拳王泰國餐廳 (已結業)

同男朋友係銅鑼灣行完街，就去搵食啦。男朋友不嬲都鐘意食泰國野，今日就去食泰國野啦！之前聽朋友講有間叫拳王既都唔錯，今次一於去試下！去到，個環境真係好岩佢個名，真係好似個拳館咁，牆上面有金腰帶，又有電視播拳賽，仲有沙包添，好有特色。 食泰國野梗係唔可以唔叫冬蔭公啦，因為冬蔭公好味既泰菜館先係一間成功既泰菜館。拳王既冬蔭公有分大同小，我地兩個人就叫左個小既，夠晒。先講味道，好好味，同我去泰國食既一樣味，正宗，好香，夠酸夠辣！入面仲有兩隻大蝦！！！！食完個湯已經好滿足。 差d唔記得，我地叫左野食，就送左個蝦片俾我地，好好味呀！！！ 好，繼續講其他菜。另外叫左個青咖喱雞加蒜蓉包！蒜蓉包真係好香，外脆內軟，點咖喱食簡直一流！！！ 跟住仲叫左半打串燒，豬牛羊都有，燒到岩岩好！配埋沙嗲醬，好好味！

之前睇到啲食評介紹依個夜明珠就一直好想試 用好甜既龍眼肉包住辣辣地既蟹肉 加上係面既香料 咁多味加埋出奇地夾！鋪係底既粉絲吸左龍眼既甜品同有啲香辣既汁 好開胃！咸肉炒棷菜苗炒得好香 棷菜苗好新鮮好大顆 沙嗲串燒(牛雞豬各二) 沙嗲醬有好多花生粒粒 口感豐富 花生味都幾重菠蘿海鮮炒飯係超足料 唔只上面個層海鮮 炒飯入面都有好多 椰汁焦糖燉蛋係用個細細椰殼裝住 仲要到厚厚既椰肉 如果可以"不"到出黎食就好喇 燉蛋夠滑夠香 👍🏼椰青💕

好幾次經過謝斐道，都會被這間餐廳的外表吸引住，剛好這裏旁邊有教拳的地方，唔知呢度係咪打完拳後既醫肚勝地呢 今次2人同行，食到好飽，好滿足，除左味覺同嗅覺之外，就連視覺都已經叫人讚口不絕。一步入餐廳，果然很貼切主題，拳王，所有物品包括坐椅，都會令你覺得自己恍如置身於擂臺上，獨立皮坐椅格外舒適。就連木筷子上亦不絲不苟咁刻上了餐廳的名字"拳王"。因為人不多，所以我和友人都靠餐廳經理的建議，點了2樣招牌菜。記得我有一個朋友到來曾叫了一整隻海南雞，然後都試不了許多樣菜就飽了，所以汲取了友人嘅經驗，我地就叫左半隻海南雞。雖是半隻，但派頭絕不馬虎，"拳王"海南雞有別於一般的，呢到嘅雞係用點心用蒸籠隔著一層生菜墊底，最奇妙嘅事情發生了！侍應哥哥會將濃香的熱雞湯在我們面前慢慢淋上海南雞上。視覺再加上嗅覺嘅享受，非筆墨能形容的。熱湯淋完後的雞特別嫩，而吃海南雞，亦很適合懶惰的我，因為無骨的快感加上又暖又嫩的雞肉，剛好符合嘴饞的我! 隨雞附上傳統海南雞醬，還有自家制(我想是吧?) 的辣汁。雞吃完後，還可以品嚐清澈而香氣撲鼻的雞湯，足夠我和友人兩人的份量。我們還配上雞油飯，雙重油香令人食指大動。除了海南雞，我

這間餐館，是以打泰國拳為主題，裝修及座位都係泰拳feel, 場內設有四部電視，均是播放泰拳比賽，一面食住泰菜，睇住比賽，係一件開心事。冬陰公湯，中辣，配料只有兩隻大蝦，及一些配料，口感還可以，湯底較濃。泰式金邊粉，特別是用蛋包著金邊粉，很黏口，每條粉都黏上汁，曬上青檸汁，酸酸甜甜，又有花生碎粒，大開胃口。青芒果沙律，酸酸辣辣，芒果好爽口，越食越辣，增添食慾，係餐前一款小點。

我知男友勁愛睇拳比賽又愛食泰菜,才特意帶他來銅鑼灣泰拳主題餐廳~拳王泰國餐廳食晚飯. 這泰拳主題餐廳,當然放置不同有關泰拳用品,而電視播放緊拳賽.座位是沙包形,非常貼切主題.第二層貼上好大幅拳王杜恆霖POSTER.*** 【海南雞】 半隻 淋上雞湯 海南雞啖啖肉無骨,入口非常嫩滑, 有鮮味,冇雪味, 味道不錯,附醬汁及酸辣配合來食.***【泰汁燒羊架】 羊肉燒至有點焦身,入口冇乜羊羶味,可惜有點乾身以至有點韌,另可點沙嗲及辣醬,更惹味.***【泰式砂鍋煲仔翅】大大件翅十分爽口,口感似花膠,配上鮮甜的蟹肉,另加入芽菜令味道更豐富,而湯底十分清甜.

好耐冇見既泰拳迷朋友約係銅鑼灣食飯，有知我鍾意食泰國嘢，就話有個食泰國嘢非常正既地方，相約在這間拳王泰國餐廳等， 一去到發覺呢間餐廳幾特別， 有多泰拳擺設重有泰拳睇， 嘢食選擇都幾多有d出面好小見。

睇完LEON, 就同老公揸車黎銅鑼灣搵野食,老公之前食過,話D野食幾好,所以我地就黎開餐啦十一點幾黎到,都係得兩檯客,但等左好耐先有野食,我叫左一杯西瓜汁, 老公叫左一杯椰汁冰,但我都差唔多飲左一半,食物都食左幾樣,佢杯野飲都未黎,叫左半打豬雞串燒,比出面貴, 不過幾好食,魷魚鬚串好食,不過好難食到,因為痴住枝簽實一實咸肉炒通菜,辣辣地都幾惹味,咸肉都唔錯泰式拼盤,除左魚餅之外, 其他都好好食,背後有D墨魚餅,大大碟幾抵食仲有叫左海南雞同黃油飯,不過又係漏左單,其實得甘少客人,都可以漏兩次單真係有D搞笑整得D野食都好好食,雖然都算貴,但好在都大碟,會再回頭,不過希望唔會再漏單

過開銅鑼灣買電話，順便約朋友食飯，朋友介紹呢間野話好食。一入間餐廳，真係嘩左一聲。因為佢個佈局主題同餐廳個名真係一樣，不過野食先係主打！叫左個二人餐，我覺得三個人都夠食。先黎一個泰式青木瓜沙律，作為開胃小食既佢真係好野，本身唔係幾肚餓，但係食完之後即時胃口大增。佢賣相幾靚，食落去啲木瓜同蘿白絲好有咬口，酸味味咁，真係好開胃。不得不提佢個泰式椰汁雞湯，因為佢個湯係好足料，飲落去好有椰香味，而且佢有一個爐俾我暖住，所以KEEP到個温度，食到半路中途再飲都好OK，同埋佢個湯係有好多雞肉係入面，仲係好嫰滑的，每人可以飲到兩碗。再黎一個燒魚。通常啲燒魚都係燒到乾爭爭，但佢真係好野，竟然燒完出黎，好似蒸完出黎一樣，啲魚肉係好有肉汁，加埋個辣醬汁帶出埋條魚既鮮味（不過如果個辣醬汁更辣會仲好啲啲）。仲有個金邊粉又係好特別。通常食泰菜我最怕係個金邊粉太油同埋太酸，但呢間野又OK喎。佢個金邊粉好得意，係用剪旦包住哂係入面的，入面除左有金邊粉之外，仲有芽菜、蔥等等的配料，而且酸甜度又適中，至少啱我口味，最重要係唔太油。佢仲有D青檸檬俾我唧入去，感覺好清新。但我就冇加到佢附上既花生粒，因為我對花生有啲敏感。但

放假落左銅鑼灣行街,行行下朋友話肚餓,見差唔多時間,就去搵野食啦去左附近果間拳王泰國餐廳,好似幾正,見唔駛排隊就入去啦食左個2人餐,有個串燒,幾好味最鍾意佢D茄喱汁,好夠味又唔太濃雞肉串好滑好正,而且熱辣辣好好食炒菜心幾夠味,菜幾新鮮,不過碟野好似細份左D菠羅梳打就麻麻地,梳打水好多氣好勁,但無乜菠羅味,菠羅味重D會正D不過價錢唔算太貴,幾抵食

其實又貴又唔好食，名過其實豬頸肉好鞋沙嗲串燒過哂火海南雞又淡蔑蔑生蝦份量更係少得可憐...椰汁冰好淡等我滿心期待打算俾貴少少 質素都會好 d，埋單成 4 舊水一個人，呢 d 水準 講真真係好唔值囉！

銅鑼灣要找一家特別的泰菜也不容易。這家以泰拳為主題的餐廳，讓人可以食餐好之外，仲處處感受到泰拳的氣氛，尤如置身擂臺一樣！拳套形的椅子，很舒服。我講笑咁話坐左不會腰痛，試過你就明白！頭頂也不斷在播泰拳比賽！菜式也很多，不過和友人兩個眼闊肚窄，只點了幾款小吃。店員很熱誠地招呼我們，他推介的，很多有點，而且不錯！香辣蟹肉夜明珠 ($88) 呢個夠哂驚喜，就咁眼都不知是咩東輸，原來白白的外面內有乾坤。係將拆左的蟹肉釀入鮮甜荔枝入面，面頭在淋上生蝦的甜酸汁，好醒胃。仲有墊底的粉絲沙律好爽口，第一次食，呢個真係冇推介錯！必試！之後海南雞 ($13x/半只)一看之下可能跟普通的海南雞沒有大分別，誰知店員拿起熱辣辣的雞湯，倒進海南雞的蒸籠中。原來是希望借雞湯的熱力，把海南雞翻熱。而且店員表示可在吃完後，還可喝罷雞湯，一舉兩得。此做法也很新穎，第一次食。一咬之下，發現熱食時雞肉也挺滑身，鮮嫩。骨也不太多。不過嫌雞皮略肥，而且有少少雪味，凍左之後尤其明顯。但幸好有甜醬油和酸甜醬點綴一番。少少意見，就是要趁熱食。單拼金邊粉加冬蔭公湯底 ($86)感覺冬蔭公不跟我腦海中一樣，這個相對較甜，無論酸辣也不足，不知

今晚本來跟朋友在這裡喝點酒傾下計便算，但坐坐下聞到一碟兩碟很香口的氣味最後實在忍不住><" 在這裡再幫襯晚飯翻開MENU，這裡有很多泰菜選擇（比在九龍城食的多很多）所以最後點了二人餐，不用太思考坦白說，我覺得這裡的二人餐份量很多，很划算泰式沙律本人第一次吃泰式沙律食得泰式當然離不開辣所以這個沙律也不例外幸好青瓜絲，蘿蔔絲夠多，可以中和一下辣的感覺不過食完呢個真係好開胃椰汁雞湯由這個湯開始我感受到這裡的水準除了是本面看到食材非常足料外味道真的一流，很濃的椰香味，而且不稀的如果散叫的話，我也會推介這個湯泰式豬頸肉這款豬頸肉在泰式食店來說是很普遍所以我不會說有什麼驚喜不過論賣相和味道，依然很吸引而且很好吃但我最想讚的，是這裡的豬頸肉很厚切作為食客當然喜歡這點吧鹽燒盲鰭這條魚放上枱時真的吃了一驚，因為很大條二人餐的魚竟然有宴會擺酒用的咁大，未吃完已經飽到上心口了。。。條魚除左大，肉質更是鮮甜滑溜那種同我想像的鹽燒有出入，因為我以為鹽燒的魚都是「ｈｉ」身的因為條魚太鮮甜，反而我沒有用旁邊的酸辣醬再調味，哈哈泰式炒金邊粉初時以為waitor放錯左上枱炒金邊粉喎！我地無叫蛋包飯喎=.

今日中午來到銅鑼灣吃泰菜，拳王所開的餐廳的確風味濃郁。一個人來到，午餐份量太多，點上一個小食試試。泰式燒豬頸肉。肉質爽口彈牙，豬肉不油膩但油香豐富。厚厚一片肉香天然，燒得香口。醬汁帶點微辣而清新，開胃又飽肚。

今日中午來到銅鑼灣行街，午飯時間到處都是人，媽媽想吃點特別的菜式，好耐都未光顧泰國餐廳，一於吃個泰式午餐。泰王開設的餐廳，泰拳風味濃郁，餐廳的佈置和座位都用上跟泰拳有關的主題。泰式生蝦。蝦肉爽口彈牙，肉質爽口不霉身，蝦鮮味甜，相當出色。秘製醬汁香新清新，不濃不膩，必吃菜式之一。香辣蟹肉夜明珠。獨有的菜式當然要試試。荔枝包上鮮甜濃郁的蟹肉，每一口都充滿鮮甜味道。蟹肉份量多，非常滿足豐富。帶點清辣的醬汁，令人的確開胃。泰式炒金邊粉。蛋包金邊粉，賣相確實濃郁香口，即叫即炒充滿濃郁香味。金邊炒乾身不油膩，醬香味濃不會太酸甜，雞蛋香濃蛋香，食材的確豐富。

一間兩層既泰國餐廳 應該係喺佢隔離街既泰拳館開， 食店裝修 以泰拳為主題 .食物都係比較貴過一般少少既泰菜 但味道同裝修都十分唔錯拳王小食拼盤 188 蚊有蝦餅 香茅餅 春卷 葉包雞 蝦丸 都算係落足料 全部味道唔錯 , 蝦餅鬆脆彈牙，春卷夠脆而且入面有蘿白絲 粉絲 同 木耳 口感唔錯 而香茅丸亦十分香口惹味 配以甜酸醬， 仲有一種泰式甜醬 可以中和拼盤既熱氣泰式酸辣鳳爪 78 蚊鳳爪 凍食 有少少酸辣 鳳爪充滿筋 口感彈牙 唔錯海南雞半隻 138 蚊十分特別既係 海南雞以木桶盛戴 除左雞皮夠骨 雞肉夠林外 上碟時仲會以雞湯林喺上面 另到雞肉更有雞味 配以海南雞既甜酸醬同薑蓉 好味細冬蔭公 138 蚊大慨有4,5, 碗 湯 , 飲落去酸辣度平均 有香茅 香草 磨菇 仲有兩隻大蝦 , 比較易入口 而飲到稍後酸辣味先會出黎， 湯底既濃度整得唔錯 幾啱香港人飲泰式炒金邊粉 138 蚊以煎蛋包住成個金邊粉 保住 温度 一整開個蛋 入面熱辣辣金邊粉既香味全部走哂出黎， 金邊粉 酸酸甜甜 有蛋 葱 蘿白 芽菜 仲有蝦肉一齊炒 而可以用側邊既青檸 葱 同肉鬆一齊吊味 味道酸甜開胃得黎又有少少清新既感