故鄉俱樂部 (已搬遷) 新店位置

有次同男朋友來長洲踩單車,之前聽過有間鋪頭d紅豆餅好好味,就一路踩,一唔搵啦!!!!就搵到呢間...見到個老闆娘....佢勁好人.....佢help我地擺好架單車,唔使擺係路中心阻到人.....亦好好笑容....跟住就叫左紅豆餅同腸仔,蟹子手卷......紅豆餅好好味,d紅豆蓉有好多,又唔太甜.......正......手卷就ok la,即叫即整,d飯熱既,令d紫菜'林'左.......

我地兩個人去,唔比食一個tea set..果時係閒日無乜人的,我覺得唔係咁好囉..無理由迫人叫野食架嘛..好食自然會叫多d 架啦..仲有今次去d 手卷無咁好食lu..紫菜好林呀..唔知係咪隔夜紫菜,口感差好遠...佢仲問我地好唔好食添..我都唔知點同佢講好...

老闆夫婦超好人，Friendly!!!(可用英、日、中文comunicate~)手捲SuShi好味！紅豆餅勁掂！去長洲點可以唔試！！下次返香港一定要再去！！(p.s.自家主理，人手略為不夠，要食好o野，自當比D耐性lor~)

可能今天天氣太熱了，我熱到無胃口到淨係係呢度嗌左個set當lunch，好抵hehe~呢度最特別的唔係食物，而係坐係茶寮食野既feel -- 很悠閒的感覺，吃著茶點，聽聽音樂，坐在街邊望街景，仲有就係大熱天時可以吹吹涼風真係舒服(好彩咁岩有風jek)。老闆娘親切友善的招呼-- 印象最深刻的~~因為好少可在香港碰到這般friendly的人。她先幫我搬好個位等我可以坐得涼爽d，然後又親切的跟我攀談...原來她的廣東話幾流利的!跟住仲拎左本guest book俾我寫，又拎左張卡片介紹我去長洲某間日本鋪去幫襯(但係我無去呀，因為食日本野一定好貴:~)，仲有免費refill的靈芝茶~~很喜歡這裡，其實食物雖然唔特別但係唔錯，不過最難得既係間cafe既feel同老闆娘的親切招待，這是我在香港絕少碰到的(應該係未碰過...香港既老闆/侍應應該學下啦)，如果有機會再到長洲我一定會再去 。

趁有時間往長州逛逛，在這裡吃了紅豆餅及蟹籽手卷。老實講，兩樣都是平凡不過的食物，任你幾好食都飛唔起。但反而欣賞他們因喜歡長州而留下來落地生根的勇氣和決心，俾著我去到日本再喜歡都無諗過會留低啦！話說回來食物是不俗的，起碼紅豆都鬆化而紫菜亦脆卜卜，路過不妨試下。

tea set - 紅豆餅+ 蟹子手卷+ 靈芝茶<br /><br />

其實唔肚餓, 只諗住同個未o黎過依度o既朋友試o下, 所以唔叫咁多o野~ 就同位香港女士叫一個tea set ($20, 紅豆餅, 手卷, 靈芝茶各一), 再加多一個紅豆餅~ 原來杯靈芝茶有得refill~~ 之後吉野太太行出o黎叫我o地下次兩個人要叫兩杯茶, 唔可以share, 態度有d不友善~ 我都唔知道有refill, 唔通貪佢一杯中物10 o既茶咩!! 當時真係有d嬲, 我朋友本來想寫d o野o係佢本紀念冊上, 都俾佢搞到唔想寫~ 之後佢又出o黎同我o地傾計, 算....... 所以各位去幫襯時, 記得一人order一杯茶啦~ (今次唔多唔少要扣d分)

雖然只有豆沙餅，手卷，茶等，味道清淡。很有鄉村風味，在長洲吃的話，別有一番風味。老闆是日本人，雖然很多人，但她仍然臉帶笑容，很是親切。

基本上沒有什麼食品選擇,只有手卷,紅豆餅及靈芝茶.食品質素不俗,但最佳的是老闆娘的人情味濃厚,笑容及禮貌周周.記得看看客人的留言及心意簿,甚至自己寫寫畫畫,都趣味十足.連見到老鼠都可愛d.

基本上沒有什麼食品選擇,只有手卷,紅豆餅及靈芝茶.食品質素不俗,但最佳的是老闆娘的人情味濃厚,笑容及禮貌周周.記得看看客人的留言及心意簿,甚至自己寫寫畫畫,都趣味十足.連見到老鼠都可愛d.

我食左個tea set，只係$20，有1個手卷，一個紅豆餅，同一杯靈芝參茶。手卷首選推介係蟹子手卷，同其他店舖手卷有d唔同，因為佢d蟹子係預先同d沙律漿混埋一齊，所以無乜腥味之餘，口感又唔錯，d飯又煮得好，外面層紫菜又脆，真係唔錯架。老闆娘好熱情架，我杯靈芝參茶飲到咁上下，佢主動走埋泥幫我再斟一杯，送架，唔洗收錢，你話幾好呢？如果這間舖於旺區開的話，例如旺角，一定死梗，因為佢係開俾d想靜靜地享受食品人，所以係長洲好出名架，必定要試試~

依間細細o既茶寮, 係一對日本夫婦開o既~ 位日本老闆仲係一位發明家, 自製o左一部風力發電機!!紅豆餅($10/3個, $4 each)好好味呀!!!! 軟腍腍, 又係料!!! 正!!!! 係我食過最好食o既紅豆餅!!!!!手卷o既紫菜好脆呀!!!!!! 首選蟹子手卷!!!!!!!不過你要先做o左member, 只要填上姓名同tel. no.已ok~ 老闆同老闆娘都好nice 呀~ 特別係老闆娘, 好好禮貌呀!

紅豆餅好味抵食，十元三個。日籍老闆娘好人有禮。