新光燒臘茶餐廳 (已結業)

平時經過已經非常多人,好想試但始終冇試到, 今日肚餓經過俾咁多人流吸引住,抵受唔住終於入左去,同fd 拿拿聲叫左 一個燒味飯 (叉燒+燒鴨), 以前記得燒賣係門口收銀附近有個檔口搞.而家轉左入去新光酒樓另一面傳菜咁傳出來.叉燒ok 香口嫩滑, 但燒鴨就有點兒搵笨,冇肉...得皮+骨...而且碟飯太少汁食落口好乾...朋友點了 豬扒炒公仔麵, 豬扒竟然唔似平時出面食既硬^_^ 而麵都炒到散開但麵條唔係斷開一條條 值得一讚, 但始終食呢D 都係有問題 就係炒得太油 食到有D膩口..雖然唔算非常出色 但整體來講 可以及格有突!

最近o係附近做野方便就腳就黎呢度食飯之前有一次黎食車仔麵因為我唔食得太辣但唔要辣又無味咁就同個阿姐講叫佢同廚房講比少d辣個阿姐就話佢另外"不"比我今日再去到食車仔麵叫左好耐都無人幫我落單跟住終於有個阿姐黎la 咁我就問佢可唔可以另外"不"辣比我la(原文摘錄!!!)我:"可唔可以另外比d辣醬我ar"阿姐: (不耐煩) "無ga wor"我:"上次我黎都有ga wor" (我指ge上次只係上星期五)阿姐: (超串咀) "上次? 個個係咁我地唔洗做生意la" 果下真係燥到想叫佢唔洗落單即刻走人但趕時間無辦法今次叫左 蘿蔔+冬菇+豬皮+豬肚蘿蔔都好淋好甜冬菇同豬肚都幾入味但d豬皮真係扣晒分有幾塊成塊都係黑色毛 實在太核突la快快趣食完就去比錢走人收錢個阿姐黑晒面唔知咩料成個過程一句聲都無出過老實講野食唔見得特別好仲要受埋晒d阿姐s ge氣以後都唔洗旨意我幫襯

而家新光整埋車仔麵, 諗住佢未必好食, 但係味道又唔係差喎, 又大碗, 好抵食.三送一麵$18, 四送一麵$22, 五送一麵$26, 六送一麵$30加野熱飲要+$6, 凍飲+$8, 我個人認為貴, 建議食完之後出去再買野飲推介: 豬腸 - 佢d豬腸鹵過黎, 好入味鮑汁冬菇 - 好正, 鮑汁令d冬菇更加好食其他送就無乜特別, 但係唔算差P.S.個人建議堂食嗌四送一麵, 外賣三送一麵, 因為你嗌得太多送, 個碗會擠唔晒, 佢會將每樣送比少d遲d可能會補返相

$20 tea set: 豬扒包 + 熱飲 麵包雖然不是豬仔包, 只是普通芝麻餐包, 但都新鮮軟稔, 且烘熱過, 暖笠笠 豬扒不算大塊, 肉質較實及硬 配菜有生菜及蕃茄 + 沙律醬, 蕃茄不夠靚, 幾青

招牌早餐 ---- 紅湯螺絲粉, 選了豬扒包熱飲 $23 湯底 ---- 紅湯是罐頭羅宋湯 + 西芹, 紅蘿蔔, 椰菜..., 味道清清地, 不太濃, 但都夠味 豬扒夠熱, 應是即煎的, 夠稔 螺絲粉滿滿一大碗

位於鑽石山龍蟠苑商場的 .門口有個鹽焗雞鹽爐. 幾多人買 ga. 試過 4:30 後無得賣 Low.超值, 鹽焗雞一隻 $38包斬埋.當然系冰鮮雞整 ga啦. 但系好入味. 連骨都有味.好滑, 好濃沙彊味 tim.買走, 食左 3次, 會再買. 抵食.