扇火鍋

营业中

休息中

口痕食火窩我們book了七點半，但book位時己說明只只可坐到九時，感覺時間有些趕。餐廳位於地下一層，上面剛巧是另一間有很多人排等位的餐廳，人多時，會擋住樓梯口，因而不小心便會找不到火鍋店的門口…但點心就有D怪,估唔到D點心會係凍上,要自己再放落鍋度煮,煮完其實會變晒味,就好似呢個水晶奶皇包咁,本身係甜既,放入鹹既湯度煮,完全唔夾!牛肉一塊塊咁掛係度好吸引,呢隻安格斯牛雖然話係肥牛,但又唔係太肥喎!而且牛味夠濃!LIKE!

走日式放題路線嘅扇火鍋, 形式一樣都係湯底+自選肉+任食配料&任飲汽水.講到同其他日式火鍋放題比較, 呢間湯底就差少少啦. 呢煲豚骨鍋不過不失.  話說之前嚟過一次係嗌Spicy Soup就麻麻地啦, 似係辣粉開湯底, 感覺唔真實. 至於肉都揀咗每位$168嘅上級牛肉火鍋, 先入為主以為啲肉hea hea地㗎, 放入口味道又唔錯喎!!火鍋配料大同小異, 人有我有嗰啲啦, 包括蟲草花同我鍾意食嘅羽衣甘藍. 嚟到ending嘅甜品, 冇返杯乳酪真係會欠緊啲.  呢度除咗乳酪, 仲有雲呢拿雪糕俾你揀, 而topping唔係話好多都有4款嘅.

任食限時嘅經濟牛肉涮涮鍋每一間嘅運作模式，食物和質素大致相若，"扇"這一家跟"Mou Mou Club" 都差不多，以$75/一小時(已連加一), "扇"已算做值回票價。喺呢度，只提下佢有咩比較好味和特別就是了。佢嘅壽喜燒湯底甜甜地唔錯👍🏻豚肉有肉味，肉質口感都唔錯墨魚有鮮味和食到墨魚，是出乎我意料之外👍🏻👍🏻近期大熱嘅羽衣甘藍亦有得品嚐。👻咖哩牛肉飯做得好，食盡個牛肉飯都扺晒👍🏻呢度地方唔大，但絕對唔會似尖沙咀101手工涮涮鍋咁，未夠鐘就叫你埋單，未夠鐘就收你個煲，剛夠鐘就全枱清走，扇火鍋見你停晒手，又夠鐘就好有神貌問你可以收煲未，夠鐘後十分鐘先再提下你已經夠鐘，令人感覺舒服，我眼見好多枱食客亦好開心好合作夠鐘就離場，我會再幫襯。👍🏻

1)  計埋朋友total4個人，早一日前BOOK定枱，準時去到登記，但結果都要等多半個鐘先入得去坐2) 食物質素差，魷魚無湯過，連眼連內臟咁成碟上，好唔衛生 !3(門面成日無人，食曬D牛要等勁耐先有人黎加4)職員態度差，見用信用卡比(可能知無小費)就黑面兼扔野(夾住單果本野)5)通風好差，D煙周圍攻，得幾枱上面係有抽氣口

我同老公都是涮牛肉控，但是牛陣的牛肉質素越黎越差，所以我地到處搵質素好嘅涮涮鍋食，呢間扇火鍋無論服務同牛肉質素都好好，服務上，店員一叫即到，做野好快手，而且肉也上得好快。肉方面，我地平日會叫澳洲普通牛肉，$209真係好抵，今日想食再靚d嘅牛，揀左澳洲和舞，肉質好唔錯，唔會太肥，但肉味香濃，加入sukiyaki鍋裡，帶甜的湯底好好味，配埋鮮魷魚食就更唔錯。甜品都係我覺得不可少的一環，呢度既甜品唔錯，由其是喜歡軟雪糕的我，配埋口者喱一齊食，正呀！

今日約左兩個朋友一起食晚餐，其中一位朋友因為要ot 所以要遲啲到，所以我就周圍睇下食咩好。經過扇火鍋門口，當時6:40左右，都無咩人食緊。門口個呀姐就勁nice咁介紹佢地有咩食，仲好急咁叫我立即入去坐住揀。我當時係門口已經同個呀姐表示我朋友未到，因為要限時（90分鐘）所以唔入去住，等埋我朋友先入去啦。但呀姐話可以比我朋友到曬先開始計。結果，當然無，係我一入去就開始計，我個ot朋友由坐抵到被趕走時間係不足70分鐘。叫野食個陣，呀姐不停說服我地食$3xx個set牛肉，我最後選左$169，呀姐立即黑面。15分鐘前有個提示，但之後食食下，突然執走左成個火鍋，嚇都嚇死。到最後，我們走人，我罐可樂仲餘一半，所以米拎住飲，啲呀姐大聲叫住我擺抵罐野先可以走。如此服務態度⋯仲即場掉入垃圾桶，都唔比我飲埋，罐可樂又唔係未開⋯真係好浪費總結，好彩係選平set食，因為真的不值。加上職員不誠實不禮貌，下次請我都唔食。是次消費連加一$186，這個價錢係觀塘可以有更多更好的選擇。後悔後悔！

成班老友團拜完即興約埋一齊飯局直落,假期真係度度都爆, 打左好幾個電話先問到呢間有位侍應叫我地記住準時到, 仲要限時90分鐘, 好多任食火鍋都係咁, 假期都冇減時間已經好好...開頭以為有位既餐廳會少人D, 點知上到去一樣咁多人....排隊排到呢...訂左位都係要等, 有枱優先比我地入場前侍應已經幫我地落左湯底ORDER , 我地叫左大路既壽喜燒同豬骨鍋試左個豬骨湯, 食唔出冇乜味, 係一煲有味既湯底肉就揀$169果隻, 無論豬定牛個肉質都好碎好散放落水漾兩下都差D執唔返舊肉, 平既肉質素真係麻麻菜同丸類係自助形式, 丸類款唔算多, 味道OK最滿意係杯乳酪雪糕, 食左2碗成餐飯滿足晒 

今日同屋企人喺apm睇完戲， 諗住今日星期六 ，夜晚食飯食好多人， 見5點幾，早啲食飯，至多夜晚再食宵夜啦， 去到扇火鍋 原來仲有午餐食， 揀咗個99蚊一小時任食放題( 包括肉)，呢度最好嘅就係一人一爐， 揀咗個壽喜燒湯底味道夠濃， 屋企人揀咗個豬骨湯 ，先嚟叫咗兩碟牛肉同一碟豬腩肉，豬腩切得好薄仲有啲軟骨， 好好味， 牛肉就太瘦喇， 頭兩碟都ok嘅， 去到第三碟太過份喇，呢碟唔知咩牛嚟嘅瘦到爆， 第四碟又正常返， 不過算啦99蚊預咗唔會有啲好野， 另外出面蔬菜種類都好多， 汽水任飲仲有烏龍茶添， 最後梗係唔少得食乳酪同埋雪糕啦，呢度啲係自己撳嘅軟雪糕， 呢個價錢真係好抵， 不過認真 ，間間日式火鍋都係差唔多(牛x，x刷鍋，x八，x一，x馬)， 唔會有咩大分別

今日同親愛的去觀塘行街 話附近有間火鍋幾好食即刻趁住天氣凍凍地去暖下胃因為即興搵位 8點半到都要等15分鐘左右先有位 門口接待姐姐都好有禮貌 差唔多人座時問定我地要咩湯底 我地兩丁友一人一鍋，但都係揀蕃茄湯底 揀左澳洲黑毛和牛套餐，真係又薄又滑!認真不錯另外配上一碟海鮮拼盤，如無記錯大概包括2個響鈴，2條魷魚，6粒小型餃子，1大塊蟹柳，2粒帶子，4粒蝦滑湯底自行前後加5至6塊蕃茄塊調味服務都好爽快 一碟和牛清光後隨即有人問"需要refill嗎?"飲品同自取食材都無咩特別refill後既和牛更多!強烈推薦俾所有牛魔王!最後未到時限90分鐘已經捧住個肚走了相信下次可以試雪糕機

今日一家四口，兩大人兩小朋友中午去食。去到攞飛排71，等左半個鐘開始叫我地之後黎既2位，咁都正常人必有附近既位又係咁啱走架麻，做生意架麻。咁我地繼續等⋯⋯叫到75 開始叫3 位⋯我都覺得奇怪⋯唔通有咁啱3個人既枱？咁都算喇⋯⋯叫多幾個兩人枱⋯⋯78 3位⋯⋯⋯仲要係黎等無耐既。我就去問個叫位姐姐「點算仲未到我地既，你地有三人枱？」佢話唔係，因為你有兩個小朋友，所以無咁快。嬲到我呢⋯⋯請問各位，係咪咁做生意好正常？？

總結: 一人一鍋(有啲大台會變成四人一鍋)。牛肉味道一般(下面會詳細講)，豬肉反而驚喜地好味。飲品、配料選擇都算多。不過用餐時間得60分鐘好趕，15分鐘前已比單我埋單。隔離枱夠鐘後一直催交台，不過就未有收走個鍋今次揀左119個餐(要加一)，牛肉第一轉正常，第二轉比左啲差少少既牛，第三轉又正常返。豬肉就三轉都正常。壽喜燒湯底呢款荔枝茶幾好飲第二轉既牛，有食開日式火鍋都知呢款牛係最平果款既牛(明明我揀左中價款)，呢款牛熟左之後會韌同“鞋”口第三轉啲牛又正常返...

突想吃日式火鍋，犠牲睡眠都同fd去吃扇火鍋。食物種類不多，任攞的有丸，面，菜，飲品和雪糕，而牛肉同豬肉就要同職員order，牛肉不是太好吃，好瘦好柴。坐得都舒服。一切都完美的時候，職員攞埋帳單來,話得返6分鐘，last order 想要咩野? 6分鐘？6分鐘總可以last order 啊？6分鐘的last order？第一次去吃火鍋，剩6分鐘先叫人last order!好，你話可以order 埋叫囉.叫左3碟牛肉，但職員攞過來時想收返2碟，問剩返幾返鐘吃唔吃得晒？吃唔晒費事浪費？咁你又叫我last order ?咁你又俾我order 3碟本來有胃口吃，但幾個職員不時過來講時間夠啦，你要快d吃。咁吃唔吃好啊？過了幾秒又來，係咁催。唔通好多人等位，望出去，一隻蚊毛都無，唔通我時運高看唔到。再看下店里面，好多空位D職員又來啦，我念她想要返2碟牛肉，好啦，好啦⋯⋯唔吃走啦，得未！第一次遇到趕客的店一次美好的用餐日，但俾差劣服務打碎了。

今晚去咗呢扇火鍋食放題，訂咗9：00，因為表明食90分鐘，一坐低，員工介紹我哋食個貴餐，我哋無聽佢講，選咗中間價錢嘅牛肉，員工即時都唔係咁like，都算啦，諗住一班人食嘢，都係想開心，點知到佢哋通知只剩番15分鐘食，我哋話無問題，佢哋叫我哋埋單先，點知食食下，有個職員走埋嚟，同我哋講，你哋夠鐘啦，成個煱即時搬走，我從未試過咁嘅服務態度，我見舖內都唔係好多人，唔需要咁樣趕客呀。其他啲員工好似趕收工，不停抹嘢，執嘢，一係過鐘咪加錢，唔需要咁做，搬走成個煱，浪費食物。我哋唔會再幫襯。

第一次幫襯, Book 咗都要等、一叫就叫最頂級和牛…一來就set 兩盆牛仲有牛舌同豚肉…加多兩碗海鮮好好味refill咗2次…但第一次refill 對比下,發覺佢比錯咗…貨不對版囉!

8 people have lunch on Thursday.Pick the middle price beef@$119. Final is $130 include service charges.Nice beef and pork which is juicy and taste great. Unlimited soft drinks is cool.Ice creams and yogurt is out of expectation. One comment is the staff will cut off sharply after 60 mins and remove the hot pot immediately from the table after we settle the bill.