扇火鍋

营业中

休息中

好耐之前同屋企人一齊係扇火鍋打邊爐，雖然住呢頭但好少黎呢度，上網見到好多好評於是幫親下。位置都ok,環境都十分舒適，一家大細都岩黎個邊爐聚。我地叫左冬日美戀火鍋放題，300幾蚊任食火鍋配料，都幾高質。出面有自助火鍋配料醬油，最正既係有熟食咖哩飯，仲有唔同既蔬菜，款色好多。牛肉有唔同國家同部位，十分多既選擇，最鐘意係澳洲同日本和牛，肥瘦比例岩岩好。跟Set 仲有蔬菜同蝦滑等配料，濃濃的豬骨湯底十分入味。飲品都係自助。

由於近日天氣再度轉涼了，所以同同事lunch就去咗食60分鐘日式火鍋放題🍲冇錯！係60分鐘放題，我哋嘅lunch Time其實只有60分鐘，但我哋就諗住用盡呢60分鐘😆餐廳位置離地鐵站只有5至10分鐘路程，地鐵站出apm 出口，行側門就可以去到亞太中心，然之後有電梯可到達2樓，對住電梯口嘅就係「扇火鍋」啦，都尚算方便。如果你係一兩個人嚟，餐廳可提供一人一個小鍋如果多人呢，就可以用一大個鍋一齊打（可提供鴛鴦鍋）食物方面：主要食牛（有普通、上級、黑毛和牛俾你揀）和豚肉任食；另設有自助Bar 有肉丸、蔬菜、麵食約十多款（最欣賞係佢連羽衣甘藍都有，一般火鍋店只有普通生菜、娃娃菜這些平價蔬菜），還有白飯和咖哩任裝；湯底有共6款：正常原味/蕃茄/豚骨/辣湯，最特別有壽喜燒同埋美人豆乳飲品任飲：最普通嘅可樂、雪碧、忌廉、烏龍茶都有，而且佢仲有樂天嘅韓式飲料Last but not least 😆 一般火鍋放題只會有雪糕任食，但佢呢度有埋frozen yogurt ❣️正呀！重點：價錢最平只係hkd 99 加一👍🏽真心平。靚。正！溫馨提示：這裡好旺場，所以最穩陣就book 定位，同埋要準時到，如果唔係佢

一坐低好肚餓買咗$119，點知d牛肉鞋到呢!!!!到超級無敵難食!好啦轉成$199啦！佢話係和牛囉！食落口完全完全唔肥冇牛肉味收$199加埋1，$219好老實我真係唔識欣賞！所以大部份嘅客人都係叫最平嗰個！終於明白呢個道理啦！麵啲菜啊豆腐啊擺到亂七八糟！d豆腐落去就散晒! 依張相係而家冇人嘅時候影，頭先係完全夾唔到啊！咁多間任食火鍋最差都係依間！沒有更差只有更差！有圖有真相你哋話！好少寫食評投訴！今次都係第一次！我就唔會再嚟幫襯！

原本諗住搵下午茶，今天星期六4:50pm經過門口，睇到仲有午市 5點前入座，咁凍就食啦。無影相🤣掛住食，限時60分鐘各樣ok架😜，一碟豬肉片，其他任食，算係咁啦。好過去食一人火鍋， 埋單$76😁無畀貼士

整體環境乾淨 當天亦有再打電話確認是否訂座唯一不好的地方是收不到訊號 出到店外才收得到我們二人叫了冬日美戀火鍋 90分鐘時間 329元加一 食物有剩貌似每100g要收50元我們一人一鍋 湯底是清雞湯 亦有幾件雞在內侍應生亦會主動問你要不要再叫食物🍗主動幫你加湯並收走空碟 總體服務good👌🏻特選牛肉入口即融 兩塊一起食用美味可口~這是甜品水信玄餅 配糖漿及黃豆粉 我個人不太喜歡 有些膩口 口感獨特😖最後少不得來一杯乳酪雪糕🍨我吃了兩杯呢！

入座起計時間，未夠鐘已經叫人買單走人，服務員態度惡劣，冇禮貌，竟然同客人講，話口渴點解唔早啲拎野飲，4個人吃飯，才飲3支野，都話唔可以拎野飲，但當時系未夠鐘，以後不會再幫襯！真系失望

講話係個半鐘任食火鍋，我地九點20到應該係到10點50，個員工10點半就讓我地買單！買咗單10點37分就已經趕我地走，D員工一邊趕一邊執野！態度極差！話佢地趕住收工！想飲多杯野都話唔得！因為我們已經買咗單！後來同事發脾氣！話我地定位時話咗係個半鐘！點解未夠鐘就趕人走！先有個經理話個同事睇錯時間！個員工態度極差的走開，連句對唔住都冇！四個人兩個人嘅餐具都收走咗！話我地喜歡可以坐夠鐘先走！第一次俾錢食飯食到黑衣咁！難得的一次同事聚會！就咁俾人破壞咗！就算冇得食都唔會再來這間餐廳，差評！差評！差評！差評！差評！

好耐無同有位朋友相見，由於佢係大忙人，我就係佢公司附近等佢，順手睇下有乜野食，咁啱係佢公司樓下有間SABU SABU 放題，我等咗陣位佢就啱啱落到嚟，見佢有個美鍋幾特別，所以吸引咗我寫下。講下個美鍋包乜先，其實佢係包任食美人和牛，日本產特選黑毛和牛肉，澳洲和牛肉，澳洲長期穀飼牛肉，豬柳肉，豬肋肉，美肌蔬菜，油揚蔥卷，手作雞滑同埋雪糕。 飲品任飲，仲要每人有客水信玄餅。個鍋底又真係超奶白色，而且唔杰身，飲入口雞味甚濃，打邊爐最緊要係個湯底，相信無人質疑。和牛啲油花真係幾靚，散佈得好平均，切得好薄，淥5至10秒已經可以入口，我地清得好快，因為入口即溶，而且好重油香。佢個雞滑加入咗啲蔥係入面增加個咬口，而且坊間比較少雞滑，可以咁講，佢都算係攪爛至免治嘅質感，所以真係幾少見。豬柳肉都係切得好薄，淥咗陣入口都唔會好韌，幾好入口。烏冬係呢度真係好搶手，我只係能夠搶到一兜咁大把。我比較鍾意食淋，但係淥咗好耐，都仲係好彈牙，呢個真係值得一讚。呢度有雪糕係自助嘅，而且有幾多配料︳有我大愛嘅朱古力波波，蜂蜜星星、雞色朱古力碎同彩虹朱古力條，加上有朱古力醬同焦糖醬，真係幾唔錯。點解要講芝士腸呢? 原因係我只

每逢年尾，公司都會搞聖誕聯歡，今年好好彩給我抽到第三獎有三千元大利是，天降橫財最好是與人分享，就約埋同組三個拍檔去食番餐，近近地就在公司附近觀塘亞太中心既扇火鍋，其實之前幫襯過好幾次，都是中價任食套餐，已經覺得非常滿意，今次食豪啲，食最高級既冬戀美鍋。因為要在公司做埋啲手尾，所以比booking時間遲了十分鐘才到，接待處妹妺好有禮貌地說，對不起！已將大枱安排給別個客人，要等一等。講了幾次唔好意思，令我哋都唔好意思，還問定我哋會點哪個套餐，叫廚房預備好一切，一埋位就有得食。等了十五分鐘終於有位，剛坐下，侍應就陸續將用品和食品上枱。冬日限定的冬戀美鍋，湯底是濃厚雞白湯，雞湯都能煲到奶白色一定用了很多材料很多心機很多時間，廣告板還提到有骨膠原，非常補。雞湯味道鮮甜濃郁！雞件鮮嫩香滑。日本美人和牛選用鹿兒島黑毛和牛後部肉，色澤紅潤，雪花紋均勻，切得超薄，侍應提示灼和牛不要超過十秒鐘為最佳最好口感，果然入口即融，肉質嫩滑，肉味清香，日本美人和牛索埋雞湯的精華，超級和味！牛舌也是切得薄薄的，鮮艷的顏色單單看著就知新鮮無比，灼牛舌也只是十多秒，牛舌肉質爽滑彈牙有咬口，又是另一種感受。豚梅肉肉質柔軟，

傳統有句俗語講相由心生，外國也有一句: you are what you eat，所以識得食係好重要，想要靚，當然要由內而外，現代要求唔單係食得好，仲要食得精明今日約左靚媽在佢公司附近食晚餐，賀佢生日佢雖然身為兩子之母，身型依然fit到爆，而且經過小朋友的摧殘，皮膚依然好似剝殼雞蛋，仲有唔少人以為佢啱啱大學畢業，令我羨慕非常估唔到佢的生日飯竟然會選擇食火鍋放題，原來佢係想食這個 "美 鍋 binabe" 湯底是濃厚雞白湯，可以任食美人和牛、黑毛和牛、澳洲和肉、穀飼牛添，還有甜品，好hit的 水信玄餅呀等待上湯底期間，當然要巡視一下自助BAR長長的自助BAR，當然有常見的蔬菜、菌類、丸類最特別是有 很少見的健康食材 - 蟲草花、同埋我近期很喜愛的新貴superfood - 羽衣甘藍醬料方面，日式放題通常沒有港式火鍋那麼多，因為他們希望讓食客品嚐食物的真味，簡單的 酸汁、醬油、芝麻醬為主這裏提供了大阪黃金醬油餐廳還提供 不同的soft drink飲品任飲~~等待湯底滾起時，店員已陸續送上美人鍋的火鍋主菜美人和牛簡介說鹿兒島黑毛和牛的後部肉，含有蛋白質、鐵、鋅及vit B12等等，這些都太深

行過apm 度度都已經full 哂，所以行咗過隔離棟野睇下有乜野食，丫，又俾我搵到間shabu shabu幾得意，係以扇嚟做主題~ 我入到去就見到呢個美鍋算係幾特別，仲送個水信玄餅俾你食~ 啲飲品多種類到我都數唔到有幾多款 …. 真係拍得住幾間已經做到幾出名sabu sabu店所謂嘅美鍋，其實入面係用雞煲嘅濃湯，啲雞都算係幾滑，而且無乜雪藏味，而且皮脂部份算係幾厚，個人可以令整個鍋都帶滿油香係幾唔錯，唔通成個鍋一滴油都無叫好味咩?! 呢個套餐之所以叫冬戀美鍋，個重點就係呢客美人和牛勒，真係好鬼靚啊呀~~~ 係鹿兒島黑毛和牛肉，油花紋理好靚，聽講話含豐富蛋白質、鐵、鋅同維他命B12等等嘅營養，可以令我地呢班美人食咗之後，肌膚更紅潤~~~ 入口即溶，肉味同油味都好重，官方指引係淥5~ 10秒架jar ~ 呢度竟然有羽衣甘藍，我同朋友超鍾意食呢 ! 因為佢本身用嚟做沙律就真係太硬，但用嚟做火鍋呢，我地就可以淥淋少少，會較容易入口。朋友要我讚一讚呢度嘅牛舌，每一塊都切得好薄，而且入口勁爽口，唔會太厚而搞到好韌咁 ~ 除咗普通嘅瓜菜之外，呢度有魚柳呢 !! 即刻有點回本勒因為呢度啲魚柳就算淥咗好

今年香港凍既日子好似多左，邊爐打極都唔厭，好鐘意同家人朋友圍埋一齊滾下滾下好warm好熱鬧既感覺！今次係扇火鍋試左冬日限定既「冬戀美鍋」～打邊爐都可以同戀愛有關～的確係好有gimmick！呢個鍋係每枱一鍋，所以同一人一鍋既枱係分開區坐既～潮流興打邊爐前先飲湯，呢個鍋都唔例外，奶白色既雞湯，飲完係咪美肌就未知XD不過係幾清甜滋潤，雞件都係雞脾肉，所以肉質都好滑～日本和牛都幾靚，雪花好均勻，淥5-10秒食得，肉質好軟滑，當然唔可以同頂級和牛比較，價錢爭一大截...但係呢個價錢可以任食已經算抵，我地仲試埋澳洲和牛，肉味重d, 更加適合食肉獸！仲有抵讚係再order既牛肉都係一樣咁靚，唔會出現質素參差既情況！另外仲有豚肉同牛舌，豚肉冇豬羶味，幾香，不過始終都係牛肉吸引啲，所以就冇encore, 而牛舌就有驚喜，薄薄一片輕輕淥幾秒好爽口，要encore!由於套餐既野食已經好豐富，我地都冇咩出去夾食物，但係竟然有superfood羽衣甘藍，好難得！都試左少少～醬料方面有款黃金醬油，甜甜地幾開胃！甜品係有第二個胃消化既，無論幾飽都好，都一定要食杯frozen yogurt, 真係好滿足！食到尾聲店員

又聽到一單美容療程不良推銷手法的新聞，有時真係覺得攪咁多真係嘥氣！不如食返餐好的，直接食落肚裡，自己吸收返所有營養，最終得益都是自己身體。話說今天下午到這棟大廈見客，順道約好朋友在這裡晚餐。從樓下的扶手梯上來，先到朋友建議的餐廳這，了解一下餐牌，竟然有部份套餐售罄。  再細看，原來聖誕新年假期用了特別套餐。　　既然朋友選擇這家，就不想再煩惱！自己有選擇困難症，如果要左諗右諗，左計右計，真是十分頭痛。而這店火鍋放提是限時90分鐘，一定要等到朋友到齊，才通知職員入座。幸好職員讓我先看看自助區的食物，放題竟然有龍脷柳，洋蔥京蔥，蟲草花，還有少見的羽衣甘藍。　　人齊了，要決定～選擇哪個套餐。大家難得一見，想食得好ｄｄ，看中了這個＜美鍋＞。包括各款牛肉，豬肉，還包水信玄餅。真是頗吸引！　自己跟大圍，一起享用這個美鍋。　就座後，蔬菜盤，和牛，豬肉，美人雞鍋很快就呈上來。先把耐煮的食物都倒入鍋內，讓其慢慢煮熟。然後就衝到自助區，取食物，飲品和調配醬汁。這裡没有柚子醋，於是以酸汁代替，再配芫茜蔥蒜。　　油揚蔥卷　油豆腐皮包著大蔥卷　　手作雞滑　有二筒，自己先玩一筒。不過分件時太大件了，要久煮才放心食用

2017 last working day 要好好慶祝下 平時lunch都會見到呢間火鍋店 但晏晝實在唔夠時間食 所以說呢一晚決定黎試下！搭幾層電梯已到 見到門口都擺左好多餐牌 好多款唔同價錢既餐最吸引我既當然係恋する美鍋！$329位濃雞湯湯底 加 各種牛任食 仲有蔬菜盤 同水信玄餅做甜品！咁多野食其實都幾抵 仲可以同其他餐一樣拎出面既野食同雪糕我地已決定要呢個餐Staff會建議我地既食法 因為入面有雞肉 所以個湯一定要全滾先飲得同放得野 仲推薦我地飲左頭淡雞湯先等佢滾等佢滾～～滾左我地試飲左雞湯 咁凍既天氣飲到咁補同好飲既雞湯真係幸せ！陸續都黎左啲配菜 特別既有油揚蔥卷同雞滑主角之一 美人和牛！肉色澤好靚呀 油脂分佈都唔錯 職員建議我地涮5-10秒即可！好好味呀另外都上左碟豬肉同牛舌我地再叫左碟黑毛和牛 因為餐包埋嘛 就咩都試下 好靚我地仲拎左出面啲配菜 太多選擇 已經食到好飽 同有任飲罐裝飲品職員見我地得返15分鐘就為我地送上甜品 - 水信玄餅 配黑蜜加黃豆粉 我成日聽呢種甜品但第一次食 感覺很得意 都好好味我地再出去斟左啲乳酪雪糕！好正！同出面賣幾廿蚊杯既一樣好味！最後值得一讚既

聖誕放假同柑太去食火鍋，觀塘一帶好食既火鍋中，我選了扇火鍋，一來環境一流，二來地點又近地鐵站，當然食物質素好先係最重要原因。佢地冬天出左個美肌火鍋，有和牛食之餘仲連包埋好多特色食物，於是就同柑太一齊去試下。呢個冬戀美鍋放題，只係冬天限定柑太好鍾意食咖哩飯，於是就試左佢地既咖哩牛肉，個汁底入面有極多牛肉，而且又唔辣但又好香咖哩味，個炒飯底又極多配料，非常入味。自助bar除左大路野之外，比較特別係有羽衣甘藍呢種近期大熱既健康蔬菜，飲品方面，有道地既黑糖薑茶，飲落真係好夠薑味。先介紹下呢個冬戀美鍋既濃厚白雞湯，入面真係有雞肉，仲要係好多雞肉，煮出黎既湯充滿骨膠原乳白濃湯，飲左真係好補身美人和牛，選用鹿兒島黑毛和牛後部肉，紅白分明，油脂極多，一入湯內5秒就熟透，入口油感充足，濃得分不開既和牛味實在令人係冬天覺得非常幸福。美肌蔬菜分量極多，包埋兩份雞滑，雞滑煮熟後入口鮮甜，肉質不因為生滾而變韌變老，反而食落非常多汁。油揚蔥卷，滾熟後入口有極鮮香的蔥味，蔥身有咬口非常爽脆之後再加了豬肩肉及豬腩肉，煮熟後都係非常嫩滑及鮮味的食物中途叫多一份日本產特選黑毛和牛，睇得出牛肉本身油脂分佈比美人和牛差少少，