扇火鍋

营业中

休息中

冬天吃雪糕 夏天打邊爐這是一項非常反智的行為但我是飛蛾愛撲火這天放假難得睡到自然醒太陽曬屁股才睡眼惺忪起床摸摸扁平的肚子 鼓鼓地叫了起來馬上致電友人湊飯腳朋友下班後在觀塘附近「hea」我只好前去會合他近年觀塘實在有太多新餐廳進駐兜兜轉轉了一陣子 最終用擲硬幣的方式篩選出這一間店比想像中小由於是三點的關係 客人不多也幸好不多 我們二人才得以坐四人枱 舒適方便不知何故不太喜歡吃肥牛所以我只點選定量套餐肥牛只選取最低級別旨因我不愛吃肥牛 顏色看著新鮮也切得夠薄 下水燙幾下就可以吃了不過熟了的肉帶點顆粒感 看著有點噁心 味道就正常其他配料和飲料都是任飲任吃的不過限時六十分鐘要吃飽不難 但就不能久坐聊天了任吃的菜式以六十八元來說算是相當豐富有丸類 瓜類 菜類及粉麵飯唯一的熟食（除了飯）非常入味軟腍 紅蘿蔔有點偏咸自製醬料區 都是些基本款式試了圖中的食物無一不討好丸類是不過不失的質素個人最愛墨魚丸 彈牙紮實 唯獨沒有摻雜一些墨魚肉碎 欠缺一些「嚼口」我對蔬菜類評價甚高首先菜類葉子翠綠 菇菌類新鮮爽口值得一提的是南瓜 厚度適中 易熟又不會容易「滾爛」甜點的選擇不多 只有啫哩和雪糕可以自行DIY雪糕

食飯前一天打電話去訂了7:30，當天7:29分到，門口職員表示我過了時，我再三確認後才承認睇錯，之後等了15分鐘了沒有位，再問才說要重新等位，那我打電話訂枱有什麼意義，這次沒有幫襯，以後也不會

Lunch time打邊爐會唔會好過分？時間方面係趕左啲，不過好爽啊！係有限時間內可點無限咁多靚牛肉(脂肪比例上較少、肉較多，健康啲）、豚肉，自助任拎丸同菜（雖然款式不多🙈但都算新鮮）壽喜燒湯底都幾甜、啲菜吸收左湯嘅甜味都變得特別好食。而雪糕得半溶嘅frozen yogurt。不過呢度勝在連罐裝飲品（啤酒氣水）都任飲！爽！本來完美的一餐，俾需要努力改善服務質素的侍應破壞，時間剩15分鐘時已經拎帳單來催埋單，每隔幾分鐘就催我地走，眼見冇人等位，我地又已經熄左爐，其實係咪唔使催得咁「行」呢，怪不得lunch time都唔full 啦⋯⋯😪

今晚我們去咗觀塘亞太中心嘅「扇火鍋」食晚市火鍋放題！因為他們係一人一鍋，所以湯底我們叫咗袪寒暖胃鍋、美人豆乳鍋、意大利蕃茄鍋同豚肉鍋！我們選擇咗上級牛肉火鍋套餐：有牛肉、豚梅肉同豚腩片！袪寒暖胃鍋麻辣嘅味道好惹味醒胃！美人豆乳鍋嘅味道好清香！意大利蕃茄鍋嘅味道好鮮甜濃郁！豚肉鍋嘅味道好香滑濃郁！牛肉嘅色澤好紅潤，肉質好嫩滑，肉味亦好香濃！豚梅肉嘅肉質好鬆軟！豚腩片嘅肉質好爽滑彈牙！其他火鍋配料都幾多同處理得相當乾淨衛生！店員嘅服務非常親切有禮，會不斷問我們要唔要添加肉，值得一讚！

今日本來想去其他餐廳 但係難得路過扇唔洗等位 一家要去食因為午餐一小時火鍋只係$68 任食$98 同平時係其他地方食野差唔多$68只係包一碟牛 肥仔肥妹咁大食 梗係叫$98!!!!有塊板係到隔住隔離位 2個人食午餐都覺好有私人空間一叫完個湯底 牛肉同豬肉都已經即刻到 效率好高牛肉都幾新鮮 不過都幾多肥肉牛肉切得好簿身 一放落湯底就已經熟食落口感都ok可以任夾其他火鍋料 最中意食金菇同皇帝菜火鍋材料都幾新鮮 加埋壽喜燒湯底 甜甜地 真係食到停唔到口真係好滿足既午餐 $98就食到好多想食既野雖然只係一小時火鍋 但都唔會太趕 因為店員效率好高 服務好快 午餐既唔錯選擇

某日行經此店，小妹平生雖不愛限時飲食，仲得90分鐘，但見日本產黑毛和牛 shabu 便決心和蝦子餅來試試！ 是晚星期日熱鬧非常， 人頭湧湧... 好在早幾日前已訂位。 未入座門外服務員已著我們選定火鍋湯底，一人一爐，我們選了蕃茄濃湯及豬骨湯底。前者較味濃，後者完全嘗不到豬骨味。 90分鐘任飲任食，在自助吧有不少火鍋配料，蘿白、多款蔬菜、粉絲、雜丸、烏冬、沙拉、鮮冬菇、公仔麵等等。很快服務員便送上一碟碟的火鍋料，包括海鮮、蝦丸、云吞、豬腩片、牛舌...當然還有主角日產黑毛和牛(任食)。牛肉吃了2 Round 已被K.O.。整體來說，任飲任食這個收費不算貴，日產牛 油花尚算合格，肉味不濃，肉質不夠冧滑，當然這收費別妄想是A4啊！服務方面也算不錯，人手不算多但他們密密手，相當勤快。"安哥"牛肉上檯也很快，愛食肉朋友可以一試！

又有人last day, 成team人去左公司附近打邊爐。好彩一早book左位，dinner time都幾full。9點後入座仲有88折。由於有老闆請，大家盡情叫，所以叫左最貴果隻日本黑毛和牛放題每人＄278啲牛有料到wor，色澤紅潤，油脂均勻，好薄。不過唔係好有牛味仲有牛舌叫，但係好韌，難咬。最鐘意甜甜的sukiyaki湯底加埋一大碟豆卜，索晒個湯放入口，好正飲品任拎，有香港vlt，無得輸。overall如果唔係有老闆請唔會叫咁貴，以呢個價錢應該有質素好d既牛。

午餐打邊爐，就梗係要來呢度啦！ 今日星期三，唔會咁難book位。book左12:45，去到就入得。揀左最愛蕃茄湯底，揀埋定食肉(豬/牛)，就去攞野食囉！ 之前試過壽喜燒鍋，太甜喇 攞醬料嗰度排晒長龍，我就走去攞野食先。丸類有墨丸 ，芝士丸 ，，魚旦，夾心丸，獅子狗，蟹柳丸。蔬菜有柔麥菜，生菜，翠肉瓜，南瓜，蕃茄，小唐菜，紹菜，白蘿蔔 ，冬瓜 。仲有雞脾菇，冬菇，豆卜，海帶 ，腸仔，即食麵，薯粉，烏冬，金菇，豆腐等。。。返到位，定食肉已到，樣子好新鮮。我叫左豬肉，五花腩的樣子半肥瘦，煮熟左都唔'鞋' 同事食牛，好紅，好ling。應該都幾正。我地揀的係68蚊的定食。自選食物區，我地encore左3round。材料好新鮮，而且加湯係加返蕃茄湯，而唔係加水，好濃，好正一個鐘限時，食得有啲趕。食到最後12分鐘，同事衝去拎乳酪雪糕。有好多topping可以揀。其實店內仲有咖哩飯食，但我地梗係主攻打邊爐的食品啦！另一抵讚係有好多不同飲品任飲，10款以上丫，jolly sandy, 韓式汽水都有。傳統的可樂，忌廉，7-up，綠茶，烏龍茶唔少得。仲有啤酒，冬瓜茶，黑糖薑茶等。。。 所

世上已經無任何事可以阻上我班同事打邊爐!事關我地已經第2個星期既team lunch黎呢間野打邊爐，無錯係lunch，十幾人黎食一個鐘快邊爐@@$108可以任食90分鐘，當然都係每人一碟牛$68定$78既選擇，但對於瘋狂食牛既同事黎講，點都要食$108啦! 牛肉黎講都算中上既，唔會太瘦軔到咬唔開，亦唔會太肥食到成鍋油咁，不過略嫌牛肉有啲薄，一塊食落口好似無食過野咁哈哈!至於菜既選擇都好多下，因為佢有好多菇類包括金菇，其他好多任食係唔會有金菇的! 仲有南瓜同冬瓜都好甜@@ 仲有樣幾好既係佢既飲品種類好多，連汽水都係罐裝既，仲有檸檬茶同烏龍茶，同韓國仔忌廉鮮奶，全部任飲真係不得之了啊!

選了最便宜的$158火鍋。一堆配菜，看上去都滿新鮮，可惜沒有粟米。任飲的飲料櫃，超多種類，夠凍~~~!!!不過，火鍋配冰冷的可樂才是王道咖哩牛肉，白飯，飯是珍惜米，不過應該由中午焗到晚上，部份有點乾硬。。火鍋煮好肥牛，配這咖哩汁也是一種不錯的吃法。~~~總結：肥牛有點鞋，湯有點淡。豬肉不錯，汁料也不錯。90分鐘時間約50分鐘左右我們一停手，服務員已經全部東西收走，感覺像趕客一樣。。(好吧，買單走人)

次次去親隔離Pepper Lunch都會聞到好香火鍋味傳出黎，終於約到朋友試呢間火鍋放題午市17:30前入座，$98-$198(+10%)不等，叫左個上級牛肉火鍋套餐($118+10%)，湯底六選一，揀左豬骨湯，味道稍為清淡左少少，唔夠濃，食物質素亦一般😟但衛生好好，而且枱與枱之間有木板間隔，私隱度高不過時間實在太少，60分鐘，連啫喱同乳酪雪糕都食唔到，枱上面啲野都未食完就要埋單走人遲多少少都比人催到褲甩一係加錢留喺度，一係比人趕要我食得咁辛苦，我去吉野家食算啦…

食左第六次！由168位食到今次食238首先168嗰次已經覺得ok~所以keep住上完堂都黎呢間encore~~今次食係超滿足！牛肉係無渣同牛味牛舌都好好食！配料方面菜夠新鮮！墨魚丸又好香芝士餅都好值得推介！下次黎一定會繼續keep住upgrade~~希望有驚喜~~

第二次食呢間火鍋今次好食好多可能係湯底今次係豬骨湯叫左168個餐其實都吾知同158有咩分別XD 心理上係好d掛~~今次既牛好味左不過反而我欣賞係食菜~~油麥菜同生菜都好新鮮同甜！蘿蔔又甜~~變左食蔬菜鍋~~最後食左杯雪糕！大滿足！

同呀媽補祝媽媽節，老豆比錢梗係食個高級啲嘅肉，原來呢個價錢係包埋牛舌，不過牛舌都係係鐵板燒開心啲，始終淥都係唔夠香口！一人一鍋，今次我就揀返基本又穩陣嘅豬骨，啲黑毛和牛就真係FIT同埋好大碟，碟碟都KEEP住水準，脂肪同肉嘅比例岩岩好，當然一放入口唔會話誇張到入口即融，但係好非常之淋，野飲方面上次嚟食嘅時候好似有另一款檸茶，今次得返維他，有啲失望，始終打邊爐唔係好想食啲咁多氣嘅野頂住個肚，最後食埋雪糕就完啦！今次都算係幾滿足!!!

係觀塘返工，平日lunch閒閒地都60 一位。而扇火鍋最平的LUNCH SET就68/位任食任飲，加埋一都係75位，如果食好少少$100 左右都攪惦，同區黎講都叫做合理。今次因為老細請賀同事生日，所以食和牛放題任食60分鐘食火鍋趕左少少，但係都食得好飽!如多番15分鐘就啱啱好我食得清D，會選豆乳湯。其他湯都是清湯、豬骨湯等等先講任食肉類，和牛係多花紋，加埋豚肉，肥瘦度剛好所以一分錢一分貨，比之前食上級牛肉好味我比較欣賞佢 BUFFET 枱，新鮮又整齊!D丸都唔係CHEAP 那些，仲有日本粉絲、海帶結，拉面，都幾正宗日本感覺!其他料都有差唔多廿款!飲品方面，唔係汽水機，全部罐裝，有我最愛的樂天同道地，仲要任飲!值得一提，1人1 火鍋同中間隔住塊板，感覺衞生同私隱度高!食完火鍋，仲可急急腳食番杯乳酪，呵呵!雖然都幾旺場，但係侍應都招呼唔錯，收野同加湯都好快! 不過 都會催下你LAST ORDER同埋單!冇計啦!仲有咁多人等!