手作餃子專門店 (松苑)

营业中

休息中

屯門呢間餃子店，一路以來都好多人幫襯。佢嘅裝修雖然簡單，但係餃子係侍應全人手包嘅，而且湯底係用蘿蔔豬肉煲，聲稱冇味精。今日試咗set b , 六隻餃子。餃子味道清清地，大大隻，一個女仔食六隻都飽。而且$40有一碗餃子，非常抵食。

📍 手作餃子專門店-屯門什錦湯餃C 6隻 $41鮮肉芝士餃x2 芝士味濃鮮肉日式紫菜餃x2 以為紫菜配咩都好食 餃子可能未必鮮肉冬蔭功香辣餃x2 辣味一般 冬蔭功？ 還好～女仔黎講 食6粒咁足餡料的餃子同餅埋個湯已經好飽湯底係無味精淮山花膠豬骨老火靚湯 湯味濃湯料紅蘿蔔超淋 幾入味其實細細個跟住媽媽喺太子分店食過我睇翻資料先知～ 咁如果計太子分店黎講都算得上老字號〰️第二次去的時候里啱下午茶時間 食左個小伏的餐🤣重慶酸辣麵 配 豆漿 $35辣椒（唔辣但香果種）、青瓜、肉碎、芫茜 食落勁泰式 真係中伏😵‍💫湯底我估佢都係用同一個湯底做 但今次飲番個湯就無咩味 可能d 料蓋過左個湯底所以完全唔建議食如果去記得叫餃子好了😌係我自己貪得意想試————————————————————————＜全自費 真實評價＞————————————————————————📍 手作餃子專門店屯門德政圍29號松苑地舖⭐️人均消費: $30-60💡 下午茶：1430-1730————————————————————————#katfoodiesnap #美食分享 #美食記錄 #香港美食 #Hkfoodie #fo

幫襯好耐，餃子一路都款式多多，味道唔錯，湯底都好好味道；但係今日真係好失望，一打開份涼拌豬耳，即刻想嘔！廚房唔會check下先出品？成舊豬毛，十分影響食慾！真心希望改善！

同事介紹嘅一間餃子專門店，原來係屯門都幾出名，去過2次，分別食過湯餃同煎餃，2種食法都幾好味，但煎餃就略為油左啲。🍽淮山花膠豬骨老火靚湯+上海麵+鮮肉芝士餃🥟老火湯真材實料，飲得出無味精。煎餃煎到卜卜脆，美同不足就係略為油左啲。但完全想像唔到芝士同餃子咁match 😍芝士融入左豬肉入面但仍有芝士嘅香味，正！🍽酸辣土豆絲保留到土豆絲應有嘅爽脆，不過不失，無特別🤣——————————————————餐廳都經常滿座，2次都係坐近門口位，餐廳唔係自動門，所以客人出出入入冇關門會走冷氣，就感到好熱。

餐廳環境一般，木櫈坐落好硬，有d亦只提供一般冇椅背的膠櫈。餃子唔知係咪即叫即整，落完單都要等10分鐘先上菜。餃子皮係屬於有咬口那種，餃子餡不算多。我叫左3款餃子，鮮肉雲耳椰菜餃鮮肉粟米香菇餃雞肉薯仔餃三款餃子的食材都切得比較大粒，肉亦都唔似係免治豬肉，餃子饀包得很鬆散，夾開就散。鮮肉粟米香菇餃的冬菇味比較突出可以收貨。雞肉薯仔餃子竟然是勁大舊雞肉連埋薯仔粒和少許紅蘿蔔，味道一D都唔夾。主打的豬骨紅蘿蔔湯，飲真d係微微帶酸的。呢間餐廳真的不會再回頭了。

買左一碗九隻韮菜湯餃，雖然每隻都好大隻，但皮又厚，豬肉食到幾隻都有碎骨都唔緊要，韮菜係完全無味，正常韮菜應該有獨特的香味。湯底普通，是正常的豬骨紅蘿蔔湯，食店應多加改進一下！

什錦湯餃B (9隻) + 米線 $56🔹鮮肉雲耳椰菜餃餃子皮帶有一點煙韌 不錯椰菜和鮮肉的調味剛好 不鹹不淡 但略嫌內餡有一點點油 對於我這個喜歡低油的人來說 可以更健康啦推薦程度:7/10🔹鮮肉粟米香菇餃這個是三種餃子當中 我最喜歡的鮮肉的鹹和粟米的甜混合的很好 粟米飽滿清甜 而且有挺多粟米的 不錯不錯推薦程度:7.5/10🔹雞肉薯仔餃這個感覺在吃雞肉炖薯仔的淡口味的版本 一咬下去就是薯仔的口感 切成一丁丁的薯仔軟軟糯糯 雞肉的味道不濃 比較一般吧推薦程度:5.5/10🔹淮山花膠豬骨老火湯湯底不錯 比較清淡健康 喝得出來沒放味精 不會喝完感覺很口渴 整碗湯充滿着紅蘿蔔的清甜 作為湯底真的很好了米線很爽口 肯定是剛煮好的 不會變成軟爛的口感推薦程度:7.5/10

最喜歡吃煎餃子，雖然也喜歡湯餃那湯.....點了雜錦餃子A餐$47，湯餃轉煎餃+$2。韮菜餃，小時候不太會吃，會吐出來，長大後突然學會欣賞它，韭菜那獨特的香味。白菜餃，咬起來很爽口，充滿的水份，不會乾巴巴的。香芹餃，切得細細的，香芹獨特的味道，偶爾吃一吃，不錯。

平時好鐘意食餃子，有朋友介紹呢間小店所以黎試下🤤。門口見到貼左好多同明星影既相😂，覺得啲餃子應該唔錯，傳統既街坊舖頭仔咁。入去舖頭裝修就好簡單，坐位都算多，入面見到有👩🏻‍🦱係到即刻包緊餃子。Menu都幾多款式揀，仲有小食同芋圓。最尾揀左個雙拼鮮肉雲耳椰菜餃同鮮肉白菜餃。🔅雙拼9隻餃子 ($48)湯幾鮮甜，飲得出係老火湯無味精👍🏻。餃子都幾大隻，好足料。餃子皮唔厚，所以有一兩隻太足料穿左🤣。白菜餃既菜切得比較大粒，大小不一，食落有口感啲。椰菜斂加埋雲耳就有少少爽口，加埋椰菜都幾甜。雙拼9隻就是但有一款多左隻😂💬屋企附近都無咩呢啲餃子店，餃子控既我都算食得滿足，$5左右一隻咁足料既都抵食既👍🏻。

今次嚟到手作餃子店，試多左幾款口味。平時食開南瓜餃子，今次仲叫咗韭菜餃子同埋冬陰功味餃子。呢個係南瓜餃子，一咬開就啖啖南瓜蓉。呢個係韭菜餃子，韭菜同豬肉份量好平均。今次試呢款冬陰功餃子，食落去出奇地好味，真係好重冬陰功湯味，但係就同餃子皮有啲唔夾，不過貪新鮮嘅絕對可以試吓。

開頭見到個餐牌覺得餃子嘅餡料怪怪地叫咗一個B：鮮肉雲耳椰菜餃、鮮肉粟米香菇餃、雞肉薯仔餃$48 九隻，每款三隻，先頭以為雞肉薯仔餃唔好食，點知原來係最好食，其實三款味道都唔錯的，只是薯仔餃較特別，同埋都好飽肚另外再叫了$36 六隻白菜餃，呢個味道都好好食呢碟麻辣薯絲好正，辣辣地，好惹味兩款糖水都唔錯呢間小店的確好味

我一向都好鍾意食餃子，可以一次過食很多，知道屯門有一家餃子店有很多口味可以選擇！星期六的下午茶時間剛剛好有位子，座位有一點擠不過可以接受的，因為我們想試多些餃子味道，所以叫了什錦湯餃，而且湯底是淮山花膠豬骨老火靚湯，餃子方面我們可以試六種口味，分別是：鮮肉韭菜餃、鮮肉白菜餃、鮮肉香芹餃、鮮肉芝士餃、鮮肉日式紫菜餃、鮮肉冬蔭公香辣餃！湯底好老火湯完全冇味精感覺，而且啲餃子好飽滿好大隻，味道款款都唔錯啊！另外叫咗支自製清熱潤喉羅漢果茶，又真係好清熱又唔太甜，爽👍🏻俾錢時仲同收銀講話啲餃子好好味，佢都好開心呀！

好耐冇經過呢邊，見到呢間手作餃子專門店，試吓好唔好食先試咗幾款餃子鮮肉芝士餃～幾特別，好味道鮮肉日式紫菜餃～紫菜味好香鮮肉冬蔭功香辣餃～唔會好辣，但味道一般+$8 可以加麵湯底仲有幾件紅蘿蔔，唔會好重味精

這間水餃店湯底是淮山花膠豬骨老火靚湯，雖然乍看之下，湯底看不出有什麼花樣，但感覺都不是味精湯，可以整碗湯乾了。$37 有三款水餃，每款2隻，隻隻飽滿，材料新鮮，味道偏淡。之前試過店裡人太多的時候，廚房會混淆了餃子的款式，下單的與上菜的不同。食過幾次，覺得最穩陣的是白菜豬肉餃、韮菜豬肉餃和芹菜豬肉餃來這間店最喜歡吃的不是水餃，而是肉鬆皮蛋豆腐，有肉鬆甜甜啲、少少咸的醬油、又帶有少許辣醬，開胃好味！不過相對於餃子，價錢偏高。

今日行過，見下午茶時間都幾多人，就入去試下。入邊座位係簡單既布局，門面都睇得出係做街坊生意。檯面乾淨企理，擺住餐具，醬料，餐牌。下午茶，三十幾蚊有餃子4粒加麵或米線，跟豆漿/羅漢果茶或油菜。點左韭菜餃米線，飲凍豆漿，$33茶餐。份量係普通下午茶咁，食完唔算好飽。餃子睇落係幾飽滿。咬落係充滿韭菜粒，青綠搶眼幾新鮮。米線軟硬度剛好，個湯底飲落幾清甜，無味精，不過略嫌淡左少少。可能係我自己比較重口味。所以後尾就落左些菜脯碎同辣椒醬調下味。整體來說，我覺得味道一般般，稱唔上好食。不過$33同附近比較下，價錢算係平。最後，無咩特別、唔會想特意來食餃子。