故鄉俱樂部 (已搬遷) 新店位置

雖然我唔係咁鍾意食紅豆, 不過行到0黎呢度, 仍然心思思買了一個($4) 試試.個餅拎上手仍然熱辣辣, 好軟熟, 帶少少鹹又帶少少麵粉味(?), 好對口味, 諗起細個時阿媽唔知0係邊度買俾我食的超掂豆沙餅! 紅豆餡幾夠「沙」, 甜而不膩, 好好食!$4 一個, 好抵, 不過如果多幾個人一齊買, 可以$10/3 個, 仲抵!

已經幫親曰本婆好多年lu,最欣賞她的熱情招待.紅豆餅十蚊有三個都算抵食,入面有好多紅豆又唔會太甜.手卷就普通左d,但未試過的都可以試下...

黎到食紅豆餅啦~終於搵到啦! 見到有好多人企係出面食.個皮好鬆軟, 有好多好豆餡漏出來, 天氣又凍凍地, 好味!!10元3個, 抵食!!

好耐無食過...以前成日食, 因為真係好好食, 尤其個紅豆餡! 好香豆味! 個皮都有點奶味的!不過今日再食, 都依然好食, 但好似比以前所熟悉的味道退色了一點點呢...一個都只係$4!! 都抵啦~!!

今年班會旅行去長洲我一早上黎openrice search下有咩好食睇到呢度好多人話紅豆餅幾正於是我第一站就黎，點知未開可能11點太早啦後來2點再黎過，門口已經有三四個人排緊隊在排隊期間，發現老闆娘很用心即場整緊等了約5分鐘，一個熱辣辣的紅豆餅便交到我手老闆娘只對我講日文對於我呢個日文白痴簡直係零交流不過我都好有禮貌從佢手上接過後講唔該＾＾講番個紅豆餅，個皮都ok個餡好多豆，但我個人認為甜少少會好些$10/3個，$4/1個算係咁啦

唔記得黎過幾多次..第1 次係前女友帶我黎今次叫左個Tea set,有手卷,紅豆餅同靈芝茶..我覺得最正係d 手卷..好有風味.. e 到好有渡假feel !!其實呢度係得手卷, 靈芝茶, 紅豆餅幾樣野,紅豆餅都係咁香,吉野太太識得講少少廣東話同英文, 佢好nice 嫁..唔知下重見唔見到我d 留言係紀念冊....

紅豆餅! 餡不會太甜餅的口感很特別不懂得怎形容很欣賞店子同保溫箱裝住紅豆餅~ 暖暖的! 可以不覺得有傳說中咁好味

(15/11/07)地點向東堤海灘那條路,有指示行1分鐘就到。(往左邊)日本人很友善,估不到在這裡開店,似乎簡單的廣東話也不懂。所以我要一件紅豆餅,用很簡單用日文表示。在發泡膠箱內,拿出一個,(不是新鮮出「爐」有點失望)。紅豆大粒粒,饀唔甜,但太多了,餅皮薄薄包住餡,吃不它的實力。

長洲之旅食左紅豆餅($10--3), 幾香幾好但冇食到壽司呀, 因為之前食得太飽啦.. ha臨走想去再買, 點知收左鋪lu...

重陽節去左長洲食足一日因為之前期望太大食落其實唔太特別..首先去到果度見到整野既只係妹妹仔我見佢地整手卷果時都好生手下..要老闆娘出黎幫佢手講返個紅豆餅其實熱哄哄咁放落口個餅都真係唔錯不過我覺得d紅豆可以甜返D10蚊3個係抵食的!!如果甜返少少就perfect !!

主人與奴隸獸幾近十年沒有踏足長洲，決定找一個週日遠征此小島。（可以避開擠迫的人群。）當然要Plan定D搵食行程，於是去Openrice 搜集資料。好啦！一切準備就緒後就出發。一離開長洲碼頭，就首先去「故鄉茶寮」。按著地址到達時，觀察四周，懷疑此食店是否已經結業。於是主人問了一位正在晾衫的女街坊，才知道「故鄉茶寮」原來是搬了。「故鄉茶寮」現在的新地址是：長洲教堂路17號。但奴隸獸仍然非常失望，因為「故鄉茶寮」沒有營業。搵食攻略一開始就出師不利。現在唯有向下一個根據點Morocco’s推進。P.S. 1. 下午三時，主人與奴隸獸曾回去「故鄉茶寮」的新址，但是仍然沒有營業。2. 在此鳴謝那位女街坊指點迷津。

前幾日同阿媽去時見到間酒店將呢間鋪位拆左請問係執左?定搬左?以前聽呢間鋪的故事時覺得好有意思......日本伯伯專心做小發明親切的日本婆婆就閒時做點家鄉小食幫補一下家計這種故事發生在香港的長洲就好像你我的生活一下子加上了色彩不過論回食物就好普通我是一個紅豆迷只要有紅豆做涵的食物都愛但這間紅豆缾就比般一般尤其見著他們但紅a保溫盒拿出半暖不熱的紅豆缾咬下一口時就覺食味只是一般實在有點過譽喇其實附近賣紅豆糕的小食店都係領這店的光一樣有時都替他不值又話抄人都可以打正旗號不過事實係幾好食所以每次都買長洲真係唔錯真係想入去住

係長洲住左廿年，食呢度既餅大...紅豆餅係日本食到既味道，但同你係旺角找到既，絕對好味好多... 但而家做到出左名，假日多人既時候，係請d妹妹仔整，料係一樣，但火喉唔同左，食唔食到日本老闆娘既手藝，睇你好唔好彩...佢\既手卷亦好好食，雖然料只係腸仔蟹柳等，但飯既味道，比起出面好多壽司店好好多，沒有胃口既下午，吃這個清新一下，亦算不錯。

早前去了長洲兩日一夜, 天氣就唔多好..連續兩日都有食呢度既紅豆餅, 男友有食腸仔手卷, 佢話都可以, 我就興趣不大, 紅豆餅就唔錯, 好少機會食到, 其他野都冇試, 日本婆婆招呼都OKAY啦*********順便一提, 在OPENRICE找不到的食店, 1)我們去了華威酒店飲早茶, 中式那種, 是一位熱心街坊推介的, 那裡坐得好舒服, 點心同服務都好好, 仲係對住沙灘的海景, 算是今次最驚喜的地方2)一間對住碼頭海傍的麵店, 名字不清楚, 在一間叫香雪海酒家的隔離, 環境不錯, 有麵同珍珠奶茶, 味道唔錯

今日三十幾度入去，好熱，無冷氣，坐後巷；但因為未試過，諗住帶老公去一齊試，抱有好大期望。叫左兩個Tea set，腸仔手卷同蟹柳蟹子手卷+兩個紅豆餅+兩杯靈芝茶。手卷：紫菜唔脆，特別就特別在未試過用腸仔黎做手卷。味道普通紅豆餅：熱騰騰，多多餡，唔太甜，味道剛好，可惜老公話唔夠，D香D應該會更加好。靈芝茶：會不斷添加，但好淡，好似飲水。本來話入左會，會影相，但佢相機壞左，無得影。只係留左言。老細同老闆娘都無出過黎招呼人，只係係後欄打點洗野。下次黎，我諗都係買外賣$10/3個紅豆餅實際D lu~~