手拉麵小廚

营业中

休息中

成日喺出面食飯先回家，坦白講連鎖大型食店真係食到厭，冇驚喜！今晚比我行行下遇到依間「隱世小店」，內心好興奮😂講真，門面唔吸引，但係喺門口已經見到師傅即整拉面，係人手整唔係機器整，就吸引到我去睇埋個餐牌，睇到價錢唔貴呀，而鐘意食湯粉麵既我就行左入去！我點左 豬頸肉担担湯拉麵 都只係$50❤️豬頸肉既份量比想像中多，多到我食唔哂😂豬頸肉好香好香口，邊邊位仲有小小脆，好好食！個拉麵亦唔會太淋，有咬口，好欣賞個湯濃而不膩！但碗麵份量大到我真係食唔哂！$50黎講好食得黎又抵食！會記住依間，黎開新蒲崗會再幫襯吖👍🏻👍🏻

呢間係新蒲崗都有一段時間啦，而家開始多人黎食，每逢晚飯時間都要排隊(可能鋪頭細)，叫咗個二人餐份量無以前咁多，但價錢就貴咗好多，味道都好普通，小籠包仲值得推介，好多湯好熱，但其他就差啲皮蛋豆腐好清淡無乜味道，只係加咗啲麻油，回鍋肉有啲辣不過不失，呢間其實食咗幾次，但係好耐先食一次，好明顯㗎唔同就係價錢啦，份量就少咗，以前就得呢間有小籠包，而家近開始有其他小籠包㗎出現，希望有比較下進步啦····················

-1️⃣小籠包HKD$40皮薄餡多 一睇以為中間咁多湯會好易爆開 或者唔爆皮會好厚但佢岩岩好 成粒食好滿足加醋勁野味.2️⃣菜肉雲吞HKD$40皮薄餡多 菜肉比例岩岩好湯夠甜 好想飲哂佢.3️⃣雞絲粉皮HKD$40花生醬好岩岩好 唔會好水粉皮好滑 雞絲可以多d青瓜爽甜.4️⃣回鍋肉炒年糕HKD$55唔會好辣 但會食上癮年糕有口感煙韌 但唔會好似橡筋咁肉係腩肉 但唔算好肥菜夠多唔會好油膩.———————————————位置有小小遠 又有小小逼餐廳唔算好多坐 要同人‘答枱’但可以特登去食

黃大仙收完工一行三人去到附近嘅新蒲崗搵食。同行友人介紹呢間手拉麵。晚上8點，門外等候大概等20mins 左右啦！門外等候時就可以欣賞下師傅即席拉麵嘅表演喇。涼拌皮蛋豆腐 $40 呢道菜我比較少食到切粒，皮蛋溏心程度好高。本以調味好淡，食落剛剛好仲好重麻油香。招牌小籠包 $40 總共有5隻。食落外皮唔算太厚，容易夾起。咬落超爆多湯汁，好正！豬扒擔擔麵 $50平時我唔係好中意食擔擔麵，因為較怕好多紅油，好稀分離嘅湯底。但呢個食落花生香味好出，湯底好濃郁。回鍋肉炒年糕 $55年糕切成長條狀，椰菜都炒得非常入味。惹味之選。埋單每人$60幾咋。

黃大仙附近有質素的食肆不多，如果要我選一間的話，新蒲崗的手拉麵小廚很大可能會成為第一位。來這裡，當然是因為很多人介紹它的小籠包。這裡的小籠包($50)新鮮製作，即叫即蒸。小籠包的餡是超級多汁，而且外皮非常薄，薄得看得見裡面的湯與肉。 一放入口，熱汁充滿了整個口，有種舒暢的感覺。蔥爆羊肉炒拉麵($52)的拉麵為手拉，麵條有彈性。羊肉與大蔥提出鮮味，醬油則為麵條調了鹹味。雞絲粉皮($40)的麻醬香濃，為清爽的粉條、雞絲及青瓜絲帶來一些點綴。回鍋肉($70)的肥豬肉薄切，而豆干及椰菜吸盡了豆瓣醬的精華，送飯一流。另外還有豬扒擔擔麵($50)，豬扒香酥，湯底花生醬香，辣味醒胃。經過黃大仙，必須一試。不過此店座位不多，人多要排隊啊。

有一排冇食，突然好掛住啲拉麵。平日夜晚黎都要等位，生意幾好。叫左三樣野，小籠包必點，招牌菜。見佢漲卜卜就知入面有好多湯汁。放涼左一陣先好食，如果唔係會辣親。點少少醋，咬開少少個頭，然後成啖放入口，成口肉汁，超級滿足。另外點左牛肉炒拉麵。拉麵係師傅親手拉，好煙韌，又有咬勁，好好味。而且味道剛好，唔會太咸。豬扒擔擔麵，有啲麻辣，一般人都食到嘅辣。拉麵同樣好有咬感。豬扒燒得好香好好味，唔會難咬開。幾年冇食仍保持一貫水準，正！

—招牌小籠包($40)即叫即整 等咗10幾分鐘咬開真係爆多湯汁 80%係湯 20%係肉可惜肉餡係散開哂 而且冇咩肉香味食完唔知食咗咩咁😒😒————————————————————————手拉麵小廚新蒲崗衍慶街48號衍慶大廈地下

上次試左同區既另一間出名上海菜餐廳，今次終於到手拉麵啦！Order左二人套餐，包括左雞絲粉皮、蔥爆羊肉、小籠包、西生菜、兩碗拉麵同兩杯菜蜜。另外仲加左一碗羊肉搶湯拉麵。雞絲粉皮雞絲份量唔算多，雞肉肉質介乎淋同結實之間，冇雞味。青瓜份量唔少，青瓜食落新鮮，爽脆既，撈匀之後起到清新既作用，都增添左口感。粉皮份量適中，雪得夠凍。粉皮質地唔錯，有咬口得黎又未至於要咀嚼好耐，中上水平。麻醬質地較稠身，會漿口，味道好出、較濃郁，係個人中意既味道，唔錯。而且麻醬份量適中，唔會太多而過膩。單叫要$40一碗，份量唔算太多，食完唔會飽，個人認為性價比唔高。整體而言，味道唔錯，成道菜既靈魂粉皮同麻醬都達到我既標準。雖然未算最出色同性價比唔高，但係我食過雞絲粉皮既餐廳入面，佢可以排到前三。蔥爆羊肉材料好簡單，分別係羊肉、洋蔥同一條大蔥。羊肉份量適中，佢唔係厚切羊肉片，有啲似肥牛果種碎啲既肉，但脂肪比例冇肥牛咁多，脂肪部份較少，可以接受。雖然羊肉薄切同較細片，但依然食得出少少羊騷味，可能有人會唔中意陣味，但程度唔高，我都幾中意，食羊冇羊騷味同食豬肉有咩分別姐><睇落顏色深，但調味咸淡適中，唔重口

住附近地膽極力推介既麵店，冇介紹錯！招牌小籠包 $40/5隻，性比價高，皮薄爆汁，抵食！點醋食，提鮮之餘又冇甘膩。豬頸肉擔擔湯拉麵，湯底濃厚，豐富花生麻醬，極為香口，麵質彈牙，豬頸肉燒得乾得黎又吾柴，爽口惹味，仲要份量多！

趁住今日放假男朋友又帶我出城食好西今次就帶到我黎鑽石山附近既新蒲崗男朋友話呢間係該區都算性價比高既餐廳我地去到既時候咁岩撞正放lunch時間所以都要等一陣先有位好期待呢！係時緊位既時候一於就把握時間諗下食咩好喇小籠包基本上每個人都會點我地都唔執輸！樣子比起平時食開既圓好得意皮薄但餡就比較鬆散但都算係好味而我就決定食擔擔麵配雲呑！雲呑好大粒餡都唔少！麵粗幼軟硬適中 雲吞都好大粒所以都幾飽肚最後啲麵都食唔哂男朋友就點左呢個三絲冷麵味道都唔錯 好惹味青瓜都算新鮮總括而言性價比真係唔錯價錢唔貴 份量多 味道亦唔錯唔怪之得會係得獎食店

曾經有一段時間喺上海公幹，收工後都會同同事周圍去覓食！我地都係小籠包fans，試過連續幾晚都係食小籠包做晚餐，試過好多唔同店舖嘅小籠包，大湯包都試左好多。雖然稱唔上係小籠包嘅expert，但應該都算半個小籠包知心食家！.呢度既小籠包，大大粒，又多湯，價錢亦好抵！皮唔會太厚，飲完啲湯汁唔會口渴。其他野食都好唔錯！呢晚食左小籠包、雞絲粉皮、醉雞同雞扒擔擔麵，個人認為醉雞一般，其他嗰幾樣就會想以後再覆桌。

新蒲崗嘅一間小店，佢嘅門口唔係好吸引但係就會覺得係一啲好傳統嘅老店，而且望入去都好多人喺度食，所以都特登入去試一試。特別推薦嘅就係佢呢一個小籠包，一個一個蒸完出嚟非常之肥嘟嘟，夾起嚟嘅時候雖然好驚佢爛，但係食晒成籠都冇呢一個問題出現，而且入邊嘅湯汁真係非常之多，肉亦都好新鮮，好嫩，感覺上比上海食嘅小籠包更加好味，而且個價錢完全唔貴。另外佢呢一度做嘅擔擔麵比起出面都唔同，佢除有麻香之外仲會有醋香，酸酸地好特別。

相隔差不多一年，想念呢度既小籠包於是又散步黎到新蒲崗黎會一會面，2個人叫左4樣野，飽到傻，每人都只係食左80蚊度雞絲粉皮~好濃既花生醬味，配上雞絲，青瓜絲，粉皮，汁夠份量好足夠，每啖食落都有濃厚既花生醬味，粉皮好滑，留意此店既雞絲粉皮味道有點甜甜的，作冷盤確實不錯小籠包~一共有5件，之前介紹過，呢度既小籠包係肉碎多，好爆汁，夾既時候小心d...唔好浪費d汁，仲一定要趁熱食豬扒拉麵~拉麵係門口位見到師傅即制，每條都好長，夾唔斷，好有麵味，口感亦都唔錯，每次黎都習慣叫1碗拉麵，食得出師傅既巧手後加既菜肉雲吞~用白菜仔配上豬肉，相比其他菜式有點普通，而且皮有點厚，一碗都有8粒，大大粒

早前見到雜誌介紹，和「開飯」網友的食評後，便一直很想來試。今日終於專程去新蒲崗，試試馳名的招牌小籠包。我揀了午飯後的非繁忙時間，以免要排隊。店內座位不多，難怪食客多時要等候了。我只點了一客小籠包，因不喜歡吃羊，加上只有一個人，故沒再叫店中另一熱賣食品羊肉拉麵。我喜歡吃多汁液的小籠包，但不著重外皮是否夠薄。因為如果汁多而皮薄的話，夾來吃時，外皮很難不穿的。那麼吃時不單只狼狽，更失去了原汁原味的滋味。這裏的小籠包，做得正合我意。一籠有五隻，是名符其實的「包」，因為體積較大，底部直徑接近6cm。透過外皮，也看到每隻包的底部，都浸著黃金的汁液，行內稱為「豬皮凍」。雖然這個小籠包的外皮稍厚，但我用筷子夾起時，外皮仍然穿了，汁液滲湧出來。為免浪費了精華，我馬上用湯匙盛著汁液，並試了味道。濃稠的肉汁，油潤而不肥膩，極之美味。雜誌介紹，這裏的「豬皮凍」是用老雞、雞腳、豬皮、豬骨等熬成。別處的小籠包，即使體積較細小，但吃兩隻，已覺得相當膩滯。但在這裏，我整籠五隻都啃掉，沒有點醋來吃，也沒有濃膩的感覺。也許是整個包的用料，比例都恰到好處，過量則會膩。稍嫌不足的是，小籠包的豬肉餡較為鬆散，不必咀嚼，已在口腔

好好味😍😍小籠包又大隻又多汁我地叫左個二人餐$188有雞絲粉皮 回鍋牛肉 小籠包 蝦米津白 兩碗拉麵or白飯 兩杯凍or熱菜蜜 甜度岩岩好 岩我平時飲少甜既😍抵到爛 男朋友平時大食都話飽下次可以試下散叫😋😋