文記車仔麵 (福榮街)

营业中

休息中

今晚收工同伙記一齊宵夜，突然好想食車仔麵，飛車去到深水埗，可惜街邊收左，同事未食過文記，就叫佢試下，点知瀨嘢，一向深夜只有舊舖，今晚反而開新舖？排哂隊等左10分鐘左右，入得，鬼咁唔好坐，扮日式面壁食麵，人貼人，勁唔鐘意再来畀張膠咭選擇，心諗，，，咁環保？咪又出張電腦單用紙，假環保，好嘞畫完飛出完單等左成15分鐘至有得食，出品慢得離奇，我計過滿座但只得5-6個人等食，其餘吹水多，都要咁耐至有？味道還可以，但豬腸肥及不夠入味，總括深夜時份等咁耐，肚餓都等到訓着，都係舊鋪好很多，即叫即做即有，又無纸夠環保。

好少出深水埗揾食😋,最近見到報章介紹文記車仔麵。做車仔麵做到一條街開三間分店,仲大排長龍~真係好想知道有咩吸引力, 所以突登遠道而黎一試 。✨第一次黎,其實我都唔係好知舊店同新店有咩分別,分別可能係舊店多左條人龍😂PS.我去到果時大約七點✨新店原全無人排😱, 但求舒服唔想等就揀左佢~等左大約5分鐘就有位喇。✨兩個人安排坐面壁自閉位, i lovin' it~~好過三9唔識七你眼望我眼~😳✨環境都幾乾淨企理, 張枱感覺唔會太迫, 櫈底仲有個籃可以擺袋嫁❤✨一黎到已經比枱面D 調味料嚇親~超多款~!!魚露,辣椒油/醬, 醋汁,胡椒粉，菜脯等等,連頭抽都有😱😱😱, 會唔會誇張左小小😆雖然我乜都無加過, 不過佢做到個氣勢出黎~✨無論食物款式,粉類,飲品款式種類都真係好多選擇👍好似柚皮, 辣汁螺肉,豬油渣,豬手都唔太常見~~~粉類仲可以揀銀針粉, 紅薯粉,拉麵~~😚✨野飲~除左一般汽水,餐飲, 仲有自家制飲品~好似洛神花茶, 羅漢果龍眼茶等等。見跟餐半價, 整番杯先😜 叫左個蔗汁, 顏色好green, 不過我覺得甜得濟, 下次我唔會揀佢✨咸檸七~都係飲番d大路野好d~不過記得叫小冰, 佢本身比左

今日實在太熱所以我野都未食就飲咗罐可樂先文記好似係有兩間分店有人就帶我去好似一間自修室嘅分店唔知以為去咗食日本拉麵地方唔算大但坐都舒服嘢食有好多選擇揀咗5分鐘都唔知食乜好揀咗我最鐘意食既春卷魚皮餃通菜同埋大腸首先都係試吓個湯底先雖然我唔好清楚入邊係什麼但都係清湯唔覺有什麼調味劑所以唔會係好口渴只係天氣令到我好口渴等緊米粉來期間頭望上面有起碼超過十種嘅調味料包羅萬有泰式中式嘅醬料都有最後都係樣樣都點下啦講真面就大碗我D野就唔係想像中咁好味但都唔差下次可以再試真d今日太趕了

平日午飯時間已過，但這兒還是人頭湧湧。總店是傳統的運作模式，顧客一個接一個於櫃臺前排隊，向店員指出你想吃的麵、餸、湯。由於食客多，點算時必須「速戰速決」，對於有「車仔麵選擇困難症」🙈🍜的我，還是旁邊的分店比較適合我，因為可以坐低慢慢㨂。新店裝修簡潔，坐位下有藤籃擺放手袋，真是貼心的設計👍🏼我選了至愛豬大腸，配上其十大推介玻璃辣魷魚及豆卜。腩汁味濃👍🏼豬大腸肥滿香濃👍🏼魷魚很爽口👍🏼飲品叫了羅漢果，味道有點過濃，但樽底的龍眼肉非常好吃。這兒絕對值得一再拜訪！

朋友建議夜晚去試下呢間，去到好多人排隊，排左成3個字有得入，位就係面璧的，冇法。叫左個腸仔豬大腸魚皮餃小辣米線，但發現一D都唔辣，我諗可能落錯左，不過係幾好味，豬大腸好食，煙韌，個汁變左濃湯都唔差，份量就剛好，唔算太少。不過瑞士雞翼真係有驚喜，煮到好入味，而且好大隻，每隻都正正常常，冇碎骨冇其他問題，基本上食兩隻都好飽下，我覺得瑞士雞翼可以做招牌菜，餐廳太多人啦，出入都有點難度，但新裝修所有野都好乾淨，冷氣都幾涼，值得黎試下。

男朋友食過幾次覺得好食，所以帶左我黎，冇諗過一間車仔麵，可以係一條街開足3間，而且間間都勁多人排隊！輪侯時間唔太長，好快就到我地喇！ 佢地既裝修光鮮，比我想像中乾淨！ 有唔同既辣椒油可以調味～ 辣菜脯～ 滷水雞腎 $10+魚片頭 $10+河粉 $8 車仔麵既調味醬汁可以揀辣汁、咖哩汁、沙爹汁等等，一定會有款岩食架！魚片頭彈牙好味！車仔麵同餸都係分開逐樣點既，雖然比一般車仔麵貴啲，但黎到深水埗可以試下🙈 玻璃辣魷魚 $38 辣魷魚爽口惹味，其實味道係唔差既，不過我唔食得辣🔥，浸完湯再浸瑞士汁都仲覺得好辣😭😭!!! 瑞士雞翼 $30 瑞士雞翼都好正，整得好入味，雖然係偏甜，但就幾嫰滑！ 腐乳通菜 $15 檸樂 $10 食辣野再飲檸樂就特別爽！ 餐牌

新裝修後第一次去食叫左：拉麵底。韮菜。豬油楂。螺肉。炸枝竹。小辣湯！拉麵：一般（如果肚餓或大食要加底）韮菜：個人覺得剪得太細段豬油楂：大件番d會好正螺肉：我覺得好食炸枝竹：太硬辣湯：幾得下架上既配料都好齊全唔錯👍🏻👍🏻👍🏻------------------------------座位太過迫跟本冇位轉身店員既態度就一般。個人感覺丫。擺個袋都要跟佢方法咁。我拉開張櫈都未坐底就即時行過來講（唔該坐入d拉番埋張櫈唔好阻條路出入。好似驚死人阻佢做生意咁。重點係我仲企係到😤😡比錢果時個收銀掛住同人傾計收錢都懶。真係想就咁走左去算😡

吾知食咩好，見門口有人排下隊，咁就排下喇！特色就吾敢講佢有喇，不過d野都幾好食，車仔麵黎講，算係貴價既，不過又即管試一試喇！我叫左佢既招牌牛筋腩同招牌蘿蔔，再搭多份通菜，然後麵底係瀨粉，車仔麵有瀨粉真係令我喜出望外！先講牛筋腩，好淋，好入味，而且筋位本身好有咬口，所以更加好味有口感。蘿蔔睇落平平凡凡，但食落口好清甜，真係好甜，難怪蘿蔔都要列入招牌菜之一！通菜有小小老，不過都還可以接受！車仔麵黎講，佢係合格既，不過可以再好d

同朋友去開SSP砌機, 整完都已經8點幾9點, 就隨便搵間近黃金既店朋友話想食車仔麵就係文記拎左飛, 雖然要等20個number, 但係好多都係走左, 最後只需等15分鐘就有位先講講店鋪格局, 雖然係車仔麵, 但店舖都算好乾淨, 唔係到處污積, 油lam lam 咁坐位分成一排排咁, 好似D 一張長方枱咁橫向坐, 你會見到對面既食客餐牌係一張彩色可寫既膠片, 食客可以用白板筆圈上你想要既食物, 好環保我點左豬紅, 豬大腸, 白菜餃, 墨魚丸米粉, 個秘制辣汁辣得好正, 一定要試, 但要提下呢個辣真心辣, 唔食辣既朋友要少少少少就好個白菜餃好好食, 係綠色皮, 另外個瑞士雞翼煮得好入味, 好lam, 相對比較甜, 成間鋪D野食都好正, 有機會會再黎食

想體驗一下喺北極食麵嘅感覺係點，識去既就緊系去文記，文記絕對幫到你點解？🤔因為你唔著羽絨係唔坐得耐 ，嗰度嘅氣溫就好似玩淋冰水甘，而個到啲人係唔會幫你較冷氣㗎就算你嗌到有几大聲得甘大聲都冇人理你😱因為嗰到永遠有人比你大聲唔知點解食個麵都會有甘多(飞飞)系耳仔邊氹氹轉，捻深一層依到系咩地方？深水埗黎嘛📣大聲就大晒啦。👩👴👩可憐的打份工，👹仲比粒大野用粗口洗禮，你估真系老娘開show比大家睇比我地送麵食咩！😅不過講甘耐，其實D野系好食既大家都不防去食下🍲切記一點，外賣好啦，甘就包大家食得开心

其實佢喺深水埗都開左一段時間，都幫襯過佢好多次，我通常會叫魷魚，牛腩，豬腸，蘿蔔，雞翼呢幾款，再加佢個秘製辣汁，微辣已經足夠😍，除非你食得好辣，如果唔係我建議微辣，雞翼同魷魚的確係好食既👍🏻，牛腩同豬腸呢，就一般般，蘿蔔都可以，環境都可以，但啲服務就麻麻，d姐姐的確係冇禮貌既😅，但價錢都不算太貴，可以一試

電腦節去黃金行下先，行下好快肚餓，過對面呢間”文記車仔麵”食啦。坐低好有幼稚園返學嘅感覺，大家排排坐對住牆，坐得好迫好迫。填張卡紙點咗兩個餸，有我最鍾意食嘅牛膀，難得呢度有得食，再加埋個牛孖筋，健康d食米粉。牛膀好”林”，鞋鞋地又綿綿地感覺好正。牛孖筋好”林”好入味，骨膠原豐富呀。兩味餸吸曬啲腩汁精華。食個米粉飽飽再飲杯凍檸樂，好爽好爽。今次食車仔麵，竟然唔口渴，真係真材實料冇味精，食完又去電腦節再睇有無平嘢買。

成日行過都好多人排隊，見佢呢排其中間鋪新裝修就去試下，不過真係太多人，決定叫外賣坐得舒服啲叫左碗蘿蔔牛肚豬紅米線外賣等左十五分鐘一打開料既份量算係甘，雖然等都覺得料唔多，但比起出面啲車仔面都算好蘿蔔無渣唔痴牙，好林牛肚好爽而豬紅係外賣碗湯到，唔會一夾就散，同一般出面食到既差唔多無咩特別可以講我今次叫左腩汁小辣，湯甜甜地加埋小辣好開胃整體黎講比起食開既車仔面好食，我覺得好岩自己口味，行過可以一試，但就環排隊同忍受人多

今天要到深水埗辦點事，經過文記車仔麵看見人龍，但已快下午四時了。我覺得十分好奇，所以也跟住人龍排隊，試試是否真的那麼好吃。我選了三餸：油麵拼牛腩，豬紅和蘿蔔 ($38)。吃下便失望了，雖然不難吃，但與其他車仔麵鋪有什麼分別呢？蘿蔔也是煮得夠稔沒有渣，牛腩和豬紅也是不過不失，算不上一試難望。湯底不算清甜。味道和質素絕對不值排隊，但如果說是貪它便宜而吃我就覺得較為合理。其實去譚仔可能更好，但車仔麵是香港本土特色，偶爾支持一下吧！

以前成日都提早放Lunch，目的就係一嘆下香港特色食品，文記車仔麵係其中之一Favourite.... 但自從裝修之後，文記變咗一間快餐店，冇咗睇住阿姐煮麵「不」餸之後，換來嘅係「排、等、食、走」，今日嘅文記有以特色：1) 面壁思過：無論你同幾多朋友一齊來，都係對住一幅牆食2) 凍哂嘅湯麵：客多咗，員工忙咗，冷氣涼左，湯麵亦都俾啲冷氣吹到凍咗3) 不再傳統：車仔麵已經冇咗車仔，如今連望住啲餸來揀嘅機會都失去了，你唔會知道牛腩係一件件定係碎濕濕，唔會見到阿姐「拿」幾多麵去「六」，你再冇得叫阿姐「菜淋啲，麵唔好咁淋」，車仔麵就快失傳4) 抵擋不住現實：價格相若，份量縮水似乎係裝修後必定出現嘅定律，唔信唔需要再多作解釋總括來講，店係靚咗，坐係舒服咗，地方乾淨咗，但我再去嘅意欲細咗