拉麵達人 (已結業)

今日好想食拉麵，約左朋友佐敦見，時光飛逝又半年，我倆友誼情比堅，雙方心中存掛牽，因此今日約見面，顯發大廈地下見，朋友準時地出現。交通亦都好方便，地鐵就坐荃灣線，揸車小心要爭戰，雖然咪錶在街邊，但卻少得好可憐，搭車揸車諗多遍。講下間舖嘅發展，二零一五呢一年，拉麵達人在此建，至今仍然未調遷，門外有塊大牌匾，日式風格在展現。朋友叫左牛肉麵，他說牛肉好多片，而且味道甜又鮮；我碗叫達人拉麵，叉燒數過有三片，睇落薄切軟又綿，雞蛋咬落似布甸，湯底濃郁不敷衍，配料全部在旁邊，歡迎添加數十遍。炸雞都有好多件，點埋沙拉好吞嚥。職員服務好友善，笑容燦爛似神仙，加一服務又全免，良心餐廳來多遍。