燒臘茶餐廳，食早餐 新正頭餐廳收過年價就預咗， 但此餐廳嘅出品食物依然故我都係偏差嗰隻 ，加上此餐廳員工用高八度嘅聲線嚟傾計 ，亦影響到人客進食嘅心情，為免耳仔受罪肥華和靚媽只好用最快速度食完個早餐，就埋單走人👎😵👎😵

是日放假懶得出去，午飯落樓下新光食叫個燒味飯食，落左柯打，好快斬好送過黎，望一望，今次竟然免費比肶，正呀油雞鴨肶飯，油雞夠味，可惜唔夠熱，疆容咸到死。鴨肶有小小肥，但咁樣先無咁乾麻老實講間野，成日都迫住幫襯，因成個屋苑得佢一間茶記 懶人之選，味道唔好期望太大就無問題

食物差，材料劣，服務差，簡直是不可多得的差差差差差食肆，想同服務員講，佢哋當睇你唔到，叫咗三次都唔行埋嚟，至幣連佢哋嘅大佬都係咁，簡直不知所謂都俾多佢，半粒星都唔值

比人放左飛機冇乜心情，求其搵間茶記醫下肚啦，行到呢個商場仔，見到間茶餐廳，心諗做街坊生意既應該都唔會差得去邊卦，坐低點左碟炒粉，一擺入口，真心想講粗口....人生第一次食到d野仲可以難食過我煮既，加埋服務態度奇差，連飲杯水都可以飲到我一口油，早知幫襯circle k都好過佢，貼錢買難受

同屋企人最開心就係飲下午茶，近近地附近新光，原來宜家下午茶都幾貴，大點都要成廿蚊籠，仲記得細個同呀媽係新光飲下午茶大中小點都係$3.8，真係正叫左個油雞米線，成窩都係$58，又幾抵幾好味，其他點心都係一般嗌無失望無驚喜，不過茶樓冷氣好細，熱到我地死

數星期天和爸爸在以上茶餐廳食午膳，他叫燒味飯，但燒味素質非常差，得三至四件夾骨的小肉仔，其中一件是雞pat pat, 講真，那碟燒味飯價錢不是便宜的，成五十元。他叫員工，要求換另一碟，點知員工阿姐話「她什麼都不知道，你自己同老板或橱房講」。唉，服務有幾好？大家心照。我覺得茶餐廳是做街坊生意的，如食物質素差，價錢又非便宜，那已經物非所值了，令人不再光顧！若連服務也欠奉，更是可悲。

係朋友屋企打麻雀，試問一開枱有邊個捨得離座去食野！朋友話依家茶餐廳好食但就唔送外賣，只有外賣自取，依個時候就勞煩工人姐姐去買外賣！四個爛賭精一打打左十個鐘，重多過番工工時！燒鴨飯，成日覺得燒味師傅斬邊個部位係睇心情同睇人，盒飯靚唔靚睇你好唔好彩，不過有時見人會指明要咩部位，今次打開依盒飯，好靚，比左個鴨脾位，味脆肉嫩，配埋梅子醬食，一個字！正！三絲炒公仔麵，黑椒蜆肉炒拉麵，依到既炒粉麵幾有鑊氣！色水幾好，好香好野味！羅宋湯，味道濃淡適中，有小小西芹，椰菜，紅蘿蔔咬下無咁單調！

這是第二次光顧，我們兩大兩小來到這茶餐廳，一看餐牌，覺得晚市來說都算抵食。食物來了後就更覺得抵了，因為都幾大碟，叫了三個餐都夠食了。豬扒炒河，很大碟，夠鑊氣，還很香。豬扒不會太鞋，河粉味道適中，不會太鹹。還有咖哩牛腩，有筋有腩，連薯仔都很入味。這裡的咖哩不會辣，很香濃，可能加了奶，只用汁也可撈飯。正呀！還有雞肉炒公仔麵，麵是一條條，不會一堆堆一舊舊。而且，應該有過冷河，夠彈牙。很香的鑊氣同味道，不會過油。這餐抵食同好食，值得推介：）

想不到今時今日，香港地，俾了48蚊竟然是食垃圾！話說有日我要睇醫生，掛了號，要等醫生一小時才返，便去到診所樓下間茶仔食嘢，點知就出事！首先，唸緊食咩之際，見到星期一午市燒味快餐要48蚊，有個咸蛋三寶飯，心唸都唔錯，就問下伙記阿姐係邊三寶啦，咁阿姐：雞、鴨，跟著我們再問：咁第三寶呢？阿姐：雞、鴨、咸蛋咪三寶囉！(啲語氣仲要勁悔氣)我們當堂 o 左咀！平時出面食咸蛋4寶飯，都係差不多價錢，4寶真係有4款燒味外加咸蛋囉！咁好啦，唯有食過第二樣啦，見出面掛起啲燒味好似幾靚，就叫桶子油雞飯食啦！原價38蚊，要脾加10蚊，咁要脾啦，對自己好小小。點知來到個飯，隻雞好似未發育咁㗎！超細隻，師傅刀功好呀，將每一件斬到鬼死咁薄，竟然可以將我呢隻迷你雞腿斬到5件呀！小女子佩服得5體投地呀！算啦，好的一餐唔好的又一餐，拎起件雞來食，發現勁多雞毛，而且件凍冰冰的雞在肉和皮中間已經結起了一陣油啫喱來，呢種另類的層次感，恕我不敢恭維了！我又算，失望的我繼續食，雞腿肉再凍再多毛都是雞腿肉，也不好浪費吧！老實說，這腿的質感還可以，但真是7仔賣的即叮都好食過佢多多聲囉！講埋碟飯，照道理燒味豉油飯是無難度亦無可能有甚麼

同朋友做完瑜伽之後, 我們通常會到附近搵食, 但係荷里活廣場是非常難搵食地方, 好在對面還有一間幾好食又底食的茶餐廳! 這裡便成為我們每個星期做完瑜伽後經常去的地方! 茶餐室是時常滿座的, 但一般只需等十分鐘之內便有位。餐牌精製, 價錢合理我們兩個選擇了一個午餐及一件咸牛肉三文治 , 然後決定共同分享!這家茶餐廳最出名的食物是蜜汁叉燒, 所以我們叫來滑蛋叉燒飯, 叉燒肥美大件, 有口感, 一咬肉汁充斥口腔, 鮮甜美味, 配上草菇滑蛋 韮王, 至於咸牛肉三文字, 三文治茶上二層牛油, 咸牛肉放得均勻鬆鬆的, 不會太實,把普通的三文字也弄得如此吸引! 加上香濃的咖啡!一個普通餐牌上的午餐, 便是這餐廳常滿的原因!

星期日在荷里活廣場看電影後想吃下午茶，可是大部分餐廳都門庭若市，又或是沒有提供下午茶餐，於是我們改到新光燒臘茶餐廳，吃了兩客歡樂下午茶。我吃了叉燒湯意粉、火腿奄列、熱檸茶($30)。叉燒湯意粉味道有點淡，但意粉軟硬適中，加些辣椒油，味道不賴。雖然燒臘是這茶餐廳的主打食物，可是這次用的叉燒只是質素普通、很軟，我看到鄰桌的四寶飯中的叉燒色澤紅潤，看似美味得多嘛！至於火腿奄列薄薄的，蛋煎得很嫩滑，火腿足夠，味道不錯。熱檸茶小小一杯卻有四片檸檬，茶味尚可。朋友吃了鼓油豬扒蛋飯和凍奶茶($36)。想不到豬扒和蛋都煎得很好，雖則偏油膩，但蛋黃未熟，有蛋漿流出，豬扒外脆內嫩，質感不錯。如果白飯可以香軟及熱一點，便會更上一層樓。凍奶茶質素不過不失。

雖然住附近, 但都好少黎呢到食野。今次就同男友黎食返個醒晨早餐。晨咁早, 已經坐爆晒, 好彩個個食完都急急腳走, 所以好快有位。我食左個火腿螺絲粉配腸蛋 + 熱檸茶($21), 好開心呢到有螺絲粉食, 其實餐廳多數都係得通粉, 呢到d螺絲粉煮得岩岩好, 唔太淋。配上火腿,腸仔同煎蛋, 正啊!! 男友食雪菜肉絲配餐蛋公仔麵 + 熱檸茶($21), 佢好開心見到塊餐肉係厚切, 而不是風都吹得起的餐肉。

雖然住係附近,但都無咩機會黎食下。今晚突然好想食車仔麵, 就近近地黎左呢到食啦。$20 3個送, 好抵哦, +$8有凍飲。基本既車仔送都有既。我叫左雞翼+蘿白+冬菇配米粉都幾大碗下, 我最後都食唔晒。老水雞翼淋身, 不過唔入味。蘿白夠淋, 無渣。冬菇都有5大粒。湯底係免辣, 可能咁, 淡左d。不過$20 3個送都算係咁啦。