文記車仔麵 (福榮街)

营业中

休息中

平安夜晚餐😎寶寶睇完連登話要同我食吉野家😐😒既然都係食頹野，咁就不如去深水埗食文記車仔麵啦😉想食豬皮蘿蔔好耐😍叫左小辣辣到我飛起，胃痛左成晚。豬皮蘿白豬腸都好好味😍腩汁好香，果然係米芝蓮既車仔麵😂

和朋友做運動前應該食少少野，今晚想食車仔麵超多人，好彩我們早少少到，但都等左5分鐘嘩，好靚顏色的西洋菜餃，咬一口，填滿西洋菜和豬肉碎，雞翅尖好香好好吃帶有瑞士汁味道油麵好彈牙爽口，好回味無窮雞中肉都用上瑞士汁制作，好吃，龍蝦丸彈性十足，爽滑幼麵彈牙，清湯都好足味，之前食過瑞士汁湯較為濃味，今次清湯非常適合我們還有好多野想食，但下次先啦，趕時間做運動

排到勁長龍 上晒生果動新聞 當然要擇個吉時等人小小既時候先黎 到位其實已經好易等 三個就到我 入到去自己畫 由於吾想阻到其他人等位等咁耐 所以冇影個menu 嗌下嗌下嗌左6個餸 😂🤣聽聞由於d碗洗吾切俾地用左個大碗俾我 側邊個個見到麵嘩嘩聲😂🤣魚肉用鯪魚肉冇溝其他野所以冇彈牙既感覺 豬紅好實淨一d都吾會一夾就散蘿蔔切到一口一舊 好清甜冇渣架😍辣魷魚🦑一d都吾系浪得虛名香辣👍🏻d餸都冇得點挑剔但河粉吾夠滑同好散好爛 拉底晒成碗野既分數

今日要出深水埗買嘢，朋友話未食過文記，即刻帶佢嚟試下啦！最近愛上咗食油麵，以前真係覺得一陣味好難食，但呢度真係一啲油益味都無，但食落去一樣有少少咬口！叫咗三個餸，蘿蔔係我去每一間車仔麵店都必點嘅餸。因為食蘿蔔都可以食得出間舖頭有無心！食落去夠淋得嚟唔會一夾就爛哂，夠入味之餘又唔會無哂本身嘅甜味，最後係有無渣。文記從來都無令我失望！之後就係牛腩同酸齋，牛腩燜得夠火喉，酸齋亦都唔會話因為浸得湯多而沖淡哂個味！腩汁通菜，通菜無渣又唔會碌得過火。唯一問題係啲汁好大陣大腸味（但我好怕大腸）壓軸登場嘅係招牌嘢，瑞士汁雞翼。個汁甜度剛剛好，顏色又靚，非常入味之餘仲要入面仲有本身肉汁！唔係燜到老哂果啲！係我每次嘅必點啊老實講，食嘅都係平民嘢，但係有heart嘅！由佢一間舖食到而家三間舖，食嘅除咗味道，仲有情意結呢

話說今日岀開深水埗就上openrice望望有咩好食凍凍地，想食啲暖胃有湯嘅野見到文記，又醒起佢有米芝蓮既光環加冕咁就諗住試試佢據知文記平時都會排晒長龍。但可能今日落雨又凍排隊嘅人都係得五六個。等左大約10分鐘就已經可以入去坐低食麵叫嘅有蘿蔔，瑞士汁雞翼，南乳豬手，同埋蠔油小花菇。選擇嘅依幾個餸都係榜上有名嘅推介招牌菜蘿蔔食落去係好淋同左有少少甜但唔似係浸咗糖水個隻甜。ok瑞士汁浸嘅雞翼浸得好入味但係雞肉就略嫌’鞋’咗少少。至於豬手個皮啲毛根本就未起乾淨食到成口都係毛然後我果斷放棄。但係煮得幾淋嘅如果你唔介意成口毛拮下拮下的話至於小花菇雖然細細粒但係好厚身而且好入味，算係幾好。而湯底湯底就用返清湯加瑞士汁因為我係唔食辣嘅餸嘅分量係足嘅反而麵嘅分量會少啲啲，作為一個大食嘅女仔黎講我有少少唔夠飽😂Overall我覺得唔值得特別為佢名氣而黎食，你話普通行過路可以食下但未至於唔好錯過。

星期六下午下班後專程和朋友去試試米芝連推薦的文記車仔麵。1:55pm來到，不算太多人，但重點是車仔麵的味道：不是特別好吃。好粗身QQ der蕃薯粉加三餸，價值$38。五粒豬紅非常爽滑，韭菜餃皮薄餡靚有肉汁好大的三只，魚皮餃都一般啦，加點辣醬就更惹味。但那湯底...雖然有點像豬骨牛骨的肥油，但那真比任何其他麵店的湯底都太油膩了。至於朋友點的腩肉，鹹鹹的、肥肉偏多。牛肚較韌。整體而言，我和朋友都認為一試無妨。若要大排長龍吃那車仔麵，那就不值得了。

經過文記見無人排隊即刻去試一試，話晒米芝蓮星級車仔麵，㸃都試下㸃了油麵、豬紅、豬腸同韮菜水餃，老實都幾足料。味道都算好，但值唔值米芝蓮就見人見智。個人覺得韮菜餃都算出色，有味而豬腸都入味，但以車仔麵而言我都是喜歡灣仔的車仔麵世家不過相對而言，車仔檔世家價錢比較貴，㸃都好文記都係值得一試。

耐吾耐食下車仔麵好正！呢間文記第三次食喇 😍真係平 靚 正！所以要一再encore!每次都見到條吾短既人龍，好在等吾太耐就食得。我同朋友都揀左三個送，每碗三十幾蚊，超大碗！啲河粉多到食極仲有，吾講以為加左底😂 好抵食！而且仲非常足料！最好係吾會因為叫左三個送而著量減少😂👍🏼我地發覺好多個送都好食！個人最中意呢度既：瑞士雞翼、蘿蔔、 韭菜餃、豬大腸🤤最重要係蘿蔔係好清甜👏🏻 瑞士雞翼甜甜的，好入味😍 韭菜餃足料、夠味道、脹卜卜的🤤碗麵加上腩汁，好味呀！😍叫左支豆漿$9，幾細支，偏甜又吾夠滑🙅🏻‍♀️

响深水埗食下午茶，講真，雖然小時候差不多每日都會食街邊車仔麵，但而家起碼超過十年冇去食了，今次經過呢度入去食，完全喺因為平時見到佢多數排晒長龍，今次居然冇人排隊，仲望見入面有好多空位，加上佢又入左米之蓮，咪入去食個下午茶，叫左碗九菜粗麵加腩汁，個麵餅好明顯係由非常精緻嘅麵粉製造而成，咬落去啲麵嘅口感好似食緊扁嘅意大利粉咁，真喺有啲失望，其實真心希望佢可以保存我地街邊美食嘅傳統，但今次嘅經歷亦喺我好耐冇再食車仔麵嘅原因。

今日行過見到咁多人排隊，就越想試，等咗20分鐘終於第一間鋪有位，入到去坐低就聞到一陣屎味，已經想走，但排咗咁耐有D不值，諗住快D食完就走，所以都係叫嘢食。叫咗碗五餸車仔麵，但羅蔔冇味，魷魚得個辣字，豬手太淋又唔夠味，冬菇味道可以但無去「定」，只有菜同麵係正常，成間嘢真係好麻麻地，以後唔會再去。

深水埗呢個地方人多車多想泊車食野都難3間店其中一間個女人既然話另一間不關佢地事的 所以我也不知道他們究竟是不是來自同一個老闆的先講人龍十人左右再講食物令佢地多人食既主因係質素點了豬紅辣魷魚味道好 再叫了一個辣的湯底小小的辣 足夠勾起味道👍🏻👍🏻👍🏻湯底和食物都好食所以人龍真係好多不過8-10個人想一齊坐來食就沒可能了睇來食文記最好都係自己食自己吧喇🤣🤣👍🏻👍🏻👍🏻下次再食過👍🏻

文記車仔麵！🍜真的值得米芝蓮🏅🎖🏅。真的超好食！😋😋😋可能深水埗的居民會再次嘲笑排隊傻仔🌝 但我由衷覺得值得排隊呀！因為每一樣配料都超好食，尤其是白蘿蔔，又甜，又入味，又冇沙！完全是可以單點的主角級食品😋😋😋魷魚彈牙入味🦑湯底十分濃郁，小辣對於只求惹味的朋友來說完全是剛剛好。勁勁勁好味！。連雞翼也十分美味！又入味又滿滿肉汁。用膳環境當然比較迫，但整體環境乾淨企理，上菜極快，所以也不用排隊等很久。

這間文記，來過數次，最近路經高登，看到沒有甚麼人，就進去了。等了十分鐘左右，人不算是很多，也算是我的運氣，平日是有很多人的。內裏座位闊落，不會坐得太迫。雖說沒有甚麼人，但也等了十分鐘，也要叫多一點，我叫了四餸：魷魚，魚蛋，豬腸，雞翼。整體舖排外表上算是不錯，不過味道感覺就一般，絕對不會差，但要排很久則不值。豬腸味道尚算可以，不過就不夠腍。這裏說的馳名瑞士雞翼我也不覺有甚麼特別，但也不是差。其餘魚蛋及魷魚也是一般，中級質素。我的建議是，如果不用排隊，也可以吃；但如果要等很久或慕名而來那種，就大可不必。

次次去親深水埗掃街，都見到文記排長龍，見足佢由一間鋪做到三間，但都無諗住去食，係尋日五點幾鐘去北河街街市買海鮮前，想食小小熱嘢，不過又唔想食成份下午茶餐，想留肚食海鮮㗎嘛，睇見文記無人排隊，米叫個一餸麵頂下個肚，我叫左粗麵配豬手，俾左廿蚊雞，伙記幫我攞碗嘢揾埋個位我坐，看似服務周到，但我覺得佢吹緊我快D坐底快D食完快D走，講返碗麵，個粗麵已經唔得，係我最討厭食嗰隻「假粗」，一D麵味都無，個豬手尚算林，可惜味道一般，一放低筷子已口渴，仲唔咋咋淋離門去7仔買支水咩⋯⋯

文記車仔面不嬲都好出名！今日係深水埗又去試試佢，9點到都仲要等位，不嬲等左10零分鐘就入得喇！今次叫左豬手加銀針粉加紫菜，不嬲文記有最低消費既，每人25蚊！好好食呀！