捌捌陸台式料理 (D2 Place ONE)

营业中

休息中

近排收工都係公司附近搵嘢食,因為喺荔枝角真係好多美食,最近愛上一間台式餐廳。捌捌陸 ,餐廳喺荔枝角長義街D2 Place 1期3樓,餐廳環境舒適地方闊落,空間感亦都好足夠,鍾意戶外嘅朋友仲可以坐出面吸收下新鮮空氣。餐廳主打台式食物,雞煲方便有麻辣雞煲同三杯雞雞煲,今晚就點咗三杯雞雞煲,雞件分量好多仲要好入味,雞肉好嫩滑,有麻油,花雕酒,同醬油香味,一上堂已經聞到好香嘅味道,呢個醬汁用來配白飯真係一流,令到我食慾大增。鹽酥雞 ,鹽酥雞粒粒都大大粒,外面炒到金黃色,食落去非常酥脆,入口入面嘅雞肉仲好嫩滑好多肉汁,加上調味得啱啱好,有少少鹹香味。手撕雞肉燥飯,食台式嘢真係要配返個肉燥飯,肉燥飯加上秘製嘅醬汁,除咗口感豐富,味道真係一流,手撕雞味道好香,配上肉燥增添口感,好正宗嘅台灣肉燥飯。飲品方便好特別,有各款台式啤酒,珍珠奶茶。今日試咗台灣菠蘿啤,入口味道好清甜,完全唔似飲緊酒,菠蘿味好香,又冰涼又解渴。

❤️聽朋友講D2 Place 1 有一間很不錯嘅台式料理，今日一於約埋朋友仔去試吓。😙🌟🌟餐廳環境舒適，裝修簡約，除了有室內坐位，還有室外坐位，一邊食台式菜，一邊聽悅耳嘅國語歌，真係好好嘅配搭👍🏻🌟🌟用QR code order食物，除咗食物款式多，飲品種類都非常之多，攪到我都有選擇困難症😅，最後就order了台式鹽酥雞、麻辣紅燒半筋半肉麵、紅燒三寶蔥油油乾伴麵、芝士咸牛肉蛋餅、台式滷水拼盤、飲品叫左洛神花茶、黑糖珍珠奶茶。🌟🌟紅燒三寶蔥油乾伴麵、麵條煙韌，醬汁惹味。麻辣紅燒半筋半肉麵，不太辣，易入口，牛肉每一塊都係厚切，半筋半肉好軟腍。🌟🌟咸牛肉芝士蛋餅，要趁熱食，芝士多到可以拉絲，邪惡但好味😋🌟🌟台式滷水拼盤份量十足，有牛展、牛筋、豬手、豆腐、牛肚，滷得相當入味，牛肚爽口，牛展、牛筋軟腍，豬手吃起來不油不膩，補充骨膠原👍🏻👍🏻🌟🌟台式鹽酥雞，炸得非常香口，外脆內軟🌟🌟洛神花茶味道清新，黑糖珍珠奶茶，茶味和甜度適中，啱晒我口味👍🏻

餐廳入邊好闊落 而且有室外位置 有草地感覺上好放鬆 同埋有好多客人都會帶狗仔過嚟 望住狗仔食嘢 賞心悅目Menu食品唔齊全 用Apps睇會多啲食物選擇例如酒類 Menu冇，但係個Apps就見到花雕醉雞卷蒽油乾伴麵揀咗寬麵 個面口感好好撈埋一齊好夠味 麵冇乜醉雞味 係蔥油香但雞就做得好好 好入味 好有酒香酥炸花枝丸好大粒 好香墨魚味 食得出墨魚粒有兩個醬汁 可以選擇配搭推薦黑糖地瓜條份量好多 3-4個人都夠食甜甜地 口感好軟綿 係即整忍唔住一啖接一啖台灣白葡萄啤酒第一次人台灣啤酒 好易入口 有啲似飲緊果汁白葡萄味好清香 一啲都唔假仙草凍奶茶 少冰 少甜+爆珠 +奶蓋仙草甜甜地入口Q彈 爆珠係果汁味 奶蓋鹹鹹地 份量都幾多整體成杯嘢都好出色加咗好多配料都唔會話好甜

去D2 Place搵嘢食😆揀咗食台灣嘢見佢個台式雞煲好吸引⭐️三杯雞煲分量超多，兩個人食綽綽有餘d雞好惹味 好好食😋⭐️配料-蛋餃見到蛋餃即刻叫😍平時好少機會有得食蛋皮同餡料超夾超級推介👍🏻⭐️白菜豬肉餃味道唔錯d餃子🥟皮唔會好厚剛剛好😊⭐️皇帝菜又係特別的菜平好少機會食即刻叫D菜吸取左雞煲味 超正🥳⭐️烏冬係稻庭烏冬抵讚加分😋⭐️飲品-水果菜超多水果喺裏面滿滿嘅火龍果加上蘋果同橙好飲嘅茶底超滿足嘅飲品😆⭐️黑糖地瓜條平時我好怕食炸嘢但而家餐廳嘅地瓜條係焗一啲都唔熱氣超好食🤤脆卜卜⭐️花雕醉雞卷賣相品錯食落充滿着花雕酒味食完好開胃值得推介👍🏻整體來說，食物質素唔錯座位都好坐餐廳都好好，唔趕人好啱同朋友嚟食好嘢慢慢傾😄

貴，啲服務員企哂係到唔知做乜。湯要自己倒，完全冇management. 次次都食唔飽，同一價錢不如去第二度。仲要收加一，見到佢地細聲講大聲笑，唔知好唔好意思叫佢地做嘢。

聽講荔枝角最近嘅D2 place喺寵物友善商場，裡面好多餐廳都可以帶寵物一同品嚐美食。所以，我今次專登打電話，book左呢間台式食店。我同我愛犬一到場，就有服務員招待💖，態度很好。安排我們到室外用饍。我們左右都坐了大大小小的不同品種犬隻。個個都很乖，坐定定，靜靜等主人給食物。超贊。👍我叫左一個菜給愛犬，自己就試左很多不同款食品。餐牌有很多選擇，我叫了醉雞台式粗麵，麻辣鴨血，芝士蛋卷，炸花枝丸等。仲有兩個飲品，叫左咁多野食，埋單都喺幾佰元。都算便宜了。

經收銀入座，服務員叫我自己搵個位坐，然後會有人送上QR code落單。等咗一段時間，有班大group入座，2秒就有QR code紙俾佢哋。作為一人顧客完全感受到被忽視。

超級難食 飯勁硬 滷肉硬到喊 滷蛋喊到不得了 麵勁淋 好似發帳哂咁 而且好貴 服務質素勁差 啲服務生傾計禁電話都無心做 未試過咁難食嘅台式料理  覺得有好大嘅進步空間 唯一可以稱讚嘅地方就係飲品

今日喺荔枝角D 2place一期覓食， 最後入左一間台式餐廳晚餐！原本想食地道台式食物，但見到餐牌有雞煲，忍唔住想試吓，估唔到有驚喜！雞煲有麻辣口味和三杯雞口味，我哋揀咗台式三杯雞雞煲，雞煲份量頗多，末上枱已經聞到陣陣九層塔香味！雞肉嫩滑又多汁，喺其他香草配搭吓，鮮味十足！食地咁上下，職員主動幫我哋加湯，湯汁都幾濃味但一點也不咸👍🏻！火鍋配料款式頗多，我哋點了韭菜豬肉餃、手打鮮蝦滑、三星蔥貢丸丶皇帝菜，最愛有香蔥餡的貢丸，多汁又juicy，鮮蝦滑都不錯，爽滑又彈牙！其實食完雞煲已經好飽，但老公又想試吓滷肉飯，所以點咗一碗地道台灣腸滷肉飯🙈！滷肉入味得來一點也不肥膩，台腸烤得很香又脆，非常合我們的口味，絕對值得一試！整體而言，餐廳性價比非常高，食物新鮮，職員細心又有禮！用歺區分戶外、戶內，今日稍為有微雨，未能坐戶外，＇下次必定再來！

今日原本諗住去x哥食個米線快lunch,點知排哂長龍等好耐。咁轉餐廳轉咗去呢到，望落間餐廳裝修燈光夠光猛，不過啲飯腳想户外啲坐室外，室外位就寛敞啲，空間感大啲，不過個景附近都高樓大廈，所以冇乜景可言。咁事不宜遲啦，睇下個menu，可選擇的菜式少之又少，起有限嘅菜式到揀咗紅燒牛肉麵，點知上個鹽酥雞滷肉飯比我，趕時間照食啦，食落去啲滷肉好硬唔知點解，肥瘦唔均勻。啲飯軟硬度適中，不過就淋得太多汁，食到底有少少變食湯飯嘅感覺。雞就食落都嫩口嘅，鹹度都可接受。食完埋單呢間就收加一，要加一可能整個QR落單服務你好高成本，所以收你加一。

今日同朋友去咗荔枝角呢邊行街，咁啱行到攰打算搵嘢食，就去咗啲D2一期3樓呢一間台灣餐廳食lunch 我哋一行三個人，打算叫多幾樣小食試吓味，始終疫情之後都仲未有機會去到台灣 餐廳係用QR code落單，非常方便，餐廳嘅設計亦都分戶外嘅位置，方便鍾意帶寵物嘅朋友餐廳嘅空間感亦都非常闊落，每一張枱之間都有足夠嘅位置，唔會有太迫既感覺首先推介有紅燒半筋半肉麵，面嘅軟硬度適中，咬落亦都非常爽口，碗麵有牛筋牛展同半隻滷水蛋！牛筋炆得非常入味，入口亦都非常軟滑，非常好吃 牛展就有濃厚嘅牛肉味，咬落亦唔會有好硬嘅感覺！麵條融合咗湯底嘅精華，忍唔住連湯都飲埋，值得推薦！ 另外都叫咗幾款小食，鹽酥雞都炸得非常鬆脆，份量亦都非常多，我哋三個都差啲食唔晒，鹽酥雞唔會炸得太乾，每一件雞咬落去都有肉汁，再配埋適當嘅調味，小食價錢嚟講算幾抵食另外雙色地瓜球都幾好食，首先炸得唔會好油膩，識落口亦都有鬆脆嘅感覺！每一粒入邊都有紫薯，鍾意食紫薯嘅朋友，絕對唔可以錯過！！最後仲叫咗珍珠奶茶飲！珍珠都做得非常煙靭，我叫咗少甜，店員都好貼心咁行埋我地度問我味道啱唔啱，呢個位非常值得加分 鍾意食台灣嘢嘅朋友唔可以錯過呢一間餐廳

間中想食下台灣野又想享受吓，可以去D2 place 搵野食！！這間捌捌陸，已經食咗第二次啦牛肉牛筋麵（牛筋好淋又入味）醉雞拌麵 -醉雞好入味！如果有帶狗仔，仲可以選擇坐係戶外🤭

今日d2 place搞咗個潑水節，咁啱去開附近就去趁下熱鬧睇下。上咗樓上食嘢有間叫做士林夜市捌捌陸嘅餐廳。佢出面有個outdoor位好舒服，仲可以居高臨下睇人哋玩潑水，唔使濕身。啲位又擺得闊又有梳化位，環境冇得輸。我叫咗個滷肉花雕醉雞飯，我畀90分，花雕夠味，雞又唔會老。仲要佢係珍珠米，粒粒好軟硬適中。另一個係牛展伴麵，牛展厚咗少少有點硬，但係個寬麵就非常之有效口味道都唔錯。仲有啲炸乾蔥伴碟，值得加分有誠意。夜晚唔知係咪有啤酒飲，格局都有啲酒吧feel，下次同朋友嚟試下

放工經過D2商場見佢裝修好 都未食過就試吓 叫咗一隻麻辣雞煲 好難食嘅雞煲👎雞肉是梅的 很像死了很久 雞肉還有一浸怪味 捌捌陸的買手真的要正視這個問題 我食咗一嚿已經唔敢再食驚會肚痾😡😡😡

見到佢新開，諗住同朋友入去試下，入咗店之後，就搵位坐低，過咗一陣，都冇人理，但見到隔離枱有QR code , 咁就行去問吓店員拎code啦, 點知佢勁冇禮貌話「你行返去坐！」跟住再見到後來嘅客人都有QR code ,我哋都未有我地一行三人，叫咗3樣主食餐，2個小食，野食就一般啦，唔係難食嘅，兩款炸野都係比較硬同乾，牛肉麵就ok啦，正體性價比都比較低，應該都唔會再黎，因為見到幾個店員，都係冇乜禮貌埋單約$400