抹茶館 (荷里活廣場)

营业中

休息中

坦白說，如非好肚餓而唔想排隊等其他餐廳，都唔會揀再到此店食飯商場一到飯市就間間餐廳都人滿為患，肚仔打曬鼓，唯有比多次機會此店冬天推出了比較有誠意的牛肉壽喜燒！點知未到8點原來已經售罄真的假的其他晚市定食的選擇定食乍看好抵，有配菜又有蕨餅，令我不小心FF了，對它頗有期望選擇了落單不夠5分鐘就來了，是福是禍？待應捧餐來的時候我呆了5秒第一，咁快，即係整左好耐？好彩食物都係熱騰騰的！第二，個餐明明好似有好多個course，原來加埋咁少野？最失望的就是兩樣小食同甜品冷冰冰的車厘茄同唔知點解在日本餐廳出現的泡菜蕨餅本來係成個餐最吸晴的一環但這個的確有點驚嚇，一來到已經出晒水，即係唔知放左幾耐，仲要兩舊痴在一起，有點反胃，所以我最後鼓起勇氣食左一舊，另一舊就放棄了蔬菜湯個樣都幾倒胃口，湯面佈滿一層油，好驚而且有些肥肉在其中，感覺會誤導素食者明顯是味精湯，仲加了太多黑椒但因為暖笠笠，天氣凍凍地飲就算啦主食個醬汁唔錯，送飯一流可免費加白飯，都總算挽回一些些吸引力洋蔥好味，豚肉都腍同埋入味，不過每片的大細好唔平均加錢轉了特飲講真已預左主食不太好，但連抺茶館主打的抺茶特飲都退步了就真的令人失望，飲品內抺茶

去九龍，鑽石山其實真心不太熟路，所以大多會係荷里活廣場醫肚！這次經過抹茶館~~對於抺茶控的我...實在控制不了！於是和朋友入內，一探抺茶的味道！ 餐牌有好多選擇~ 因為要醫肚，所以先叫了吉列豬咖喱丼，清酒煮蜆，特盛豬骨拉麵，小食炸雞。飲品叫了黑芝麻雪糕奶抺茶和焦糖奶抺茶。 好！開餐！ 清酒煮蜆~~清酒味淡淡的，但蜆肉夠大隻夠入味！不錯！ 這樣淡淡的對我來說是不錯！ 炸雞做不到外脆，有點似放耐了的炸物...不過內裡也算juice！過口感的確OK，不過不能說好味！ 特盛豬骨拉麵~~湯味濃！ 的確可以保持拉麵以湯為重的重點！拉麵少少硬，可以接受~個蛋味道不錯！不過拉麵好難做到不好吃~~所以最好可以再熱少少！哈哈！ 吉列豬咖喱丼！ 這個香口，而且咖哩味很出，是推介！而且跟了一個清湯洗洗口~~其實可以一試。 甜品時間，點了抺茶提拉米蘇(Tiramisu)和水果葛粉條！ 抺茶提拉米蘇(Tiramisu)好好味啊~~~~一層層的CAKE~令抺茶提拉米蘇(Tiramisu)的層次好分明，也很有口感！ 而且出奇地唔膩...原來抺茶和t

喺佢裝修之前食過都幾好食，不過依一個月食咗兩次，食物質素退步了很多⋯叫了一個甜品，啲丸子雪到硬晒，好似整左兩三日咁,非常失望⋯話晒依家野都係sell甜品的...點可以犯依啲錯誤⋯講到主食，我叫過一個薑煮豬肉，同埋和風牛肉飯，兩款都完全冇味，又冇乜汁，好似食緊白飯咁，我最咩要加豉油先食得落⋯食物質素完全同之前不同，以後都唔會再食⋯服務質素就普普通通啦，都唔expect太多, 但係啲餐具全部都唔乾淨，我要全部自己洗過抹過晒⋯

服務員態度勁差。收銀個地方又邊角。吃完埋單，去找收銀的地方。個服務員竟然大大聲講，話我未埋單，我夠知，不是正在找嗎？加上我都未出個鋪。你確定我會欠你那一百幾十。還虧他們收加一。另，我點了一個辛辣沾面。一句到尾，不至難食到嘔，但也平平無奇。81元一碗，我覺收貴三分之二。另，桌面好dirty。邊角位擦得不夠干凈。

朋友及我都係鍾意抹茶, 毫不猶豫就來到呢間, 今晚我地都唔係好肚餓, 主要想食甜品, 所以叫咗一個海鮮四色丼($99)share, 刺身係細件嘅但都新鮮度都還可接受, 不過始終係連鎖店, 定價高咗D.登登登.....  到今晚嘅主角, 一人一款唔share，抹茶白玉紅豆窩夫新地$54 抹茶軟雪糕+雲尼拿雪糕1球，1個甜品2個口感，紅豆超大粒應該係日本產，白玉冧咗少少有番d口我會更like，最差係個窩夫好冧，放到過咗時，根本唔會食跟住係，抹茶白玉芭菲$54 大致嘅材料都同窩夫好似，不迌多咗cream, 要是喜歡cream的話呢個係必選。食完雪糕叫咗個茶清下個口嘅甜膩，仲有4款茶葉揀

又來到荷里活廣場, 呢間抹茶館提供嘅晚飯主餐 多數以丼類和烏冬為主， 主菜係同抹茶沒有關係的 😅點要這個生薑芝麻香蔥豬肉溫泉蛋丼， 很快便上菜了， 眼睛看了幾下， 樣子好像有點不對勁， 為什麼這個蛋 好似俾人打凹咗？ 下面有一堆白色液體？! 不是溫泉蛋嗎為什麼熟了？ 樣子的確有點嘔心， 但因為有點趕時間, 筷子匙羹已經很快往飯裏掘， 不一會聽到侍應們的對話， 就知道他們把我的飯和隔離枱的熟蛋飯調轉了 😂😂😂這個很明顯解釋到 為什麼有堆溫泉蛋白 在熟蛋下面， 所以他的賣相... 😧😧😧味道呢, 豬肉唔鞋, 生薑份量比較少, 醬汁有點甜甜的像照燒汁, 醬汁份量多 加上那個溫泉蛋白 所以整個飯都是濕濕的， 味道其實不差， 但整個餐廳就是充滿不小心的廚師 加不經意的侍應 😂😂😂飢point : 4/10#hungermarch #非飢詩

母親大人想食日本野，表示心儀抺茶館，梗係即刻黎食啦。晚市有二人套餐，都幾抵食，有兩款小食，兩個飯或麵，再有杯餐飲。我地兩個都唔肚餓，又比較想食甜品，於是決定散嗌。媽媽叫左個?九州拉麵，我要左一碗滑蛋牛肉烏冬。兩碗嘅味道都不過不失，價錢大眾化，口味亦都係「港式嘅日本風味」。要左杯抺茶鮮奶，同一款芭菲，兩個人開心share。其實取名抺茶館，理應主打抺茶。的確有多款抺茶飲品同甜品可以選擇，可惜味道就一般，同正宗抺茶有段距離。不過以呢個價錢都算係咁。

抹茶飲料好正啊！食物也很好呢！但，我最想講，係服務態度也一流！👍 我們食完野傾計，點知朋友講出心中困苦，還流淚繼續傾訴。侍應好識做，就算是打烊時間到，所有客人走晒，他們都沒有打擾我們的傾談。我們走的時候還滿面笑容跟我們 say bye，我們都知阻人收工，但他們等我們傾完才收拾我們的檯，今日這種對人尊重態度真一流呢！我要代表我的朋友再講一聲多謝晒！

之前早就聽過這家以抹茶為主打的餐廳，香港女生大多喜歡抹茶，本人也不例。因為剛好到荷理活廣場看電影，終於有機會來到這裡一嚐味道！他們所提供的食物除了多款的經典甜品外，還有多款溫泉飯、拉麵、烏冬等等主菜，真的很花多眼亂。老實說這家主打抹茶的餐廳並不會對他們的主菜有多期待。鮮濃蝦湯拉麵 $74沒想到蝦湯意外的蠻濃郁，而且有厚實感。配料沒有多花巧，但都發揮到水準。喜歡加進了木耳絲加強了口感，不過叉燒則有點肥膩。芝士蕃茄烏冬$74濃郁的芝士湯底雖然沒有造到拉絲，不過已經夠濃郁了，芝士控一定大愛。但吃到後面會有點膩，幸好加入了蕃茄令口感不會太膩。白玉紅豆奶抹 $44抹茶夠清香濃郁，整個就是很配。不過價錢有點小貴。

柚子胡椒風味香蔥豬肉井柚子胡椒原來只是一堆就像Wasabi的綠色醬柚子和胡椒一起味道怪怪地這些看似是Wasabi的醬原來是非常辣menu也沒有說明不吃辣的朋友要注意了..豬肉份量很多...飯也沒甚麼特別....有很多生生的洋蔥在面..原來香慕就是洋蔥....比想像中有些少失望...另外還有冬瓜味精湯....這裡想飲茶的朋友可能較適合..這裡想飲茶的朋友可能較適合.....

又一間青葱歲月的回憶😂行過鑽石山，經過抹茶館，有少少懷念就入左去食野。幾年後，餐牌依舊👍👍豚肉飯+綠茶: 水準依然，豚肉雖唔係入口即溶，但係軟硬適中，肉質不錯。沙律菜清新👌綠茶真材實料👍可能因為抵食度唔高，所以依舊環境寬敞，high tea 閒聊不錯

同朋友都係綠茶愛好者，所以大家都選擇來抹茶館食綠茶甜品， 我哋就一人叫咗一個甜品，我就叫左綠茶芭菲， 朋友就叫左個類似綠茶西米露嘅物體，綠茶芭菲好好味，雪糕嘅綠茶味幾濃郁而且個底又有啲綠茶啫喱，感覺好清新再配埋啲粟米片同紅豆，成個配搭唔錯。朋友個綠茶西米露嘅物體都幾好味，又係好濃郁嘅綠茶味，仲有杯清茶減去膩嘅感覺，整體唔錯。

同朋友整完電話，唔知食乜好，就去了抹茶館… 估唔到第一次去呢度食晚餐… 就決定以後都唔會再去…同朋友每人叫了一個拉麵，他果個淡而無味，我果個鹹到飛起。我同朋友都超肚餓，理應咩都食得落… 但我果個真系完全鹹到食唔到，d湯仲鹹過海水，d麵好入味… 入曬d鹹味… 第一次食d鹹到苦ge野… 杯野飲都正常少少，但如果系用抹茶來做主打的餐廳，就真系完全唔得囉… 系好有抹茶味，不過完全唔滑，仲要系“鞋”口的…埋單2個人仲要$18x，真系正宗丟錢落去鹹水海… 真系味千拉麵都好味過呢間野

抹茶館分店越黎越多，今次第二黎，抹茶怪既我，好鐘意周圍試唔同既抹茶野今次兩個人，叫左三款甜品抹茶大福卷：抹茶味蛋卷，面頭有兩片薄薄既糯米皮，入面啲抹茶cream好滑，整體唔太甜，蛋卷唔夠軟同有少少乾（左）香蕉抹茶芭菲（右）軟心朱古力抹茶芭菲好大杯，可以share兩個人食，頂層抹茶雪糕，唔會太甜，偏重奶味，抹茶味唔夠濃，啲cream好滑，重奶味

最容易呃 like 的食物相是什麼? 有朋友說是抹茶甜品。好多少男少女，一看到這一種綠食的日本食品，頓時好變成瘋狂。所以，一有什麼什麼抹茶新店進駐香港，排長龍是必然的事。此外，好多人都覺得，在香港食抹茶甜品，不是一件平民化的事，而且仲要花好多時間排隊。不過，有一間也是來自京都的抹茶品牌，來到香港猛開分店，把抹茶店這一家東西，做得大眾化一點，成為一個家庭樂的地方。而這一個品牌，就是說已在京都有過百年歷史的《抹茶館》。其中一間分店就在我們一家人最喜歡去的鑽石山荷李活廣場，所以，分別來了兩次，輕鬆嘆抹茶同輕鬆食午餐。 上次去京都，一直都沒有留意《抹茶館》這一家店，也不懂得《抹茶館》這一個品牌。當我知道這店出現在香港時，已經是一間有好多分店的抹茶店。而且不單止是賣抹茶食品、飲品，來《抹茶館》，係有飯食架。 太太好想吃蕨餅，但一直怕山長水遠又大住個肚出尖沙咀排那一家宇治名店。所以，一直都沒有付諸行動。直至這一次，我們行商場時，她發現《抹茶館》有她想食的蕨餅時，我去完洗手間搵人時，她已經入來開左位了。 抹茶蕨餅，在有對比之下當然不及那宇治名店啦。在沒有對比之下，《抹茶館》的出品算是不錯。少少苦澀，