文記車仔麵 (福榮街)

营业中

休息中

向來都系外賣自取.所以只可以選擇舊舖.但真系好睇心情.因為無一次系吾洗排長龍😂湯底好濃好野味.特別推鹵水雞翼同花姑仔👍🏻好入味.不過有無發覺個麵比以往細左？

幾年前已經去過食一次文記 覺得無乜特別又唔好坐 又熱 但今次經過ssp 就比多次機會佢 因為佢全新裝修同埋開咗新既分店 車仔麵可以話係世界級咁好味 由細食到大 香港大大小小既車仔麵我都食唔少 今次再食文記發現真係有佢咁出名既原因晏就1點都要排30分鐘 天氣好熱好彩有櫈坐 早餐都未食 好肚餓 唔知係咪咁餓既關係 第一啖食落去 覺得超好味個辣味同湯啱啱好 叫咗蘿蔔 豬腸 同八爪魚捲 全部都好好味 友人叫咗雞翼尖 亦都非常入味 對面情侶亦聲稱雞翼都非常美味 今次呢間有88分！

呢間車仔麵真係由細食到大。近年經過裝修之後仲再加多一個舖位，不過去到都一樣係要等位入邊既店面有d細，set左好多個位，但客人就要就住就住咁坐啦，同埋冇位放袋～雖然餐廳環境一般，但最重要都係d野食!呢到多數既餸都係非常高質的，特別推薦豬大腸同埋牛筋，好入味同埋淋，加上餸既份量係十足的，非常唔錯! 但相反個麵底份量就比較小，大食既朋友可以選擇加底噢~ 另外推薦呢到既秘制辣汁湯底，好惹味食車仔麵點可以唔食辣呢?

文記車仔麵能夠喺深水埗食街，簡簡單單賣一碗車仔麵，開足三間舖。 都可以話係深水埗其中一個傳奇!!我哋就入去品嚐一下 呢碗車仔麵。首先點單有以往 即用即棄的 彩仔餐單， 變成可以用完再用的膠板餐單。客人用油筆在膠板上 圈上自己喜歡的美食， 交給店員， 店員入單後用消毒藥水擦過膠板又可以再用。 雖然唔係慳到好多錢但係睇得出係有用心 思考過每個細節。三餸車仔麵連凍飲一共49蚊， 車仔麵嚟講算係豪價。但勝在食物方面都叫做十足十，12元 一份牛腩大大分絕無欺場， 九蚊魚皮餃共有四粒。酸齋好醒胃， 雖然食得出係附近東方小祇園來貨但用了非常新鮮。飲茶都大大杯冇話飲兩啖就冇。最後仲貼上如顧客 對食物或邊緣服務態度不滿可以whatsapp 表達意見。店主注重每一個細節與時並進， 小小一間車仔麵能夠成為 地區地標 並非浪得虛名。#深水埗

聽朋友介紹這間車仔麵與眾不同，剛好昨天去深水埗辦事，決定去試一試！這間餐單很有趣，不是普普通通的一張紙，是好似白板一樣，可以用油筆畫，又可以用紙巾刷掉。這裡有很多選擇，例如︰配料、麵、湯及辣的程度等。反轉後面，有小食和飲料。您只要在這塊板上畫上你喜歡的配搭就可以了。本人選了以下的配搭▼米粉、雞中翼、龍蝦丸、菜心、清湯、蔥花、咸檸七1. 米粉有彈性2. 雞中翼好香豉油味3. 不一般的清湯4. 主角 — 咸檸七 咸咸地，甜甜地，有時會酸酸地。

一向都知道，深水埗福榮街是一條有名嘅食街，但一直沒有留意文記車仔麵在福榮街有三間食店，而且每間都大排長龍，尤其是舊店，於是便去了第一分店，那裏比較少人，但仍要等位。車仔麵食品選擇很多，單是麵底就有14種選擇，配菜更有50多款選擇。店內還有十大必食推介：- 瑞士雞中翼- 南乳豬手- 玻璃辣魷魚- 秘製牛孖根- 滷水豬大腸- 蠔皇小花菇- 酸齋- 韭菜餃- 手打魚肉- 清甜蘿蔔辣魷魚、豬大腸、麻辣荀絲蕃薯粉（$40）點了兩款十大推介，分別是辣魷魚和豬大腸，辣魷魚很爽脆入味，豬大腸有點氣味，而且很肥，腸內很多肥膏，但我相信喜歡吃大腸的人，就是喜歡這種肥美和氣味，麻辣筍絲真是很辣，但有部份筍絲又硬又靭，根本吞不下。雞腳、雞翼尖、豆卜米線（$34）雞腳和雞亦尖滷得很入味，而且不會過稔，豆卜索了腩汁湯底更好味。架上放了不同嘅醬料例如，辣椒油，花椒油，豉油，菜脯等等。羅漢果龍眼茶（$10）羅漢果味道很突出，還有兩三粒龍眼肉在下面，阿姐仲話唔好嘥咗啲龍眼肉，叫我地用牙籤撩出嚟食埋。賬單掛在牆上，不會弄污或吹跌。

午餐來到位於深水埗的文記，之前見x登有個post話邊度有最好味嘅車仔麵,有巴打/絲打就推介呢間。大概一點幾到，見到門口有一條長長嘅人龍，等咗大概15分鐘就可以入去啦！叫咗瑞士汁雞翼，30蚊5隻！ 樣子很美，偏甜！岩鍾意食甜野的我🤤車仔麵就揀左腩肉牛腩雞翼尖，腩汁加辣汁！好香好好味！其間發生左小插曲，一張長枱7個人坐，我地最遲入去，但我地嘅野食就最先到，碗麵一擺底全成洶湧，即刻向呀姐投訴...而我就繼續係被仇視嘅目光下進食🙈

好多朋友都同我提及此間車仔麵， 今次是第一次吃。 座位又是以面壁設計， 三兩知己想傾計就免在此店吃了。調味品好齊整地排放在較高位置。我較喜歡這樽菜脯， 又辣又爽。order 了一杯咸檸七，只需加十元（即半價）便可， 個杯好型呀。order了一碗油麵（配秘製辣汁但要小辣）再配荀絲及牛筋。我估大中小辣的定義是可從匙羹的辣汁多少便知道，秘製辣汁好正。牛筋又爽又入味，牛筋size 不大不细，適合斯文一族，不似其他舖頭成條牛筋好長咁比客人吃。雞公匙羹好得意，但我覺得好重。整體不過不失。

星期四學完ukulele已經9點幾，唔想咁heavy食飯，醒起文記車仔麵好似係附近，9點幾咁晏又應該唔使排隊，於是就決定食佢！ 平時其實間唔中都會經過呢間車仔麵，成日都見到好多人排隊，仲要係同一條街有3間分店，今日終於可以試一試！3間分店入面有2間係新裝修，門面好新式，1間就應該係原始店，白底紅字好傳統既招牌。3間其實都係一樣正版，無翻版嫁放心，唯一分別就係如果要買外賣就一定要去舊舖🙃文記有好多餸選擇，好在有呢塊10大必食推介牌，照住嗌應該無死😂 叫左碗花茹牛根幼麵，係瑞士汁底，首先講湯底，湯底係車仔麵既靈魂，呢個瑞士汁係好好味既，甜味偏重但唔會太油👍🏻👍🏻係其他車仔麵舖我都未見過呢種汁底，推介大家試！ 小花茹雖然真係幾細粒，但超級入味同好林，一碗有成廿幾粒。牛根忟得超級林又入味，正另一碗叫左辣腩汁底，相比起大部分外面既車仔麵店，文記既腩汁底濃好多，唔會太辣太油，味道岩岩好。豬腸滷得都好入味又夠肥🤣 餃子味道都唔錯，但餃子皮略嚴太厚。豬手唔夠林但味道都ok。$15黎講，波菜都算幾多，性價比ok🤣 味道就正正常常，無咩特別。車仔麵店當然有菜鋪啦！但文記既菜鋪唔算特別出色，略嚴切得太大粒，

自從屋企樓下嗰間好好味嘅車仔麵檔執咗之後好難搵到一間好食嘅， 今日試過呢間都算ok喎，其實呢間都想試好奈， 但係次次行過都勁多人排隊， 今次咁啱見到呀開咗間新嘅分店又冇人排隊，於是乎就去試下。環境好坐得唔係好舒服，似有冷氣嘅高級大排檔，新舖大部份都bar枱式，座位嘅距離有啲迫，不過好彩櫈下面有個籃畀我哋再自己嘅隨身物品（ 都算係一個窩心嘅設計），佢設最低消費25蚊（ 其實大約都係揀兩至三個餸到就已經over咗最低消費）。 入去嗰時職員會畀 一塊用膠板整成嘅menu你，menu上面呢都有唔少嘅選擇， 仲有好多懷舊嘅小食添，而我今次就揀咗豬腸同豬紅配米粉，佢哋嘅豬腸 做到入曬味又唔會好難咬得開， 而嗰啲豬紅呢又好爽身， 完全冇怪味。 個湯底我就揀咗牛腩汁不過個湯底食落就好似有啲錢出前一丁公仔麵嘅味，響呢度就有少少扣分啦，不過食完之後都唔會太口乾。 不過好值得一提嘅呢就係佢樽冬菜，望落去好辣，但其實唔係好辣，加落d面度簡直一流呀👏👏分量方面呢呢一個女仔食叫兩個餸加一個面呢已經夠飽㗎啦， 都唔算太細碗。

經過細妹介紹今次已經係第三次食文記喇瑞士雞翼係我必食之選，雞翼整得好「唸」好入味呀細妹就最鍾意食冬菇，整得好有嫲嫲的風味如果平時食譚仔食小辣或以上嘅話，我就建議你呢度揀中辣我覺得呢度嘅配料都幾足，同埋個湯底都好好味呀👍🏻👍🏻👍🏻👍🏻👍🏻次次都食到好飽！

滿心期待，滿嘴失望唔辣湯底完全普通，加咗店家辣醬就好啲有銀針粉可以做麵底，有啲特別咁囉柚皮無味，質地係霉林，直頭無食了玻璃魷魚，名就好聽，同豬紅一樣又係碎料豬大腸一啲都唔入味，浪費哂夢白入味甜嘅，不過有渣，比得幾粒仔正方體瑞士雞翼同豬手就好食嘅但可惜已經比啲車仔餸搞到無哂癮酸辣粉個湯其實幾好可惜啲薯粉煮到溶咁滯，扣哂分原本文記同喜喜夾住嗰間街邊檔車仔麵高質好多囉，搬咗去前啲金太朗嗰邊，大家自己比較下

放工要去黃金整電話，所以喺附近搵地方醫肚。經過呢間車仔麵爆爆地好多人，應該係好野，所以同老婆入去試吓。間鋪坐得都幾逼吓，不過佢櫈底有個籃可以裝雜物，呢方面幾貼心。點菜係一塊膠板，可以重用，個概念都係環保嘅。不過價錢若調整的話就要換。有好多調味料供應，夠曬誠意。尤其個菜脯很爽口，仲發現有柑桔味，好惹味！我地寫好個板交比店員落單，店員整理好俾返張單叫我地檢查一下。呢刻老婆先發現自己冇揀汁。同店員講，佢話可以後加俾老婆。店員真係有跟進同埋做到。估唔到食車仔麵都會有咁好service! 呢方面要俾個like佢！我果碗真係唔錯！個秘製辣汁幾出色，辣得黎又唔會令個口好唔舒服。個湯底飲咗都唔會口渴，應該冇落味精。酸齋夠曬酸好開胃，豬紅就夠滑，牛柏葉爽而不韌，薯粉好彈牙，紫菜就冇乜特別。老婆d牛腩好入味，玻璃辣魷魚就一般般。價錢比一般車仔麵貴，但最緊要係好食！走果陣出面已經排緊長龍等入場。好食自然值得等待。

去深水埗，一定好多野食，我和朋友都喜歡食車仔麵，文記就是我們的首選，在文記第一分店隔離~開左第二間分店一字排排坐在餐板上用筆畫上/圈上自己喜歡食物，最低消息25元感覺置身於日本拉麵店，第二間分店系走高檔路線，吸引年青人，他們都喜歡這個新穎方式點餐豬手入味多肉，聞到店舖用左好多材料，魚片頭爽口彈牙，油麵爽口而不膩豬大腸好耐無食，入口即溶，雞中翼大大件，用上老字號藥膳染製，粗麵有硬度但都爽口，瑞士汁濃郁香噴噴，好好食要再來食

同男朋友係深水埗食完午餐，行左兩個幾鐘就見到有間餐廳門口大排長龍原來係食車仔面，而我地又忍不住去試下啦價錢都好合理，最貴都係12元一個餸我地就叫左四餸一粉，有羅白，雞腳，牛腩，通菜配河粉羅白好鮮甜牛腩好淋，仲有比多左舊牛蒡