抹茶館 (荷里活廣場)

营业中

休息中

放假去荷里活行街, 6點幾見餐廳唔使等位就入去坐低食early dinner。餐廳裝潢行大地色系, 俾人一種好舒服嘅感覺,亦有好多2人座卡位, 設計幾特別。食物方面無論主菜或小食選擇都幾多。晚市定食套餐包湯、飲品同甜品, 白飯更加係任添, 大約$90嚟講價錢好優惠。當日我同朋友都唔太肚餓, 就散叫咗menu嘅丼飯。照燒雞肉伴溫泉蛋丼($64)嚟到熱辣辣, 賣相亦唔錯。雞肉份量足, 好嫩滑, 而且好入味。温泉蛋時間控制得好好。照燒汁、溫泉蛋同旁邊嘅沙律菜一齊撈飯食簡直一流。

那天去了南蓮園池拍照，精緻古樸的庭園，令人想起京都。而艷陽高照的酷熱天氣，就令人掛念京都的抹茶雪糕甜品。所以，抹茶館在相鄰的荷里活廣場開分店，選址實在聰明。打開餐牌，在一大堆精美的甜品/雪糕/芭菲/窩夫中選擇困難一番後，要了涷牛奶抹茶，和抹茶白玉紅豆窩夫新地。涷牛奶抹茶的抹茶味非常強烈，可能我受不了那種澀味，它是完全蓋過了牛奶應有的香滑感。送上來時沒有附上糖漿，理論上應該已放糖，但是不另加糖漿真的喝不下去。不過加了糖之後還可以。至於抹茶白玉紅豆窩夫新地，就相對正常。盤子預先雪過，減慢雪糕融化的速度，是一份心思。抹茶雪糕的抹茶和奶味的比例合理得多，跟香脆的窩夫杯，或是底下的粟米片一起吃都好。還有紅豆蓉和軟綿的白玉丸子也是絕配，最後附上一杯熱烏龍茶解膩，是一個不錯的下午茶點。在下次去京都之前，去南蓮園池拍拍照，吃個抹茶甜點，暫時解一下思念吧。

我自己唔太好抹茶…不過佢個2人餐配搭不錯小食可以揀2款，基本上食咁多次都係揀呢2款釀雞翼~juicy 既，除左個尖比較乾d之外他他醬炸雞~都係有肉汁唔會乾再嚟係胡麻雞沙律同埋老公叫既照燒雞~雞全部都係雞🤣沙律既雞好似肴肉feel，有d jelly滑嘟嘟咁，照燒雞~軟淋淋，伴碟既沙律汁同餐叫既沙律汁係唔一樣，我比較喜歡胡麻醬我自己要左黑麻油豬骨拉麵溏心蛋好食叉燒略為薄左d，唔記得2定3片飲品柚子茶要另加錢甜品抹茶雲石芝士蛋糕另加$10，平時係食軟雪糕唔使加錢，但因為咳既關係唔食得，芝士部份我同老公都鍾意，係軟淋淋唔係new York cheese cake d fd，中間有塊抹茶feel既野比我挑左出嚟，整體係ok不過餐廳人手好明顯係唔夠，點餐揮極手都無人理，望到都擰轉面，有個姐姐仔仲講左句“得4隻手做得邊樣”，唔夠人你可以同你經理反映，關我地客人咩事？

正正因為鑽石山無什麼好吃，最後揀了和朋友來到抹茶館吃晚餐，足足等了差不多一小時呀，人超多！點了鹽燒柚子豚肉丼和朱古力奶抹茶，抹茶飲料的確不錯，抹茶帶點回甘，不會太甜，不過個人來講覺得不加忌廉更好飲～鹽燒柚子豚肉丼的豚肉比想像中多，吃完飯都還有很多豬肉剩！不過個人覺得肉質比較乾，而柚子醬原來是辣的，配白飯吃就不錯的～而這飯是配湯的，湯有點咸，很一般。一個飯再加一杯飲料，每人平均消費都一百元，質素還好～

🎌🎌［抹茶］［日系風］傳統的抹茶百年號因為其甘苦及過於精純的茶香往往予人孤芳自賞、與香港生活格格不入的鄉野氣息。部分為融入本地市場而經過調整的往往更受本地人歡迎，尤其是初次品味抹茶的你。今次介紹的，味道較甜偏重奶香，價格較親民值得回頭細味。食店燈光及環境使用木感設計，柔和溫暖，一眾網美可參加一下。▫️▫️▫️▫️🔝抹茶軟心朱古力芭菲 HKD 59由六七層組成的芭菲杯只廉份量太多！價格實在超值！煙韌軟糯的白玉、香脆爽明的玉米脆片、甜美自然的紅荳蓉、空氣感重又富極幼滑度的忌廉、清新脫俗的寒天凍，全數被分層由享用次序排列。構成抹茶食店的主體元素被一一展示，作為評估食店水準的基本甜點本人給予高分水平。▫️▫️▫️▫️🔝🔝忌廉牛奶抹茶《大》 HKD 39芳香感十足的抹茶味清純自然，沒有半點因過份濃郁的苦澀。最難忘是忌廉牛奶超預期般的幼滑，飲用時已經忘卻抹茶的香醇，只有不斷疑惑的幼滑度為什麼會如此之高！就獨特性而言，絕對能跟京林屋、中村藤吉一較高下！▫️▫️▫️▫️🔝🔝雜錦銅鑼燒 HKD 64熱騰騰的銅鑼燒散發著非一般香醇，更甚是那鬆軟幼滑的口感，本身已經嘆為觀止，怎料紅荳的實在、忌廉的提香、白玉的軟糯都與其交互出

剛剛係機鋪打完機，同朋友過黎hightea下😆對於綠茶控黎講，望到餐牌簡直發晒光！就隨意點左個綠茶葩菲食！葩菲用左一個好長身既杯盛載，眼見都有好多材料，層次豐富，先係軟滑雪糕，再有煙韌蕨餅，去到中間有脆脆，係我最鐘意既對於綠茶迷，食每啖都有幸福滋味感。綠茶萬歲！環境都配合店名特別裝橫，座椅都係用上綠色配合簡約木材料設計，極具日系風格！而且好鐘意佢設有梳化座位，軟綿綿，最岩同朋友傾計坐耐左都唔會pat pat痛呀！

今天一個人去了抹茶館食下午茶， 原本淨係想飲杯抹茶奶 ，點知見到身邊有好多人都叫依個甜品，所以都叫了一份- 抹茶紅豆銅鑼燒! 個名已經夠特別 ，所以一於都叫了一份！ 一嚟到 ，這個銅鑼燒真的很大份 ，初頭都擔心自己一個人食唔曬， 有啲後悔， 但係本人真的好喜歡食抹茶的食物 ，特別是雪糕 、抹茶奶 ，所以一於同自己講甜品係第二個胃！銅鑼燒的雪糕係綠茶， 非常之有綠茶味 ，這個班戟 熱辣辣，完全感受到蛋香的味道， 加上紅豆的清甜， 有置身於水火交融的感覺， 真的又冷、又熱; 味蕾十分刺激，雖然它的份量很大 ，但我一口子把整個銅鑼燒食曬 ！講到這杯抹茶奶，真的是了不得， 抹茶的份量十足， 很有抹茶味， 奶與抹茶的分量剛剛好 ，不會奪走抹茶的香味 ，簡直一個完美的下午茶！

《抹茶館》 #食在鑽石山📍鑽石山龍蟠街3號荷里活廣場1樓134號舖-約左朋友行山係鑽石山轉車 一於係到食埋飯先出發 我地都係唔食抹茶 但揀左抹茶館黎食 不過好彩主食係無抹茶🔹牛肉滑蛋黑七味烏冬 $69星期六日無Lunch Set 就咁嗌左個烏冬就算啦主食黎講選擇都唔小 有丼有拉麵有烏冬 唔係太想食飯就揀左烏冬食 款式唔太吸引係兩款有🌶中揀一款啦 點知就中左伏 真係半點辣都無 個湯仲甜甜地唔係話佢難食 味道係正常 牛肉都幾滑 雖然無咩牛味只係明明想食辣點知係甜嘅就有D失望姐🍴5/10

話就今日係一年一度嘅情人節，老公返工，但我又想食好少少，所以帶咗一對仔女嚟抹茶館食午餐。【芝士蕃茄烏冬】媽媽至愛，每次嚟親都一定要食，配埋雞肉，仲有濃濃芝士味，食極都唔覺得厭。【溫泉蛋卡邦尼烏冬】小朋友至愛，一定離不開卡邦尼，配埋溫泉蛋，阿囡都大叫「正」，而且味道唔會好濃，小朋友食都唔怕漏。【玉子燒】我對仔女真係堅鐘意食，午餐可以用$12加配價叫小食，仲有其他唔同款小食，$12/2件，抵呀！【熱柚子茶】午餐會跟餐飲，呢款加$4就可以飲到，甜甜地，小朋友都飲得！【朱古力曲奇牛奶抹茶】平時飲開朱古力曲奇咖啡，但嚟到呢到，點可以唔飲抹茶？因為我怕苦，所以叫上面有 Cream 或 有雪糕球嘅，攪拌後就唔會覺得抹茶嗰陣苦味太勁。如果叫呢類餐牌特飲，就可以係正價減$10。總結：好滿足嘅一餐午餐，埋單$220，係有啲貴，不過一年一次情人所，食好啲大家又開心啲。

同朋友黎左抹茶館食晚餐，我地一人叫左一個主菜，再加一杯飲品。其實今次都唔係第一次食抹茶館，但係點知今次就中左伏。我叫左一個芝士雞肉蕃茄忌廉烏冬，聽個名以為個湯底應該幾濃郁，點知係大錯特錯，出黎既烏冬味道淡到唔知自己食緊咩。首先佢係無蕃茄味，唔酸唔甜，唔講都唔知落左蕃茄。然後個忌廉湯都係無味，又唔咸，究竟係咪個廚師唔記得放鹽？基於個湯底係無味，而雞肉同烏冬都係無調味，我食到一半真係唔知自己食緊咩，唯一有味既係幾粒辣蒜，可惜只得個辣味。白玉雪糕牛奶抹茶就正常既，幾好飲，抹茶味濃，值得推介。

-今次係第二次再食呢間抹茶館，行過嘅時候見到個menu變咗，諗住唔通有新嘢？？ 一試無妨。原來係menu 轉咗顏色，定食款式、價錢係一樣。 可以話佢冇乜新意，不過又可以叫做有良心冇加價咁。 咁今次就試另一款嘅定食啦。1. 照燒雞定食（$89）： 首先真係要激讚下嗰燒汁，好惹味！！ 惹味道到我竟然要加多個飯。個雞肉燒得好嫩滑，個皮煎得好脆。 激讚！！冇得輸！！2. 鹽燒青魚定食（$89）： 同上次食一樣， 保持到水準，青魚表面少少，所住的肉質，唔太油膩，送飯一流。正！！嚟個小總結 ~ 就係嘢食水準一流、環境舒適、坐得寬敞、服務周到。 I will be back！！_____________________地址：鑽石山龍蟠街3號荷里活廣場1樓134號鋪

鹽燒青魚定食，香蔥芝麻生薑燒豬肉定食， 豚肉野菜湯，配菜（兩款）,甜品 ,熱綠茶，凍綠茶 。 白飯免費任添。1. 鹽燒青魚定食： 青魚表面少少，所住的肉質，唔太油膩，送飯一流。2. 香蔥芝麻生薑燒豬肉定食： 豬肉煮得爽口，加上有菜伴碟，成件事好balance。3. 豚肉野菜湯： 個湯同埋湯渣個比例好好，飲落少少鹹味，又唔太過份。個人認為可以加上白飯一齊食變咗個湯飯，係第二種食法。4. 配菜（兩款）： 配菜每次去嘅款式都唔同，會用update新鮮嚟做配菜，感覺唔錯有心思。

同埋朋友4個人一齊睇完戲2點幾就嚟抹茶館食返個晏晝,大概等咗5分鐘就有位,我地就叫咗4個特色定食,鹽燒鯖魚定食×1 HKD89黑麻油濃厚豬骨拉麪定食×1 HKD89吉列蝦烏冬定食×2 @HKD89而定食有2款,第1款:2款配菜,豚肉野菜湯,免費加添白飯,甜品,1杯指定飲品第2款:1款配菜,2件三文魚壽司,2件炸雞,甜品,1杯指定飲品鹽燒鯖魚定食,鯖魚唔腥加上檸檬汁更好味!蘿蔔蓉夠晒新鮮,野茶湯咸咗小小,甜品係綠茶果凍,略嫌過甜,冰綠茶冇綠茶味,整體嚟講依個定食算滿意黑麻油濃厚豬骨拉麪定食,依個係朋友食嘅,睇落黑麻油好香好吸引,豬骨會煮得好入味,而炸雞炸得幾香脆,三文魚壽司普普通通,熱綠茶好飲,依個定食係吸引嘅吉列蝦烏冬定食,依個都係朋友嗌嘅,吉列蝦試咗一隻幾好味,炸漿唔厚,蝦夠新鮮!烏冬冇咩特別,成個定食睇落唔錯服務好,有禮貌,環境幾舒服亦都係乾淨整齊,希望有多啲定食款式!食物煮得唔錯,價錢合理

今日同同事去鑽石山食晏，見有咁多餐廳都唔知食邊間好。佢話呢間係佢飯堂所以我地就入咗去。平日嘅下午時間都坐唔滿，所以我地兩個人可以坐4人卡位，舒服過迫茶餐廳多好多。今次我食烏冬，問埋朋友嘅豬肉丼嘅味道。芝士雞肉蕃茄忌廉烏冬($74)番茄打到好碎，唔會食到一嚿嚿蕃茄。烏冬夠彈牙，唔會一pat pat。雞肉無醃過所以有啲淡。成碗好重芝士味，係主角。仲有生蒜更加刺激。香蔥芝麻生薑燒豬肉伴溫泉蛋丼($74)跟埋個清清地嘅蔬菜湯。豬肉夠濃味又惹味，仲有啲洋蔥伴住一齊。將隻雞蛋撈落個飯度可以令個飯滑溜啲。跟餐送野飲。熱無糖茶，即係普通淡紅茶。熱綠茶 係加咗糖嘅抹茶，略嫌太甜。

第一次食抹茶館食係喺沙田 今次算系午餐同下午茶之間🤣👅首先我系同家姐媽咪三個一齊食所以分別叫咗3個飯。我叫咗個套餐 價錢合理 算多嘢食 👏🏻👅又有嘢飲同湯 小菜等我再加多個三文魚 雖然有d簿身 不過幾好食的👍🏻由其個豚肉同d飯 都算多 汁都啱啱好夠 我覺得最好食嘅系有件糯米糍嘅物體細細件幾好咬口😆haha 之後仲有杯熱糖綠茶 第一次飲甜甜地幾得意。另外家姐媽咪佢哋都帶咗個燒雞飯同埋豚肉飯。我覺得個燒雞超級好食好入味又唔會煮得太過熟💕💕👍🏻👏🏻 啲汁又啱啱好，個湯又清清地✨呢間分店嘅環境都幾大幾舒服，下次得閒會再過嚟試吓其他嘢😍