抹茶館 (荷里活廣場)

营业中

休息中

今日同老公掃完墓後食午餐，去到荷里活廣場，想食日本嘢，諗起抹茶館。記得大約半年前幫襯過，當時想喝熱飲，選擇唔多。今日去到，發現餐牌比幾個月前唔同咗，樣樣都看來好好味，而且個set有主食、配菜、其他配菜、甜品及特定飲品，若選其他的飲品可減10元，今次的熱飲選擇多了，如：水果茶、煎茶、玄米茶......滿足喜歡熱飲者的需求。今日我選了鹿兒島和牛set, 感覺滿意，煮出來的食物比相片還靚，可惜食前沒有影相，味道也不錯，$128，有日本飯、沙律、湯，還有小蕃茄、炸雞、小蛋卷作為配菜，有小甜品，我選了熱玄米茶，需要補$12, 再加一。我老公食蜆肉烏冬set, 蜆肉都唔錯，$88, 有小蕃茄、炸雞、三文魚壽司作為配菜，還有小甜品，他選了熱水果茶，補$18， 再加一。職員的服務也很好、有禮，埋單時有職員serve, 非常快手，沒有如其他很多的日式食店在門口的位置排隊付款，有人serve付款的安排非常喜歡👍🏻希望下次再光顧時也會保持水準！

好耐無去抹茶館啦😭😭😭我之前放假好鐘意一個人去食佢地既午餐😣自從屋企附近嗰間執咗之後就冇去過😫少咗一個又舒服又可以Hea嘅地方😭難得嚟到荷里活廣場有一間抹茶館🥺我要重拾番對佢既熱愛😂😂😂佢個menu同以前唔同左？🧐多左勁多配菜😨 有d太多同會食唔晒既感覺之前係一碗飯加個湯或者綠茶已經好足夠😂而家又有玉子燒🤤又有炸雞🤤又有酸蕃茄🤤又有甜品🤤又有湯點搞啊🤣🤣🤣正食呢啲都飽啦😂😂😂我想講佢樣樣都好出色😍我勁鐘意食佢個珍珠米 好黏好煙韌好有飯香味🥰嗌左一個照燒雞扒同埋薑燒豚肉定食兩款都好夠味🤘🏻🤘🏻食完真係飽到媽媽都唔認得😫真係太多🤣 建議可以減少番d配菜份量💁🏻‍♀️😅

於鑽石山荷里活廣場，每次經過《​抹茶館》，被她的綠色吸引，且自己也喜愛吃抹茶食品。每次​都好想試，今日星期二約好老公同阿女來戲院睇戲，自己還未吃lunch，佢哋陪我食少少嘢先。午巿有一些定食，選好香辣燒牛肉定食，好快就可以有得食，前菜包括沙津、玉子燒，燒牛肉辣辣汁好惹味，少少辣好惹味，送飯一流，仲有個小甜品~雞蛋布丁，飲叫熱咖啡，味道香濃。阿女叫咗忌廉牛奶抹茶，香濃抹茶，豐富忌廉，又香又滑，冰粒比較多，飲到的抹茶比較少。

小編已經有一段時間無嚟過荷里活廣場行下🏃‍♀️，而近排疫情仲持續緊，所以街上既人流都唔算太多🧐，商場內既餐廳比較靜。唔知大家鍾唔鍾意食抹茶呢🍵?其實小編就比較鍾意由抹茶整出嚟既雪糕或甜品🍨，抹茶茶香甘中帶甜😋，而且口感好滑。今日去既呢間餐廳，叫做「抹茶館」，一試抹茶香味之餘👃，又試試甜品👍。✦✦✦✦✦✦✦✦✦✦✦✦✦✦🎈鮮蜜瓜軟雪糕芭菲 $88蜜瓜足足有半個🍈，味道有足夠既甜度，每一啖都濕潤多汁💦。每一匙既蜜瓜都好香甜，小編越食越大匙🥄。另外，蜜瓜上面有雪糕🍨，係由卜奶油、蛋黄整出嚟既芭菲，好creamy好滑😋，之後再加埋蜜瓜一齊食，甜味十分🤤。✦✦✦✦✦✦✦✦✦✦✦✦✦✦🎈牛奶抹茶 $35加咗牛奶既抹茶，變得更加香滑😲，口感層次變得結身少少。而抹茶既味道好濃郁🥰，整個飲品都係深綠色🍵，非常吸晴。✦✦✦✦✦✦✦✦✦✦✦✦✦✦雖然今日小編唔係食晚餐，係揀甜品🍨，而且小編真係甚少食甜品，不過食甜品係會令人有開心既感覺😻，尤其係食到自己最愛既甜品就更加為之瘋狂🤗。餐廳位置係一樓，由車站上一層就已經到，餐廳環境尚算寬敞，亦好舒適😚。✦✦✦✦✦✦✦✦✦✦✦✦✦✦

夏天來臨就係日式餐館嘅冷麵天下，本來想隨便食個拉麵再配抹茶甜品，但見到有素麵定食咁當然要試下啦！素麵係類似米粉但比米粉更幼細，配埋冷麵汁非常開胃易入口，夏天果然係要食冷麵系。另外加錢加左炸雞同壽司，炸雞都幾滑，非常飽嘅一餐。抹茶甜品水準有保持，盛載雪糕嘅係可以食嘅甜筒外脆皮，今次真係連個碗都食埋。因為係一家人黎食，另外叫左個二人套餐，拉麵唔會太咸，仲有沙律刺身等配菜，個個都食到飽飽離開。超香滑抹茶雪糕💚

夜晚同朋友約左行荷里活廣場行過呢間抹茶館見到有好多款定食幾吸引可能未係繁忙時間所以人流唔算多裝修好清新坐得幾舒服望番個餐牌原來日本都有分店大阪同京都都有分店 叫左個一口和牛定食同鰻魚滑蛋丼跟餐叫左杯水果茶，整體味道正常而且有前菜甜品炸雞同玉子好彩朋友係單點可以share一口和牛肉質都算軟比較欣賞個汁，送飯好開胃好彩白飯係可以免費添加鰻魚滑蛋丼個滑蛋唔會太熟太生鰻魚既口感唔錯，單點都有麵豉湯可惜晚餐食完已經食唔落甜品

It’s always good to have a gathering with my high school friends. I don’t usually drink matcha but my friends crave it so they brought me to this restaurant.I had a Japanese style carbonara. It’s quite interesting as it differs from the usual Italian carbonara quite a lot- its soaked in a thick cheese broth, and the flavour of bacon is so mild that you can hardly feel it.Then here comes the matcha. I have ordered chocolate cookie matcha and it has a tall whipped cream with chocolate, the sweetne

是咁的，想飲杯正正常常嘅凍飲，食餐唔頹嘅飯，於是睇呢度裝修唔錯、又有抹茶甜品，就咁入左嚟啦，結果一個字講晒：頹！完全同外表不符。晚市，叫左個三文魚定食飯，話配飲品同甜品咁，好似都ok，但價錢都唔平喎，未加一已經98蚊。個飯普通，配菜不過不失，唐揚炸雞係好食的，問題係出杯野飲度。嗌左咩日本冰茶（抹茶），一上枱係杯深綠色嘅污漕水咁，好唔開胃。得個人工嘅淡甜味，飲左兩啖已經唔想難為自己（遺憾冇影到相！）早知嗌另一個option茉莉花茶可能會好d，但總之冰抺茶唔好嗌。至於個「甜品」。個奶凍似日本最頹7仔便當配送嘅，上面個士多啤梨汁頹到你⋯⋯食落去一種cheap味就係口腔中散發開嚟，久久不能釋懷⋯⋯最後追加左杯水果茶，盛惠32蚊，總算叫做正正常常好味，但其他，真心唔掂，唔會再上當。大家一定要試呢間嘅，就唔好叫定食，食抺茶甜品可能ok但我冇試。總結：定食是與價錢極不符的頹。

同同事食下午茶，卡位坐得舒服。可惜冇左銅鑼燒，就叫左雪糕芭菲。鍾意紅豆同白色既丸子，配麵包碎mix cream°唔會太甜，口感特別。 但係好唔鍾意粟米片同下面d啫喱。食到下面覺得有d乾，同冇咩味。欣賞有唔同口感既設計，味道有改善空間。

今日想同大家分享嘅唔係抹茶館食嘅主菜，而係佢嘅免費甜品！早前我做咗荷里活廣場嘅會員，可以喺商場唔少鋪頭享用優惠，抹茶館係其中之一間。只要係加一之前食滿$200，就可以免費享用甜品一客，我嗰日就係送抹茶軟心朱古力芭菲，平時單叫要$59。我同屋企人叫咗卡邦里烏冬，照燒鯖魚飯同味增炒茄子蕃茄，就可以送甜品送嘅甜品同平時單叫嘅份量一模一樣咁驚人，抹茶雪糕有回甘味，配上朱古力醬啱啱好。第二層嘅抹茶軟心朱古力同紅豆蓉比較甜，要同粟米片一齊食先可以冇咁膩。忌廉嘅份量對於我來講就多咗少少，我食唔晒啲忌廉。最開心嘅係中間嗰層仲有抹茶軟雪糕！食完真係好有罪惡感，不過好滿足！

舉凡去一個商場而不知吃什麼的時候，找找開飯app該商場食肆資料已是常態，因本是抹茶🍵控，所以一見抹茶館就請進。因既然又想吃主餐再外加甜品，都已接近2人餐的價錢，就爽性點2人前，又有小食、沙律🥗、主菜、甜品🍮、飲品齊哂仲舒暢。選了：他他醬炸雞，一碟3件，此等香口嘢一啖一口好快吃完；三文魚帶子刺身，薄切，不過不失，純粹調劑下想生食的慾望；和風柚子蕃茄沙律🥗，份量足，接近一碗麵的大小；飯類—鹽燒鯖魚，煎得皮很脆，魚骨亦少，肉質幼嫩，吃一口停不下那種，所以差點忘了拍照；碗飯超大，頂得起3女生的份了；黑麻油濃厚豬骨拉麵，碗邊兩塊大紫菜，拉麵底估計也超過一人前，其餘餸菜一般份量，外出吃這類拉麵好少失準，所以這碗也過關有餘；最後是女生的主菜——甜品🍮，因是點了2個2人前，所以甜品照拍了4款。抹茶雲石忌廉芝士蛋糕🍰，伴碟的水果、果麥也一堆，蛋糕滿滿芝士奶香味；抹茶🍵提拉米蘇，外面的抹茶粉很甘香，整體甜度適中。

約咗朋友去鑽石山廣場食晚飯，朋友想食日式，入咗一間食日式食店(抺茶館)，其實嚟間我之前都食過，今次叫咗照燒雞肉伴溫泉蛋丼，好似比我之前好味好多😋服務態度一樣好有禮貌、善良態度，環境舒服，真係唔差可以直得再去食👍🏼

個人非常喜愛抺茶，故一直有來幫襯。叫左個豬骨拉麵定食，有前菜，炸雞，三文魚壽司，豬骨拉麵，綠茶及甜品，價錢與食物成正比，整體來講很合理，味道亦可以，但三文魚壽司舊飯就太差了，又硬又乾似放左好耐咁，要扣分了。

今日黎到鑽石山嘅荷里活廣場買啲嘢行到好攰，就入嚟食個甜品坐下抖下。雖然佢哋個名好似係只係賣抹茶甜品，但係其實佢哋都有好多熟食，好似拉麵，飯嗰啲。今日因為之後仲要食晚飯，所以就淨係要左一杯抹茶雪糕新地。配料係可以任揀嘅，今日我就揀咗呢個抹茶鴛鴦雪糕，再加粟米片，麻薯同埋白玉，仲有紅豆。個底都係抹茶味嘅雪糕，其實都唔錯，唔係話好甜，或者太苦。粉類都係QQ的，幾有日本style，再加脆脆的粟米片，夾埋一齊好平衡。成個甜品好大杯，食晒成杯野其實都幾飽，幾滿足。其實之前食過佢地嘅拉麵，其實都唔錯，做得唔會比專門拉麵店差。依度坐得都幾舒服，如果係約咗人上嚟坐坐，傾下計嘅都唔錯。

首先係企在係門口一陣，明明好多位，但都無人理，咁咪衝入去囉。（早知唔衝入去🤦‍♀️，樣衰ga ）舉左手一排無人見到 「唔該」⋯ 我叫左出黎，落左單順便叫多杯水。等左一排無人拎水俾我，但我眼見職員有拎俾其他人 （唉，我開始思考是否存在感的問題🤔🤔咁我自己拎埋袋去倒水啦 ，（注：我只有一個人）難道一個人要留個電話係台面嗎？水沒裝好一杯，眼見職員清理我的位置，還把menu 放回原位（媽呀，我開始要懷疑自己的人生😕😕）😡😡真心有點不快， 我跟職員說「你們沒人拎水俾我，我咪自己去倒啦，岩岩你清理個位係我的」職員道歉，我回位就坐 。然後，我點的芝士雞肉蕃茄忌廉烏冬到了。（圖中的是食用中拍攝，我不懂拍美美的啦）一面吃一面寫食評，因為內心不快。為什麼生日還要遇到這樣的事？？更加估唔到係⋯ 職員行埋黎拎起我筷子，想收左我未食完既烏冬🙄🙄🙄你明唔明我真係反左眼真係咁既服務態度？ 定歧視一個人用餐？