故鄉俱樂部 (已搬遷) 新店位置

我去親長州都會幫襯~都食左幾年,d手卷好好食, 環境又舒服,靈芝茶又好飲,d人又nice,不過...................好多美好既野都唔會長久既..........我尋日一行5人,第一站就黎呢度,因為我阿媽唔肚餓~所以我地5個人只叫左4個set,前後事頭婆+d響度做既妹妹仔問左3次order? order? order?how many?最後佢地clarify我地只係叫左4個set,就話冇order既唔可以坐,果陣有4張檯有2張係吉既~大把位,我第一個彈起身, 唔坐咪企law我冇損失ga, 一張椅睇到你既customer service,點解有位唔可以比人客坐?我明白如果人人都叫一兩個set, 而又成班人坐響度,更係唔好la但我地只得一個冇叫set,仲要咁多位既情況下,咁做我覺得好唔合理, 仲要張椅一直放響我旁邊,冇人坐冇郁過...............而事頭婆仲要扮nice同我地笑. 又真係幾好笑wo再+上, 我地有茶飲果4位一致認為d"靈芝"茶~冇左靈芝味, 同茶樓既茶有咩分別?我使咩叫個餐?好在個手卷依然好味, 最後我地走, 事頭婆同我地講多謝呀咩果d說話.....

我地order坐個Tea set,有手卷,紅豆餅同靈芝綠茶,其實呢度係得呢幾樣野食,爭在你係order tea set 定係散叫,個手卷好大個呢,紅豆餅就好似以前o係八佰伴既福餅,但呢度既紅豆就多到不得了，靈芝綠茶有得refill 的,吉野太太識得講少少廣東話同英文,佢知道我bf識日文,就好高興同佢用日本交談,又同我地影相,同叫我地o係佢地本'紀念冊'度留言,其實我覺得呢度o既人情味比食物更美味呢~P.S. 吉野太太講廣東話可能有時大聲同倔左D(因為唔係話十分流利,只講片語,e.g:"比$先!","排隊!"),但唔代表佢無禮貌架^_^

初六和男友到長洲一遊,記得openrice的食友讚過這裏的紅豆餅,便買一個試試.熱辣辣的紅豆餅,不會太甜太漏,味道尚可.$4一個很抵吃了,下次經過都會再幫襯

這是一間很有趣的小地方...其實手卷很普通豆沙餅也不見得天下無雙靈芝茶再好也不過用熱水泡的但最好的是在那裡你不用緊張在離島的假期遇上了很友善的吉野先生和太太二個很禮貌很敬業樂業的少女很舒適不名貴的椅子桌上是新鮮的牽牛花即使吃的是普通的東西也讓人回味有閒情的話(還要避開人潮的時間)便去享受一下吧

由於我地係平日去, 人唔多, 其實週日個時都見佢無咩人架, 呢位日本太太好好人, 十蚊三件既紅豆餅買個時都重係暖暖地的, 一口咬落去, 粉漿調得唔錯, 個飽好腍好軟熟，紅豆餡甜度適中, 起沙之餘又好腍好香, 口感唔錯喎!! 相信剛做起時個皮脆脆地會重正, 平平地都真係食得過架!! 不過就唔係我想像之中咁正啦….佢有當坐的, 但係好怪, 寫住"只限會員....", 哈哈!!

每次來長洲必來hea之地方，吉野太太好人熱情，不過今次o既紅豆餅好似唔多熟咁，粉漿濕，幸而甜度適中o既紅豆餡，水準依然沒變，我們坐了差不多半個鐘，本來想坐多一陣飲多一杯清香o既靈芝烏龍茶，但見有十幾人o響度等，唔好意思，所以今次我只添飲了一次，有失望。

之前上黎睇到呢間ｃａｆｅ咁多人讚～我又點可以唔去試下呢～１月１０日～同男友去左呢度一嘗紅豆餅ｏ既滋味～意外ｏ既係，唔只紅豆餅好味，手卷都好好食～好彩叫ｔｅａ　ｓｅｔ，冇剩叫紅豆餅ｊａ～：ｐ日本太太好人到不得了．．．不過佢ｄ　日文＋英文＋中文～我有ｄｄ聽唔明ｌｏｒ～不過大家去開長洲真係一定一定要黎試下呀！果度唔單只個ｆｅｅｌ特別，比少少錢就有咁好ｏ既野食，同咁好ｏ既服務～真係好抵ｇａ！

看見食評對此小食店評價甚高，故來長洲玩之餘都順道幫襯；來到都不刻意試其他，只買了個紅豆餅一嘗。咬開，紅豆滿布，粒粒飽滿，而甜度剛好，可算不太甜，是我的那杯茶。而外層焗到剛剛好，總體不俗；但在附近的小食專買店頗多，競爭不小，想凸圍都幾辛苦！

其實每年都會去長洲一次，但都唔知有個咁既地方，2006年既最後一日同一個朋友同埋佢班fd入黎長洲玩，朋友介去呢度食lunch，我覺得佢地d手卷壽司同埋紅豆餅都好好吃架，我食左個蟹柳蟹子手卷荼餐包一個紅豆餅及一杯有得添飲的靈芝茶。而老闆娘吉野太太好好人，主動走黎同我地打招呼，雖然佢唔識英文，大家只係靠幾個簡單英文同埋日文溝通，最後我地係佢地本留言冊到畫上公仔同埋寫上留言。手卷基本上都係十幾蚊一件，味道幾好，紅豆餅就十蚊三件，佢地個岩好似食梗紅豆沙咁…一粒粒紅豆起沙架！所以真係唔錯。有幾會入長洲真係要試下啦！

嘩...紅豆餅真係唔錯..又平..十蚊有三個..但係如果係兩口子去度假的話..會食唔晒三個囉..太大個嚕.因為紅豆多掛..不過真係有水準.手卷都好食...但款式少花茶未試過...有待各朋友試後回報

勁like紅豆餅~ 好多紅豆, 唔太甜...３／＄１０^^ always take away to home..老闆娘好好笑容..very friendly..

我好like 呢間鋪~呢幾年去親長州都會食~手卷好好味~可能我佢夠醋味la^^

星期四晚同男友入左長洲玩, 跟住星期五中午時候出去搵野食...我地12:20去到故鄉茶寮, 諗住買紅荳餅食, 點知老闆娘話要20分鐘後至做起...我地唯有周圍行左一陣, 再返轉頭買...老闆娘見到我地返黎好開心, 我地話要3個紅荳餅, 佢居然送多一個比我地, 話因為我地肯等佢, 走返轉頭買...佢地真係好nice, 好好笑容, 重好好禮貌...講返D紅荳餅, 入面雖然有好多紅荳蓉, 但唔會好溜同唔太甜, 真係好新鮮好好味...下次一定會再去幫襯~

之前看過食評不錯所以才來一試, 食品選擇唔多, 只有tea set, 係紅荳餅+手卷+ 靈芝茶, $20 好平, 好好味, 尤其係佢d手卷, 比起出面既日本料理好得多, 但出奇地沒有三文魚, 只有腸仔,蟹子, 蟹柳, 坐得好舒服, 老闆娘一定會幫會員影相, 又叫我們寫下筆記, 都好好人呀~

趁新年返嚟長洲玩吓, 休息吓同食吓嘢, 上幾次返嚟都冇嚟呢度食, 今次就一定抽時間去食吓好耐都未食過嘅手卷, 味道其實冇咩特別(同以前差唔多), 但係唔知點解, 覺得特別好味, 可能係懷念以前讀書時期一放學就成日嚟食嗰種滋味掛! 日本婆(以前叫慣)都係咁好笑容!