捌加廿陸天婦羅居酒屋

营业中

休息中

這家位於旺角的天婦羅店，到了夜晚便需排隊。餐廳的設計宛如日本在地的居酒屋，分為上下兩層。牆上貼滿了和風海報，背景是滿天的燈籠，氛圍非常美麗🏮。雖然樓下只有吧台，但可以近距離觀賞店員現炸天婦羅的過程，讓人十分期待🍤。而樓上的閣樓則設有榻榻米座位，坐得更加舒適，建議樓上有鐘仔俾客人撳這樣樓下的員工就知道客人所需。提醒大家記得提前預訂‼️此次用餐，我們品嚐了以下幾道菜品：—　海老穴子天井：包括穴子、黑虎蝦、蟹柳、南瓜、本菇、紫菜和四季豆，口感豐富。—　特盛海鮮天丼：由兩隻黑虎蝦、那歌魚、帆立貝、鱔魚、四季豆和金菇組成，鮮美無比。—　炸菠蘿雪糕：外酥內軟，甜而不膩，令人回味無窮。這家天婦羅店讓人沉浸在日本的用餐氛圍中

有次係油庥地一條不起眼的街道，發現左好多人排隊，於是入去試試。結果一試再食左幾次。今次點了蕎麥冷麵，夠大碗，清涼又開胃，充滿蕎麥的香氣🍜，夏天食一流。呢間套餐會有一碗麵豉湯，佢係用龍蝦煮成麵豉湯，湯頭帶點龍蝦鮮甜。龍蝦肉彈牙可口🦞。芝麻沙律，滋味豐富，麻醬香氣四溢，是涼拌必點之選🥗。南瓜天婦羅，外皮酥脆，內裡鬆軟，帶點甜味，讓人一口接一口停不下來🎃。最後，重點來了！大推活龍蝦天婦羅，原隻活龍蝦天婦羅細$88及大$138價錢唔貴，鮮嫩多汁的龍蝦搭配酥脆外皮，絕對是天婦羅的極致享受！令我最念念不忘！😍PS:呢間店比較細，岩1-2人去食，一大班人就唔太岩啦。捌加廿陸天婦羅居酒屋旺角窩打老道31-39號翠園大廈一期地下33A號舖

｛食盡油麻地之日式 — 捌加廿陸天婦羅居酒屋 ｝————————————————禮拜五夜晚7點諗住過嚟食下呢間幾出名嘅天婦羅居酒屋， 點知排排下隊開始落雨，但係我發現大家似乎對呢間居酒屋都有好堅定既決心，就算落雨要開遮都冇阻佢哋排隊嘅心情，條隊仲愈黎愈長🤣 我就更加繼續邊期待邊排隊啦🔸 自選天婦羅定食- 冷蕎麥麵蕎麥麵份量都幾大碗，佢係一碗並且有少少湯汁喺個底度嘅， 夏天食就啱曬啦- 鮮帶子天婦羅 @$18呢個帶子好高質，又大粒又煮得好唔會過熟， 呢到每一樣食物嘅天婦羅皮好薄， 食落唔會覺得好油膩🙂‍↕️- 廣島蠔天婦羅 @$18廣島蠔又我好鍾意食嘅一種天婦羅， 滿滿嘅蠔味，好抵食！- 四季豆天婦羅 @$8平時食天婦羅都會揀一啲蔬菜例如南瓜茄子，今次就揀咗四季豆， 四季豆基本上唔會差因為佢哋本身就甜甜地又有口感😆- 鰻魚天婦羅 @$18鰻魚天婦羅我都係第一次食，原來都可以整做天婦羅🤣， 鰻魚肉好厚而且好肥味，叫一件就好啦如果唔係會好飽🤣🔸 芝麻雞翼 $38呢個雞翼大推， 燒得好香口又好juicy， 又抵食，係忍唔住連啲雞翼尖都想食埋d骨嘅程度😂Overall comment: 餐廳一樓係

之前已經食過捌加廿陸天婦羅居酒屋，今次再幫襯系旺角分店，環境同樣十分有氣氛🏮質素冇變都系keep住高質👍🏼煎鵝肝配蘋果 $58鵝肝油脂豐富，有入口即溶感🪿配埋蘋果🍎富有解膩作用。自選天婦羅定食 $74冷酢橘蕎麥麵，黑虎蝦，雞肉，紫菜蝦膠黑虎蝦爽口彈牙🦐雞肉啖啖肉都正，紫菜蝦膠脆卜卜同埋夠特色。冷酢橘蕎麥麵有濃厚橘子味🍊酸甜可口，好中意呢個麵🧡特盛海鮮天丼 $108黑虎蝦2隻，那歌魚，帆立貝，鱸魚，四季豆，金菇那歌魚同鱸魚都新鮮吾腥，估吾到四季豆都可以做天婦羅🍤比想像中大條同埋本身又健康🫛金菇亦夠滋味🍄‍🟫炸菠蘿雪糕 $28雪糕有得揀雲呢拿/ 海鹽味，海鹽味鹹甜味道均勻🩵炸菠蘿爽脆又清甜🍍

📍捌加廿陸天婦羅居酒屋 - 油麻地今日經過佢門口，見佢裝修咁得意，決定一試！佢鋪面真係好有日本既感覺，入面係bar檯，仲痴滿曬poster！非常有特色！而且價錢都好相宜啊！🍜🍚自選定食 $30起我食冷烏冬，朋友食蕎麥麵，兩款麵超級大碗啊，份量好夠！一個set仲有埋沙律同麵豉湯。🍤入正題啦！推薦幾款好正既天婦羅比大家穴子：魚肉超厚，炸粉剛剛好，可以保持到魚既鮮味，魚肉唔乾唔鞋！超推本菇/杏鮑菇：菇類都好好食，好juicy南瓜：食天婦羅必點啦！個南瓜唔硬，甜甜的，好味！🍨甜品方面，竟然見到佢有款叫炸菠蘿雪糕，即刻想試一試，我揀左海鹽味！咸咸甜甜既雪糕，配埋個炸左個菠蘿！又凍又熱咁！口感好正！推薦一試💰人均消費HKD150（食到超級飽呀！）

放咗工之後出咗旺角，今晚去咗試呢間天婦羅居酒屋，去到嘅時候門口已經好多人排隊，不過好彩大概七點嘅時候都唔算等咗好耐， 10分鐘左右入得。門口嘅裝修已經好日式，入面都好似我之前喺日本去過嘅拉麵店，佢哋係比較懷舊嘅風格，餐廳分咗兩層，今次被安排坐喺下邊，喺吧枱嘅位置，比較迫，枱下面都有一個勾可以掛袋仔，不過背囊就難啲。食物方面，叫咗:冷酢橘烏冬配黑毛和牛冷蕎麥麵配天婦羅廣島蠔同天婦羅帆立貝豬肉餃子鵝肝蘋果天婦羅唐揚魷魚鬚三文魚子配紫菜天婦羅因為有happy hour嘅關係，餃子，鵝肝，魷魚鬚都係29.9，超級抵，又好味，冇得輸。三文魚子配紫菜天婦羅就係正價，佢嘅三文魚子係冰鮮拎出嚟嘅，食得出佢嘅唔新鮮，個口感亦都爭啲，唔夠飽滿，下次可以唔叫。鵝肝好大片，煮得都好好食，好有油香♥️天婦羅嘅廣島蠔入面啖啖肉，好Juicy。黑毛和牛亦都好肥美，雖然$50得兩嚿，有少少貴。兩個冷麵嘅汁都好好味，好清新，絕對可以encore。

雖然岩岩先去完日本但已經好掛住日本d野食除咗壽司之外 另一樣特別想食嘅就係天婦羅而旺角呢間小店就可以滿足到我入面嘅裝飾仲非常之有🇯🇵特色🔹自選天婦羅定食主食我揀左冷蕎麥麵 麵身夠冰涼爽口咬落有彈性 配埋鰹魚湯汁好清新廣島蠔天婦羅外脆內嫩 蠔肉爆汁又鮮甜 完全冇腥味鰻魚天婦羅肉質厚身唔乾身蟹柳同杏飽菇就正常發揮杏飽菇炸完依然juicy🔹煎鵝肝配蘋果鵝肝煎得啱啱好 外皮微脆入口即化 油香超濃郁 配埋清甜嘅蘋果片一齊食 完美中和咗油膩感份量夠晒飽 天婦羅炸物整體水準高尤其蠔同鵝肝係亮點 質素對板 可以返兜 ❤️

今日經過油麻地，發現咗呢間人氣爆燈嘅「捌加廿陸天婦羅居酒屋」。聽聞呢間居酒屋性價比好高，今日終於有機會一試，我地7pm左右去到門口已經大排長龍，大約等咗20分鐘左右成功入座😍呢度舖頭細細，但非常之有氣氛，日系嘅佈置，有吧枱同埋樓上榻榻米😍非常適合同朋友喺度食飯暢談一番😬自選天婦羅定食，除咗可以選擇飯、烏冬和蕎麥麵之外，亦可以選擇豚骨湯底或鰹魚湯底，亦都可以選擇冷食和熱食😬豚骨湯烏冬 ($30)，今次我就加咗五款天婦羅分別有廣島蠔(+$18)，蟹柳(+$12)，紫菜蝦膠(+$12)，金菇(+$8)，茄子(+$8) 呢度啲天婦羅真係非常之好食，皮薄之餘，餡又保留到多汁，完全唔會乾爭爭！我特別推薦出面比較少食到嘅天婦羅婦金菇，炸出黎外觀好可愛，好似一隻八爪魚咁，入口嘅感覺亦都好特別，絕對值得一試！其次紫菜蝦膠亦都煙靭好食，冇諗過天婦羅都可以有咁多選擇！非常之驚喜😍鰹魚湯冷烏冬($30)，配料我哋加咗天婦羅原條穴子(+$22)，原條鱚魚(+$18)，黑虎蝦(+$12)同埋南瓜(+$8)。令人好開心嘅喺呢度可以一次過試好多款唔同嘅天婦羅，呢度天婦羅炸皮除咗好食之外，款式又多，穴子亦都係我喺其他地


搵到間旺角嘅隱世日式居酒屋，簡直係驚喜！🍤 環境好有日本feel，吧枱位坐得舒舒服服！😊 平日夜晚經過見人龍唔長，決定一試，點知一食就愛上！💕特盛海鮮天丼
呢個天丼真材實料，滿滿海鮮鋪滿飯面！🦐 黑虎蝦大大隻，咬落鮮甜彈牙；那歌魚同鱚魚炸得外脆內嫩，魚肉好鮮；帆立貝好juicy，入口滿滿海味！😋 四季豆同金菇炸得香脆，點天婦羅汁，簡單又好食！🍚海老穴子天丼
另一碗海老穴子天丼一樣出色！🐟 穴子肉質軟嫩，味道清香；黑虎蝦同蟹柳炸得金黃酥脆，入口好滿足！😍 南瓜甜甜地，本菇同紫菜加添層次感，四季豆爽脆，全部都好夾！🍤 配上特製醬汁同飯，味道好正！👍清酒煮沙白
清酒煮沙白好香，沙白肥美鮮甜，清酒味滲入肉質，食落好溫暖！🥰 簡單煮法帶出海鮮嘅鮮味，啖啖都係享受！🦪波子汽水
食完炸物，飲返支冰涼波子汽水，爽到飛起！🥤 解膩又開胃，完美ending！✨

得閒就會黎食，小店充滿日本🇯🇵氣氛，音樂有活力，日式牆身同掛左影相好打卡既燈籠🏮，地面果層係吧枱位，望住開放式廚房，仲有上層位置自選天婦羅定食✨叫左 冷蕎麥麵，廣島蠔，黑虎蝦，紫菜蝦膠，冬菇多數會叫冷蕎麥麵🍜，麵質彈牙，配埋冰涼微咸既湯同熱辣辣幾正🔥天婦羅炸物整炸幾香口，炸衣唔會太厚，好似冬菇睇得出薄薄地，菇夠厚肉有小小juicy唔錯🍄‍🟫廣島蠔，黑虎蝦質素唔錯，新鮮無雪藏味，蝦真係好彈牙，建議必點🌟紫菜蝦膠雙重口感，脆得黎夠彈牙🪿煎鵝肝配蘋果邪惡得黎又清新，清甜蘋果中和左鵝肝油脂感，鵝肝夠香口，幾夾快D開分店就好，唔使次次晚市都要排隊🤣

🍤🍱～原本期待左好耐想食龍蝦天婦羅，8:00太晏已經售罄🥲下次要早啲去食😆！ 🍱海老穴子天丼(🪱穴子➕🍤黑虎蝦➕蟹柳➕南瓜➕本菇➕紫菜➕四季豆）🍱特盛海鮮天丼（🍤黑虎蝦2隻➕🐟那歌魚➕🐚帆立貝➕🪱鱔魚➕四季豆➕金菇)成個丼好豐富，天婦羅鋪滿成個碗都係🤩！ 最欣賞係即叫即炸，加上粉漿好薄好薄薄到通透，食落有香口嘅脆脆感，食到食物嘅原味味，仲煮到啱啱好！🍨炸菠蘿海鹽雪糕～估唔到海鹽味同雪糕係咁夾🤣，我鍾意個雪糕雪糕微硬！再加埋一啖雪糕一啖暖暖嘅菠蘿🍍，好夾！環境：🤣可以勁打卡影相📸， 下次要坐吓上層先，好似係另一番風味！💰 : $330/👩🏻👨🏻‍🦳🎐CP～🤞🏻🤞🏻🤞🏻🍴捌加甘陸天婦羅居酒屋（旺角）🚙香港旺角窩打老道31-39號翠園大廈一期地下33A號舖👻大Ki@嘴饞姐妹趴趴吃@baka_tempura#旺角 #天婦羅 #日式 #菠蘿雪糕 #炸蝦 #磯燒鮑魚 #帶子 #海鮮 #居酒屋 #即叫即炸 #定食

今日同朋友去咗旺角「捌加廿陸」食晚飯，叫咗幾款招牌菜，整體都幾滿意。 滑蛋海老丼嘅蛋煮得啱啱好，唔會太老，蝦肉爽口，撈飯食幾開胃。份量夠大，男人食都夠飽。原隻活龍蝦天婦羅係今餐重點，龍蝦肉質實淨彈牙，外皮炸得香脆，唔會太油膩。龍蝦頭有蝦膏添。雖然價錢唔平，但份量夠大，兩個人share都夠食。 A5和牛配日本蛋就和牛油脂分布均勻，入口軟嫩，配生雞蛋食更加滑溜。不過如果怕膩嘅話，可能兩個人share一份就夠。 餐廳服務都幾好。食物質素對得住價錢，如果想食天婦羅，呢間可以一試。晚市幾旺場，五點半開門，半個鐘內下層已坐滿。總括來講，今餐食得滿足，特別係個龍蝦天婦羅，值得推薦俾鍾意食海鮮嘅朋友。

呢間天婦羅專門店雖然店鋪細細但係和風滿載~好有日本巷弄隱藏食店嘅 feel~8點幾嚟到仲有人龍，應該係因為店鋪嘅食物都係即叫即炸包保夠熱夠鮮~ 好東西係值得等待~（收工飲番杯先）嚟到一定係要食佢哋 signature 嘅原隻活龍蝦天婦羅（我哋呢個係 $88 regular size, $128 仲有大 size)~ 🦞真係大大大癲，咬落係緊實爽彈有生命力，完全係 feel 到個新鮮度咁嘅價錢一句講晒，屈機！特盛海鮮天丼 - 有黑虎蝦，那歌魚，帆立貝，鱚魚、四季豆同金菇~ 款式夠晒豐富，第一次試金菇天婦羅嘅我哋一致認為個金菇係勁出色！金黃酥脆完全無多餘嘅油脂感，又係 mind blowing 之作 🤯雞皮餃子炸得啱啱好充滿雞皮香之餘入面仲係有汁㗎~送酒一流(話説係超後知後覺哋先知間舖個名係玩食字，仲心諗 8+26=34? lol)

掃qr code落單 同門口menu有啲唔同6點幾去 都排到7點先入座 限時60分鐘.原隻活龍蝦天婦羅（大） $128唔算好大隻 但爽口彈牙👍🏽 好食.自選天婦羅定食 $84冷烏冬，廣島蠔，紫菜蝦膠，金菇，蓮藕，南瓜天氣好熱 今次揀咗冷烏冬！烏冬好q彈 👍🏽👍🏽個人覺得比蕎麥麵好食好多👍🏽👍🏽維特，今次個南瓜失準 無乜味.特盛海鮮天丼 $108黑虎蝦2隻，那歌魚，帆立貝，鰝魚，四季豆，金菇正常操作👍🏽無投訴。.雞皮餃子（5隻）香口👍🏽.食完門口都仲有好多人等緊。自費！

餐廳裝潢好有心思，而且樓上層係榻榻米座位，有特色得黎坐得又舒適。✨海老穴子天丼（穴子，黑虎蝦，蟹柳，南瓜，本菇，紫菜，四季豆）：配料十分豐富，而且天婦羅個炸漿調得啱啱好，唔會太厚搶咗今物本身嘅鮮味，仲keep到外脆內嫩，不過一定要趁熱食。。✨自選天婦羅定食（冷酢橘蕎麥麵，廣島蠔，鰻魚，蘆筍，冬菇）：夏天必須要食返碗涼浸浸既麵！蕎麥麵條咬落去煙韌得嚟有咬口，仲有陣陣麥香，面頭仲有幾片檸檬，配埋個酸酸甜甜嘅湯汁，食一啖即刻成個人醒神晒！即磨山葵唔會太攻鼻，同麵撈勻真係無得頂。天婦羅配料入面最令我驚艷係廣島蠔，外皮炸到金黃酥脆，入面隻蠔仲係好juicy，完全overcook！蠔肉好鮮甜，一啲都唔腥，仲有淡淡海水味，正到爆！ ✨雞皮餃子（5隻）：第一次嘗試用雞皮取代餃子皮的餃子，外層雞皮煎得金黃酥脆，咬落去一口爆油；內餡鮮嫩多汁，鹹鮮中帶點微甜。✨柚子芝士蛋糕：芝士層好滑溜，質地creamy得嚟又唔會太heavy，蛋糕上面嘅柚子令到成個蛋糕多咗清爽感，柚子味唔會好濃，所以唔會蓋過咗芝士香味。