手作餃子專門店 (松苑)

营业中

休息中

午餐同朋友去食呢間新開手做餃子店，見好多唔同款餃子可以選擇，所以我哋就分揀左兩個餐，每個餐會有三種不同口味嘅餃子，另外再加咗個上海麵，嚟到冇諗過d餃咁大隻⋯⋯重叫左9隻Tim ,而餃子同湯底冇味精,餃子🥟饀多，不過皮厚，麵就冇咩特別。

星期六晚上想搵無咁熱氣、清清地野食來到杯渡附近搵食見到有間餃子店，寫住旺角有分店就試試餃子款式多好難揀好在佢有什錦餐，所以同朋友叫左個D餐加上海麵羊肉餃真才實料，有羊味，但唔會覺得太so，易入口海鮮餃鮮甜，大大隻蝦鮮肉粟米南瓜好juicy ，因為好多南瓜蓉，好甜食完唔會覺得好肥好油，因為個湯底無味精，淡淡的豬骨味，但花膠味略嫌唔夠多最尾一人一碗糖水紫米露多左少少奶，甜左少少番薯糖水夠薑夠粉但個人諗為入面d芋圓表現一般，太彈牙糖水$26所以下次會再encore 餃子，但糖水就未必了，因為每款糖水都有芋圓在入面呀，我地仲叫左拍青瓜，非常正，好味到唔記得影相

身為一下可以食到40隻餃子既我，有新開餃子店一定會狗沖去試。呢間朋友有介紹過，於是今日去試下去到店外勁多人，嚇一嚇以為要等好耐，原來大家都鐘意買外賣，可能入面環境逼左啲(其實好有祖國味道)。網上講佢湯底有幾正，懷著希望去，味道好淡，可能這就是家的味道佢有什錦餃子餐，個人覺得第一次去試可以去叫個6隻既雜錦試下先，咁下次再去就知道自己最鐘意邊款啦 。雜錦有分ABCD簡，每個都有3款不同既餃子視乎你要6隻定9隻我聽隔離枱係可以叫煎餃。咁香口啲應該正好多。因為我界緊口不能食煎炸野提提大家先飲下個湯，因為你食完濃味餃個湯無唒味啦，皮係幾薄同大隻每個餐都無米線/上海面跟，要另加$8喔不過第一次食覺得米線好硬，可能人太多廚房忙到一頭煙。最令人讚賞既係你叫完野食佢會送你一碟菜莆，其實幾好食仲見到有人問佢拎多碟tim。

男小編自己都幾鍾意食餃子😗最近同朋友見到屯門新開咗一間食餃子嘅鋪頭，於是就走入嚟試下😛呢度一共有12款餃子🥟細個就鍾意食煎餃子，不過食食下又覺得湯餃都幾好味😙(湯係重點嘛!!)#什錦湯餃 ($37 6隻)😋好味指數：(7.5/10)+$8 配米線呢度寫住佢哋嘅湯係淮山花膠豬骨湯，冇味精🤔食落又真係好清淡，又唔係好覺有花膠，之後係天水圍食過間個湯正啲🤷🏻‍♀️另外米線份量就略為少咗啲😣🥟#鮮肉芝士餃第一啖食落去芝士味唔算重，不過食食下就慢慢食得到😗芝士味又唔會太重，所以唔會太搶味😆👍🏻🥟#鮮肉日式紫菜餃一咬落去即刻食到紫菜嘅味道，而且啲紫菜多到成隻餃子都係😙所以食落都唔錯😎🥟#鮮肉冬陰功香辣餃食落去幾多冬陰功湯係裡面😍食落都幾香，而且都唔算好辣🤔所以唔係好食得辣嘅朋友都可以諗下😛🥟#鮮肉白菜餃 ($32 6隻)😋好味指數：(7.5/10)每隻白菜餃都好大隻😎外層塊皮都幾薄身，而且咬落去都好足料😍

餃子是中國北方主食，亦是我最愛的食物之一，喜歡的程度，甚至高於米飯，每餐來十斤八斤，絶不皺眉頭，可能我祖先來自北方吧！因此，不時會在香港，尋找美味的餃子。前段時間，某雜誌介紹了數間，在香港的餃子專門店。手作餃子專門店就是其中之一，本店在太子，一直無緣一試 ，最近在屯門開了分店，女友即時相約去品嚐。由輕鐵站杯渡走去，大約七分鐘。店的門面，有點不起眼。進入店內，新店初開，非常乾淨。店內空間不細，座位雖多，但客人也多，有點迫，幸好我這個胖子，仍可以坐下。餃子專門店，當然以餃子為主，除了一些常規味道，還有一些創意味道，仔細一看，居然還有台式芋圓。因為不想太熱氣，所以選了湯餃。為了試匀多種口味，選擇了什雜餃，可選大細，細有六隻，大有九隻，每碗三種味道。一行四人，要了四碗什雜餃，共十二種味，其中兩碗加八元，加配米線，我沒食，但同行的人認為很粗。上菜速度彼快，很快四碗全部上齊。先試湯，順帶一提，這間店標榜沒添加味精，湯底是准山豬骨老火靚湯，入口清甜，不錯。十二種味道，一一嚐試，最美味的是，鮮肉栗米南瓜餃，鮮肉日式紫菜餃，鮮肉冬蔭功香辣餃，鮮肉栗米香菇，皮薄餡靚，味道有趣。味道正常的有，鮮肉韮菜、鮮肉

我食了3款唔同共6隻餃子，食完值得會再去，每碗會加1小碟菜脯，雖然漏了給我，但落咗菜脯係湯底，會浪費咗個湯底，湯底同屋企煲老火足料靚湯有得輝!餃子足料又大隻，乜乜芝士餃，雖然唔會拉絲真係有芝士香，乜乜紫菜餃比較實dd但紫菜配搭好好味，另一乜乜辣餃，唔太辣，味道都唔差!d餃大隻比較菜多唔會成舊肉，我超鍾意!

好友也轉來了屯門地盤後,常常相約一起吃飯。上次介紹了她吃很好吃的魚湯面之後, 今天到吃她的餃子。翻查後, 此餃子店太子總店位置原來是我最愛的美味餃子店舊舖, 經過也還未試過呢~餐牌我叫了椰菜拼薯仔9隻朋友叫了白菜9隻原來....很大隻!!吃到第七隻時飽到有點後悔雲耳椰菜: 不錯, 但我覺得可以加多一點菜 少一點肉 比例上會更加好吃雞肉薯仔: 薯仔很"溶化" 但味道較淡 不錯白菜: 偷了朋友的一隻白菜 反而她的很好吃!! 菜肉比例得宜湯底: 好像媽媽的感覺總體來說 不錯的午餐選擇 如果2個女仕吃 建議一位6隻一位9隻 哈哈下一次帶盒子買糖水~

呢條街一直都有幾間食肆，但實在唔太起眼，一直都無乜點幫趁過。有晚經過呢邊，見到好多人排係門口，就埋去八掛下，原來呢度開左間新既餃子店，仲有糖水食。今日一條友收工，一於去試下呢間，因為小妹本身都幾鍾意食餃子同飲湯。鋪頭細細，加上午市時間，都幾多人。好彩一丁友好易搵位，即刻有位🤭價錢上黎講算正常價位，款色都幾多，而且有雜錦揀，可以試唔同口味。不過如果可以仼意配搭，再flexible 啲就更好😝揀左A餐九隻，餃子大大隻，好多餡，好飽滿。不過唔知係煮得太耐定太飽滿既關係，白菜餃全部一夾就皮餡分離😨 好彩芹菜同韮菜餃無甘既問題，否則作為一間餃子專門店，啲餃子包到甘既水準真係有好大既進步空間😂另外個湯底比較淡，濃啲既話會更好👍🏻見到當日有好多食客都有催單，可能expect 呢啲好快可以上枱掛？但其實都唔係話等左好耐，只係十分鐘左右，香港人真係太心急啦🙄 好彩員工都好好禮貌，雖然只係岩岩落單無耐都照幫客人催單🙈除左餃子之外，呢度仲有糖水供應，而且有我最愛既芋圓，搵晚再黎試埋個糖水!!

屯門看似餐廳多，但每當要諗去邊度食飯都好煩惱，早排剪頭髮見到呢個位開左手作餃子，搵過話係太子嘅分店。原本想食元氣，人山人海，只好轉呔食餃子。餃子店光猛，兩邊座位坐滿人，飯點搭枱係基本，比起太子店叫做坐得到人。餐牌驟眼睇同太子店差唔多，但仔細睇可見呢度嘅價錢高一點。餃子12款，韭菜、粟米香菇、雲耳椰菜、白菜、羊肉餃等，選擇同餃子屋差不多，分6/9隻，定價$32-46，跟淮山花膠豬骨老火湯。雙拼加兩蚊，煎餃加兩蚊。另有4款三拼餃子組合，亦可加配粉麵。鮮肉白菜餃 $42/9隻鮮肉芝士餃、紫菜餃、冬蔭公香辣餃 $47/9隻湯底同太子一樣，唔會點隔渣，裡面有蘿蔔、葛、肉絲，有人鐘意有人愁啦，我就覺得算幾足料。油份唔高，味道清甜，冇味精感，家常味道，作為欠湯水嘅人，當然覺得可以；不過無任何花膠味。我依然係點白菜餃，餃子大粒 (如果咁都唔叫大粒，我好奇你食開咩餃唷)，食完9粒，飽到上心口入口滑溜，皮唔算厚，折口唔會留好多位，餡料多，唔會壓到死實實，稍稍調味。白菜有莖位，食落夠爽，我鐘意。另外三款中規中矩，芝味唔夠；冬蔭公嗰款好重香茅味，略鹹生意好出貨快，餃子新鮮，食落仲有肉香。菜莆由店員奉上，小碟細

同朋友返屯門食野，本來想食有間車仔麵，點知去到個時發覺隔離新開左間餃子舖，於是本著新屎坑精神試一試。可能因為新開既關係，去到個時都差唔多滿座，但我同朋友兩個都叫搵到位。唔知係咪以家既餃子舖都係咁，呢間既食法同配搭都同我另外食開兩間餃子店好似，都係主打花膠湯底，餐牌都係差唔多款式。但呢間既餃子就多D款揀，我同朋友叫左什錦B同什錦C各6隻，再每款交換一隻，就可以試齊六隻味啦。餃子唔算大粒，加上包得唔實，未食已經散左，湯底黎講唔夠味，好普通。左上：鮮肉日式紫菜餃右上：鮮肉芝士餃左下：鮮肉雲耳椰菜餃右下：雞肉薯仔餃味道唔算話好好食，但可以接受。價錢比出面黎講唔算平。只係會話，唔會特登再去食多次呢間店，除非行開附近想食餃子會去食。

個人好鍾意食水餃，近日屯門開左呢間手作餃子專門店，店面成日好多人要等好耐，即刻引起我的注意!水餃有好多特別的選擇，亦偏大隻，女孩子吃6只都夠飽。招牌以老火湯作底，淮山花膠豬骨老火湯，真材實料，飲完感覺真係好温暖有回到家的感覺

消除monday blue, 再訪太子搵食，上次經過餃子舖係排晒長龍，今次早到就啱啱好坐到最後兩個位✌️舖仔細細，廿個位唔到，老舖無乜裝修，但都算乾淨👍 最入面既姨姨停包餃子，成晚都不停有人買生餃外賣😮嗌咗個湯雜餃10隻，一份10隻煎羊餃，再加多個靚湯🌠一黎上個花膠淮山豬骨湯，好飲無味精，有蘿白家庭式味道；但一黎湯餃就知柒咗，原來係用同一個湯底😓😓 而雜餃韭菜，粟米香菇，雲耳椰菜，香芹，白菜餃，係老火湯襯底下，個人top pick 係香芹，好爽口，菜肉平衡又好👍 湯餃既味道係高水準住家feel, 塞滿饀又夠實淨，點埋佢個香辣椒醬👏👏至於煎既羊肉餃🐏🐐🐑，上枱已經見到金黃色，咬落脆皮，咬穿就成陣羊羶味連肉汁爆出黎，炸餃乾身啲，加番醋或者辣醬會好少少最後埋單兩個人一百蚊左右，抵食無味精，住家味道，發現好多單身男士都係個度開飯😆😆

以前經常幫襯太子店，好鐘意佢個芝士餃同南瓜餃，知道屯門開之後，滿心歡喜去買生餃，但點解要貴d呀 羊肉餃太子店44而家屯門店變到48，而且無得送多2隻，48蚊一打呢個價位係咁多間餃子店之中真心貴呢，而其他餃都一樣，全部都比太子總店貴，唔通屯門鋪租會貴過太子？不過講到尾我都係比較喜歡堂食，因為生餃要返去煮好耐先會熟，同埋堂食可以飲媽媽煲嘅湯，哈哈哈，時間唔許可就唯有買生餃囉，不過如果價錢調整返，相信我會日日都買

突然想食餃子去左屯門市中心個邊食⋯⋯一睇餐牌，有啲似荃灣餃子屋，都係主打老火靚湯 湯底。一樣可以加麵或米線不過餃子餡料都多，個包得較為鬆散。湯底一般，無乜隔渣，真材實料！總括⋯⋯我都係鍾意荃灣餃子屋

屯門新墟又開左間餃子舖，上網查下知道係太子一間老字號開設既分店!平時超愛天水圍一間餃子舖，都係主打無味精湯底，餃子大大粒，又好味！所以見到屯門開左間又係主打無味精湯底既餃子舖，短時間已去左兩次第一次，見到湯底有d失望，唔係奶白色既？但飲落都算唔錯，有媽媽煲既湯既味道～但可唔可以唔好為左強調自己用豬骨煲，所以放d豬骨係我碗野度呢？但餃子真係唔錯，點左個粟米冬菇餃，大大粒，脹卜卜。整體真係唔錯~第二次帶埋愛人黎食，點解差左既！？個日我地叫左個九菜餃同椰菜木耳湯餃。湯底冇變，但餃子唔再係脹卜卜，我既椰菜木耳餃唔夠肉，所以散修修咁只係一個星期就差左，真係唔知係因為少左料，定係唔同餃子。但我都會試多次，下次試返粟米餃，睇下會唔會好返d先～