拉麵天王

营业中

休息中

誰說小鋪沒有好拉麵？正正是因為小鋪，師傅更能集用又用心去制作出一碗上等的拉麵。以前想食到有質素的拉麵，必須千里迢迢過海才食到，但當明明有質素的拉麵店日漸擴張成多間，質量已大不如前時，往往對拉麵的熱情也漸漸轉淡…始終用心制作的師傅不太多!但在紅磡德民街與民泰街之間有條小巷，出現了期待已久的拉麵小鋪--拉麵天王。本應座落於小巷中是比較難吸引外街人來人往的食客，這是味道將我吸引才發現此小鋪，話說此鋪還未開業時，香噴噴的食物制作味道已經瀰漫著整條小巷，住在附近的街坊都在討論這是什麼鋪頭即張開業呢，大家都想探究這是什麼的香味…今日我正式來到了！小鋪門外裝修很特別，一個大紅燈籠，幾塊殘舊的瓦片，一塊用木板制成的名牌，木制的門框…對，這就是日本風!鋪內裝修也很特別，長形的吧檯是必備的，牆身是用水泥塗出來的，特別在用簡單的水泥就可以塗出深淺度不一的效果，令人會好奇地去摸一摸，這是油漆未乾嗎？天花上的烏絲燈線用麻繩纏出了古老的味道，總括整個場的裝修是簡單的，但往往簡單才造出特別的味道，這就是日本文化的精要所在!這裡的餐牌都掛在牆上去，拉麵的選擇不多，主打只有四款，分別是白/黑/赤/限定天王，前三天王都會

公司附近新開咗間拉麵, 舖面細細，但頗有日本小拉麵店風格!! 所以就同咗幾個同事去試^^可能lunch時間所以我地等咗一陣，入到去店內環境舒適簡潔，而我就急不及待order佢地嘅限定拉麵(櫻海老拉麵)~而仲有3隻隨時都可以試嘅固定嘅拉麵o_O白~黑~赤天王拉麵!!期待已久~我嘅櫻海老拉麵出場喇~麵同湯底我都揀咗普通^^咩都唔講即刻試下d湯先,個湯第一啖俾我感覺好濃郁而不膩，入口香味回溢(^ω^)讚!!同埋佢地d拉麵唔係其他拉麵店咁放耐咗都唔怕會腍，而溏心蛋亦處理得剛剛好，但唯一不足嘅就係d叉燒碎咗少少…整體嚟講都算唔錯!!我地都覺得冇入錯嚟…都算係一間高質素嘅拉麵店，而且價錢公道，不失為一個好選擇^^值得一試再試!!

個日經過紅磡，見到一間門面充滿日式風格的裝修，原來係一間拉麵店入面既裝修令人感覺好像置身於日本街頭的拉麵店叫左碗最原始的叉燒豬骨湯拉麵識食拉麵一定要飲啖湯先呢間無其他拉麵店甘油，香濃既豬骨湯底原來佢地都係每日用新鮮既豬骨整嫁誠意之作呀！！不過呢度既叉燒用切碎的形式，雖然量多，但我始終鐘意食一片片既口感所以大家去紅磡不妨去試試

一向在Openrice只睇留言嘅我，第一次寫食評，皆因有個日本friend介紹呢間拉麵天王，試過之後想share一下。為咗唔想排隊，我地晚上六點黎。我鐘意濃味d, 點咗黑天王，朋友點咗白天王同限定天王。湯底好正，食落覺得有正宗日本拉麵味道，唔怪得旁邊的日本食客連湯都飲晒！麵嘅份量啱啱好，食完一碗已經飽，冇再加麵。我同朋友都覺得，呢間暫時係試過咁多拉麵店味道最好的一間。

小妹最喜歡周圍食,香港地要揾唔商業嘅餐廳真係好少,某2二大嘅麵館成日排隊,食完感覺無嘜服務之餘,仲要大部分都加錢,味道亦都一般般！不過呢間天王,我同朋友就只係企門口睇menu,有位姐姐開門打招呼,親切無壓力咁打過招呼就比番空間我哋選擇入唔入,其實原本我哋並未擇好食咩,只想睇定d先,開頭係比個門口吸引，簡單但又感覺好日本feel,所以停底𥄫下,最終我哋都入咗去，坐底感覺好乾淨嘅街頭日本麵檔,不過座位唔多,唔逼,香港地得貴價地方先可以坐得唔逼~~~望望張畫單紙麵款定價以地區會唔會高咗少少呢,得4款麵選擇......不過都坐底咗就試試啦，所以我哋3個人叫2款唔同麵,再加餸一齊食,唔夠食先再算,嚟到,我哋都呆了,咁多嘢嘅！大大碗,加料餸仲賣相好靚！首先當然試白天王，因為原味，試一試湯,夠熱夠濃夠香!一定唔係溝粉加水,望到碗麵有跟蛋㗎,唔洗加錢已經有蛋食,我哋都再加多半隻蛋,超甜好味！然後試試黑天王,黑蒜！好味好香！我哋喜歡濃，所以下次會落單濃d！跟住就試試墨魚汁叉燒，咩味呢？好香，同未試過呢種味道，好特別，而且平時加餸邊有咁大碟！我哋留意到我哋食緊嘢，d師傅係會留意我哋嘅反應，感覺到好有hea

拉麵天王呢個名好型，所以我一定要試下。我好中意櫻花架、又中意粉紅色。一入去見到牆上有一張粉紅色既限定王櫻海老天王，我就問左個好白癡問題:限定王好吾好食?店員都好好人有答我好食。一定一試啦！我張紙冇填，俾左店員決定！等左10分鐘左右啦，黎到就電話食先。啲蝦仔好食好爽，紫菜浸落湯先好食，只蛋就一般，因為我中意食熟蛋多啲。個麵條就硬左啲，因為我冇自己揀，不過加埋個湯一起食都好味！大致上都ok^_^可惜既系我吾食葱下次黎食一定走葱我來個段時間好靜，食得好舒適^_^到最後我差吾多食曬啲牙菜，當然個櫻花麵都有食左好多

一直都聽人講話呢間新開嘅拉麵店好好食， 所以大前日專程拜訪下。 門面係我最鐘意的日式裝潢😊由於我比較夜去，所以唔需要等太耐就可入座，店內唔算大，我諗應該最多可以容納三十人左右。可以一邊食一邊睇到師父煮麵，感覺食物會好乾淨，因為你全程望住，會安心啲。我點左今個月嘅限定拉麵，櫻海老拉麵，本身以為係炸蝦天婦羅嗰類，點知係👇好鮮味，從未食過這類型，感覺好意外😋朋友點嘅係其他黑天王係黑蒜油，本身以為會好油，點知都無想像中甘（油淋淋)。呢個係赤天王，望落去以為好辣，其實只係小小辣，我唔食得辣都可以接受😋叫左兩款小食，黑墨魚汁的叉燒。好好味，但有小小鹹，食得淡嘅朋友，可以點小小試左先。木耳就甘食就無咩味，可以放落湯攪拌一齊食，好爽同好似無甘油。總結係一間值得去食嘅拉麵店。但係就有一點的小缺點，可能因為係客人中間煮麵，坐近門口位的我們會感到比較熱，因為熱氣向我們這邊吹。下次去希望會有位坐入面😩😩😩

裝修好有日本feel，感覺似傳統既專業拉麵店。雖然選擇得白天王、赤天王、同黑天王、限定天王，但係佢有麵質、湯既濃度、同配料揀，係呢方面我覺得好細心體貼。湯底好濃郁，叉燒嫩滑，加錢要既墨汁叉燒味道比較濃，如果想要清淡D既食味可以要番本來跟麵既叉燒就OK。麵條彈牙，如果鍾意海鮮味OR偏甜湯底既話可以叫佢個櫻花蝦限定天王試下，好重蝦既鮮甜味，

小弟真係好鐘意食拉麵，但係九龍區好食嘅拉麵店又小之又小，所以要食拉麵有時會尊登座車過海食。但最近紅磡黃埔新村開咗間拉麵店，店舗裝修好有日本小店feel，所以就吸引咗我入去試一試。我叫咗個白天王（原味）食，湯底口感厚身又唔太起漿，骨味好濃。义燒好入味，不過瘦咗小小，多番小小肥膏會好d，麵就同其他拉麵店差不多。溫泉蛋就好流心，恰到好處，唔似本地雞蛋。整體味道95分68元有蛋，木耳，椰菜，紫菜，三塊义燒，而麵嘅份量適中。價錢與份量好低食85分環境乾淨，裝修好有日本街頭小店feel，舖入面有間木屋仔好靚。不過冷氣可以凍d就更好。環境85分服務態度90分下次一定會試埋其他

頭一次放工想試試，點知九點半說是日湯售罄…不是收10點嗎？so sad…我唔信我試唔到，所以琴晚7點就去試，睇下有咩咁巴閉未正式收工就已經話售罄!7點的開飯時間真係好多人…我等了一陣都算快，可能一個人的關係，所以好快有位 呢間鋪的門面真係幾吸引，好有日本風格!店內格局都好寬敞，好難得!因為根本仲可以擺多幾張檯，唔似一般拉麵/居酒屋咁d位用到好盡好擠逼，呢個真係要俾個like俾呢間鋪!著重食客的舒適，感覺很良好 我坐低之後，店員好細心遞上一杯清水，跟手另一位店員就俾左張order紙我，仲好細心咁講解我可以點去揀食d咩，除左主餐拉麵外，仲可以加其他配菜，仲有細支裝可樂…9蚊@_@好吸引，哈哈哈!聽店員講佢地個限定王係限量供應，由於係限定，我當然揀呢個試先啦，因為其他口味的拉麵，如白/黑/赤天王可以之後先再試吖~大前題下，當然要試左先，睇下有冇下次先啦 櫻海老拉麵終於來到我面前，期待已久~好香噴噴，碗麵賣相好靚，有大蔥絲，椰菜，炸蝦乾，半隻溏心蛋，兩片薄切叉燒片，仲有紅色一點點的紅色粉粒，最亮點係鋪係最頂的蝦刺身!!!呢個真係好特別，未試過有刺身鋪面的拉麵，係櫻花蝦刺身嗎？!感覺呢碗麵一下子

最近德民街開左好多新食店，今日試第一間拉麵。第一係門口望入去感覺幾好，起碼會想入去試下，坐底會有店員同你講解點樣order，佢有d似一蘭，佢有“白” “赤” “黑” “限定” (而家限定係櫻花虾)，跟住就選擇湯底濃度，麵條硬度，要唔要再加其他野等我第一次當然食原味”白天王“ 佢係豬骨湯首先飲湯，湯底好濃好有膠質，雞蛋一般，义燒好薄好碎，麵條第一口食落去，其實唔係太鍾意，可能食開北海道拉麵，係會有分別，跟住見到枱面有碗幾鹹同有少少辣味既芽菜同拉麵一齊，原來會好好食。佢仲有其他調味料可以比大家添加，所以整體都ok。