捌捌陸台式料理 (D2 Place ONE)

营业中

休息中

要去長沙灣拎啲嘢俾人順便食飯點知一出地鐵站口就落雨即刻閃入去D2 Place 喺裡面是但搵間餐廳入面都幾多選擇不過朋友就話想食台灣嘢所以就入咗去呢一間886（聽到就諗起薛凱琪）😆開放式嘅設計啲枱凳都幾闊落寬敞舒適度高午市套餐有一個主食+一個小食+一杯飲品我地就叫咗個花雕醉雞卷滷肉飯同紅燒半筋半肉蔥油乾拌麵拼涼拌木耳同涼拌小黃瓜飲品就係珍珠奶茶🍛（$68）首先個醉雞滷肉飯係幾好食雞肉應該係用雞髀肉所以唔會鞋口煮得幾滑但係就重手咗啲啲花雕酒味太濃濃到有啲苦唔夠香同埋遮蓋左啲雞嘅鮮味滷肉就正正常常不過可能炆得得唔夠爛比較痴牙🍜（$78）個紅燒半筋肉乾拌麵牛肉入味炆得透徹麵條煙韌乾身有油香份量都好大食唔哂😆🥒🍄 (套餐附送）涼拌青瓜同埋木耳又係落料落得太重手超級鹹不過食完就唔係太口渴應該無味精🧋（套餐+$10）杯珍珠奶茶就真係麻麻哋茶底好濃但係偏向苦澀唔夠奶香珍珠係好林無煙靭嘅口感好似一pat嘢喺個底度咁🙄🍠（$38）逢親去台灣我每一日都要食地瓜球呢度嘅地瓜球係偏向實心厚重外皮鬆脆中間煙韌有豐富嘅番薯味個質感可以話有啲似麻糬波波我覺得幾好食但係就唔係太抵食我俾燈💡7/10 （太鹹）

捌捌陸長沙灣長義街9號D2 Place 1期3樓306號辅D2 place係荔枝角站對出 地點位置方便作為一個活化左嘅文化藝術氣息商場有別於其他大型連鎖商場 連鎖品牌呢度特別多嘢睇 喺3樓有間食台灣菜有兩大區域俾你揀 室內室外同樣精彩鹽水手撕雞麵王子麵＋特濃蕃茄湯底有雞肉既鹽焗風味，又有番茄湯底的酸甜王子麵有D似媽咪麵煮熟嘅口感 可以一試藥膳排骨豬排骨 雞腳為主要材料，加入多種中草藥和調料，烹制出口感鮮美、營養豐富用文火慢慢燉煮，直到排骨熟透、湯汁濃郁係時候補一補身台式鹽酥雞炸得好香脆，鹽酥係特別惹味捌捌陸水果茶鮮橙 蘋果 火龍果肉 有著鮮明的口感和濃郁的香氣茶葉的清香與水果的甜味相得益彰口感清新 消暑解渴一流

#fafafoodblog台灣菜 #fafafoodblog荔枝角🍴花鵰醉雞卷滷肉飯 68 蚊🐥🍚加20 蚊套餐 有野飲同小食小食點左大豆芽野飲再加12 蚊 轉珍珠奶茶🥤小食大豆芽夠大碟 質感幼身爽口 加 d辣椒好惹味 , 花鵰雞卷雞味幾夠 花鵰味入味 口感偏彈牙 滷肉比較大粒 肥瘦大慨73 都好夠豬油香 撈埋飯一齊食 仲有隻蛋 🥚 一啖放落口 正👍🏻 珍珠奶茶溝得唔錯 奶味香 少甜都夠 珍珠幾彈牙👍🏻🍴紅燒半筋半肉麵78 蚊🐂加5 蚊轉蕃茄湯底 🍅加20 蚊轉套餐 熱甘庶鮮奶🥛牛筋好軟林 牛展好彈牙 麵轉左闊麵 好爽口 個湯底好夠蕃茄味 好香濃 點 d辣粉都好好味👍🏻🍴麻辣雞煲 138 蚊呢個麻辣雞煲好台式 佢係偏香辣 d麻味比較少 雞好夠肉 大部分都係近脾位 好夠彈牙 辣汁好入味 要黎撈飯或打邊爐都正🍴台式小食拼盤 88 蚊酥炸花枝丸 花枝足料好彈牙 點 d 甜醬好食🦑， 地道台灣腸 皮夠爽口 豬肉夠香咸🐷好煙 un 既酥炸甜不辣 , 黑糖地瓜條 個地瓜切成條狀 好軟熟 黑糖醬好香甜 仲有 蝦膠油炸鬼 一半香脆 一半彈牙蝦膠 好夠口感 🦐 正#台灣菜 #花枝丸 #牛展 #雞卷 #滷

經過，見有間新野。雖然似乎有冷氣滴水，師傅在開機整，都試下。食物平平，只為飽肚。不過張單要歸零我第一次見，可能見識少。e家多用卡或電子支付，點解要有e項？點歸法?係好少錢好小事，但印象差哂。

平日晚餐搵左間位於荔枝角嘅餐廳捌捌陸 同朋友撐枱腳。餐廳喺D2 Place ONE 3/F，非常近地鐵站。我地叫左幾樣share。紅燒牛肉麵，揀左寬麵。份量都幾多，寬麵厚身但唔會難咬，幾煙韌湯汁望落好深色，但食落唔會好鹹或者得死鹹味。 牛展厚切，炆得夠諗仲好入味，肉質保持到嫰滑。有質素！黑糖地瓜條，地瓜粗條，仲好甜。外脆內軟外面再裹一層黑糖，食落甜蜜蜜但不失蕃薯嘅香甜。推薦！涼拌小黃瓜，份量正常，食落清新，加左少少辣椒，夠惹味。小黃瓜咬落爽口，去膩一流。飲品方面，好少台式飲品店有 甘蔗青茶嘅選擇，甘蔗青茶飲落清新，啖啖都飲到甘蔗鮮甜味。唔好珍珠奶茶等手搖飲品嘅客人可以一試，飲到清新甜味。捌捌陸裝修簡潔，選擇多，價錢合理，晚市仲有雞煲，仲有戶外座，係唔錯嘅聚腳點~

朋友生日，所以揀左間特色餐廳。呢度pet friendly，見到大家帶哂寵物黎真係開心😆。我地嗌左三杯雞雞煲，好有醬油香。啲雞唔會話好多雞皮，好嫩滑，仲有店員過黎幫手炒雞，我地就坐係度等食😆正。食完雞仲嗌左啲火鍋料。其實食完雞都好飽，所以都係嗌左啲。最欣賞個蝦滑，夠彈牙同滑😙我地仲嗌左個特色嘢飲，蔗汁鮮奶。岀面好少見，好有特色，甜甜地又有奶香，正。呢度d2place ，平時行完市集可以過嚟食，正。

去完Aeon買完貓罐罐，就去D2 one搵晚餐食，隔咗一段長時間無去，有d食店已洗版，轉咗新店，今次揀咗間台式店試食。店內環境餐卓夠大夠寬敞，唔會迫迫喼喼嗰種，另有戶外坐位但太熱，留秋涼先😁台式店當然要選滷肉飯，有幾款配搭可選，有鹽酥雞，鹽酥排骨等等，因為唔想食炸嘢，就揀咗鹽水手撕雞滷肉飯，傳台式味道，滷肉夠香，鹽水雞亦夠味道，飯量足夠男士享用唔錯👍套餐加$20可選涼拌小食+飲品，唔算貴！涼拌木耳絲+青瓜，好香嘅醋味😋，調配到剛剛好，食後令人開胃，亦可消除炸物的油膩值得一讚👍另一套餐主食揀咗醉雞卷蔥油拌麵，開頭心諗都怕太淡味，但因為唔食牛肉唔食炸嘢，所以選呢款！但出奇地好味，雞卷咬一口已有陣陣酒香味😋，肉質都適中，而蔥油拌麵就唔夠香，但因此又唔會太肥膩，啱晒女士！飲品就揀咗兩杯蜂蜜柚子綠茶，份量夠，味道正常！

今日去咗行D2 Place然後見到呢間台灣嘢都幾多人食，仲有人排隊咁就決定咗今晚dinner食台灣菜餐廳仲有戶外位，可惜今日落雨，如果唔係坐出面應該幾好feel 睇咗Menu都算有幾多嘢食揀 仲有雞煲添 見到都有唔少人食雞煲，聞到好香！我同男友都話下次要嚟試吓佢個雞煲！🍴紅燒牛肉麵🍜牛肉湯好燶 仲可以揀配王子麵 牛肉煮得好琳好入味 本身鍾意食偏軟面 佢個王子麵煮得啱啱好🍴鹽水手撕雞蔥油乾拌麵呢個有驚喜 好香蔥油味 份量都幾大碗個鹽水手撕雞雞肉夠嫩 唔會太鹹，鹽水味道調得好好🍴台式鹽酥雞炸得香脆又唔會太鹹加上九層塔真係好香 係有台灣嘅味道啊！🍴地道台灣腸個人好鍾意食台灣腸 份量兩個人食嚟講啱啱好唔會煎得太燶 配搭生蒜真係冇得頂🍴肉燥燙青菜個青菜係菠菜 肉燥唔會太油 重帶有少少九層塔香味好惹味 值得推介嘅 下次決定要食佢嘅肉燥飯！珍珠奶茶奶茶夠滑偏重茶味 黑糖珍珠好煙韌冬瓜鮮奶冬瓜茶味濃 就算加左鮮奶都解到渴 個人覺得唔錯！

餐廳主打台式食品，亦有晚市推出台式雞煲，可選三杯雞或麻辣口味。平日6點左右入座，已經有唔少食客，可選室內/外座位。三杯雞雞煲($138)，有陣陣酒香味，加入洋蔥、香料炒香，拌勻雞件，令每件雞塊都好入味好上色。雞件數量超多，啖啖肉，又嫩滑。 之後可以再追加配料，加入湯後，就可以打邊爐。menu有各式各樣既配料選擇。手切美國prime肥牛紋理超明顯，每塊都有一定厚度，濃郁牛香味。台灣鴨血滑嫩，有鴨血應有既結實口感。而蜂巢豆腐非常吸汁，打邊爐必點。台式小食拼盤($88)，可以滿足食唔同款既台灣美食。蝦膠油炸鬼新奇，酥炸甜不辣、酥炸花枝丸唔油膩。黑糖地瓜條黑糖濃郁，幾乎可以拉絲。 而地道台灣腸配蒜片一齊食，香口。 如果食雞煲，可以加$20配仙草芋圓。仙草滑嘟嘟，芋圓同樣煙韌，做飯後甜品一樣。飲品方面種類多，黑糖珍珠鮮奶($38)，珍珠煙韌，黑糖甜。古早味冬瓜茶($28)，冬瓜味清甜，熱飲養生。整體，難得係商場入面可以輕鬆嘆台灣菜，仲有雞煲、邊爐食添。menu仲有大量台灣飯/麵、蛋餅，今次冇叫到，下次可以再去食～

同朋友行緊D2 place嘅時候，見到依間台灣菜好受歡迎，已經mark定夜晚要黎食！ 晚市推出咗雞煲，全隻$138，仲可以額外加其他台灣火鍋材料。雞煲可以揀麻辣式者三杯雞味，我地叫咗三杯雞，雞件嘅份量好多，件件都好惹味。至於配料，我地要咗手切美國prime肥牛，紋理分明，一啲都唔肥，每片都好嫩滑，肉質鮮甜。我都非常推薦鴨血同埋蜂巢豆腐，可以索哂啲湯汁~ 花雕醉雞卷蔥油乾伴麵，+$20可以升級做套餐。醉雞卷好入味，雞肉好淋。套餐要咗涼伴木耳，好開胃，同埋黑糖珍珠鮮奶，鮮奶好香滑，珍珠好有口感。 最後再叫咗台式滷水拼盤，有牛展、牛筋、牛肚、豬手、百頁豆腐，滷得好夠味，特別中意牛展，夠厚又煙韌，百頁豆腐都唔錯，外皮硬硬入面軟軟。 朋友再叫咗杯水果茶，佢話好濃郁，果味清新，好解暑！ 

同事想吃台灣菜，去了荔枝角長義街9號D2 Place1期3樓306號舖，港鐵荔枝角站D2出口，步行約2至3分鐘，交通很方便。室內舒適簡約雅致，座位寬敞整齊清潔，走年輕人路線，還有戶外雅座，播放著台灣流行樂曲，令客人放鬆心情享受用餐。服務員禮貌招待入座，推介店內主打菜餚，用QR code點菜，方便又清楚，菜單款式很多，供客人配搭，除台式菜餚還有台式小食，甜品和飲品。涼拌大豆芽$38香濃爽脆的大豆芽，酸甜適中，味道醒胃，是台式最佳的前菜小食。酥炸花枝丸$388粒炸至金黃色的花枝丸，外酥內軟，肉質鮮嫩，還有脆口的魷魚肉粒，咬口彈牙，配上沙律醬和酸甜醬，更覺惹味可口。紅燒牛三寶麵$78牛肚、牛筋、牛𦟌炆得非常冧滑，還有棠菜和半只滷水蛋，調味極佳。台式寬麵浸透湯汁，柔韌剛好。紅燒半筋半肉蔥花乾拌麵$78再讚這店的牛筋和牛𦟌炆得嫩滑冧，輕輕咀嚼已可吞嚥。幼身的拌麵柔韌有彈性，好味至極。捌捌陸水果茶$48上枱時很吸引，擺滿水果，有蘋果片、火龍果粒、百里果粒，酸甜味道非常醒胃，感覺非常清新又順喉。黑糖珍珠奶茶$38加奶蓋$12黑糖味很濃，加奶蓋更添美味，珍珠很QQ，煙韌夠咬口，非常解暑的飲品。

"捌捌陸"，對我來講的含義係：拜拜喇，下次再來過，對你，妳來講， 都應該係同樣意思啩，現場所見，九成半坐滿人。“紅燒半筋半肉麵”：紅燒牛肉麵係台灣嘅招牌，咁我鍾意有牛筋，所以就叫咗半牛半筋麵，麵就揀咗QQ彈彈嘅台灣麵 ，牛肉好厚肉，牛筋又够晒腍，紅燒湯底牛味濃郁，我和朋友都食得津津有味；“花雕醉雞卷滷肉飯” 都幾有特色，花雕醉雞卷切成一片片，酒味濃郁，好醉， 好味👍"肉燥燙青菜"：今今次嘅青菜係菠菜來㗎，好新鮮好嫩，再加埋啲肉燥，令到比較清淡的菜味添上啲肉味，咁樣嘅葷素配搭幾有意思；“麻辣鴨血”我同朋友都鍾意，食得零舍開心，少少的麻辣味好吸引，太辣未必食得到。“台式小食拼盤” 有5樣食品，分別係蝦膠油炸鬼、酥炸花枝丸、地道台灣腸、酥炸甜不辣、黑糖地瓜條，味道都唔錯，地瓜條更得我歡心😜😜

今次黎到荔枝角嘅捌捌陸，呢到出名台式嘅小食同埋台式雞煲。首先嚟緊嘅係台式麻辣雞煲，佢嘅味道非常香辣，啲雞肉都煮得好入味，份量十足，實在係一種享受。另外一樣我地試嘅係台式小食拼盤，裏面有幾款小食，包括蝦膠油炸鬼、甜不辣、台式腸及花枝丸，全部都炸得好香脆，而且唔會好油膩，啲肉類食材都好juicy，好好味。另外一樣好好味嘅菜式就係雙色地瓜球，啲地瓜球外脆內軟，仲有啲微微甜味，我覺得味道唔錯。台式鹽酥排骨就更加唔錯啦，啲排骨肉質好嫩，鹽酥味道啱啱好，唔會太鹹，仲要係無骨，食落好好味。最後就係甜品啦，我地揀咗黑糖仙草芋圓，啲芋圓唔會太甜，仙草味道都幾香，而且啲芋圓都煮得好熟，口感好好。不過，如果你係糖分控，可能就要諗下喇。至於飲品方面，捌捌陸有唔少選擇，我地揀咗綠茶鮮奶、甘蔗青茶同頂烏龍茶，全部都好好味，啲茶都煮得好夠濃郁，鮮奶都唔會太濃，係一個好好嘅飲品。總括而言，捌捌陸嘅菜式味道唔錯，價錢合理，如果你鍾意台式菜嘅話，不妨一試。

🍜半筋半肉牛肉麵同埋牛腩都好軟，而且煮得入味🥰麵條吸收晒湯底，每一啖都好濃郁😆非常滿足🍜牛肉三寶拌麵今次呢款揀咗闊麵，實際麵條比想像中厚，三寶分別指牛肚牛筋同埋牛腱🐮可惜拌麵醬汁比較淡🥺可能比較適合口味較淡嘅人🐽台式香腸餐廳同時配搭左幾片蒜片🧄即刻台式風味🆙😂份量比較細，不過過吓口癮實在唔錯嘅🍠台式地瓜球相對出面嘅地瓜球呢度冇咁油膩，咬落去唔會成口油比較清爽😆裏面分別係紫薯同埋普通蕃薯🍠甜度適中🍠黑糖地瓜條本身預期佢係新鮮炸起嘅地瓜條加埋黑糖粉，不過佢係淋過麥記薯條嘅地瓜條🥲仲要落埋啲黑糖糖水落去，仲要淋多兩倍😕下次再食可以留返quota食其他嘢🍹水果茶呢杯水果茶真係大推！入口唔會過甜，但係各種水果味道好濃郁🥰雖然要加錢另外再叫，都過到絕對值得嘅～

今日同朋友去咗荔枝角d2 place行街睇戲,睇完戲諗住喺附近搵啲嘢食下, 朋友帶咗我去食台灣嘢。捌捌陸台式餐廳,餐廳地方闊落,有戶外同室內座位選擇。台式滷水拼盤 牛展,牛筋,牛肚,豆腐,鹵水拼盤賣相好吸引,分量好多,牛展滷得好入味,食落口牛肉味好香濃,肉質比較結實,有咬口,食落去淡淡肉,唔肥又唔會膩,味道啱啱好。牛筋軟嫩不膩,骨膠原豐富食落去有少少黏口嘅感覺,加上鹵水汁好入味,食落去味道特別香。牛肚口感特別爽脆,比牛展更薄更滑,口感細嫩。鹵水豆腐比一般豆腐硬身,食落去特別有口感,味道清淡得嚟又帶點鹵水香味。紅燒牛肉麵,牛肉麵湯底好甜,麵煮到啱啱好唔會太淋,咬落去彈牙有口感,紅燒牛肉煮到好嫩腍,牛肉味道好香濃,食落去有入口即溶嘅感覺,加上湯底吸收曬牛肉嘅精華,真係好味到連湯都飲曬。花枝丸紫菜湯,紫菜湯味道清甜完全唔會油膩,花枝丸做到好彈牙,慢慢細嚼食到獨特嘅鮮甜香味,加上清甜嘅湯底,越食越好味。手撕雞肉燥飯,手撕雞味香濃,一絲絲嘅雞肉配上肉燥味道好配搭,加上台式醬汁越食越開胃,真係好好味。