故鄉俱樂部 (已搬遷) 新店位置

去長洲「掃街」?!無錯,不過係掃食店,試左幾間!今次點都要試試日本老夫婦的手卷同紅豆餅!想坐低歎下,點知要先入會,不過只係買個TeaSet同填張紙仔就可以,齋買外賣就唔需要搞咁多手續!其實又幾好玩架,叫左兩份「蟹柳手卷+紅豆餅」連一杯茶,仲不時有工作人員添加,佢地好有禮貌,全部係長洲本地的小女孩,手卷味道幾好,再試紅豆餅,仍是暖暖的,豆蓉不太甜,幾好味!臨走時又在嘉賓提名冊留言,跟住日藉老板娘用手語說幫我地影相留念,咁又坐番低,可惜菲林問題,足足影左四張!!!!哈哈!下次我會帶埋張會員證去再幫襯!

食0既野唔係差~ 唔好期望有咩特別~~ 都幾好食0既環境... 我就唔太想坐0係後巷~~老闆娘... 一般啦~ 可能果時有兩台老外佢顧住招呼佢地都唔得閒理我地哎... 其實0係呢道食野真係好忙...又要寫guestbook, 又要take photo~我只係想安安靜靜enjoy 一下假期~

好普通既一個紅豆餅…諗唔明點解呢度d人係咁讚話好好食???

見到最後有2個喊面，己大打折扣，沒有打算嘗試，但友人興至勃勃，又$10有3個紅豆餅咁平，試下無妨，可能沒有期望，反而能有驚喜。記得以前的日式百貨公司，有部機器整紅豆餅，顧客遠遠便被那香氣吸引過去，而那些紅豆餅真的很好味，又香又甜又熱辣辣，好美味的商業味道。而這裡的紅豆餅冇咁香，有咁甜，但好多涵料，郤又不是專業的豆沙，因為還有一些一顆顆淋淋的紅豆，但咬下去卻覺得很好食，好親切，好有屋企feel的味道，比較清淡，又飽肚，最緊要係平麻，我會再試！

昨日同男友再去一次，第一次去是一年前，首先去到想叫靈芝茶，因為上次飲過，但唔知點解, 2個女仔話無，得返綠茶沒有其他了，我係度諗緊之際，個日本太太突然揚起只手話next, next,意思叫我們走開，原來我們後面又有人排隊買野，果一刻，個心有d唔多舒服，覺得佢無咩禮貌，我同男友只好退後讓位，有個女仔行出離，同我地講，得返綠茶，因為茶葉供應商唔知出左咩問題,,,,,佢講完我都唔係明白，不過得綠茶無選擇之下都要喇，同埋叫左10蚊3個紅豆餅, 每個同小袋裝住，d紅豆餅有d林林地唔係好熱，好似熱騰騰時吸左d水氣咁。後離個日本太太路過，才與我們講下多謝下咁，同埋我男友睇d相以為環境好清幽，原來係一條後巷擺幾張台鄧。仲有，今次去我搵唔返舊年既留言，好唔開心，你又叫人留言，但都搵唔到既，有d失望！

開頭睇左openrice先去，一心諗住食壽司同紅豆餅。去到見到好似殘殘地咁，而且見o的人飲野個杯係o的有手柄o既膠杯，怪怪的。膽粗粗都照去啦，諗住買架喇，但佢o的所謂手卷，只有蟹柳/腸仔/蟹子o既combination，唔係呀? 都算啦，我同男朋友諗住買一個set tea ($20 一個set包括有一個紅豆餅、一個手卷、一杯茶) + 三個紅豆餅($10)，但見個人"塗"手拎o的野食去包，真係見到都唔開胃。最令人覺得間野乞人憎o既係，佢見到你兩個人黎，死都要你叫人頭數o既set，又係咁hardsell話「我地只係招呼memebers架咋」、「哩到o的野好平架喇」，勁似o的大陸黑店。最後決定去買個紅豆餅算，不外如是，唔係特別好食jei~ 而且佢係整定晒o既，只係暖暖地咋~ 佢斜對面間壽司舖服務仲好，價錢平同款多，而且仲有甜品。at least人地唔會話一定要買人頭數o既set先比人坐先囉~~~

好易搵,沿沙灘方向行就見到.環境好優閒,坐位布置都好有心思.我地試左一個紅豆餅,味道冇咩特別,紅豆好多但淡淡地,個面都好淡.不過$4都幾平.笑面係俾個環境,都值得一去睇下.

去長洲其實都想食下砵仔糕,但卻唔知邊間舖的砵仔糕先好食,所以冇食到砵仔糕...先前在openrice睇到呢度的食評唔錯,就黎試試...買左3個紅豆餅,紅豆餅熱辣辣,真係唔錯...紅豆餅都幾大個,夠軟熟,紅豆餡又夠多,唔太甜,d紅豆又大粒,好食...買3個其實係打算慢慢食,肚餓,搭船時食...呢度其實仲有壽司食,下次試下先...

星期六係一個好風和日麗既假期,我同我bf去左長洲玩,其實重點係"食",見到咁多人都話好好食,咪去試下囉...原來個度"只招待會員",心諗以為無得食,但係原來可以即時做會員...等左一陣...幾肚餓,但仲未有得食,有個staff走埋黎叫我地填一本類似"紀念冊"既書...再等一陣,終於有得食啦..d壽司幾好食,紅豆餅都ok,食食下途中,老闆娘就要人影相....食個tea set使唔使攪咁多野呀...佢仲埋過往的相出黎比我地睇,話比我們聽好多人都會再次幫襯...又話自己many many members...唔怪得我見到都有好多人買走食都唔坐係度食啦~~~我只係想安安靜靜咁食一餐姐....之後之後,佢仲比左張會員卡我,介紹我去康記食野...最初以為介紹得都應該唔差...但係.....

食完印度菜後, 見個肚仲有些少空位, 所以食多一個紅豆餅. 雖然暖暖地, 但唔太甜, 好香紅豆味! 下次有機會試吓手卷...

午餐之後買了3個紅豆餅做甜品，真係好好食，真材實料！個餅好腍好軟熟，紅豆餡很多，而且甜度適中，起沙之餘又好腍好香，吃時還見到大大粒的紅豆！下次一定會再食

D紅豆餅唔錯但d手卷就一般~

因為生日, 所以同男朋友入長洲玩兩日, 見到呢度D評語所以去左試下, 我同男友都係叫左TEA SET, 手卷大大個好飽, 紅豆餅都熱辣辣, 裹面紅豆都算多, 靈芝茶老實講係無靈芝味既, 不過廿多元個SET你仲想點? 而且茶飲完仲可以再添~ 我去到果時三點幾, 成間鋪得我地一, 加一隻狗同一隻貓, 兩隻都係老闆養既, 人同動物都十分友善, 隻貓貓仲同我玩添^^~ 雖然食物味道並不是十分射出, 但係就比人好悠閒既感覺, 值得一去!

紅豆餅$4一個, 之前已食過, 好味!!蟹柳蟹籽手卷$14. 味道都可以, 飯好多, 好飽~~

呢度o的燒餅都幾好食,十蚊三個。o的紅豆餡又多,但為一唔好既係o的燒餅都唔係新鮮熱辣既,如果唔係就更加perfect!