扇火鍋

营业中

休息中

聖誕節，天氣又凍凍地，男友就帶我近近地去觀塘打邊爐，過一個暖粒粒嘅聖誕。雖然見到評價好壞參半，但係我哋食完又覺得OK喎！聖誕梗係要食好啲啦，今次我哋就叫左一個冬戀美鍋放題套餐。（每人$329）可以食90分鐘。價錢雖然有少少貴，但係食完之後，都覺得值得嘅！因為和牛！係和牛呀😍😍😍雖然都可以叫其他肉類，但係我哋梗係encore 和牛啦！😏湯底預設左係濃厚雞白湯，職員有禮貌咁提示我哋一定要飲咗湯先好打邊爐！雞件好滑，湯底好滑甜。到重點喇！和牛好似紙咁薄！煮5秒就食得！真係入口即溶啊， 仲有好鮮嘅牛肉味！超好食！我哋encore左三盤！每一盤質素都一樣咁高👍🏻👍🏻👍🏻呢樣野值得讚嘅！牛舌、豬肉都一樣新鮮呢！套餐中包一個蔬菜拼盤，真係好豐富，我哋都唔使點樣出去自己攞嘢食😂😂（呢樣野好，等我哋可以慳返啲時間食和牛回本😂😂😂）底層有有皇帝菜、白菜等等。份量超多！雞滑比較爽口，都幾特別～食食吓當然都有去出面拎下麵呀菇呀咁，都好多選擇。熟食有咖喱飯。另外仲有飲品同乳酪雪糕添！套餐包水信玄餅，每人一份。配上黃豆粉及黑蜜，甜度恰好，水信玄餅好滑，整體味道唔錯👍🏻雖然只係食咗90分鐘， 但係已經非常之滿足😍

難得放假，天寒地冷同屋企人打邊爐溫暖一下。第一次黎到亞太中心既扇火鍋,夜晚已經全場爆晒~叫左個冬日美戀火鍋,成人$329一位，係冬天限定的set可以任食和牛肉，日本，澳洲入口既唔同肉，仲有豬肉。最好食既係和牛，切得薄又入口即融，又新鮮~口感十足。跟SET會包埋蔬菜SET,乜都有D仲有雞滑。蔬菜火鍋配料任食，菜，雞肉，丸，粟米鳥冬等既配料咩都有。仲有飯，雪糕等等，好吸引。湯底係濃厚雞白湯，自家制既雞湯非常乳白，又有骨膠原，非常補。牛肉吸晒湯的精華。飲品有好多選擇，果汁茶汽水乜都有。呢餐食左唔少牛肉,非常盡興~

今天經朋友推介來試這家火鍋，味道不錯，特別推介牛舌，比其他牛類的質素都要優勝，樓面的侍應也相當勤快，但負責帶客入座的員工態度實在需要很大改善，一直催促要人入座，但我們已經在三強調先等齊朋友，又不需要等位不知是在急什麼，如不是不想再移步別的餐廳，否則我們絕不想進去受氣。想坐一人一鍋的座位，我們說可以等候，但這位員工卻一直強調不能安排，但進餐廳後卻發現不久後都已經有幾張空的桌子，連後來收餐牌，也像喝令客人似的，雖然食物是可以，但因為這位員工一臉不友善加不禮貌的態度，請恕沒下次了。

今日臨時臨急 同 媽媽去搵食咁嘅環境媽媽話事， 佢話要食shabu shabu咁我哋就揀咗呢試一試佢吾洗等就入得啦入到去個環境都可以，都坐得好舒服服務員都好有禮貌，揀咗美國牛肉放題個牛肉真係OK嘅有雪糕同沙律都係我like既😝其實佢有幾個價錢俾你選擇可以揀一個平啲嘅比一般Shabu shabu 出色蔬菜任攞 甜品雪糕仲有牛肉 新鮮有牛味 比出面一般嘅放題好食 豬肉略嫌鞋咗少少！蔬菜選擇亦都有好多！丸嘅種類亦都比出面嘅放題多！overall嚟講 200蚊一位 我覺得算係物超所值！飲品亦都係任飲

今日友人推薦，與家人共赴，提供：一大鍋或一人一鍋之選擇。揀選： 特級牛肉，豬肉任叫任食套餐＄178，一人一鍋，可以各式其式！牛肉及豬肉，品質頗佳蔬菜： 種類不少，萵筍味美瓜類： 冬瓜，南瓜菇類： 金菇， 冬菇，蟲草花咖喱牛腩飯，自己調較，咖喱味濃厚，混合熱辣辣輭滑的白飯，勁好味!飲品多選擇，夠凍，陣容強勁，除汽水，有shandy，荔枝汁，北海道牛奶..自助軟雪糕或雪芭，牛奶味濃，好好味招呼也不錯，值得再去！

又抵又好食！ 不過就糸選擇太少囉 麻辣湯底就最正 又任飲任食 會食上癮 暫時黎講 日日食都未厭 不過有樣野就糸 有啲員工既態度真糸差到五得囉 雪糕糸好味既 飲品又夠凍 最鍾意飲佢罐荔枝！

本人第一次寫食評、亦希望寫一次就夠了、寫既原因係此店實在太搵笨所以點都要寫。話說一開始叫了澳洲產和牛、但為了想試下日本和牛關係就升級了、點知來了不明來歷既垃圾牛係度扮和牛😩莫講話部位問題、單係味道已經唔係日本產。我是日本料理師傅加上曾在和牛專門店工作、所以各位想食和牛就唔好黎啦、真係會食到成肚氣加上一定會上黎寫負評兩個人埋單614真係賺到你間店呵呵笑囉

星期日突然間興起，想吃日式火鍋，早一小時致電訂枱，居然比我地成功訂枱，免卻等候的煩惱。第一次來扇火鍋，揀了澳洲上級長期穀飼牛($208+10%)，比起一般的日式火鍋放題有驚喜，牛肉質素較高檔，最愛薄切牛舌揀了壽喜燒鍋底，味道不錯，但可以再濃一點。醬汁方面，揀了酸汁，可惜，只有酸味，不及之前去牛XX提供的柚子醬汁，柚子味道清新＋少許帶酸，讓人有醒胃的感覺飲品方面，選擇很多，我至愛烏龍茶，貪其沒有糖粉，孩子揀Milkis。甜品方面，最愛吃其綠茶雪糕，如果有花生碎、果仁碎會更好。

星期五又係去覓食嘅日子，今次出到黎觀塘突然想打邊爐，去到Apm間日式打邊爐又好多人等位，所以轉戰呢度。我地叫左179嘅set, 我地有三個人所以可以揀3個湯底，揀左豬骨，清湯同壽喜燒。同其他日式打邊爐一樣有配料任食，但眼見有好多烏英仔係食物上飛黎飛去，特別係近門口嘅魚柳同洋蔥....有點嘔心三個湯底都好淡味，同用滾水打邊爐冇分別...味道只可靠豉油調味..肉類都算ok，牛肉唔會太差，肥瘦剛好，豬肉亦都唔會好鞋。飲品都係有一般嘅罐裝飲品，仲有啫喱同雪糕，topping 係cereal 同朱古力針、但雪糕較水。服務算可以，但如果乾淨d就更好。

🍍晚市90分鐘日式火鍋放題🥘🇦🇺澳洲長期榖飼牛 $189+10%觀塘區嚟講扇火鍋都算幾出名，全因拒平、靚、正‼️-最平只喺$159+10%👏🏻今次試左🇦🇺澳洲長期穀飼牛，其實喺唔喺都長期榖飼架啦🤣湯底平時通常揀豬骨湯或者🍅番茄湯。講返碟肉，入口幾嫩滑，有牛油香但唔算好勁，之後嚟幾碟都好靚仔，落咗柯打碟肉就好快送到嚟，出面配料正正常常，最特別既係有蟲草花，🍦乳酪同啫喱就一般般喇！

細佬牛一話要食任飲任食火鍋，咁啱記得亞太中心有得食，於是近近地去食餐生日飯。呢度同其他日式火鍋店差唔多，都係有唔同價位嘅肉類可選，仲可以一人一鍋添。我地揀左$169一人嘅上級牛肉任食。今次湯底揀左豆乳湯同新出嘅夏鍋。細佬話夏鍋好清，無咩味喎，豆乳湯都無特別，都係鍾意壽喜燒多啲。上級牛肉質都ok，有牛味又唔會鞋，豚肉不過不失喇。其他任攞配料都係大同小異，無邊款係特別鍾意。臨走前，仲攞咗杯乳酪雪糕食，酸酸地，可以消吓滯。

今天老公好想狂吃牛，而我又不想去太遠，所以選了屋企附近，在亞太中心2樓205號舖的<扇火鍋>開餐。內裡環境算不錯，有小木板間開每枱食客，私隱度都算幾高。我們選了$168元的任食火鍋，配豚骨湯底。很快便有豚肉和牛肉送到，質素算是ok，不過不失，當然百多元的90分鐘任食放題不能期望高。野飲選擇都算幾正常和多，這個值的一讚而牛肉和豚肉以外的火鍋配料就自助形式，多數是蔬菜類同丸類及麵類。其實種類選擇都不小！醬料亦要自己出去添加，基本的蒜，蔥，辣椒等都齊全，不錯不錯其實都不是第一次光臨扇火鍋，一來是地點方便，重點是有很多蔬菜，既可以滿足食肉獸老公對豚肉和牛肉的狂吃願望，亦可以照顧到比較喜歡食蔬菜的我。連加一都是3百多元埋單，絕對性價比高

由於有新同事加入我哋公司已有一個月, 老闆亦非常有人情味地話請大家食番一餐,admin同事早在觀塘這店-扇火鍋已訂位.於是我地一行5人,揀左60分鐘自助午餐一人一鍋,自選湯底,定量(新鮮肉類一份),日式火鍋每位69元另加一服務費.中午1時準時到達,我揀左壽喜燒湯底後, 便到自助吧取自己心水食材,真的麻雀雖小,但五臟俱全. 午餐可以食咁飽,又咁多款式揀, 仲有雪糕乳酪甜品,亦只不過是69元, 正常在APM美食廣場任叫一碗湯面都要60-70元啦,我認為打工仔對自己好d,又便宜又底食,而且踏入夏天客人開始減少,地方十分寬敞,食得自在,一小時,傾下烚下,時間過得太快了,原來已經夠鐘.服務員都沒有固執地即時請我哋離開,真好呢.

經朋友介紹，今晚來到位於亞太的扇火鍋。尼到係採取每人一個鍋的九十分鐘放題火鍋，好處就是可以各自選擇自己喜愛的湯底及食物，又可以衛生d，唔使再擔心A唔使食辣，B唔使食牛，C又病等問題另外如果大家夠熟，更加可以試多幾個湯底Tim。不過因為係放題關係，全台人士是必需選擇同一個主食Plan的。我們簡左澳洲直送$189，最特別是有牛舌(出面唔係成日有)，佢切得很薄很好食。Refill方面速度很快很足料，一叫就3-4盤，佢地轉頭就比足我們要的數量。盡無拖延。湯底就叫左豆乳同麻辣。麻辣略微唔夠麻，可以改善。食物配菜方面好多選擇，雞肉，魚柳，粟米，烏冬，薯粉，金菇，菜，豆卜，丸…總之平時打邊爐有的都需有盡有。甜品方面比較特別是用雪糕機加上自選朱古力彩虹條粒及蜜糖星星，味道有雲尼拿軟雪糕及乳酪。可惜當天乳酪已給拿光了，只能一試軟雪糕，味道不錯，很濃的雲尼拿，但有點太稀

呢間扇火鍋開喺有好多野食嘅pacific one 最鍾意就係佢可以到5點前入座都計午市有時唔想食咁多肉嗌午市先有嘅一碟肉套餐都唔錯架！佢有好多唔同嘅配料可以任食，一定飽啦！飲品櫃都有好多選擇，難得仲有無糖烏龍茶扮下健康添