拳王泰國餐廳 (已結業)

午飯時間想食泰菜，同事介紹附近一間以泰拳為主題的泰國菜。午餐餐牌各色其色，有黃咖喱、青咖喱、海南雞、炒飯及炒河等。還有拳王粉麵，自選配料及湯底；各色其色，任君選擇！只需加$8有椰汁西米糕、加$10冬蔭公湯或泰式椰汁雞湯、加$20上湯浸雜菜。二人點了蟹肉芒果炒飯及泰式金邊粉！凡惠顧午餐附送飲品（冷熱同價），特飲+$10及椰青+$20！看到另一款餐牌本想吃炸蝦餅，但又見到「月亮蝦餅」看似特別，決定試試它的美味之處。首先到來泰式金邊粉$68，與一般泰國餐廳一樣有多葱及有花生撈伴！滿佈芽菜及大蔥經過司傅炒過什有鑊氣，而且不太油膩頗不錯。蟹肉芒果炒飯$68，驚喜滿載粒粒芒果超甜而且大大粒。內含蟹肉及肉鬆並有雜豆粟米等，顏色已經鮮艷奪目。每一口飯都與芒果融合，甜而不膩確實可取之選。月亮蝦餅 $138，原來是利用春卷皮包蝦膏炸至脆身；一盤六件連同泰式辣醬一併吃，非常香口無比。不過價錢比較昂貴，如果調得少少會更好。飲品方面，椰青及珍多冰新鮮椰青被冷藏得冰涼，完全適合快將夏天的日子飲用。椰肉超多，可以連同椰青一拼吃。珍多冰椰汁味不算太甜但夠滑溜又能夠解渴，而且顏色美麗！第一次接觸泰拳餐廳，無論裝修已經感

同朋友係銅鑼灣行完街,朋友想食泰菜,又想搵個地方可以坐耐d,就入左黎裝修幾特別既餐廳。內有電視播拳賽,牆身有不同海報,拳套展示出黎,風格十足,睇到肌肉poster都令人熱血沸騰。開胃菜金柚沙律多果肉,酸酸甜甜,加上沙律汁撈埋同柚好夾。野飲叫左棷青,泰菜唔少得。小食串燒豬牛雞都好嫩口,肉質不錯,另配沙嗲汁,沙嗲汁唔辣,好夠味同一般餐廳唔同,非常特別。而魷魚鬚好惹味,配一個好特別既汁,帶微辣,與一般燒汁不同,加上魷魚鬚好爽口,係一大驚喜既小食。泰式明蒸烏頭好特別,有個湯可以加上去,仲有汁點,而且有不同配料連魚蒸,條魚都幾大條。再者,上到餐廳樓上去廁所時有d驚喜,樓梯扶手都係檑台旁既帶,廁所門口更令人眼前一亮,男女拳手相片係門外。細節設計好好。

星期日去了銅鑼灣搵好野食，小弟一直都很喜歡食泰國菜，而今次呢一間仲要係非常有特色的泰國拳王餐廳。只聽店名已經有一種未食先興奮的感覺。一推門，店面就擺設了好多同拳賽相關的物品，都幾過癮!!在等上菜的期間又可以睇下拳賽!!!唔怕悶親頭盤點左一碟六隻生蝦，Size都算係幾大隻而且好新鮮爽口，配埋個泰色醬汁，酸酸辣辣，好醒胃呢個金邊粉好夠鑊氣而且麵質煙靭，一上菜就香噴噴，旁邊有些花生碎同碎炒蛋，撈埋一齊食，好有口感，另外，仲食到少少青檸汁的味道，幾清爽炒飯內有蟹肉和大大粒的泰國芒果，酸酸甜甜!!!好岩夏天食食泰國野又點少得冬陰公湯，呢個跟餐的冬陰公，用料都幾"豪"，又有大大隻蝦，湯面又鋪滿磨菇，夠酸夠辣，而且香茅味都幾濃，很滿意。推介一定要試既甜品，全部都係椰青做，奶白色面是椰肉，食完後完全冇晒飽滯的感覺，好清新

兩個月前，有位新朋友約食飯，選址位於銅鑼灣謝斐道的 <拳王泰國餐廳>！  餐廳位置是銅鑼灣鵝頸橋附近拉麵店！<拳王泰國餐廳> 由真正的香港拳王開設！  當我走進去，昏暗的環境下，完全感受到這裡好像拳館的氛圍！  這是全香港首間加入泰拳及擂台元素，裝潢設計藍本的主題餐廳！  不論餐廳內或外，也跟拳王有關！ 桌子以擂台設計、沙包型椅子、拳王的金腰帶及獎項，展示輝煌戰績！  至於，餐廳的亮點，正是天花中央設有四面電視，播放精彩拳賽，讓食客邊食邊看！亦感受到拳賽的氣氛！  設計與裝潢每一細節也一絲不苟！ 這裡佔地兩層，我們坐在地下那層，我覺得坐得很迫！我們女生基乎要胸貼枱！  手袋只好放地下或大腿！期間，他們突然拿著手機傾得很興奮！  好奇問他們談論什麼呢？  原來他們見到網民熱話的女店員，樣靚好身材的女店員擦身而過！  猶如見到「女神」如此興奮！ 就算店方貼上告示，店方著重食物質素，煮食物需時等候！第二轉，食物等得很久，起碼 45分鐘！ 但是太過份嘞！ 原來店方廚房只有兩個爐，怪不得連附近有兩枱食客好鼓噪，  見他們投訴等上一

拳賽係泰國係好熱門嘅運動 ，經過銅鑼灣廣場，發現有間以泰拳為主題嘅餐廳 ，附近又有拳館，練完拳去呢間餐廳食野都唔錯 。餐廳門面裝修好靚，放左幾個金腰帶，又有好多美食相 ，經過見到就吸引左入去  。店內裝修特別，感覺置身於擂台 ，場中有電視播住拳賽，一路食野一路睇刺激嘅比賽，特別興奮 。坐位又好有特色，設計成沙包嘅外形 。係泰國好出名嘅食物 -- 飛天通菜，通菜炒得好香，好爽口，新鮮又嫩綠 ，加左些少蝦米，令口感更突出 ，唔會只係得通菜單調。泰式豬頸肉好野味，切到薄片，燒得好鮮甜，好煙韌 ，不用點醬汁已經好多肉汁，好入味 。去食泰國餐，點都會叫個椰青 ，有得飲椰汁，又可以食埋椰子肉，椰青開得好靚，好新鮮 。平時好鍾意食甜品千層糕 ，呢個班蘭千層糕有花邊，賣相好靚，加些少椰汁係糕上，淡淡嘅班蘭味，又唔會被椰汁完全蓋過 ，好有彈性嘅質感，彈牙煙韌 ，與強硬性嘅拳擊比賽有著強烈對比 。

自從搬家後也很少過海, 是日朋友打完泰拳想約吃晚餐, 估不到帶了我們來吃泰菜, 她真的很熱愛, 因為間餐廳名字也叫拳王, 不說還以為是在拳館內進餐。平日這裡也那麼滿座, 服務員很忙碌的, 原來, 所謂網民熱話的女服務員就在此...。大家也是來朝聖的嗎?大概是太客人吧, 上菜的速度有點慢, 追問之下, 原來...廚房得兩個爐, 唯有吃著蝦片等。很喜歡這炸而不膩的蝦片, 吃不停。再配一個椰汁冰, 椰香清新, 邊吃邊喝, 沒有那麼熱氣。先來過惹味的青芒果沙律, 絲絲爽脆, 惹味非常!大大件的燒菠蘿一向是我的喜愛, 輕烤之下, 菠蘿更加鮮甜多汁, 很不錯!平時很怕吃海南雞, 怕肉不鮮, 怕流著血的。然而這個籠仔海南雞, 令我改觀了。不論賣相和味道也很有水準!吃之前才注下湯汁, 暖暖的雞肉, 鮮嫩滑溜, 那怕是雞胸肉也不會又實又乾, 喜歡海南雞的朋友應該會愛上。而這個肉碎生菜包, 香辣的肉碎, 配上新鮮生菜, 令人越食越開胃, 哈哈!我很喜歡咸肉炒椰菜苗的, 每次吃泰國菜也會點的。翠綠的椰菜苗, 新解爽脆, 配上咸鮮味香郁的肉塊, 簡單的小菜也水準十足。時間晚了, 少一點客人, 終於可以細心望望

在銅鑼灣鵝頸橋附近 除了X蘭拉麵 也有一家好吃的泰國餐館——以泰拳為主題的「拳王」 除了牆上的紀念品展覽、養眼的拳手照片 還有天花正中的四面電視 讓人一遍品嚐美食 一邊欣賞精彩的拳賽 小妹的飲品——西瓜沙冰其實沒有甚麼泰國風味 但勝在天然 喝下去彷彿一口咬在新鮮的大西瓜 裡面的冰粒不算多 加上溶得快 比較像凍西瓜汁 卻有西瓜果渣 夏天可消暑解渴 又不怕發胖 套餐包含一道海南雞 用茶樓的竹籠盛著 在放在一個大碗 上桌時 侍應才在面頭淋上熱呼呼的冬瓜湯 不知箇中秘方是甚麼呢... 雞肉不油膩 也不韌 配上一種蜜糖味的深紅色泰式醬料 很美味 香芋椰汁糕是泰國特色甜品 這裡的還加了西米和椰子粒 連包裝的葉子的味道也滲進去了整晚的美味之冠是椰王焦糖燉蛋 $88一客 好貴... 但超級好吃！面頭那層的焦糖是脆的 烤黑後特別香 因為以椰子殼作容器 椰子味是從內散發出來的... 大家吃完燉蛋後 記得不要浪費 「碗」內的椰子肉！ 不得不提 那些高背椅很舒服！ 店員每次拿來餐具/碗碟 都是用雙手恭敬地奉上 態度值滿分！

放假去歎泰國野，我系要求嘅，終於穩一間好特別有得睇泰拳，菜式特別做法與眾不同的拳王泰國菜。我點左3樣特別菜式，味道與眾不同，超乎想象地好味，食材系食得出的新鮮，仲可以一邊歎美食，一邊睇泰拳。

佢呢間係拳王所開既餐廳 雖然我唔識邊個打邊個😂 不過見佢佈置好有誠意 全部都係打比賽既相 金腰帶 連張椅子都好得意 扮沙包 全部都係梳化椅 幾正 座得好舒服 侍應全部都係黎自泰國 d姐姐好熱情 識聽同識講好正宗既廣東話 食既時候都係咁主動幫我加水 可能我食到個咀太腫😂😂 一食辣就會咁 同埋係咁幫我換碟 所有野都好靚 感覺好舒服 好淨潔 香辣蟹肉夜明珠呢個前菜好特別 第一次食 好好味 佢用左新鮮龍眼肉饟入新鮮既蟹肉 蟹肉入面有好多泰國既香料 好濃味 配上泰式既辣汁 超香 個低係泰式粉絲 好入味 好爽口既感覺 凍食好正 肉碎生菜包佢既肉碎用左豬肉 佢用瘦肉為主 不過都好林身 好香 佢用左好多蔥花 洋蔥 同埋泰國一種香料一齊炒 超入味 令到豬肉好香口 但係佢唔會好油 亦都唔會好水汪汪 炒得好乾身 鎖晒d肉汁 呢碟本身都幾辣 如果平時食開米線叫三小辣以下既朋友一定要叫小小辣 唔係就不停飲水😂😂 辣椒膏鐵板炒大蜆個蜆炒得岩岩好 唔會好un 好好味 好爽口 最緊要真係隻隻都有肉 同埋佢既辣椒膏好鬼香 其實唔係好辣 反而佢係有種好特別既香味 同埋佢本身個膏有小小甜味 再加埋青

呢間好得意 一開始我以為係佢拳王泰國餐廳 只係一個名 入到黎 見到周圍都係打拳既佈置 相片 同埋好多金腰帶 都係第一次見 不過冇得店 哈哈 入面都係泰國人 不過識聽同識講廣東話 好地道既風味 同埋佢電視不停播住香港同其他國家打泰拳既賽事 好精彩 可以電視撈飯 好多人都不知覺咁一路食飯一路睇 😂😂 泰式炸皮蛋佢炸得好簿 好脆 好香口 佢用左蝦膠同皮蛋一齊炸 個配搭好好 好夾 蝦膠又好彈牙 皮蛋又好滑 仲可以點埋泰式辣漿 好似m記個隻陣味 點埋仲野味 冬蔭功 2-4人份量佢先用一個蠟燭熱住個湯 keep住都係好滾既狀態 酸酸辣辣咁 好開胃 佢仲要有好多菇菇 好香 好有口感 仲要有兩隻好大隻既大頭蝦 個頭好多膏 肉質好鮮同好爽口 同埋入面好多薑 佢辣得黎係唔會令你變孖潤咀個隻 佢應該除左辣椒既辣再加埋薑既辣 所以岩岩好 拳王炒飯個炒飯食落口好有鑊氣 好夠乾身 仲有小小飯焦 好香口 佢既雞蛋炒得好均勻 入面仲有好多隻新鮮既大蝦 好爽口 加上佢有豬碎係入面 令到成個飯好香 不過一d都唔油 呢個飯唔辣 但都好香口炒得好出色

今日我又出動去食好嘢啦，我係一個喜歡打拳的人，一定要來潮聖啦！餐廳裝潢同餐廳名字一樣好有泰拳嘅感覺，講反嘢食，今次我叫咗兩樣嘢食，第一樣係香港人最愛拳王爆炸抄蟹，咩係爆炸？😙😙侍應生解釋係像避風塘炒蟹，炒蟹唔係好大隻但啲蟹肉好有蟹味，抄嘅時候已經張啲蟹殼開咗，但啲乾辣椒唔會搶走蟹嘅鮮味，蟹鉗好多肉，啲肉唔黐殼，好新鮮，好好味，有驚喜，但驚喜陸續有黎，我第二樣係店長推介泰色抄金邊粉，金邊粉，竟然用蛋包金邊粉，平時蛋包飯都唔容易做得好味，但依個個味好夾，金邊粉爽口彈牙，蛋唔係係咁依用啲抄蛋放係面，以係真真正正嘅蛋包金邊粉，裹面個三隻虾，好鮮味，但因為二味都好熱氣所以我唔叫甜品，叫咗椰青，椰青新鮮青甜，啲椰肉好甜，食完啲咁熱氣飲反個椰青，真係要講一句滿足

拳王餐廳，由真正的香港拳王所開設。店內裝潢和設計都以泰拳元素為藍本，像擂台似的座檯，和沙包似的座椅，既有啅頭又有特色。牆上還鑲滿拳王的金腰帶及獎項，展示輝煌戰績。食客還可邊嚐美食，邊觀賞精彩的拳賽播映。 <香辣蟹肉夜明珠>把鮮味蟹肉釀入清甜的荔枝內，加上秘製醬汁，清新開胃之餘又夾雜著酸辣口感，確有驚喜。 <炸蝦餅>蝦膠爽口彈牙，炸得不太油膩。 <海南雞>放在蒸籠內低溫慢煮，以保持雞皮爽滑、肉質鮮嫩。吃前澆上微暖雞湯，另備有三款醬汁選擇。 <泰式粉絲蟹煲>蟹是原隻上的，但去殼後蟹肉所剩無幾。反而鋪了大量粉絲墊底，全吸收了蟹肉和醬料的精華，味濃帶辣十分惹味。 <泰式炒金邊粉>賣相是可以的，以大塊煎蛋包著整碟金邊粉。但炒得淡而無味，蝦仁亦只得三四隻，令人失望。

這天在老師那兒上課完，我就跟朋友去了在附近的拳王泰國餐廳吃飯，泰拳近年都比較多人做的運動，身邊都有幾位朋友都在學習，為人所知的，大概就是在這家餐廳附近的拳館，坦白說運動跟我沒多少關係的，倒是泰菜比較吸引到我，這家拳王泰國餐廳是拳王杜恆霖開設，所以四周都是泰拳的擺設。其中以金腰帶最為珍貴，而電視播放的不是平日看到的大台，而是拳擊比賽，營造了濃郁的拳擊氣氛。魷魚鬚先來一份魷魚鬚，近年我都比較喜歡吃魷魚鬚，煙韌的質感，令我喜歡到不得了，而它的醬料挺特別的，酸酸辣辣配上煙韌的魷魚鬚，原來也很不錯的。炸蝦餅炸蝦餅這些香口的食物，從來也是我的菜，脆卜卜的蝦餅，配上甜酸醬，正！蝦餅滿彈牙的，我一個人也可以吃上幾塊，極為誘惑我。泰式明爐蒸烏頭烏頭是 Rain 家中比較常吃到的魚，除了整條烏頭外，旁邊還有一些手打魚丸及菌類，手打魚丸爽口彈牙，配上酸汁很開胃，烏頭剛到來時非常滑溜，肉質比較結實，當魚到來建議要盡快吃，因為魚下面有細火煮，如果煮太久魚肉就會變過老了，但如果關火，魚冷了就會變腥，所以還是盡快吃了它就好了。

各位好，首先問你一個問題。你是高登仔嗎?如果你是高登的熱血男孩，你應該一定會聽過我，不過原因不是你喜歡泰拳，你應該是喜歡剛陽味的反面吧。而我相信你明白我說什麼的，你真識食，這句係唯一我對你說的說話，不過，大約你來到也不是喜歡我或是喜歡我的食物，應該是那個很美的人吧。如果你唔係高登仔，咁你有冇聽過有間係銅鑼灣以泰拳為主題的餐廳呢。當張敬軒的緋荔榭.少年說的是舊屋對那個曾經住過舊客的思念和感覺，大概一間餐廳也可以寫出對食客的感覺。今晚奇怪的是兩男四女的組合，我假設這兩個貌似宅男的人應該不是來探訪那個高登有名的神吧。他們的樣子較似來欣賞我的食物，多於這裡的其他東西吧。每次男人來到都是為了一個原因，他們拿起相機拍的都是食物和我的處處以泰拳為題的裝修和裝潢，你曾經看過就知是什麼原因，奇怪那兩個男孩沒有舉起手影那高登仔影的東西，反而個個傻仔竟然影那些獎杯，像拳袋的椅子，像擂台的枱，那些獎座和所有有關泰拳的東西，我非常奇怪，不過難得有人欣賞，我覺得非常開心，起碼我的心機沒有白費。不過，的確我呢度嘅位置好密集，幸好佢地幾個女性朋友都好瘦，完全唔係大問題，坐的位置也叫舒適。吃前來杯青檸梳打，那酸酸甜甜的