新光燒臘茶餐廳 (已結業)

雖然住附近, 但都好少黎呢到食野。今次就同男友黎食返個醒晨早餐。晨咁早, 已經坐爆晒, 好彩個個食完都急急腳走, 所以好快有位。我食左個火腿螺絲粉配腸蛋 + 熱檸茶($21), 好開心呢到有螺絲粉食, 其實餐廳多數都係得通粉, 呢到d螺絲粉煮得岩岩好, 唔太淋。配上火腿,腸仔同煎蛋, 正啊!! 男友食雪菜肉絲配餐蛋公仔麵 + 熱檸茶($21), 佢好開心見到塊餐肉係厚切, 而不是風都吹得起的餐肉。