影片
开饭介绍
店名取自台湾的国际码+886，是一家以台湾夜市为人气题的人气料理店，设有红烧牛肉面等台式名物外，另亦供应台式鸡煲火锅任饮任食套餐。
继续阅读
附加资料
室外露天位置可容纳50人, 适合租用举办任何活动. 详情可直接联络餐厅查询
营业时间
今日营业
11:00 - 22:00
星期一至日
11:00 - 22:00
以上资料只供参考，请与餐厅确认详情
有关奖赏计划
话说想食台湾菜，行过见到，见咁大间舖，餐牌食物选择又好似唔错，于是帮衬吓，帮吓香港饮食业打打气。一去到，自己拣位坐，自己落单，点完啲嘢食，发现原来其实系有下午茶，于是同店职员讲，问吓系咪其实有下午茶？一脸唔愿意嘅样子喺部机度笃笃笃，完全冇答过你问题。就叫你返埋位。到啲嘢食嚟到，我完全未试过食一碗牛肉面系冇味道，我初头以为自己未觉有问题，就连隔篱位啲人都话点解啲嘢无味，既然系咁，我就试吓嗌多样小食睇吓会唔会好啲，于是又用手机落单，落完单，想攞多个碗仔同朋友share，完全冇招呼，要自己行出去问佢，个店员竟然答都冇答，手指指向另一边，思好似话叫我自己攞咁，最后有个姐姐攞俾我，然后我行返埋位之际，佢同我讲个小食冇，帮我取消。都已经开始食到一肚火之际，上埋杯奶茶，我未试过饮一杯奶茶系得奶味，少少茶味都冇，即系其实我饮紧杯牛奶，结果我决定埋单走！临走之际，我听到隔篱枱话争杯嘢饮，𠮶个店员大大声走去同个客讲：嘢饮要等㗎，我真系觉得好大官威啰，我俾钱来食嘢，仲好似系我错咁！我真系想讲嘢食唔好食，我都觉得算数，可能会有失准，下次有机会整好啲，可以进步，但服务态度系咪真系要咁差，唔知以为我争佢钱咁！仲好意思收服务费，如果舖头觉得咁样做生意系冇问题，请继续，我真系放长双眼睇吓你系咪咁生意兴隆，所以唔好怪人哋宁愿北上消费，连自己基本嘢都未做好，一味净系识得赖！我见个餐牌又话有鸡煲有呢样𠮶样，你整好啲基本嘢先再讲啦！2025年度最垃圾餐厅！
继续阅读
寻日Lunch 食饭，叫咗个盐酥鸡肉燥饭套餐，有一碗肉燥饭加一碟木耳小食加一个饮品，饮品是热柑桔蜜，价钱已经唔平$88仲要加一，肉燥非常非常难食，好似烚咗啲肉碎再沟啲芡汁咁，盐酥鸡非常普通，你价钱平啲我都会接受，但收得呢个价俾呢啲质素真系难食到极，请expect 是茶餐厅质素整台湾嘢出嚟。店员态度仲要好差，QR code 落单仲要收加一！呢间系我近年食过最难食的台湾菜，平时都好少写食评，今次真系忍唔住，建议真系不要去。
继续阅读
本身见到食评以为应该正宗台湾菜，加咗$5要蕃茄浓汤，得几旧生嘅蕃茄，仲要个汤底系冇乜蕃茄味淡茂茂，要加几匙羹辣酱先够味，好失望🥲牛腱炆得几腍嘅，但系有啲牛筋唔均匀，成碗面份量劲少，晚餐嚟讲唔够饱，唯一好少少系有几条菜同半只蛋，同埋啲面几烟韧，可惜食两啖就已经冇。基本上间餐厅qr code 落单，仲要排队埋单完全冇service 可言，最后都要加一 。$93 一碗咁嘅蕃茄牛肉面食到有啲嬲，完全唔系台湾菜应有嘅质素。
继续阅读
虽然门口餐牌有好多食物种类选择但系坐低scan QR code什么食物也没有可以选择有个讲唔咸唔淡广东话嘅阿姐好似咩都唔知咁会成日攞走你张QR code去问啲后生仔同埋净系识得点后生仔做嘢台湾肠肉碎饭啲台湾肠好似啱啱白烚出嚟两个月前食过都唔系咁味道完全唔同晒 垃圾餐厅 以后唔会再嚟
继续阅读
下午茶二人$136，仲有加一$13.6，结账时要收$150既然已收加一，居然有「归零」做法、店员又唔去解释，只系比晒$睇返张单才发现！多收$是问题，既然用电子方式付费系几多就收几多，何解仲有咁嘅经营方式？我体验不好、体验不好.....食物方面都是红烧牛肉面，牛肉OK、面OK、汤也OK。冬瓜茶走甜都2.5包糖的甜度，戒糖者不宜；是下午茶餐不能调整原因？最后$0.4如果可以帮到食店生意，否则必须改善。
继续阅读