拉麵達人 (已結業)

今日好想食拉麵，約左朋友佐敦見，時光飛逝又半年，我倆友誼情比堅，雙方心中存掛牽，因此今日約見面，顯發大廈地下見，朋友準時地出現。交通亦都好方便，地鐵就坐荃灣線，揸車小心要爭戰，雖然咪錶在街邊，但卻少得好可憐，搭車揸車諗多遍。講下間舖嘅發展，二零一五呢一年，拉麵達人在此建，至今仍然未調遷，門外有塊大牌匾，日式風格在展現。朋友叫左牛肉麵，他說牛肉好多片，而且味道甜又鮮；我碗叫達人拉麵，叉燒數過有三片，睇落薄切軟又綿，雞蛋咬落似布甸，湯底濃郁不敷衍，配料全部在旁邊，歡迎添加數十遍。炸雞都有好多件，點埋沙拉好吞嚥。職員服務好友善，笑容燦爛似神仙，加一服務又全免，良心餐廳來多遍。

同朋友剛好經過佐敦，正值午餐時間，見到呢間叫拉麵達人嘅日式拉麵小店，外觀好似日本居酒屋，掛住大大個日式紅燈籠入到去舖頭雖然唔大，但好有日本色彩，特別係右手邊嘅座位，一個個客人並排坐，真係好似去左日本拉麵檔舖咁呀，店入面仲擺放左好多日本裝飾好似不倒翁、招財貓咁，牆上仲掛左好多舊式日本文具同玩具。餐牌有多款拉麵、小食、飯類定食同飲品選擇，拉麵套餐加$28有套餐飯一碗，叫小食就送一杯無酒精飲品，加$5可以升級做特飲。我地叫左特盛叉燒達人拉麵同黑蒜達人拉麵，仲叫左小食香煎八爪魚餅，送一杯凍柚子蜜梳打。香煎八爪魚餅香煎八爪魚非常值得推介，一碟切開八份，方便同朋友share食，八爪魚餅外層煎成橙黃色，淋上秘製醬汁，睇見已經吸引，咬落好彈牙，八爪魚肉鮮甜，配埋沙律醬，味道一流！柚子蜜梳打要先搞勻再飲，柚子蜜加冰凍梳打，唔會太甜，飲落冰冰涼涼，最適合夏天飲。特盛叉燒達人拉麵特盛叉燒達人拉麵好大碗，有紫菜、竹荀、海帶絲、蔥花、芝麻等配料，湯底好香濃，麵爽彈牙，叉燒係半肥瘦，雖然厚身，但肉質軟嫩唔覺肥膩。黑蒜達人拉麵朋友嘅黑蒜達人拉麵亦都好大碗，湯底比我嘅拉麵濃味少少，好香黑蒜味，配料大致相同，但比我多一

喺香港有無數咁多間拉麵店， 要從芸芸中脫穎而出確實非常之難， 今日就終於有幸畀我試到一間都非常之滿意嘅拉麵嚟呢間拉麵舖冇特別原因， 只係咁啱去廟街， 老婆話想轉下口味食下拉麵，之後就隨意入咗呢間我同太太入去嘅時候間鋪得我哋兩個，開頭仲驚緊會中伏，結果喜出望外呢間拉麵鋪入面嘅menu非常簡單，款式亦係常見幾款， 就係每款拉麵嘅湯底有少許唔同!我就點左呢款MISO達人, 我食拉麵最著重嘅幾方面佢都完全做到 一碗好嘅拉麵我覺得麵質不能夠太軟， 拉麵最好係要有口感層次。再者， 湯底嘅調味亦非常重要，不能太鹹亦不能太淡要恰到好處， 最後當然係嘅賣相要夠靚啦，呢碗拉麵完全做到 呢款係北海道味噌湯夠濃味，而且比較稠身， 同出邊食到嘅有好大分別姨太太點嘅係呢款達人拉麵， 聽店長講佢哋嘅呢款拉麵最特色之處係用好多種不同嘅豬骨淆製而成，出嚟嘅秘製湯底充滿著骨膠原， 我老婆話飲完皮膚都會滑啲哈哈不得不提既係呢隻糖心蛋， 無論賣相及味道都冇得輸!佢哋有自家製作嘅辣粉 碗拉麵我食咗一半之後嘗試加入去， 確實同平時嘅有分別，唔似出面咁重味精係有辣椒香味!最後點咗呢款八爪魚丸只能說我係錦上添花，因為佢係熱辣辣椒出嚟

今日嚟到朋友介紹一間位於佐敦的拉麵店，嚟之前已經上網睇過d食評，大部份都話好，所以我都係帶住期待嘅心嚟食嘢。舖頭座位不算多，大概可以容納20人。店內裝修做到好似我以前小時候睇日本卡通片嘅拉麵店咁，再加上店內不停播放日本嘅歌曲音樂，令我覺得自己好似真係去到日本d拉麵小店咁。我叫左一碗「牛肉達人」，湯底係濃厚豚骨湯，$82，$82一碗拉麵，呢個價位喺香港嚟講算中規中矩啦。牛肉第一口食落去已有驚喜，好甜，呢種甜味我唔知道係湯底嘅甜定還是係牛肉本身好鮮甜。由於第一口嘅牛肉已經令我好surprise，於是我馬上數下我碗內有幾多塊牛肉，結果係有8塊！而且每塊都唔係細，大大塊之餘仲要每塊都真係肥牛！碗內配菜仲有筍，大約10片，都爽脆嘅，另外仲有木耳，香䓤，不過呢d我就無數有幾多條啦，反正數量對於我嚟講係好足夠最後想講下個湯底，濃厚豚骨湯。濃，佢做到了，個湯睇起上嚟好濃郁，而且入到口係會感到滑落喉嚨，唔會有漿住喉嚨嘅感覺，濃而不膩；厚，亦都貼題，肉眼睇已經知道唔係水咁稀；豚骨湯，相信都落左唔少豬骨去煲，因為飲完之後雙唇有黏住嘅感覺，就好似飲花膠湯咁。 食完碗麵都無覺得好口渴，所以我相信自己飲嘅真係濃厚

星期六下午同老公一齊帶仔囡去九龍公園游泳池學游水1.5小時，兩公婆冇所事事要等佢地，咁就行去附近睇下High Tea，行到吳松街，見到有間好細既拉麵舖，又見到舖頭門口貼住係人氣食店，咁就同老公入去試下，一入去，入面坐滿人，地方唔大，容納到15-20人到，我見咁多人食，應該唔差，所以決定企喺門口等位，約5-8分鐘，終於有人走，入到去座低，見到menu有十幾款拉麵揀，我就揀左個激辛火藥達人拉麵，老公就揀左招牌達人拉麵，約5分鐘上麵，賣相唔錯，似喺日本食果d拉麵～試第一口，我同老公都覺得湯底ok，好濃既豬骨湯底，麵底唔太硬，適中～反而有一亮點，就係食店入面有自製辣菜（辣味雪菜，伴麵食）正～有麻辣味，好食

有事要到佐敦， 搞到兩點幾， 個肚打曬鼓， 喺裕華後兩條街 ，見到一間充滿日本風拉麵 小店， 就獨自入去 。一個人，就坐喺吧位度啦 。店舖不大，但唔覺逼，用木裝修 ，仲有好多日本小擺設，小玩具，自己一個人喺度食嘢都唔會怕悶，慢慢欣賞，幻想一下身在日本叫咗個達人拉麵 (濃厚豚骨湯)， 先試下個湯， 味道好濃郁， 飲得出係用豬骨熬咗好耐果隻。最搶眼隻半熟溏心蛋 ，晶瑩剔透 。叉燒切得薄薄， 肥瘦適中， 好軟淋淋，最怕食到好硬啲叉燒。見到餐牌有小食， 叫咗一個一口紫芋丸，圓碌碌，脹卜卜，炸得好香脆， 裏面係番薯同芋頭蓉，好綿。吃得飽飽，一個人浪漫旅程結束了

裕華附近多本地小餐廳，其中拉麵達人裝修比較特別，所以吸引了我去試試。餐廳日本風味濃厚，到處都有小擺設及日本零食做裝飾。餐廳地方雖小，但不會有擠迫的感覺。右邊一張長桌上放著很多小風扇及玩具，讓客人等候拉麵時都目不暇給，聰明！真的很漂亮呢！點了濃厚豚骨湯拉麪： 麪底頗多，雖然些麪條過軟，但整體尚算不錯。雲耳絲增加麪的口感，豚肉肥瘦適中，數量多也大塊。意外的是半熟蛋有完整一隻！通常餐廳只會附上半隻，這些餐廳很大方！若蛋能夠硬多些少會更好店方提供多種調味料，最特別的是有原粒蒜頭可自製新鮮蒜蓉，新奇好玩！好蒜的人需要多些力氣才能滿足口腹之慾啦！一粒只有少許蒜蓉⋯這間拉麵店的豚肉拉麵湯底味道濃厚，店方提供免費檸檬水清清口腔，愛吃拉麵之人在佐敦可以一試！而且價錢合理

今天在佐敦接老婆仔收工後尋找美食平日常常在這裡晚餐的我們決定吃點平時不常吃的大部分餐廳的晚餐菜單比起午餐的貴太多唯獨是拉麵店的全日都是同一價錢所以就來吃拉麵作晚餐一入店內已見到很多日式餐廳的佈置頗有日本感覺坐下看看菜單最終決定點85元的達人拉麵以及85元的激辛火藥達人老婆仔突然想吃炸雞所以也加了38元的唐揚炸雞作為小食下單時才得知原來點小食還贈送飲品所以選了杯柚子蜜先來的是柚子蜜相對簡單但很夠味道感覺會很適合配拉麵接下來拉麵送來了這碗達人拉麵是濃厚豚骨湯拉麵先試那個湯底果然很濃味而且沒有在某些餐廳吃到的很重味精味入口很舒適感覺真材實料而叉燒也看得出製作過單吃叉燒已經感到很香還有帶甜味的溏心蛋感覺非常不錯而這碗老婆仔選的激辛火藥達人看到很大顆的辣醬球不過同樣可嚐到湯底而且而辣味也沒有看起來那麼重可能不想把辣味遮掩了湯底味唯一美中不足的是沒有溏心蛋在我吃過半個溏心蛋後才發現所以把剩下半個給了老婆仔吃最後是唐揚炸雞一咬就吃得出是新鮮製作因為裡面很熱外層又很脆應該不是翻熱能製到的效果這麼香脆的雞球再配上沙律醬吃非常日式的食法而且很美味

位於佐敦嘅拉麵小店，無論店舖內外都具有日本特色，尤其係店舖內擺放着唔同嘅日本零食同精品，別具風味！而我最欣賞嘅係呢度每張枱旁邊都有調味配料架，可以比客人自己壓新鮮蒜蓉落去拉麵度，仲有辣菜、七味粉等等，令拉麵變得更加惹味！博多達人 : 材料有豚肉、蟹子同埋新鮮蟹柳，拉麵係幼身曲面，麵質煙韌彈牙，最意外驚喜係拉麵係用咗濃厚嘅豚骨湯底，豚肉味道香濃，厚到十足，仲有少少creamy嘅感覺達人拉麵: 材料有溏心蛋、豚肉為主，湯底都係用咗濃厚嘅豚肉湯底👍🏻而豚肉鬆軟、肥瘦均勻，口感一流！至於溏心蛋夠曬溏心，咬左一半之後呈現流心狀態！日式煎餃子: 餃子香口，材料主要用作豬肉同野菜，餃子鎖住除了既肉汁，不錯

第一篇食評，真係難食到要打出來夜晚10點左去到，無人光顧，所以好快上菜叫左個特盛達人拉麵1. 湯唔夠熱2.麵無彈性，好淋3.鹼水味勁重，麵完全無吸收湯既味道4.叉燒無特別，唔似係$95一碗拉麵既水準加左$28叫左碗和風牛肉飯1. D飯硬到10個鐘都消化唔到2.牛肉都係硬 總體而言，似食緊美食廣場果d$50一個拉麵或者真係我唔好彩

放假前夕當然少不了外出吃晚飯，剛好在佐敦徘徊，又看到此店在openrice有多個好評語，便與友人一齊試試吧！店內充滿日式裝飾，如日式零食，小電器等，連背景音樂也是日文歌曲，滿有日式風味。只可惜碗邊有破損，要扣分。拉麵達人，聲稱是一番人氣，配以濃郁豬骨湯底，但實際上湯底的豬骨味屬一般，勝在豚肉片夠多，肥瘦勻稱。牛肉達人，友人叫了較軟身的拉麵，由於牛肉片肥肉不多，湯底也不會泛起肥油。適逢食肆買小食送飲品，所以點了芝麻雞翼。雞翼上佈滿芝麻，熱哄哄的，肉質鬆軟。

今日放咗工之後有啲事就去咗佐敦，順道約喺佐敦放工嘅朋友食一餐晚飯。我哋當時都冇乜嘢心水一路行嘅時候就見到呢一間特色拉麵店。見佢個裝修幾靚我哋就入咗去喇。一入到去店員就好熱情咁招呼我哋，拉麵店其實唔係好大大概有10多個位置，可能係閒日嘅關係，店內當時亦都唔係太多人。呢一間拉麵店嘅裝修好有特色，周圍都放滿左好多好日式嘅擺設，其中最吸引人嘅就係呢一個一碗入魂嘅木牌。再睇一睇餐牌，佢哋有好多款味道嘅拉麵供應，除咗最大路嘅叉燒黑蒜之外仲有牛肉w達人（即係鰻魚） ，而每一日仲會有限定達人供應添。價錢有＄75至到＄108不等，呢個價位屬於中等水平～除咗拉麵，佢哋仲有好多款小食，例如雞肉串，雞軟骨餃子芝麻雞翼炒雜菜等等。最好我同友人決定分別叫咗黑蒜達人拉麵同埋Miso (味增湯)達人，再加一客燒八爪魚丸小食。過咗一陣，拉麵就逐一送上。朋友嘅MISO味噌湯拉麵，佢嘅叉燒肥瘦均勻而且肉質鮮稔，口感剛剛好至於湯底，中史間佢湯底會再加一片牛油，但依然都唔會太油膩唔會好油啱晒女仔嘅口味。過咗一陣，我嘅黑蒜豚骨湯拉麵都上場喇。湯底亦都係濃而不膩，而且蒜味亦都好重，值得一讚係佢哋嘅流心蛋，糖心晶瑩剔透好有驚喜。最後

一間喺佐敦開左業1 年有多既拉麵店 拉麵達人 裝修同日式拉麵店好似 以木枱櫈為主 有面向牆既枱櫈 , 每一張枱都會有冰水 芝麻 七味粉 等等既調味料牛肉達人 82 蚊 用左濃厚豚骨湯 湯底好濃厚豬骨湯味 厚度十足 飲落香滑 拉麵夠爽口 硬度算係中 有4 塊長身肥美既肥牛 肥牛肉好爽滑 而且醃得有d甜味 同豬骨湯味道好襯 而 入面仲有酸菜 葱花木耳點綴 令整碗拉麵十分有口感！達人拉麵 85 蚊 用左濃厚豚骨湯 有好香濃既豬骨湯味 麵身好爽滑 一啜可以一次過吸落口 . 入面有粟米 同木耳 增加口感 有4 塊大大塊既叉燒 好肥味 又夠軟滑 糖心蛋亦整得好香滑 整體好好味小食點左 雞軟骨餃子 38 蚊 長身餃子整得好香脆 入面有好多雞軟骨既碎粒 食落好有口感 . 點以醬油汁 好味

由於游水既關係，每個星期總有一日係呢頭食野。做完運動非常餓，行經過呢間充滿日式裝修既拉面店，就被吸引入左去。Menu 都好多選擇，揀左個海老為主既拉面$92雖然話係用左辣醬，但唔算辣的，濃郁的偏辛辣香湯底，拉面質地硬身，吸晒湯底。配料有幾隻大蝦，蝦乾，栗米，荀，紫菜等等，好足料。餓底揀左款小食，係炒雜菜。日式炒雜菜$38加左粟米同大阪燒既配料～用醬油炒香左既菜唔會太單調。招呼，食物，裝修間調都唔錯，未去到日本旅行都當身處其中啦～

因為夜晚放工經過附近，朋友突然說起已經很久沒吃拉麵，說現在想吃拉麵，所以最終來了這間拉麵店試試。這間拉麵店的裝修和擺設很有日本風味，猶如置身於日本拉麵店中我點了一碗達人拉麵（濃厚豚骨湯）。我們等了不到十分鐘，拉麵已經預備好了。這碗拉麵的豚骨湯十分香濃，而且湯底極度濃郁不會太稀。香濃的豚骨湯底令我忍不住把整碗湯飲了拉麵方面不會太淋，而且十分彈牙，麵質煮得剛剛好豚肉方面不太硬，而且也不太肥，肉質十分香口