拳王泰國餐廳 (已結業)

謝謝友人的公關朋友邀請，早前到了銅鑼灣的拳王， 試試這間新開業的主題餐廳又做到怎麼樣吧。據了解台主是泰拳的高手，從不少國際賽事也贏得了殊榮，還是泰拳學校的負責人，店就位於銅鑼灣一蘭的旁邊，店共分了兩層。值得一讚的是裝潢和貼題皆是做得一絲不苟的。餐桌是似是擂台般的，座椅則有沙包的影子。有趣的是在樓上那一層還有3D畫，拍出來的話是挺有立體的效果呢。椰青: 先喝着一口椰汁， 是陣陣的清涼感，清甜好喝呢。泰式生蝦刺身: 一客八件的生蝦刺身就， 定價還算是挺進取的。生蝦看似挺厚身而新鮮的，還不錯。泰式冬粉肉碎湯: 雖說是想起泰式，會想喝冬蔭公湯，但又喝喝一款不辣的吧，是不過不失的選擇呢。椰皇焦糖燉蛋: 最後的甜點是一道甚有泰式風情的，就是椰皇 x 焦糖燉蛋, 焦糖是薄薄的一層，入口椰香是挺突出的。剛開業，食物方面可能還沒有是盡善盡美，但在裝潢方面，喜歡泰拳的朋友定會覺得甚有親切感的，會是值得到訪的朝聖之旅吧。

太座突然想食泰菜，上open rice search, 想試新野，揾左呢間試下，本來有的好感，但点左菜成15分鐘都冇野上過，隔離遲過我地點菜都到整，我地連野飲都未上，同佢返映，佢話張單有啲問題，唔好意思，算，我都係想食野啫！第一味上生蝦剌生，幣！中伏，98元8隻，但係同去超市現成買一樣貨色，似象膠多啲，個汁好淡味！再上推介特色嘅荔枝珍珠，冇特別！再上波籮海鮮炒飯，又中伏，室溫+預先煮好嘅蝦同青口收你128.-真係接受唔到！再上微暖冬陰公，又係失敗中嘅失敗，味道差不再話，雖有個火熱住，熱左20分鐘都熱唔起，算吧。本來想食佢個椰皇蕉糖燉蛋，唔想又中伏，埋單480.-食food court冇咁嬲！真心想新開食店想行中檔路線收客人中等價，要認真注意食物質數！

我同朋友去試食叫咗一個泰式冬粉肉碎湯(s)＄68，湯冇特色仲好咸，泰式香辣蟹肉虾餅$78只得3件細細件，點知完全不知所謂，完全冇蟹同虾味，只有好重香草味，泰式炒金邊粉$78最不知所謂，銅鑼灣任可一間泰國菜都炒得好過佢，炒金邊粉只得幾隻虾同蛋絲，牙菜，完全冇味只得色又唔香，幾隻虾一D虾味同香味都冇同白灼冇分別，紅咖哩燴什菜$68，原以為咖哩會好D，點知都唔係正宗，泰國菜嚟講算係失敗，我只係問咗個服務員大厨是否香港人，我都唔敢問是否係泰國人做厨師，點知真係俾我講中係香港人做厨師，真係十分失望，咁簡單幾個菜可以煮得敢差，我個人覺得銅鑼灣任何一間泰國菜都一定好食過佢，我就唔會再去，因為唔直

最近發現銅鑼灣新開左間泰菜餐廳，裝修好靚！一於入去試試佢~~一行入餐廳已經見到幾條金腰帶掛在牆上，平時睇電視睇得多，咁近距離望下d金腰帶都係第一次一問之下原來金腰帶的主人係Bryan To！！不得了～識泰拳的人一定聽過佢大名！餐廳共有兩層，地方幾大幾寬敞，坐得舒適，又有大電視播放著拳賽，氣氛好好牆上是一幅幅3D畫，一用電話影相3D效果便會顯現出來，好神奇架！好 入返正題今次點了幾個菜香辣蟹肉夜明珠原來係用荔枝肉包著蟹肉來食，雖然蟹肉有少少辣，但荔枝很甜，中和了辣味第一次遇到依種食法，好特別！蟹肉蝦餅將蟹肉和蝦肉混和再煎成一塊塊蝦餅，很香脆，咬落夠彈牙，而且蝦蟹兩者亦很夾泰式生蝦生蝦是冰震著上枱的，所以很夠凍，蝦肉亦很爽很彈牙，夠晒新鮮配上酸辣醬汁咁食，雖然我唔係好食得辣，但都覺得個醬汁好好味最後甜品選了 椰皇焦糖燉蛋本身都中意食creme brulee依個用椰皇殻上的creme brulee充斥著濃郁的椰皇味估唔到燉蛋吸收晒椰皇的味道係咁好食，表面的焦糖亦燒得很脆口！食完第一啖係會不其然地繼續食第二啖第三啖...

同班friend去銅灣灣一間新開型格主題泰國菜餐廳食晚飯，結果喜出望外!!  前菜必食係全港首創”香辣蟹肉夜明珠”, 清新好味!! 另外, 泰式生蝦刺生, 青木瓜沙律同香葉烤雞都超讚!!主菜有拳王珍寶湯河 (龍蝦湯河), 咖喱炒蟹, 冬陰公湯, 馬拉盞炒通菜… 等等, 不但賣相吸引, 用料新鮮, 而且味道好有水準!!除咗泰菜掂, 甜品榴槤砂金糯米糍同椰皇焦糖燉蛋亦係推介!! 班friend話呢間新餐廳十樣菜九樣掂, 下次會再嚟 ^_^

本來諗住食一蘭, 見到前面有間新開泰國野, 入去試下先生蝦刺身 - 新鮮, 同九龍城果啲無得比蟹肉夜明珠 - 賣相好得! 荔枝 + 蟹肉, 有創意, 真係要講小儀同金剛果句: 尋味指數, 無得唔試!咖哩蟹 - 隻蟹拳王咁既size, 咖哩唔太辣啱我, 加埋好多配菜, 配埋面包一齊食, 好食!椰皇焦糖燉蛋 - 我地太飽無叫, 見到隔離枱叫左, 好似好好味, 下次試下先** 呢間餐廳啲裝修好有心思, 設計到成個拳館 + 擂台, 仲有部大電視播拳賽, 另外仕應話牆上面啲畫用手提影出黎係3D架! 比個讚你! **

話說老闆有日同我地成班同事提議去呢間新開的泰菜館度試新野, 於是就擇左個吉日去, 原來呢間野真係香港拳王開.....入去餐廳前,旁邊間拳館打到澎澎聲, 真係未入到餐廳都有拳賽的氣氛.....入到去, 有好多金腰帶係牆度同埋有D 3D壁畫供人影相, 我同班同事們(連老闆)都影到顛左....之後先開始正式叫餸....首先來的係<泰式生蝦刺身>而且呢度所配的辣汁, 較坊間的辣汁...酸香得來有清新獨特, 有同事食完生蝦都唔俾待應拿走D辣汁~~再來的係....<沙嗲串燒><香矛蝦串>跟住就係...<香辣蟹夜明珠>蟹肉開始只有微辣,然後由荔枝的清甜把辛辣的口感融和, 吃起來感覺呢道菜頗為清雅然後到...<冬蔭功><泰式明爐烏頭><泰式椰汁雞湯><秘製咖喱炒蟹><海南雞><塔香蒜片大規>最後甜品來了....左<蘭香西米鮮果撈>:都OK , 只係不算特別中<香芒黑糯米>:味道好淡,有待改善右<椰皇焦糖燉

最近銅鑼灣開左間特色泰菜，愛吃泰菜嘅我當然要即刻去試下，就同班同事訂左今晚一齊去試菜😋😋由於已訂位，服務員好快就帶我哋入去，一坐低即刻拎個餐牌👀落order。。。。。泰色生蝦。。。每次必食嘅前菜，肉質爽口彈牙，距嘅醬汁酸辣度啱啱好，十分惹味👍👍香辣蟹夜明珠。。。第一次見呢個菜，真係覺得好特別，新鮮嘅蟹肉釀入鮮甜嘅荔枝肉，口感一流，非吃不可😋😋青木瓜沙律。。。愛吃辣的我覺得辣度適中，如果唔食得太辣嘅可叫少辣塔香蒜片大蜆。。。蜆肉一食已知新鮮，加埋少少辣椒調味，正肉碎生菜包。。。肉炒得乾身，加埋洋蔥令成個菜更加香口另外還叫左沙爹串燒，明爐燒烏頭，炒椰菜苗👍👍總括嚟講食物質素好，服務員上菜執碟都好快手，下次想食泰菜又多個好選擇😊😊😊

係fb 見到屋企附近開左間泰拳主題餐廳，夜晚就忍吾住去試左，最特別系個頭盤香辣蟹肉夜明珠，用荔枝肉包滿蟹肉，配合醬汁，三秒就清曬😂另外香葉烤雞都係推介，好惹味之餘又夠肉汁咖哩蟹係勁大份又多糕，串燒同冬陰公湯不過不失拉最後驚喜係個甜品，榴櫣糯米糍，食到停吾到口