手拉麵小廚

营业中

休息中

早排睇電視介紹依間小籠包，見到就超想食，同幾個朋友即刻黎試下。勁多人，不過都排得快，等左一陣就入得門口可以睇到師傅表演，起碼睇得出乾淨先。仲記得電視有講話小籠包要22接先最好，我地仲企起度睇主菜出黎啦，超大件小籠包，啲皮勁薄勁多汁，好似飲緊湯咁我仲叫左個雞扒拉麵，估唔到好好味喎，以為拉麵係精髓，原來塊扒最正，內軟外脆，一流！同埋叫左支豆漿咁，依支就一般啦，對比之前既就無乜驚喜。整體好正！仲要好平，力推。

今日放假，諗住同太太去試吓呢間好多人講到冇得輸嘅平民上海拉麵店，第一次去就留下唔係太好嘅印象，攪到連相都唔想影 話說今日下午四時多去到，可能唔係食晏時間，一去到等左幾分鐘就有位，坐低先叫左個所謂必食嘅小籠包同叫左個豬扒擔擔麵，見到有幾枱其他食客食緊酸辣雲吞，見個樣幾靚，所以再叫多個酸辣雲呑，知道呢間野啲食物係即叫即製，所以預咗係要等，等左大概15分鐘左右，小籠包到先，一籠有5隻，第一眼望落個樣好正路，但係望真啲唔知係咪我黑仔，5隻小籠包有3隻應該上枱前就已經穿左，得返兩隻仲見到係湯汁飽滿，望住呢籠小籠包，呢一刻心情已經打左個折，到食落去嗰刻，完全冇驚喜不特止，感覺上海3x9仲好食過佢，雖然冇穿嗰隻真係湯汁飽滿同埋都幾有鮮味，但係個肉餡好(嚡)，成個小籠包比個咁(嚡)嘅肉餡扣晒分 跟住到個豬扒擔擔麵嚟到，望落個樣又係好正路，我仲食緊小籠包，所以叫太太先試吓個麵，我望住太太食麵個樣好似有啲唔對路，問佢咩事，太太竟然話個麵係凍嘅，我開始都唔係咁相信，佢食左一啖成碗麵推過嚟話唔想食，冇辦法，佢唔食我唯有自己食啦，食第一啖，碗麵真係凍冰冰嘅，連暖暖地都講唔上，真係凍㗎，個拉麵

等位時間好長，等了快一個鐘，不過味道是好食的，最喜歡豬排擔擔麵，豬排外脆裡嫩，擔擔麵湯非常濃郁可口，麵又非常之勁道，小籠包裡面的湯汁簡直不得了。上海年糕就不溫不火普通質素，其他的菜下次再去試吃。出了等位長，是會再來的。第一次想用評分功能居然要打字滿200才行，感覺有點懵，居然還不能用表情湊也不能用複製粘貼，有沒有搞錯啊，不過我就是一定要評分的，今天心情很差啊，根本不想動，滿頭都是包啊啊啊啊啊啊啊啊

前派見ig post介紹，特意黎試試。叫咗最出名嘅小籠包，cp值真係好高，一啲都唔少，不過唔知係咪因爲大，皮較厚。點醋會更好食。值得讚嘅係湯汁真係好多😍雞扒拉麵🍜 不過不失都係小籠包值得食啲。

Hand Pulled Noodles is a restaurant serving traditional Chinese dishes. The showpiece of this restaurant is their freshly hand-crafted noodles. The noodle master performs at the front of the restaurant for patrons and passerbys to admire his artistry.Today we went with the two person meal for $198. You are given a choice of one dish from each category, and the meal set comes with two servings of rice /noodle, and a hot/cold honey vegetable tea drink.First up is the pickled cucumber in garlic. A

上星期同朋友行完mikiki， 搵地方醫肚經過呢間手拉麵見佢裏面坐滿人，睇住門口上海師傅即場手做拉麵， 感覺十分正宗， 於是我哋梗係去試下啦！上海菜之中小籠包係我嘅頭盤，亦係我既至愛，果然冇令我失望，每一粒都好大，而且裏面充滿湯汁，小籠包嘅皮十分之薄，湯汁仲係熱的，加上醋汁，咬入口，湯汁混和肉汁好鮮味！薑蔥牛肉，牛肉夠味，不算太鹹！酸辣湯材料充足，頗為辣些少，但係酸味可以加強一些會更好！這間位於新蒲崗嘅小店，真係可以說係價廉物美，好有水準！

小妹今日喺咁岩同朋友去開新蒲崗，見到呢間好似幾正,就同朋友試試呢間佢個價錢嘅range大概係40至50蚊到咁我就叫咗個 豬頸肉拉麵我就覺得味道偏濃同埋豬頸肉就有啲個口“摟”

呢日行行下先發現原來鑽石山同新蒲崗咁近😱於是乎就行左出平民嘅新蒲崗試試區內有名嘅中式小店🔎🔎.豬頸肉擔擔湯拉麵🍜 $48拉麵一上KY就被紅紅嘅湯底吸引住😍試咗啖湯可以試出佢淡淡的花生味仲有少少嘅微辣🌶因為拉麵係現場自家製手拉嘅關係，食落可以發現麵條有啲粗有啲幼嘅，而且都好滑溜彈牙，口感好特別😋豬頸肉🥩嘅份量亦都好多食極都仲有😱唔會因為浸左湯嘅關係而好淋嘅反而仲有少少嘅鬆脆🤩平民得來都好高質‼️整體評分：7.0/10.招牌小籠包🥠 $40大大粒嘅小籠包即叫即整🥢上菜嘅時候仲冒着熱氣熱辣辣。包皮薄身，但又不至於一夾就穿😍咬落去啖啖肉餡🥩，而且湯汁盛滿半個小籠包有多，味道仲幾鮮甜，食落亦唔算油膩👅有少少可惜係肉餡比較鬆散，如果改善一下就更好啦~整體評分：7.5/10.手拉麵小廚 (新蒲崗)新蒲崗衍慶街48號衍慶大廈地下.

呢間位於新蒲崗既上海菜小店門面小小的，到左夜晚就會坐滿食客。今次，四個人過黎食晚餐，總共點左四個菜，分別係招牌小籠包，雞絲粉皮，羊肉搶湯拉麵同上海炒年糕。小籠包絕對係必點既菜，佢包著鮮甜既湯汁。雞絲粉皮亦都好香。四個人埋單$46，都算幾抵食。

呢間野之前已經食過幾次每次食都好有水準最中意食佢個擔擔麵湯底好濃味 不過可以再辣少少配菜方面雞扒 豬頸肉 菜肉雲吞都好出色仲有個回鍋肉都好入味 肉嘅份量岩岩好 唔太肥夠淋 但油左啲豆沙鍋餅普普通通 不過都可以一試呢個價錢來講 性價比幾高

為了吃小籠包，搜尋到這間小店，沒想到食物質素和價錢都有驚喜😍點了4款食物，我最喜歡的是小籠包和羊肉搶湯拉麵，小籠包非常飽滿裏面充滿了肉汁，40元5個。羊肉搶湯拉麵就很視乎個人口味，它湯底是比較重羊騷味，我自己就很喜歡但同行的朋友就接受不了😁因為朋友吃不了羊肉湯麵，所以加點了回鍋肉炒拉麵，在門口的時候已經見到師傅在手製拉麵，所以麵十分彈牙好吃。真是一家高質的小店，平均水準很高，份量多而且價錢又不算太貴。建議大家也點小籠包和麵類👍👍👍💯

今日經過開新蒲崗，知道呢間小龍包好岀面，就一於中午去食。我地兩個人去到，見到已經有六七張枱排緊隊。間野鋪面好細，應該坐到十張枱左右。咁我地由於太想食，所以決定繼續等。大約等左十五分鐘，我地就有得坐喇。大家都係搭枱。一泥就要試小龍包同手拉面，再加雞絲粉皮。個小龍包係新鮮熱辣，小心一咬開會辣親個咀。真係好好味！價錢經濟又實惠。一定會再幫襯。

男朋友記得我喜歡吃年糕，所以提議去食上海野。位於新蒲崗的手拉麵小廚，一間小店有百幾個好評，check it out！晚上7點幾去到，好lucky剛好仲有兩個位，食完出泥見到外面好多人排隊等位啦！雞絲粉皮雞絲肉質很嫩滑，粉皮又吸收哂d蔴醬，還有清新的青瓜絲，三樣加埋一齊又好match。回鍋肉炒年糕邪惡的回鍋肉，半肥瘦，火喉剛好，好惹味，男朋友食到唔停口。至於年糕，這應該是韓國年糕吧？個人比較偏好上海年糕，所以有一點點失望，但這年糕都煙韌唔會痴牙。小籠包$40有5隻小籠包好抵食，個皮好簿，裡面裝住好多湯，略嫌d肉鞋身左少少，整體上性價比高。

嗰日放工諗住同啲同事食下飯傾吓計，同事就帶咗我哋去新蒲崗食佢覺得好好味嘅拉麵小籠包！其實未行到間鋪，已經見到有一啲人係度等緊位，咁我哋就立刻9秒9咁衝過去攞飛先啦，店面呢就係有塊大玻璃，見到師傅喺度手拉麵，真係十分之吸引，咁我哋就大約等左20分鐘左右，就有位入去食啦！坐低梗係立刻點小籠包啦，見師傅係手拉麵嘅自然叫咗碗擔擔麵啦，咁我哋嗌左個豬扒擔擔麵，肚餓嘅我們仲叫咗個皮蛋豆腐同回鍋肉炒年糕！小籠包係即叫即蒸嘅，所以都要等一等，最快上枱嘅係皮蛋豆腐個賣相就一般般啦，但食落又幾好味，味道唔會太濃！之後就嚟咗碗豬扒擔擔麵，呢個擔擔麵好有驚喜，因為其實我本身唔鍾意食擔擔麵嘅，但呢個麵果然係手拉麵，口感超正，連個湯底都好好味，同出面食到嘅完全唔同，下次嚟都一定要再食！之後小籠包就蒸好啦，比想像中大粒，皮唔會太厚，入面亦有肉汁，好味道！最後回鍋肉炒年糕都炒好啦，佢個年糕同平時我食開一片片嘅有啲唔同係一條條嘅，不過佢炒得真係好好味，菜仲好鮮甜，年糕好彈牙，值得下次再食過！其實我仲叫咗豆漿，點知佢嚟咗支裝嘅，我立刻好失落，呢個就係唯一一個美中不足嘅地方！

今次係第二次食，等一陣就有位喇附近好似係佢要等位🙈🙈叫左雞扒擔擔湯拉麵同招牌小籠包，大部份食客都叫小籠包，就知佢係好野😆雞扒擔擔湯拉麵雞扒有煎過先再放上去，食落好香口，不過我記得上次豬頸肉比較好食拉麵好爽口，唔會一夾就斷👍🏼好怕d麵一夾就斷，最後要用匙羹食🤦🏼‍♀️我好鍾意佢個湯，唔辣既，但好香好濃，好岩我口味😍呢個小籠包真係唔小5粒都大大粒，食嗰時要小心呀，因為佢好多汁，好熱架！2個人唔算肚餓既情況下share食都真係好飽！