手拉麵小廚

营业中

休息中

侍應態度惡劣要你坐那裡就坐那裡。晚上8時左右來到這間上海館食上海菜。(當時人不多）去到坐下圓枱，後來卡位有人走，我同個仔轉去坐卡位（因為一人一個大背囊）每人坐一邊，嗰時應走埋嚟同我講：我地兩個人坐埋同一邊。（我見館內所有坐卡位的人全部人都係一人坐一邊卡位）我同侍應講如果有人客黎我哋先坐埋一齊啦，佢叫我們現在坐在同一邊卡位。我跟她說兩遍，侍應還在唸唸有詞。其他人就可以一人坐一邊，我為何不可以加上我跟她說有客我就坐埋一邊。還比面色我看，我就即時閙佢，跟著就走。今時今日在新蒲崗大把美食，還要食飯受氣！你厨房整得幾好食，樓面在趕客。咁嘅服務態度仲有人會幫襯

新蒲崗美食臨立，臥虎藏龍，這裡是舊區，小店內有高手，此手拉麵是也。店內只有廿個位子，搵食者一看餐廳門前排了滿滿的人就知。店內有一窗，可以看到老師傅親手製作拉麵及包皮過程，一差一拉，看到工架精微。點了擔擔麵及小籠包，來到一定要吃它的手工麵，老師傅手工製作真的不同，非常彈牙，好回味。小籠湯包亦是必吃，肉不多但爆湯不絕，湯香而濃，真心好吃！老闆娘人很好，看我們帶個小孩，雖然外面排大隊，也安排卡位讓我們坐得舒服，有人情味的店子！

今日同花先生黎新蒲崗，竟然唔係食魚蛋粉，值得一記！當時已經係下午兩點多，係魚蛋粉附近有間小店有幾個人排隊，羊群心理下去睇睇。見只係等兩張枱就等下啦。都算幾多選擇小籠包，五大隻，皮唔算薄，但有勁多湯，唔錯！羊肉搶湯拉麵，幾特別，羊肉軟淋，少少羊羶味，可以接受，拉麵正常。酸辣湯拉麵，等左好耐，我食完碗羊肉拉麵都未有。花先生仲話無乜特別，好普通，大打折扣！羊肉搶湯拉麵值得一試，係我既新嘗試。花先生話唔會再黎

《尋味新蒲崗》出得黎食，預咗要還！禽晚又去新蒲崗打泰搼🥊🥊🥊還quota,還完梗係食返啦！隨便走入洐慶街，搵到呢間#手拉麵 「手」字行頭，梗係自家手作！冇錯！師傅就係玻璃後面表演拉麵俾你睇。我地叫咗個二人餐$188，已經包：雞絲粉皮🐔 - 雞絲唔鞋，青瓜清爽。小籠包 - 粒粒脹卜卜，充滿湯汁，係湯汁，感覺好肉上海既湯包小籠包混合版。回鍋牛肉🐮 - 呢個有d多油，豆乾最好味。蝦米🦐津白 - 份量都ok，我地叫咗走蝦米。😝仲包兩個飯🍚/拉麵🍜、兩杯菜蜜再加多個手作菜肉雲吞$40/8粒，大大粒，菜同肉好balance! 埋單每人$60，都算抵食，可以翻兜！👍🏻請keep住留意 食玩焗煮遊世界 *㩒埋like&follow,可以即時收到新post通知。#食玩焗煮遊世界 #尋味新蒲崗 #手拉麵小廚

今日放假 專登周圍搵好野食我係晚飯時間過去超級無敵多人入面座位有限 地方不算太大不過好彩等得唔算耐好快就可以入座了小籠包一定係必點 我自己都可一食哂一咁多大推必食喔！入面仲要超級多汁 美味而雞絲粉皮好好滑好正 yummy雞肉都好大大條架加埋d青瓜一齊食 Wow 超級搭架真係我地其實仲叫左d面食架。。不過我格離個個太肚餓 俾佢一黎就搶左去食 影唔到相超級用心既小店 真係值得俾個like你啊一定會番轉頭繼續幫襯你地架 good

好難得做野過晒lunch time，聽之前介紹呢間野嘅上海野好味，就膽粗粗一個人來試下。舖頭細細，行過都唔覺眼，推門入去，下午兩點七、八都坐行晒，坐位唔多，廿個都爆，好彩自己一個，搭枱就ok！睇到餐牌，見到個羊字就興奮，就叫左碗羊肉搶湯拉麵。但當日我朋友係介紹餃子俾我，但我睇極都無，亦唔係吸引，我坐左半個鐘之後，終於都記得出名係小寵包，人人都叫，隔離枱四個女仔，一人一籠，勁！等我下次都要試下！講番我個麵，賣相已經好吸引，又熱辣辣，羊湯好濃郁，係有so味，食羊重點係要有so味，少少「un」係可以接受，因為配埋椰菜絲，中和濃郁so味，正！加上D麵軟硬適中，入晒味（唔係即叫即上枱，係真係等佢係廚房拎出來），麵條一咬就斷，加埋D湯入口，簡直係完美！我相信會係不久將來，再去試番佢個小籠包，一定係好好味！走時，有對情侶都走，佢地都只係叫左兩籠小籠包，食完就走，我絕對相信係正野！

曾幾何時，朋友帶我來光臨過這裡的小籠包+擔擔麵再次光臨，已經事隔數月雞絲粉皮@食極都唔厭的涼拌小菜，加了芝麻醬，簡直是必勝組合，食到唔停得口！又消暑又開胃擔擔麵@唔好俾鮮紅佢外表呃到你，湯底只屬輕辣，而且食落唔會有一陣油膜咁，所以麵質食落更清爽彈牙粗少少幼少少唔係重點，重點係麵質軟滑彈牙而且吸收了湯底味道小籠包@不停冒著熱氣，讓人也不免好奇入口的滋味如何？夾起不易爛，個皮做得幾好。湯汁雖不太多，但入口都感覺到肉同湯比例剛好，令肉餡更濕潤。另外加分位係因為個湯汁好濃肉香

呢間野已經黎過幾次，每次都淨係食羊肉搶湯拉麵，見到隔離枱嗌成幾樣餸好羨慕。難得最近鬆動左，就忍唔着要黎試佢其他嘢食！我地兩個人嗌左羊肉搶湯拉麵、招牌小籠包（5隻）、蝦米津白、上海炒年糕🍜羊肉搶湯拉麵就係不嬲都咁鍾意食嘅，首先佢個湯好正，好重羊肉味得黎又唔酥，啲拉麵條條都粗幼唔一樣，係人手拉出嚟嘅，全部都好煙韌。入面仲有啲羊肉同一啲配菜，啲羊肉就有時比較酥。我哋兩個人share嚟食，所以侍應都有幫我地將啲麵剪開兩份🍙招牌小籠包（5隻），啲皮好薄，隻隻都超大隻而且好多肉湯，個包有啲難夾，我哋要用筷子慢慢推佢上匙羹先食到🍲蝦米津白就比較普通，蝦米既味覺得可以再濃啲🥘上海炒年糕啲年糕唔係好煙韌，但全部都好黏有啲痴牙，嗰醬汁濃度適中唔會過咸兩個人食呢四碟菜都好飽，可能將其中一個麵食轉做其他小食會好啲。餐廳雖然唔近任何地鐵站，不過揸車人士都可以喺外面泊街。總括來講餐廳嘅性價比好高，適合任何人士黎食！

聽朋友講尼間上海野d小籠包又大又多肉汁，所以今日就帶埋屋企人過嚟試吓，我哋一家6個人入到去發現沒有大枱，所以唯有分開兩張枱坐，我同老公叔仔三個叫左碟雞絲粉皮、一籠小籠包同兩碗拉麵share雞絲粉皮正正常常，冇乜驚喜小籠包就真係好大個，但係我覺得裏面比較多肥肉，佢地兩個男人就話好正雞扒担担麵都OK，啲拉麵都幾彈牙，辣度亦適中最好味係呢個雲吞担担麵，d白菜雲吞好好味，多菜小肉，啱我口味整體都算OK啦！適合三至四個朋友去，太多人係要分枱坐的，好無癮

之前經過幾次門口都好多人，跟住又裝修，終於可以試下。舖內比較細，但有卡位，座得都好舒服，而環境都好整潔。招牌小籠包係必食，令外當然要叫拉麵，因為廚窗有廚師即場拉麵。還叫了雞絲粉皮，可能是冷盤，好快就到，汁夠味，青瓜脆，粉皮又爽，好得。跟住食拉麵，同想像中一樣，手拉麵真係好好味，麵質煙煙韌韌，有彈性，又夠爽，湯味濃，好配合。最後到主角＂招牌小籠包＂出場，用快子夾起，看見包內勁多汁，咬開時，湯汁又熱又甜，好有肉汁味，不過皮就有D厚身，但可以接受。

每次食上海野都一定會食小籠包 手拉麵呢間既小籠包係我試過咁多間最抵食既！一咬落去滿滿既湯🤤為左要分享呢份滋味 已經拉左勁多朋友去試😂大家都話正！雖然個地理位置唔係好方便 但都值得入去try try！附上肥美小籠包圖一張🤤🤤繼續分享我既熱愛

去開新蒲崗又係時候幫襯依度既小龍包喇lunch time門口企咗好多人等位，一入到去門口店員知我買外賣小龍包就即刻比咗我先拎到返朋友屋企開出嚟仲係熱辣辣皮好薄，薄到可以見到入面啲湯汁！每一粒都好大粒〜一個人食晒成盒都唔會夠〜

吾記得左帶飯盒反工就一定食呢間.必食推介招牌小籠包($40/5隻)8蚊隻仲要超足湯水係邊度揾中午時間通常都要等位地方一眼睇哂.次次都會叫羊肉搶湯拉麵(吾食芫荽，一定要走荽)^_^因爲本人不喜歡.呢間d雞扒仲要係即炸超好食.小食，仲有雞絲粉皮不過40蚊有少少貴-細細碟想飲野可以加$3要杯菜蜜(凍/熱)仲有支裝豆漿(印像係$10/支)

優質嘅小籠包，要做到以下幾點：1. 足料餡靚夠大粒同多汁2. 皮要鎖得住裡面嘅湯汁，唔會一夾就散，但又不能太厚，否則有礙口感香港唔係好多賣小籠包嘅地方做得到以上要點，但呢度做到了。呢度嘅小籠包應該係我食過最大粒嘅，要夾起唔爛唔散唔漏汁幾乎冇難度。一籠五大粒，我有時單拖嚟到就咁叫一客就當一餐，很飽滿。同朋友嚟就會每人叫個拉麵，再分一客小籠包。呢度嘅拉麵係現場手拉，非常有咬口，又係高質之作。真係抵佢每晚都食客滿座。

呢房間小店周日成日見佢排長龍，因為平靚正。周日12點前到已見人龍，好在2個人易搵位，人多要搭抬是常識吧。小籠包有5個，每檯必叫，即叫即做，熱辣辣上，肉味鮮甜爆多汁。蔥爆羊肉炒麵，勁多羊肉，麵也彈牙，只可惜成碟野超鹹，雖則上海人重口味，但師傅重手左。上海雲吞，超大碗！雲吞超大隻！大過乒乓球！鮮甜好味，菜是小棠菜，若用西洋菜或白菜仔會更夾，肉菜比例3:7，非常健康。2個人，$160埋單，超飽好味，難怪周日長人龍。