捌捌陸台式料理 (D2 Place ONE)

营业中

休息中

兩個人係D2 Place 行街，想食台灣野就見到捌捌陸幾多人食緊。本來想叫蛋餅，可惜夜晚原來無得叫蛋餅😭第一樣上嚟嘅係台式麻辣雞煲，份量超級大，而且仲熱辣辣嘅！雞肉好新鮮又好味，辣味剛剛好，洋蔥吸收曬d味，都幾正。而台式滷水拼盤嘅大碟真係份量好足夠，牛𦟌入味又有啲咬口，豬手好新鮮，淋汁又好味，食落又有彈牙嘅質感，富有骨膠原。牛肚同牛筋都好新鮮好味，而涼伴嘅木耳絲都好爽口，香味撲鼻，真係好開胃。最後嚟到紅燒牛肉麵，牛肉好新鮮好味，麵條又好彈牙又好味。飲品方面叫左捌捌陸水果茶同埋凍嘅蜂蜜柚子茶。2個都好唔錯，唔會太甜。

平時在荔枝角行街因為唔熟路 都會搭車去其他區食飯朋友在荔枝角放工 就係附近食飯佢介紹lunch常常食既台灣菜原來夜晚有得食雞煲 佢一直想食7點去到餐廳 幾乎滿座 等候片刻入座餐廳在d2place one 既3樓附近都係以連鎖餐廳為主而這間台灣菜 座位很多以四人枱為主 仲有得坐戶外位置看到餐牌 雞煲分為2種有三杯雞同麻辣雞煲價錢$138一隻 真係好抵 就試下佢而配菜定價同樣唔貴 20幾至30幾蚊我地本身放工肚餓 一於盡情落單//台式麻辣雞煲 $138//一隻雞的份量很多而且每件雞都厚肉 很嫩很滑煲得很入味 配料香料齊全辣度適中 真的很惹味令人食唔停口 比雞煲專門店更高質//手切美國prime三角肥牛 $158//肥牛分為2種 都屬於美國prime牛我地選擇三角肥牛 油脂較重但食落又不覺肥膩感 份量夠多在雞煲湯底 輕沸一下已經入味//台灣直運鴨血 $38//鴨血約有6至8片食落入味 口感硬身不會散開跟雞煲辣味很夾 推介//胡椒豬肚貢丸 $28//貢丸大粒彈牙咬入去 有明顯胡椒味//魚皮魚肉餃 $28//魚皮餃比平時豐滿原來魚肉的餡料很足想想像中有驚喜//娃娃菜 $28//菜類選了娃娃菜吸味

今日舊同事帶路去D2開飯, 一直以為D2都係好靜,假日先多人行下市集原來商場閒日夜晚都有間要排隊既人氣食肆餐廳都有唔少枱, 7點鬆D去到全場爆滿. 好彩等左唔夠5分鐘就可以入座坐低就俾佢既$138雞煲吸引住, 因為$138係有成隻雞! CP值除左睇個份量, 味道都好重要雞煲要做到濃而不油不膩先可以無負擔咁加湯打邊爐因為雞件都多, 就剩係叫左皇帝菜同鴨血皇帝菜份量又係大大碟鴨血滑LUR LUR, 配埋雞煲湯底, 勁惹味$48蚊位任飲手搖,  有7款選擇都算OK試左珍奶, 青茶, 蜂蜜柚子 都係唔會太甜, 唔錯!!食雞煲就係需要任食先滿足!其實未黎之前睇左MENU已經好想食佢既麵, 因為有最後既寬麵最後叫左雞煲都仲係心心念念叫左一個麻辣雞絲蔥油拌麵雖然好飽, 但個麵真係超級好食麵質有嚼勁, 雞絲微辣口感同味蕾同時SATISFIED!!

Lunch 平時食開果幾間, 今日諗住試下新野估唔到就中個大伏黎個總結先: 難食同 貴一坐低就派QR code, 對QR code 唔抗拒既! 但唔明點解要收加$1 ? 又冇幫你斟水, 又要自己出去埋單....叫左個鹽酥骨滷肉飯, 擺盤係幾靚. 但首先, 滷肉唔夠腍、 肉韌 同 冇乜脂肪香味。其後, 鹽酥骨炸漿做得幾好, 但肉薄。就算薄但肉質都feel 到韌。食完完全冇台灣feel加埋1 要差不多100。簡單講句........完全唔值, 100大把選擇。btw 膳稿打得幾好!

捌捌陸．最愛紅燒半筋半肉麵陪朋友去荔枝角市集行街買野之後要醫肚一於去食近期 D2 Place最火熱的捌捌陸原來真係好多人架！好懷念台灣的夜市呀與朋友一起點不同的套餐(包涼菜、飲品)再追加小食一起分享感受旅行台灣的滋味我們點的食物包括：台灣鹽酥雞滷肉飯套餐配小黃瓜、黑糖珍珠奶茶紅燒半筋半肉麵  (選台灣寬麵)配木耳絲、黑糖珍珠奶茶單點小食：花雕醉雞卷藥膳排骨鹽水手撕雞黑糖珍珠奶茶是我們的最愛一於點點佢意想不到的驚喜！珍珠勁香軟又香甜非常好飲用黑糖沖的，味道很濃香可見用料很足小黃瓜+木耳絲用了醋溜，特別爽脆開胃台灣鹽酥雞滷肉飯大大份的份量滷肉巨多，香甜好吃鹽酥雞重手，帶極強鹽香口感香脆我食麵的都忍不住一吃再吃花雕醉雞卷好有酒香，又不會醉口感彈牙，入味清爽好食鹽水手撕雞鮮嫩彈牙好香雞汁入味而滑溜，非常好食我覺得用來撈飯很一流紅燒半筋半肉麵  台灣寬麵嘩嘩，這個很棒棒呀！濃湯，極香濃滋味，牛肉味極重半筋半肉 既有香軟林滑的牛筋更有半透明超入味的牛肉半隻蛋都是滷味極香的所以每口都是台灣傳統味道連湯都清埋係呢種！藥膳排骨這個必食！我最愛的藥材香氣滋補有益而且排骨軟林如果可以配以油條又是一道下飯的好

聽朋友講D2 place開左一間台灣野，本身覺得黎黎去去都係嗰啲野，就不抱期望～點知超多驚喜！！仲要有雞煲食～大癲！涼拌青瓜 - 好開胃嘅前菜，口感好爽花雕醉雞卷 - 雞肉好嫩，浸得夠入味， 仲要唔係好勁嘅酒味啱晒我食台式小食拼盤 - 超級豐富，有蝦膠油炸鬼、酥炸花枝丸、地道台灣腸、酥炸甜不辣、黑糖地瓜條～～個人最愛油炸鬼，好鬆化，唔會好硬身嗰種脆，同埋出邊好少食到～黑糖地瓜條都好出色熱辣辣又每條都沾到黑糖嘅焦香三杯雞雞煲 - 呢個item真係唔試唔得， 三杯雞係台灣懷念嘅味道，好多九層塔勁香，同埋啲雞肉估唔到仲keep到嫩滑，另加左皇帝菜、鴨血，真係食到捧住個肚肉燥燙青菜 - 其實只要啲菜夠青翠鮮綠就已經好好食，肉燥係bonus令到個層次再提升仙草芋圓 - 只要嗌雞煲就可以加$20有甜品食，芋圓夠煙靭，仙草都好正宗 捌捌陸水果茶 - 有得嗌少甜好貼心同埋水果味都好出蜂蜜綠茶 - 食咗咁多嘢，嗌埋呢杯清清地消滯就啱晒

之前見到有好多捌捌陸既ig post，搞到我都心郁郁左一段時間，今日喺荔枝角就走左去試下呢間台灣野！鹽酥排骨滷肉飯 $68超大塊鹽酥排骨切到整整齊齊擺起滷肉飯上面，滷肉有肥有瘦，唔會啖啖都覺得好肥膩，不過就略嫌滷肉汁比較少，飯會比較乾身，但整體來講味道都唔錯！鹽水手撕雞蔥油乾拌麵 $68蔥油拌麵有別於平時自己喺屋企煮嗰啲，麵較粗，但唔算太有咬口，拌麵汁較稀，不過鹽水手撕雞味道較濃，表面有炸蒜粒，增加口感。台式鹽酥雞 $58份量超多既鹽酥雞，外面非常脆口但裡面既肉質口感唔會炸到鞋哂，岩岩好呀！台式小食拼盤 $88小食拼盤入面有台灣腸、炸花枝丸、甜不辣、黑糖地瓜條同埋蝦膠油炸鬼。九十蚊都唔洗就有咁大份既小食拼盤真係勁良心🥹甜不辣係我每次食台灣嘢都會叫嘅小食，煙煙韌韌勁好味！黑糖地瓜條口感軟糯，加埋黑糖醬就好似甜品一樣😋小食拼盤仲配埋泰式辣醬同沙律醬，咁就唔怕太dry啦🙈🙈七色雲彩 $38一碗集合唔同顏色既芋圓，仲有珍珠同椰果，豆腐花、仙草底加入黑糖，味道偏甜，適合螞蟻人！蜂蜜柚子茶 $28捌捌陸水果茶 $48兩款飲品我就比較鐘意水果茶，味道偏淡，每啖都非常清香，果香味重。食左咁多油膩食物，

👧🏻👸🏻好掛住台灣既美食🥲❤好彩係香港都搵到d好味又抵食既台灣菜餐廳💁🏻‍♀-🍴台式三杯雞雞煲 全隻雞既雞煲都係$138🤩好抵食 另外味道都好特別 佢係台式既雞煲 好香蒜油同九層塔既味道 好入味👍🏻 食完雞煲當然可以加湯變打邊爐😏🍴台灣直運鴨血 因為想食多d小食🤭所以淨係加左👧🏻好想食既鴨血❤好煙韌有咬口另外叫左大量既小食😍好似去左台灣夜市咁💕🍴雙式地瓜球🍴台式鹽酥雞🍴地道台灣腸🍴黑糖地瓜條🍴滷水蛋(一隻)每樣的份量都好足👍🏻👸🏻比較中意食台灣腸 連埋生蒜片食 好惹味 而👧🏻比較中意食雙式地瓜球😍係實心既 外皮好酥脆 唔會有油既感覺🥤甘蔗鮮奶🍺台灣菠蘿啤酒飲埋手搖飲品加台灣啤酒更似去左台灣😂🤭🍴黑糖仙草芋圓(小)最後食個細細的甜品❤ 芋圓好煙韌 另外黑糖味都好足👍🏻📍捌捌陸@荔枝角長義街9號D2 Place一期3樓306號舖

喺荔枝角D2 Place有唔少小店，今次去呢間台灣小店，見到都好多人幫襯，可能因為價錢都好平民，選擇都幾多，而且仲係可以帶寵物嚟嘅餐廳，所以吸引咗好多附近上班族同埋居民。本身冇諗住食雞煲，但係見到一份全隻嘅雞煲只係買$138 ，覺得超級吸引，我哋就點咗麻辣口味，上菜嘅時候真係嚇咗一跳，估唔到$138有咁大煲，唔好期望佢係四川味道嘅麻辣，佢係台灣麻辣嗰一種多啲，都好欣賞佢放好多配菜例如香芹芫荽同埋蔥頭，雞件係有泡過油嘅，金黃色好靚仔，而且啖啖肉。另外都有嗌啲配菜當火鍋一齊食，我覺得蜂巢豆腐都係必點嘅，放落去入晒未係正。另外就點咗一個拌麵，滷牛肚同埋牛腱都好入味，而且有落乾蔥調味，口感好豐富。另外點左個肉燥湯青菜，清清地得來又有有啲功夫，幾好。我覺得呢度嘅飲品水準都幾好嘅，叫咗一個市面比較少嘅甘蔗清茶少甜，甜度非常適中，清清地唔會太甜，有時唔想飲奶茶嘅時候呢個係一個好選擇。總括嚟講呢度嘅嘢食都幾好嘅，平日簡簡單單唔想煮飯，又想平平哋食一餐，呢度係一個不錯選擇！

估唔到平日夜晚嘅D2 place都咁多人，今次隨便入咗間台灣野，質素都幾好~👍🏻店舖唔大，位同位之間有啲逼menu一頁睇哂，都係基本台灣野，自助QR code落單嗌咗鹽酥雞滷肉飯同半筋半肉牛肉麵鹽酥雞非常大舊，粉唔會太厚滷肉飯都好夠味，但啲肉好大粒，唔似係台灣食，仲食到好大粒冬菇😂切細啲就更好牛肉麵揀咗粗麵，麵真係好厚好粗，但唔夠彈牙，湯都濃味，正常水準有5大舊牛肉，肥瘦均勻，都幾抵食另外嗌咗小食拼盤同地瓜球啲甜不辣好彈牙，花枝丸炸到好脆，更外加泰式辣醬冇得輸！最驚喜係個黑糖蕃薯條，外脆內軟，食到停唔到口😍😍地瓜球就普通啲，始終同台灣嘅差好遠，個皮太厚喇，唔夠q彈，不過值得一提係凍咗個地瓜球反而仲qq過熱食~入面係紫薯餡，甜甜地~最後點少得台式野飲，我地嗌咗冬瓜牛奶同珍珠奶茶，正正常常唔會太甜咁兩個食到勁飽，性價比非常高👍🏻👍🏻平日8點幾都要排隊，所以大家要食就早啲去喇😆

D2 Place嘅捌捌陸，人氣極旺，長期都有條隊輪候！食店上菜效率頗高，流轉亦快，唔洗等太耐！食物飲品質素頗高，價錢相宜，做到價廉物美！八川綠茶 $28 加椰果 $6風味獨特嘅台灣綠茶，帶一點點茉莉花嘅清幽，加埋甜美嘅椰果，都真係幾正！捌捌陸水果茶 $48由橙、百香果、火龍果、蘋果等鮮果製作，酸爽怡人，消暑一流！黑糖珍珠鮮奶 $38又香又濃又甜又滑，都幾邪惡！台灣啤酒 - 白葡萄味 $28有多款口味選擇，白葡萄味香甜，係微醺嘅感覺！台式滷水拼盤 $78有齊牛肉麵嘅皇牌牛三寶 - 牛筋、牛𦟌、牛肚，仲有豬手同埋豆腐！牛三寶嘅牛筋軟糯入味，入口即化！牛𦟌軟腍可口！牛肚、豬手、豆腐同樣出色！酥炸花枝丸 $38花枝丸紫菜湯 $48台灣嘅花枝丸爽彈＋鮮甜，令人欲罷不能！炸有炸嘅香口，湯品仲要有埋肉碎，多咗一份肉甜，特別好飲！地道台灣腸 $38台式鹽酥雞 $58兩款經典嘅台灣小食，台灣腸夾生蒜片點解可以咁好食，仲一啲都唔會嗆！而鹽酥雞就香酥可口！

難得有個朋友返嚟香港🇭🇰 要同佢食餐好既 今日就去左D2 place 食台灣菜😁😁發現呢到有得叫雞煲/ 台灣食物 由於我地覺得今日太熱了 最後都係叫幾個台灣菜一齊share!第一個主食我地食左花雕醉雞卷蔥油乾拌麵 然後揀左 台灣寬麵 配蔥酥豉油天口熱食呢個 就最好不過了 😛 佢唔會好乾身 同埋麵質軟硬到剛剛好😎 啲炸蔥油撈埋個麵食真係更香更好味😋 同埋個雞卷很健康 唔油膩 😋第二個主食就點了 鹽酥雞滷肉飯 真係好大碗！ 啲滷肉好多 勁足料 所以差不多每一口都食到滷肉 同埋啲汁也剛剛好 所以整體上唔會太乾😁 加上鹽酥雞 都有成4-5舊 😝連埋半隻蛋又真係幾豐富呢此外 我地也叫左肉燥燙青菜🥬在菜上面加埋啲肉燥作點綴真係令整碟菜生色不少💕 啲菜也很新鮮朋友大推雙色地瓜球 😍佢煙煙un un 超好味道同埋個黃色地瓜球包紫薯餡 紫色地瓜球包番薯餡 好特別😋 可以點沙律醬🥗我地最後也一人一杯捌捌陸水果茶 大大杯 好解渴😁 同埋啲火龍果切左粒粒 飲水果茶果陣可以啜埋啲生果粒 勁refreshing ! 個蘋果片仲要好甜呢😍 朋友表示很滿意😋 嚟開D2 place 真係唔好錯過呢間餐廳了😆

D2 Place 又發掘一間好食餐廳，好彩早入座，7點後都要排隊~~ 台灣食品百吃不厭~~佢仲會有室外位，夏天唔怕熱都可以坐戶外CHILL 下~~平日常見既台灣食品都有，主要比台式雞煲吸引台式三杯雞雞煲少有既台灣餐廳有得食台式雞，價錢超抵食，有成隻雞份量先$138!!有濃郁醬油同酒香，件件都啖啖肉，加上雞肉本身既鮮甜，非常開胃!鮮草芋圓(細)叫雞煲可以加$20要埋甜品，但份量係細份，如果想食多D就要分開叫個大既。仙草底加左黑糖，偏甜少少，勝在芋圓夠Q彈!紅燒牛三寶麵(牛展、牛肚、牛筋)超大推!!! 佢個麵底好出色，軟硬度岩岩好，湯汁濃郁，無任何味精，麵同牛都可以索曬D精華! 牛展超厚切，但都煮到好淋，口感鮮嫩多汁。牛肚處理得好，無任何膻味又彈牙!肉燥燙青菜肉燥係用純瘦肉，岩曬唔中意肥肉既我，平時一般肉燥都偏肥，會有漿住既口感，呢個完全無。青菜清甜，肉燥唔太咸，配合得幾好!花枝丸紫菜湯除左有花枝丸，仲有滿滿既肉碎，飲落一D都唔寡。花枝丸口感彈牙，紫菜香味清新，湯汁帶點調味，都清淡不膩口🍹古早味冬瓜茶額外加左椰果，意外地好夾，甜度本身都少甜，飲落清爽怡人，消暑解渴岩曬🍹黑糖珍珠鮮奶珍珠Q彈

D2 Place係其中一個寵物友善廣場可以帶埋自己嘅愛犬四圍走今日係度行街睇野晚上係呢間捌捌陸食野餐廳除左室內仲有戶外區戶外區空間比較大仲好有特式由於帶住愛犬關係所以選擇左戶外區有部冷風機加上夜晚吾算好熱餐廳有套餐提供麵或飯加＄20就可以轉成套餐有一杯野飲同埋涼伴小食我地叫左2個套餐、2個拼盤同1個小食．鹽酥排骨滷肉飯－鹽酥排骨原塊大大舊切開－滷肉比較特別係肉丁．紅燒半筋半肉蔥油乾伴麵－半筋係牛筋入口即溶又滑－半肉係牛展又鬆又腍．涼伴木耳絲及涼伴大豆牙－小小酸，幾開胃．台式滷水拼盤－有牛展、牛肚、牛筋、豬手同豆腐－全部鬆腍又入味．台式小食拼盤－有蝦膠油炸鬼、炸花枝丸、台灣腸、甜不辣同蕃薯條－蝦膠油炸鬼炸到脆卜卜－蕃薯條配上黑糖醬好好味．台式鹽酥雞（小食）－大大份低食

Sat 15th July 2023喺荔枝角 長沙灣廣場 D2 Place 1，唔好搞錯呀。搵到扶手了碌到上3樓，望向右手邊就見到。就算唔認得，睇吓邊間啲夥計最高大威猛靚仔俊俏神采飛揚，就係佢哋啦。坐落好舒服，對住大玻璃窗，覺得陽光總會驅走黑暗。佢哋出邊有個大露台，唔怕熱嘅可以出去chill吓。刀削麵呢好咬口搞煙靭，牛腱好厚身嘅超過2個手指公，咁有5片咁多，晏晝呢個價錢嚟講，佢算係性價比超級高。同埋午餐可以揀一個小菜嘅。涼拌青瓜好爽口。餐飲 黑糖珍珠奶，濃郁嘅奶香味，彈牙唔死甜嘅黑糖味。嗰度仲有好多狗狗呀貓貓呀係呀真係食緊嘢嘅時候呢你就可以睇到啲狗仔喺度嗌交啊，好似去咗朋友屋企好多狗仔一齊玩嘅好有貴嘅好友喺屋企食飯嘅感覺。佢哋好仲有個甜品7彩乜乜乜，係hidden menu,綠色嘅斑斕、番薯、紫薯芋圓。又有包住啦豆腐花、黑糖珍珠仙草。組合都好清爽，好豐富。好大碗。