影片
更多
2019-03-04
462 浏览
今日放假，諗住同太太去試吓呢間好多人講到冇得輸嘅平民上海拉麵店，第一次去就留下唔係太好嘅印象，攪到連相都唔想影 話說今日下午四時多去到，可能唔係食晏時間，一去到等左幾分鐘就有位，坐低先叫左個所謂必食嘅小籠包同叫左個豬扒擔擔麵，見到有幾枱其他食客食緊酸辣雲吞，見個樣幾靚，所以再叫多個酸辣雲呑，知道呢間野啲食物係即叫即製，所以預咗係要等，等左大概15分鐘左右，小籠包到先，一籠有5隻，第一眼望落個樣好正路，但係望真啲唔知係咪我黑仔，5隻小籠包有3隻應該上枱前就已經穿左，得返兩隻仲見到係湯汁飽滿，望住呢籠小籠包，呢一刻心情已經打左個折，到食落去嗰刻，完全冇驚喜不特止，感覺上海3x9仲好食過佢，雖然冇穿嗰隻真係湯汁飽滿同埋都幾有鮮味，但係個肉餡好(嚡)，成個小籠包比個咁(嚡)嘅肉餡扣晒分 跟住到個豬扒擔擔麵嚟到，望落個樣又係好正路，我仲食緊小籠包，所以叫太太先試吓個麵，我望住太太食麵個樣好似有啲唔對路，問佢咩事，太太竟然話個麵係凍嘅，我開始都唔係咁相信，佢食左一啖成碗麵推過嚟話唔想食，冇辦法，佢唔食我唯有自己食啦，食第一啖，碗麵真係凍冰冰嘅，連暖暖地都講唔上，真係凍㗎，個拉麵
話說今日下午四時多去到，可能唔係食晏時間，一去到等左幾分鐘就有位，坐低先叫左個所謂必食嘅小籠包同叫左個豬扒擔擔麵，見到有幾枱其他食客食緊酸辣雲吞，見個樣幾靚，所以再叫多個酸辣雲呑，知道呢間野啲食物係即叫即製，所以預咗係要等，等左大概15分鐘左右，小籠包到先，一籠有5隻，第一眼望落個樣好正路，但係望真啲唔知係咪我黑仔，5隻小籠包有3隻應該上枱前就已經穿左，得返兩隻仲見到係湯汁飽滿，望住呢籠小籠包，呢一刻心情已經打左個折，到食落去嗰刻，完全冇驚喜不特止，感覺上海3x9仲好食過佢，雖然冇穿嗰隻真係湯汁飽滿同埋都幾有鮮味，但係個肉餡好(嚡)，成個小籠包比個咁(嚡)嘅肉餡扣晒分
跟住到個豬扒擔擔麵嚟到，望落個樣又係好正路，我仲食緊小籠包，所以叫太太先試吓個麵，我望住太太食麵個樣好似有啲唔對路，問佢咩事，太太竟然話個麵係凍嘅，我開始都唔係咁相信，佢食左一啖成碗麵推過嚟話唔想食，冇辦法，佢唔食我唯有自己食啦，食第一啖，碗麵真係凍冰冰嘅，連暖暖地都講唔上，真係凍㗎，個拉麵就真係人手拉麵，食落都叫彈牙，但係個擔擔麵湯底就唔係人地講到咁濃郁，花生醬味又唔夠，到件豬扒，幾厚身，咬落有小小乾，有啲(嚡)口，味道可以有底味，但係成碗麵就因為係凍嘅原因，所以又係扣晒分
最後到個酸辣雲呑，由我叫完野開始，等左大概15分鐘個小籠包上枱，之後到擔擔麵上枱，到兩樣野都食完，個酸辣雲呑依然未到，我再望左望附近有兩枱比我還要遲坐低叫野嘅客人，竟然已經喺度食緊酸辣雲呑，我心知我碗雲呑經已漏單，但係因為食完對上兩樣食品之後，已經冇心情追單再等，所以決定埋單走人
總結呢間野本人有少少覺得名不副實，相信唔會再有下一次想去嘅慾望
张贴