拳王泰國餐廳 (已結業)

雖然MMA節目已完，但不減我對MMA 的那團🔥，終於找到拳王餐廳了。餐廳裝修好特別，簡直好像置身於拳館，心情都很雀躍起來。我們二話不說先點火辣辣的辣椒炒大蜆，色、香、味具全。食材絶不馬虎，大大隻的蜆，啖啖肉配上泰色香料，正。顧住大人都要理下小朋友，叫咗羊架和海南雞湯河小朋友一口一口地咬着羊架，說道yummy. 我靜靜地咬了一口，嘩，好juicy ，沒有羊騷味。難怪他們嚷著留給他們吃.還以為，海南雞應該一般貨色，估錯了。其實，好有雞味，又嬾滑又新鮮至真這間餐廳真是用心烹調。甜品出場了，有清甜的龍眼冰、椰香味超濃椰汁和精緻小巧什錦椰汁西米好滿足喔

來到MMA 餐廳，十分雀躍，環境好舒適。第一道菜，羊架。羊肉嫰口，好香，一點酥味都沒有。第二道，辣椒炒大蜆，好多蜆肉，好有鑊氣又野味，正。仲有清涼龍眼冰，甜到入心。

室內👀 :一間以打泰拳做主題的泰國餐廳，入面佈置以擂台作為設計，牆上掛滿比賽的腰帶跟裝備，非常有特色食物👅 :<海南雞>🐔半隻 $138這個海南雞以蒸籠承載雞件，然後再倒入壺內的熱雞湯，雞肉尚算嫩滑，如配油飯另加 $28<泰汁燒羊架>🐏4件 $158真係估佢唔到，這個羊架會咁好食，肉質特別鮮嫩，羊味香濃多汁，而且不會太羶 ‪#‎必食‬<馬拉盞炒椰菜苗>🌱 $108略嫌炒得有點微生，可能我鍾意食淋少少吸哂汁嘅菜<珍多冰>🍹 $28好飲啊，好香濃椰子味#‎生日優惠請自己睇相片內‬

I was searching for vegetable menu at openrice and this was ranked the top under #Causewaybay districtLOL we had meat-menu 😆 luckily lined up for 10mins to be seated on #fridaynight😋😋😋 very meaty #crab with #vermicelli 😋😋#Padthai , Thai dried noodle with very lemon and refreshing fragrance but wrapped very delicate egg 😋😋#thaistirfried #cabbage , can't miss whenever visiting Thai restaurant 💰$$😋8/10 (looking forward to the next visit on trying their 2-persons meal which can feed 4 of us) #hsurpr

朋友話最後迷上電視那套G1格鬥會，所以我特意同佢來到這間由拳王開的泰式菜館，讓他一做拳王的感覺。這裡氣氛真係讓上進入了雷台當中，因為內裡的報置和拳館別無差別。首先，我叫了個拳王爆炸炒蟹，菜式一到朋友大叫左一聲，因為份量除了大之外，還被大量的蒜粒嚇到，食落的每粒蒜粒都有非常爆熱的感覺，相信係用上高溫油炸而成，初時食落都以為唔會好，但食落後就有一種灼熱的感覺在口中爆發，就如俾人重擊一樣，朋友還說希望聽日大便時唔會有這感覺就好了。而且蟹肉非常鮮嫩多汁，非常有蟹的鮮甜味。再者，我就叫多個菠蘿海鮮炒飯，粉量足夠4人享用，除了用上新鮮海鮮製作，還有大量的提子乾和黃薑粉，所以食落覺非常刺激，甜中帶辛辣，但又唔會因為辣，而食唔到。最特別係大大隻的青口，食落有大陣的海水鮮味。最後，朋友叫了辣椒膏鐵板炒大蜆，食落了有一陣火辣的辣椒味外，還被甜的咖哩中和，所以不用擔心太辣而食唔到，不過蜆肉非常特別，有別於一般炒蜆的蜆肉，而是用上有紅邊的蜆，細心一問原來係用上花甲來製造，所以價錢非常公道。總括來說，這間泰拳的泰式菜非常特別同合理，非常識合喜歡泰拳的朋友一試。

放工和同事去銅鑼灣行街，本來想食一蘭，但見要排隊，就改食旁邊這家泰國菜館。餐廳名叫拳王好像和泰菜沒有甚麼關係，門外和店內都放了很多和泰拳有關的擺設，還頗有心思。後來看餐牌才知道這兒是香港拳王開的餐廳😯甫進店內，侍應都送上蝦片給我們吃，感覺頗貼心。餐牌上都是由一百起跳，也不便宜。第一次來，隨便點了幾款泰菜，反而未試這兒特色的菜色，應該唔會中伏😁這知冬蔭公湯鍋下有火一直助熱，湯不會放一陣子就涼了，熱辣辣的湯才會好喝！酸味和辣味都夠，還有蝦的鮮味，讚！青木瓜絲沙津分量很多，夠四人分享，吃下去酸酸的，夠開胃，而且木瓜絲也爽，不過平常吃的會有蕃茄絲，多花生碎和其他配料，這個沙津層次不夠豐富。我最愛吃的泰式炒金邊粉，用蛋包著金邊粉，有雙重享受！可惜蛋炒得有點老和硬，不過裡面的金邊粉好好味，而且分量也是很多！唔通拳王運動量大要食多啲？

餐廳有兩層，座位也特別多，雖然我和朋友是在晚市來光顧，但因為預約了的關係，所以不用等候就有座位了。這裡除了有大路的泰國菜式外，還有不少的Fusion 菜式冷盤我們點了香辣蟹肉夜明珠"夜明珠"原來是指一顆顆大大粒的荔枝肉。入面再釀入以泰式酸辣醬汁調過的鮮拆蟹肉，味道集甜、酸、辣及鹹鮮於一身，再加上墊底的醃粉絲，真的超開胃其後我們也點了菠蘿炒飯，比起坊間的菠蘿炒飯，它用料更豐富，有青口，帶子，魷魚等等令口感更豐富最後甜點的部分我們點了椰皇焦糖燉蛋燉蛋很滑 和椰皇的配合也很新鮮

最後迷上左泰拳，所以知道銅鑼灣有間泰國菜店鋪係由貨真價實既拳王老闆開，所以就去試一試。店鋪的報置掛滿了泰拳的裝飾，加上又有大電視播泰拳。首先，我叫了辣椒膏炒鐵板炒大蜆，不但傳來陣陣的火辣辣嘅辣椒味，而且還有大陣的香茅味。食落不但有正宗的泰國辣椒味，還有一點的甜味，這就是泰國菜的精要。而蜆肉亦非常鮮嫩多汁，不但沒有死蜆，食落非常有咬口。再者，我叫了個原個菠蘿海鮮炒飯，賣常非常吸引，滿佈了海鮮，有青口，魷魚，鮮蝦，豬肉鬆，提子乾，鮮帶子，最特別係會用番原個波蘿切粒炒飯，所以食落有別於一般的炒飯，加上用上黃薑粉，所以有一陣陣咖哩香味。最後，我叫拳王爆炸炒蟹，粉量非常大，我地叫了細都足夠3人食，首先金不換由油炸後，食落口感非常特別，用來吊一吊味蕾。初時心諗咩叫爆炸炒蟹，原來意思就係好似避風塘炒蟹咁，用上大量的蒜粒和辣椒乾，用油炸乾，再將蟹同樣用油炸，所以食落時非常非常熱，但正是用猛油炸乾後才能將蟹的肉汁鎖守在蟹肉當中，這正是泰拳的十字迷雲鎖的精要之處，令食客至於打泰拳當中。總括來說，報置同坐位都非常舒適，價錢合理，絕對係泰拳迷必到之選。

銅鑼灣是一個有很多特色餐廳的地區，見怪不怪，但好幾次經過銅鑼灣廣場附近的橫街，都會被這間餐廳的門面吸引!!!這家以泰拳為主題的餐廳，整個環境佈置都好像置身在擂臺比賽場館現場，邊用餐邊享受泰拳比賽，餐廳提供很多菜色，我和朋友就點了幾款小食前菜就點了一碟6隻的生蝦，生蝦好新鮮和爽口，上碟時亦夠凍，配上最傳統的酸辣汁，真系好醒胃。我和朋友都很喜歡食馬拉盞炒椰菜苗，椰菜苗本身系冇咩菜味但夠爽和有口感，用較咸的馬拉盞去炒，真系好入味，like!!!食泰國菜又點可以唔食炒金邊粉呢? 呢碟炒金邊粉好夠鑊氣，一上碟就香味四溢，味道酸酸甜甜，配埋旁邊的花生碎，真系會食唔停口^^本人真系好鍾意飲冬陰公，提議你一定要試下呢間既冬陰公，點解呢? 因為真系又抵飲又好飲，點了午餐的關係，只需要加$10蚊就有一大盅的冬陰公湯，它的份量等於平時的兩湯碗，仲要有大大隻蝦，草菇香料十足，酸辣適中，味道濃郁，必點必點再試埋餐廳的湯粉，提供很多款的湯底選擇，我就選了牛肉湯配豬頸肉和第一次試的墨魚汁丸，上碟時真系好驚喜，點解豬頸肉的份量可以俾咁多，系一個燒豬頸肉小菜的份量...hehe 但又煎得幾好食而且醃得好夠味。我同友人

最近迷上打泰拳，也愛上泰國美食，所以就試下呢間由拳手開既泰國菜館——拳皇。我地一共叫左4款野食，青木瓜沙律，泰王小食拼盤，泰式炒金邊粉同飛天通菜。青木瓜沙律d材料切得好均勻，青木瓜絲加紅蘿白絲再加d花生碎，調味調得唔錯，酸酸地好開胃。泰王小食拼盤一上黎好大碟，我地幾個即刻嚇親左，夠4個人食既分量，有5隻款甘多，每款都炸得好香脆，好抵食。泰式炒金邊粉好有心機甘用蛋皮包住炒好既金邊粉，所以雞蛋好多，鐘意食雞蛋既朋友一定岩，個金邊粉炒得好香，材料夠多，有蝦有魷魚，啊媽好鐘意食，食左超多，哈哈哈！！但最尾d蛋皮都系食唔哂，太多啦！到食泰菜必點既飛天通菜，雖然呢度做唔到飛天，但d味道都系同系泰國食既差唔多，有少少辣，用豆瓣醬炒得好入味，值得推薦！ 最後叫左杯龍眼冰，好好飲，不過甜左少少，但都唔錯！總題來講呢間d食物水準不錯，可以同朋友再黎食過。

黎到拳皇泰國餐廳裏面當然要有拳王嘅特質啦！呢間餐廳裝修真係超特別裏有拳套，有沙包仲有拳賽直播👊頭盤有柚子蝦沙律整體感覺好鮮甜仲有冬陰功湯夠辣,海鮮好足料👍仲有拳王炒飯好惹味💃好有泰國既味道😍

天氣很熱，突然很想食生菜包，比較清新小小。咁岩經過被餐廳整個環境吸引了。整店面都佈滿㤗拳的完素（沙包掛在牆上，作裝飾，有電視播著拳賽，椅子也是一個沙包造型和展示很多泰拳物品獎牌。^_^一開始坐底即送上熱辣辣丶香脆蝦片小食。主菜：叫了肉碎生菜包，生菜非常新鮮，肉碎加蒜頭香口，野惹配上𣳾式香料，但有小辣配上生菜，剛剛好。另外，叫了食泰國野必食的海鮮菠蘿炒飯，雖然好似一道普通的菜式，不過真的得足料，有大一蝦，青口，墨魚等，配炒香飯加菠蘿肉。，

初時驟耳聽落，覺得這泰國餐廳的名字命名得有點奇怪 ---- "拳王"泰菜 ?原來餐廳的老闆確實是如假包換、貨真價實的拳王。怪不得就連店內的裝飾也滿是和拳賽及格鬥技有關的東西....要吃泰菜，小弟常去的首選一定是龍城一帶的小泰國菜舖。在龍城以外的地區吃泰菜，印象中次數可是屈指可算，所以今趟亦可算是一個新的體驗....甫一坐下，侍者就端來一小碗炸蝦片。咬下去既脆口沒溢味又夠辣。可惜最近不太想喝啤酒，不然的話來一大口冰凍的，那就爽死了....和老友記一人點了一杯飲品。我的那杯椰汁冰甜得非常膩人十分有椰香，確是夠"泰"....銅鑼灣一帶的舖租不用多說一定是要比龍城來得貴及高，所以很自然地，店內菜式的收費索價亦當比龍城泰菜店高。不過如食物是好吃的話，一次半次我倒也是不會介懷的....好像眼前的這個名為"香辣蟹肉夜明珠"的冷盤，在龍城的泰菜舖就沒有見過了....所謂的"夜明珠"原來是一顆顆大大粒，甜入心痺又多汁的罐頭荔枝肉。將肉輕輕用刀𠝹十字後再釀入以泰式酸辣醬汁調過的鮮拆蟹肉，味道集甜、酸、辣及鹹鮮於一身，且蟹肉的份量也真的慷慨不孤寒，再加上墊底的，同樣味酸酸辣辣的醃粉絲，令人吃後超開胃....

拳王泰國餐廳是以拳擊作主題的特色餐廳，店內的裝潢擺設以至餐椅餐牌，皆滲入了拳擊原素。上次巧遇拳王已是多月前的事，今次路過決定再戰多一個回合。冷盤小吃香辣蟹肉夜明珠，以細緻小碗盛載，使粒粒荔枝看起來份外有矜貴感，亦令夜明珠之說更有說服力。廚師把新鮮多汁的荔枝去皮起核，中空部份以香辣蟹肉填得滿滿，甜香味道與酸辣食感在口腔中交替出現，層次豐富，美味可口。肉碎生菜包是筆者喜愛的泰式小碟之一，取其惹味刺激中又留有微微清爽食感。與香辣蟹肉夜明珠相比，兩者所用上的手法其實也有點類似，不過肉碎生菜包的味道明顯側重於肉碎的辛辣感，口味不及前者平衡。冬蔭公湯是泰菜的代表湯品之一，午市飯餐加 $10 便可享用。這客冬蔭公湯，辣感不重，反而椰汁香氣與香茅味道變為重點。午市主食泰式炒河粉配豬肉，筆者喜愛所用的闊河粉，食感更實在。河粉中拌入的豬肉普通喇，無乜特別。個人喜好建議追加多一點蛋花及菜條。另一主食蟹肉芒果炒飯，炒飯炒得乾身香口，味道不俗，但兩大主角蟹肉及芒果感覺上份量不足。午餐送飲品一杯，特飲芒果沙冰要追加 $10。這杯芒果沙冰口感幼滑，果香甜度合心幾好飲。

今日黎左呢間以泰拳做主題既泰國菜, 門面同裝修都好有泰拳既特色, 坐低打開menu, 原來老闆真係打開拳既~野食選擇都幾多, 基本既泰國野都有得食, 比較特別係有得食火鍋Vi同朋友點左冬陰公湯, 泰式炒金邊粉同泰式蒸烏頭~先黎冬陰公湯, 細份都幾大煲, 裡面有2隻大蝦, 冬陰公味道濃郁, 酸酸辣辣, 屬於小辣, 幾好飲, 唔太食得辣既朋友都可以試下~而泰式炒金邊粉又係幾大份, 金邊粉用蛋包住, 入面主要有幾隻蝦做配料, 味道酸酸地, 唔會好滯, 不過金邊粉有點乾, 而且配料都比較小, 食唔到炒金邊粉既鑊氣, 唔太抵食~最後既泰式蒸烏頭好大條, 呢個價錢有咁大條都唔錯, 配左魚湯同魚露, 條烏頭好多肉, 但肉質有小小鞋, 可能因為Vi同朋友掛住傾計個火燒得佢太耐La, 魚湯無咩味, 但係點左魚露就帶小小辣就好味d~飲品要左龍眼冰, 呢個就好大杯都好飲, 有勁多龍眼肉, 好冰涼, 用黎配食辣野岩哂~ 整體呢度係裝修有特色, 食物方面價錢略貴, 質素不過不失, 唔差但唔會有大驚喜~