我武者羅 (已結業)

一直都很喜歡吃沾麵，但沾麵店大多聚集在港島，難得沙田有一間拉麵店供應沾麵，便去一探其質素。相較其他拉麵店，這裏的沾麵選擇十分有限，皆比較重口味。相對於辛辣，我更加好奇茄汁和咖喱的配搭，於是便點了它的咖喱沾麵🍜🍜店員非常貼心地簡介食法，先將番茄醬和麵條攪拌，再沾咖喱吃，最後可以加花茶當作湯品享用。但由於沾麵醬的味道實在太濃郁，吃到一半時便忍不住加了花茶，才覺得味道比較容易入口，但吃到最後仍難避免覺得有點膩、味覺疲勞。面的質素算是不錯，份量也算恰當，但我總思疑如此濃郁的味道是要為遮掩沾麵湯的不用心，因為沾麵湯是吃沾麵的精要所在，所花費的時間和精力使不同店的沾麵都有其獨特之處，如果只希望用咖喱蒙混過去便太令人失望了。（以上內容僅屬個人意見，參考就好）

4月9 假期前夕的大晴天期待已久，終於可以一嚐哩間新店，意外地好食，執着地完美呈現日本人對拉麵的追求，因為店家沒有給予任何選擇的空間（麵的種類、質地），唯獨堅持自家的一套標準，極力推薦四人同行，三款麵食，都值得試生姜醬油拉麵、塩生姜拉麵：友人們都大讚，由於疫情下，絕對不建議共享味道，但根據友人們的分享，夾起的麵質似幼麵，以為會太軟身，但又出奇地有咬感，加上濃郁姜味雞湯，配以口咬絕佳的豬肉片，非常讚濃厚咖喱味噌沾麵：我無悔的絕佳選擇，絕對是因為餐牌上的配搭，雞白湯、自家味噌醬、咖喱，蕃茄醬，粗身麵質，一樣有咬感，配以濃味蕃茄醬，不沾醬都極其好食店家建議有兩種食法，加上我的淨麵食法，一共三種口味蕃茄濃醬加麵淨食，食出麵質的完美、蕃茄醬的濃郁；蕃茄濃醬加麵沾醬，不宜沾太多醬，否則會蓋過蕃茄的酸甜味，完美的咖喱蕃茄樂譜；最後一食，請店員在沾醬裡加茉莉花茶，變成茉莉咖喱湯拉麵，食到尾有回甘味，茉莉花香，果然犀利，食得出精心策劃的味道層次小食：和風唐揚雞，新鮮炸起，雞肉球有肉汁，調味夠濃郁；我武者羅燒餃子，伴碟有辣味白蘿蔔蓉、大葱，皮薄餡靚，一樣好食值得一讚店員的用心解說，細心的款待

菜式選擇不多，我選了餐牌上的第一款--生姜醬油湯麵。麵湯比一般拉麵湯清，十分罕見，只是油還有減量的空間。拉麵軟硬度剛好， 叉燒很薄，份量對我來說剛好，想吃飽一點的話可以再點其他食物。燒餃子皮夠薄，煎得剛剛好，不會硬，也不會太脆而𠝹口。餡料和皮的比例也是恰到好處。侍應招呼很好，不停為我們添水，也不會以一些小動作催趕我們離開。整個用餐過程非常舒服。我發現餐紙巾又大又厚，侍應主動回應說是為了印上店家商標，而採用了不織布之類的物料。雖說是有心思且不惜工本，可惜有點不環保。再要雞蛋裏挑骨頭的話，就是座椅下沒有存放私人物品的設計吧!

今天晚上八点半入座，人很少，只得四枱客，叫了两碗辛辣沾麵及煎餃子。坐了二十分鐘，勢色不對，隔離遲入座的先上菜。問侍應為什麽這麽耐，答案竟然是沾麵要煮四分半鐘!着我們不要催促。唔問由是可，一問把幾🔥!原來侍應電子落單，但廚房部機收唔到(唔知真定假)，呢廿多分鐘，侍應們自己傾計、玩手機，冇人有興趣、意慾睇吓我地點解淨坐。麵來時發覺漏了餃子，吹脹!食物一般但很貴，$115一碗沾麵。超唔值。

#🍜呢間新開嘅拉麵比較特別！開頭唔記得呢度主打生姜，一食落口：咁似姜蓉味嘅？！之後：係喎！呢個生姜嚟㗎喎！😂其實都有少少似中式嘅燒味飯嘅味🤣加上佢嘅拉麵口感都比較中式，有少少似上海麵咁！湯底係雞清湯，但我自己都係鍾意食豬骨湯多啲☺️雞肉都稔！不過又無果種好想再食嘅感覺！叫試過就算喇！同埋個拉麵嘅份量唔算多！好快就食曬！加上，可能自己比較大食！食完無乜好飽肚嘅感覺，有少少似試吓食新嘢，知道吓咩味咁😂

今日係沙田做完嘢，順便同同事行去新城市廣場食番碗拉麵🍜慰勞下個肚先🤩🤩呢間「我武者羅」係來自日本🇯🇵涉谷的拉麵店。主打係新潟生薑醬油湯底😍😋開動，我唔客氣啦！.《招牌特製生薑醬油拉麵》醬油湯底甘醇香濃，把生姜拌勻後，味道層次更顯豐富🤩。爽身麵條配上粉嫩軟腍的慢煮豚肉和嫩滑的雞肉，令到整碗拉麵🍜添加多了一份清爽美味。.《濃厚咖哩味噌沾麵》豬腩肉肉味濃又不油膩，咖哩沾醬味道微甜帶陣陣香料味，不會過鹹。扁濶麵條配上清新番茄醬，形成酸酸甜甜的味道，惹味中帶點清新👍👏🏻 .《我武者羅燒餃子 》🥟日本直送餃子，皮薄多汁，煎得非常香脆，配上自家製和風醋。😋正宗日式味道，好味。.《和風唐揚雞》外皮炸得香口的雞塊皮脆肉滑好Juicy，配上梅子醬汁，微微酸甜減去炸物的油膩感。👏🏻👍 《揚出豆腐》外脆內軟的玉子豆腐，伴上羊棲菜和生姜蓉，清爽不油膩👍👍

到沙田行街當然要揾地方醫肚啦，幾層樓都咁多種類食店，見到「我武者羅」有拉麵又有沾麵咁就可以滿足到我同我朋友的各人喜好生姜醬油拉麵，豚肉夠嫩滑，湯底唔太濃味道剛好，拉麵麵質正是朋友所喜歡的那一款濃厚咖哩味噌沾麵，唔係間間拉麵店有沾麵食架有厚度咖哩濃湯滿掛著拉麵，麵質彈牙我武者羅燒餃子，肉有優質豚肉、野菜配上自家制製和風醬，餃子皮幾薄，又煎得幾香揚出豆腐配羊棲菜及生姜蓉，精緻的豆腐一夾一口食，醬汁、配料在口中充分發揮它們的特質荔枝乳酸梳打，乳酸的味道內裡有荔枝的香味又唔大甜店員帶領我們就坐時，早已擺好陣迎接如果有緣下次去東京都想食款式唔洗多，有熱誠用心做已經好優質挑戰成功

今日行完沙田新城市掃完貨，唔太肚餓但又想搵個地方坐下。揀左7樓食肆個層一間食拉麵既我武者羅。同平時食拉麵既小店唔同，依間拉麵店地方寬敞又乾淨，位又夠多唔洗點等。佢主打都係較清淡既海鮮湯底拉麵，同一般太濃或者咸既豬骨湯底唔同。岩曬啲想食拉麵又想食得健康既人！淺蜊潮拉麵海鮮味甜嘅拉麵濃厚咖喱味增沾麵個沾麵醬勁辣🤪🤪中意辣嘅朋友可以挑戰下👍🏻👍🏻唐揚炸雞🍗好脆口，味道唔錯👍🏻👍🏻👍🏻

不同的日式拉麵店來港已是一個潮流，新近就有”我武者羅”。拉麵店位於沙田新城市廣場，設計簡約，充滿現代感，坐得舒服。食物款式是基本拉麵店的設定，拉麵，沾麵和小食也有供應。生姜醬油拉麵 $95生姜醬油拉麵是我武者羅的招牌，拉麵湯是清雞湯，配上生姜，清甜順口，十分討好，與一般吃到傳統的濃湯拉麵實在是兩種體驗。拉麵會配上豚肉和雞肉，整體的感覺健康，不膩濟，令人愛上。濃厚咖喱味噌沾麵 $115沾麵的特色在於番茄醬，先將番茄醬撈勻麵條，再放到濃稠的咖喱沾麵湯中，以清新的番茄味與濃香的咖喱味融和，非常吸引。沾麵會配上一層脂肪一層肉的叉燒，口感豐富。我武者羅燒餃子 $45金黃的餃子皮十分香脆，除了配上餃子醋，還有紅蘿蔔泥，吃得更開胃。

沙田新城市一向好多連鎖餐廳，但呢間拉麵店聽講係過江龍又唔係連鎖，即刻覺得非常吸引！而且新開張新裝修，望落好光猛，空間大坐位多。餐牌好簡單，拉麵沾麵小食都有，款式拉麵店黎講算好多選擇。連啲餐具都好靚呀我同男朋友都放工勁肚餓，所以等唔切，要叫兩個小食食住先燒餃子($45)煎得好靚，食落係脆卜卜架，內餡就係普通平時食開個啲餡。揚出汁豆腐($50)呢個好好味，裡面豆腐勁滑，配合埋醬汁有啲薑味，好醒胃！生薑醬油拉麵($95)呢款我見最多人食，生薑醬油湯，我都係第一次試呢個配搭。雖然唔太食得出有生薑味，但雞湯飲落去係唔錯的。有兩片雞肉，算係好嫩滑。麵條偏淋身。有條切得好有心思既筍，食落好爽脆，最鍾意食拉麵既筍😍仲有隻溏心蛋都係必食呀！好正，勁溏心！+$15好似有啲貴，但都值呀！淺蜊潮拉麵($120)男朋友叫呢個，我都偷飲左啖湯，都係雞湯但好似鮮味啲，而我個碗感覺濃味啲。蜆既份量都幾多，都唔細隻。食到最後，男朋友直頭飲哂啲湯，佢個碗湯底的確係正好多！菠蘿梳打($35)我地一齊SHARE一杯飲野，估唔到又幾好飲喎！仲有果肉添呀

最鐘意食拉麵，有新開嘅拉麵店緊係要去試下。濃厚咖喱味噌沾麵 $115哩碗麵真係令我好驚喜，平時好少食咖喱沾面，個湯底真係好濃郁，麵份量都多。而兩舊豬腩肉就簡直係錦上添花，肥瘦適中。麵上面有啲蕃茄醬，可以中和番咖喱嘅濃味，唔知唔覺成碗食晒！我武者羅餃子 $45煎餃子有分辣同唔辣，我就揀左辣味，餃子係由日本直送，點埋蘿蔔蓉一齊食，就特別入味！而且環境有別於一般拉麵店，比較寬敞，而且都好乾淨，食嘅時候都舒服

沙田新城市前幾個月開咗間新嘅拉麵店，地理位置唔洗講，十分方便！😚😚😚地鐵站一出搭升降機到7樓就係啦！拉麵店唔止有賣拉麵，仲有沾麵、餃子等小食，種類都唔算少～🥟🍜環境裝修都幾乾淨企理，座位唔算少，但人流都唔少，所以都要排一陣先入得！枱面設計特別，每個人都會有塊好厚嘅木板作墊板🤭生姜醬油拉麵醬油唔會太濃，都算清清地鹽生姜拉麵比較清淡嘅拉麵，感覺都幾健康和風唐揚雞新鮮即炸，好脆旨辛酸燒餃子唔會好辣

最近加班太晚, 下班想急急腳找地方與同事食餐好晚飯照顧下自己既胃, 剛好見新開左間拉麵店, 都幾多人所以決定去試下。整間店裝修好日風, 所以好光猛感覺好舒服利落同乾淨。然後麵款都有湯有沾麵, 亦有幾款小食試, 選擇比想像多。我自己點左沾麵食, 是咖哩味, 咖哩味好香口, 又不會太辣但夠香濃惹味, 麵質好唔錯, 好Q好彈口。最重要是豚煮都好食, 肥瘦剛好, 又不會太膩。比我想像好食, 感覺真心不錯。叫左兩款餃子,  一款辣, 一款不辣, 都煎得香口, 餡料都足。感覺不錯。豆腐皮好薄, 豆味都足, 幾清新好食。又不會覺味太清寡。最正係這個炸雞, 皮好薄但香脆, 然後肉仲有肉汁又香嫩。呢個必食~力推。另外點了野像, 質素不錯, 不會糖水味。整體呢間麵同小食都不錯, 價錢地道, 認真快食又好食, 呢間是好選擇。

我武者羅算不上什麽新名字新店，2018年9月首次登陸在有拉麵店墳場之稱的九龍灣，選址在非常吊腳的工業區內，加上宣傳也低調，結果經營幾個月便結業了。2019年10月捲土重來，今次選址在新城市廣場第一期，人流是極旺了，隔鄰都是排隊等候的食店。怎料卻遇上反送中衝突時期，新城市廣場成了戰場，店舖有時需要突然關門，我武者羅也未能幸免，不過倒算我武者羅硬淨，我經過幾次都是全舖滿座。沙田新鋪座位約有四十個，座位也寬敞，但是放私人物品的籃子没有提供，只能放在旁邊椅子或地下凹位我武者羅在日本涉谷頗具名氣及人氣，當地各店在日本類似開飯喇的平台評分平均為3.6分，已算不錯。我武者羅招牌拉麵是塩生姜拉麵及醬油生姜拉麵，用姜蓉作材料是源自日本新瀉縣長岡市的做法，由於當地較寒冷，姜蓉能使身體和暖，而且口感特别，就算夏天吃也有喚醒舌頭的感覺。我今次點選了塩生姜拉麵及我武者羅煎餃，連加一服務費價錢是$154。由於我坐在吧檯位置，在等候食品來臨期間我可以看到開放式的廚房，廚房有四名員工，但有趣的是他們並非有固定的職務，煮麵的煮了一陣就走了去煎餃子，原本正在鋪配料的又走了去搬貨，加醬料的又走了去煮麵，像走馬燈一樣。四名㕑

 香港拉麵熱潮有回暖之勢近月有多間唔同品牌的日本拉麵名氣店開幕其中一間稍早時間開幕,我等次輪時間12月才到訪,明顯人流減少了一點排隊程況無咁耐,最長試過有朋友等60分鐘我自己就大約在晚上8時排位,15分鐘就有位我武者羅,在日本已經有相當高人氣生姜醬油拉麵是店內招牌用上特選醬油加上生姜和鮮甜湯底湯底係靈魂之所在亦有推出沾麵個人食完一定係推薦拉麵! 先上一份餃子旨辛酸餃子 $45 餃子煎得脆香可口,加上辛酸醬,酸辣開胃加埋芽菜一起食,口感更豐富 辛味沾麵 $115辣度相當勁!有別於一般的日式辣湯係特濃又辣花山椒,唐辛子加上濃湯沾麵條掛上辣湯,辣味慢慢滲出黎,越食越辣喜歡食辣應該會幾LIKE我小辣派也覺得夠勁夠濃烈食沾麵就是要夠濃郁 食完麵,可以加茶,原本以為溝左茶,沾麵湯會淡味,但熱茶令辣味更加突出,更加辣! 生姜醬油拉麵 $95 選鮮嫩生薑磨成蓉拌入雞清湯同時吃,鮮薑香而不辣,清甜可口麵身彈牙叉燒軟滑嫩口,係誠意之作地址︰沙田新城市廣場1期7樓703A鋪電話︰2871 2628