文記車仔麵 (福榮街)

营业中

休息中

自從食過文仔車仔麵之後，你真係唔會再幫襯第二間車仔麵檔，餸菜選擇種類又多，地方依家裝修咗又乾淨又舒適咗，隔離仲開咗2間分店，可以唔駛等位添!如果你鍾意食豬紅，牛筋，豬手必定要試，仲有秘整辣汁同埋花椒油添!正ah!

今日去咗深水埗黃金都買電腦用品，不嬲都知道福華街好多嘢食，不過就唔係間間都食過，今次就揀咗平靚正文記車仔面，朋友成日都推介自己就第一次試，一個字講晒”正”餐廳裝修好新，座位擺放一排排，好似依家日本新興拉麵一樣面壁自己食，這個設計幾好令你可以食快啲餐牌設計成可以再用的膠牌，10分環保，方法又新穎.他們亦有十大必食推介！真係樣樣都想食座位前方上牌擺放很多工具及醬汁，地方簡潔，但係醬汁係冇用過因為湯底好夠味我忍唔住都要食咗兩碗，牛柏葉豬腸入味無比，瑞士雞翼豉油甜到比例剛剛好，仲有玻璃魷魚係我嘅至愛一碗我叫左招牌辣醬，小小辣好惹味另外一碗叫咗咖喱汁，我鍾意咖喱汁多啲加嘢飲加＄8，我就飲咗杯鹹檸七埋單＄100都唔使！真係超好味超推介

今日來SHAM SHUI PO 搵嘢食，原來近黃金附近咁多美食，之前都嚟過呢條街但冇乜留意有乜店舖，直至朋友近排話呢度有好多出名的食店……今晚來到，揀選了文記第一分店，下次先試其他舖……原來呢條街有三間，犀利，講到咁好食又出名，試下先可能六點仍是比較早，沒有人龍，吾駛等位，這裡用双頭筆在膠片上圈出想食的食物，很環保呢……今日眼大睇過龍，沒有留意倒我平時會揀的魚旦豬皮蘿蔔添，結果圈咗手打魚肉及紫菜+油麵試試……※魚肉ok，有口感又吾多粉，但有啲碎濕濕※紫菜ok※湯底偏甜，我冇寫要乜嘢湯底，飲倒有白蘿蔔味，但蘿白的甜又吾會甜到咁，可能係落多咗糖……所以我要加啲辣去平衡下※油麵靭道適中，吾會太硬或太腍……呢度舖位細座位密密，行出行入要相就，食物環境都是乾淨的，但吃不到有什麼驚喜，都是一般，或者下次試第二啲啦……食完麵返到屋企飲咗幾杯水，你話有冇味精？

The famous cart noodles in Hong Kong.Always have a long queue though having 3 stores in the same street.It was the first time for me to try this restaurant.Although I initially thought I needed to wait for long in order to get a chance to taste the cart noodle, luckily no waiting time was needed.Perhaps as the old says, the early bird catches the worm. The food was as expected good and the price was fair enough for the famous shop.Definitely worth a try of the recommended food of the restaurant.

好食車仔麵推薦🚘👦🏻🍜🤤🤤黎到深水埗行街行到餓餓地就揾咗呢間車仔麵食🤤 呢間真係大件夾抵食而且好好食🤓 佢既炸魚片係超薄片落咗單即炸😻 放落碗麵到即刻聽到炸炸聲👻 因爲切得薄浸一下撈埋啲汁即刻就入味😋到碗麵！想講佢真係勁勁勁勁大碗 本身expect佢細細碗嗌咗三個餸點知d最後食唔曬🤦🏻‍♀️ 豬腸幾好食而且勁多🙆🏻 之後再加多枝甜甜既蔗汁🎋 已經飽到晚餐都唔洗食😂

食物用心制作，你食一個餸加個麵，20元有找，邊度揾？食到5,60元的客人，已經舖到碗麵滿晒！仲想點？食物質素好平均，沒有失望感！顯得較突出的會是瑞士雞亦，小花菇，豬腸，豬油渣，煎釀三寶！茶水也比茶餐廳出息！推介👍👍👍👍👍👍辣魷魚是我至愛，近幾次食過他的西洋菜餃，個皮係刻意用菜汁制成綠色，非常軟滑，肉汁豐富，吃了三隻還想再吃，不得不一再推介！吃完麵加杯洛神花茶，真的美味又消滯，凍檸茶都是飲品中我的最愛，希望一直keep住水準，每星期會幫襯一次！😍😍😍😍😍

文記車仔麵自從在同一條街多開2間店後，終於不用排長龍，而且感覺上光猛整齊了很多，所以我跟寶寶經常幫襯。唔再需要等好耐就可以食到，其價錢又平﹑選擇又多，味道又好。翻新後點菜只要畫在點菜牌上再交給侍應就好了，用點菜牌比較環保一點。這天點了魚肉﹑八爪魚卷和鮮枝竹米線，配大辣腩汁($35)。大大碗才$35，很抵食。辣汁就根據辣的程度而放了辣醬的，辣後挺香。鮮枝竹份量很多，但食落還是有點硬。魚肉和八爪魚卷則很好食，魚肉食落有鯪魚香，而且彈牙，而八爪魚咬落口感結實，很有八爪魚味。個人最喜歡的還有這裡的辣菜脯，咬落很爽口清脆，配上車仔線食更為滋味。如果還要其他配味，架上都一應俱存呢。

今晚想食車仔麵，有人話深水埗文記好食。。??即管去食下，點知.....一試難忘，鐵定無下次。一入門口，已 feel 到好焗，好大油煙味。座低又無人講點落單，只好問下旁邊嘅男士....... 無幾耐男服務員又對我呼呼喝喝，大聲要我坐前啲，我有個袋你地又無位放，點坐前啲呢?? 然後有個肥佬坐低，仲大份，咪又係咁坐，男服務員你咪又係咁行過。我第一次幫襯，無理由得罪你，大佬 ......15mins 後碗麵到 la，係呀，車仔麵要等下呀。 一食成碗麵超咸 ; 份量超少 ; 秋天食住都出哂汗 ，無冷氣 feel ; 枱面大量油滴，無人清理 ; 向前望，支魚露瓶口有條長頭髮掛係到 ，係咖啡色....... 睇下 openrice 評論，完全唔理解係 openrice 咁多 like ?? 啲 like 有幾真呢??食車仔麵士係想抵食又大件，依間算 la。好肯定係街士但一間好過佢，要食除非係門口就腳，唔係唔駛坐 mtr 去深水埗，車錢都要呀。自己考慮啦

長期都會去文記宵夜，但係過去一年見佢一開三，間間舖都咁多人，心諗有冇咁誇張呀。尤其是係週末，人流多到你都唔想排。文記味道的確幾好，好濃味，材料亦都唔錯。價錢又唔貴，所以先一直有幫襯。自從開咗第一間分店之後，文記喺餐具同環境上都改變咗好多，企理咗，更加吸引人去食。加上價錢冇點大調整，仲係keep住呢個價，的確係值得去！加上出面車仔麵嘅選擇並唔多，同一條街嘅街邊檔車仔麵完全唔爭氣，相信文記好快又開多兩三間。

本身屋企附近有一間好食嘅車仔麵因為租金問題唔好做啦，有一天行過深水埗見到這間車仔麵就入去試吓.估唔到入咗去真係會食上癮，因為真係好好味！而今日又專登去食lunch，今次亦都帶埋牙仔！佢哋嘅檸檬茶夠晒大杯，亦都好好飲，檸檬茶味好夾，跟餐都只係加＄8！我今次就叫咗豬大腸，夠入味.玻璃魷魚夠爽，配埋腩汁湯底加咖喱汁係我嘅至愛！小小辣，湯底有夠濃味！牙仔就當然選擇清湯啦，飲落唔覺得有味精！面款亦都有烏冬選擇好似都係貴一蚊左右，出邊一定要加＄3啦！腸仔就正常，黃金角份量都夠多，以小朋友來說一定食唔晒. 埋單都唔使＄80. 雖然位置就有啲迫，面壁食面，不過快食文化又食到好味嘅嘢冇所謂啦！二佢哋嘅餐具都好有特色有懷舊的感覺，令你唔會覺得去咗茶仔

星期六宵夜時份不用排隊，於是入內點了一個豬大腸牛孖筋番薯粉和一杯凍奶茶。豬大腸不壓而且幾入味，牛孖筋也不錯，份量比一般車仔麵多，與價錢成正比。唯獨番薯粉實在讓人失望，質感怪怪的，不好吃啊。

話說我和女友都很喜歡食嗱喳麵，所以時不時就會去搵好食的車仔麵，今次去到近期人氣再爆升的文記。10.1下午兩點後來到，嘩⋯三間鋪門口都一大堆人，除左舊鋪唔駛攞飛，我倆兵分兩路，一人一間攞飛等，終於等左大半小時有得食喇 坐底睇睇個十大推介先，都包左大部份最愛叫車仔麵餸，我叫左豬腸蘿蔔貢丸米粉，女友是豬腸豬手豬紅牛筋米粉，再加一客瑞士雞翼。豬腸是我最愛吃的，造形飽滿，內裡肥膏滿溢，有味道，蘿蔔有少許渣但清甜入味，豬紅是略為失色的一項，咬口雖然鬆軟不是硬實實，但味道不夠,太淡。女友說豬手也很入味，牛筋貢丸就正常貨色，普普通通。散叫的瑞士雞翼果瑞士汁好好味，甜甜的，雞翼皮吸盡瑞士汁，very good 總結如果等候時間可縮短至15分鐘內，我應該會再去，不然我還是覺得元朗永年是我心目中車仔麵 No.1

好多店開分店必定味道走樣。文記車仔麵一樣咁好食，新店價錢好似貴dd，但唔洗自己排自己點方便啲沙爺少辣都係辣到我食唔到底過啲😆必配凍檸茶少甜少冰四餸一面一凍飲$5x，但佢嘅份量係好多架

而家香港地真係咩都貴啊...以前..不過真係好耐以前啦. 20蚊可以食一碗車仔麵.但係而家40蚊係基本....但唔緊要啦.最緊要好食.甘其實文記車仔麵不嬲都好食架啦...每個菜計雖然唔平.但係份量都唔少,,,,好過有D5蚊.但只有一兩塊啊.....好似大腸甘.真係有6~8塊.仲要好好食WO... 所以每次黎都一定要...豬紅今日好似唔夠咪.但都算OK... 但係呢,,,尤魚好似細條左少少,,,, 我唔知正常係咪甘..因為第一次食...如果可以大條D就好啦(尤魚份量唔係小.只係太細條.食唔到......總之. 下次都係會黎啦~

果日我攞部Notebook到深水埗整，要等一個鐘，之後喺附近搵嘢食，見到哩間文記好誇張...隔幾個舖位就有一間分店...3間都排晒長龍...1間係老店，另外兩間係新裝修嘅，坐得舒服啲。我大概等咗15分鐘先有位坐，同埋發現哩間嘢都幾環保，落單紙可循環再用。哩度啲車仔麵選擇多，而且有啲餸係出邊無嘅，仲有飲品竟然有蔗汁！最後揀咗招牌辣玻璃魷魚，蠔油小花菇，白菜餃(因為無西洋菜餃)，柚皮，陳皮魚旦，幼麵同埋蔗汁！魷魚好入味，唔似其他車仔麵檔淨係啲汁先有味，花菇炆到好淋好入味，白菜餃好鮮甜，柚皮如果再淋啲就更好，陳皮魚旦就是小時候食的味道。而蔗汁當然好清甜好飲啦！真係幾好味，難怪3間分店都排長龍！