我愛慢煮 (普慶坊) (已結業)

經朋友大力推介，今日特登去普慶坊試咗呢間小店。一到門口已經覺得裝修好有特色，燈光好柔和舒服。店員安排我地入座之後，俾咗兩張主菜/小食，手工啤/咖啡或茶嘅餐牌我地。我地叫咗士多啤梨特飲同西檸薑啤特飲，飲落好清甜開胃，亦都好香生果味。之後我地揀咗個芝士忌廉菠菜苗做頭盤，芝士啱啱好焗到金黃色，滑滑嘅忌廉亦好香口，配埋菠菜苗食一啲都唔油膩。主菜我地叫咗蜜糖香草烤雞槌，雞皮啱啱少少燶邊好香口，配埋蜜糖好野味，只係有少少辣，怕辣嘅都可以一試。另加嘅小食有芝士溫泉蛋大啡菇，真係要讚讚廚師時間上嘅控制，芝士溶得嚟溫泉蛋都保持嫩滑，一切開蛋黃舖滿喺大啡菇上面真係好滿足。食咗一輪肉類同芝士，店員好細心咁幫我地清理碗碟餐具等我地可以慢慢食甜品。必食推介有慢煮白酒菠蘿配意大利雪糕。一啖咬落浸滿白酒嘅熱菠蘿，油膩嘅感覺一掃而空。再加埋冰凍嘅雪糕，為呢一餐畫上完美嘅句號。用親民嘅價錢食到咁高質嘅嘢食，店員又親切細心，一定會再返嚟幫襯同介紹俾朋友。

今日下午約咗去朋友屋企敍一敍， 晚上就落咗朋友屋企附近嘅餐廳食埋飯先走。 在樓梯中間隱藏住呢間西餐廳， 唔刻意望下都可能會錯過！三個人叫咗炸番薯條、 法式豬鞍架、同埋豬仔骨。 個人應為豬鞍架係必食， 唔知關唔關慢煮事， 塊豬好juicy, 切開時好多汁， 唔韌， 勁好食！ 番薯條就配黑松露醬， 味道可以接受， 但唔配醬都好好味！豬仔骨就同出面西餐廳食到嘅差唔多， 不過不失。 最後， 仲叫咗兩個甜品share, 一個比利時waffle配雪糕同埋一個紅酒梨配雪糕。 waffle正常甜品嘅味道， 士多啤梨醬唔會太甜， 唔錯！ 紅酒梨個人口味就覺得麻麻， 因為本身唔鐘意紅酒， 但朋友就覺得好正， 仲話而家呢個時勢食呢種甜品對個喉嚨好好喎！ 最後， 以食物嘅質素配個價錢係好合理， 唔算貴， 淨係塊豬鞍架已經好值得再幫襯！

位於東華醫院附近，這間餐廳以半價招待醫護人員，非常值得支持！🐑48小時羊後膝 ($138)羊肉一向都係我的摯愛，羊膝看起來不大，但切開其實好多肉。微焦的表面，都是充滿肉汁的嫩滑羊肉，而且肉味香濃，水準十足！🦆 法式油封鴨髀($118)鴨髀相對沒有羊膝般嫩滑，燉鴨肉味更濃郁。鴨皮相當薄身，油脂不多，連皮吃都不會覺得膩。🥬燒蘆筍苗($28)青翠的蘆筍苗以鹽與黑胡椒調味，輕輕燒過後，仍保留爽脆口感，與蘆筍鮮甜味。🍺 比利時琥珀啤酒($42)味道不苦，帶淡淡花香，飲落仲有少少焦糖味，如果唔鍾意啤酒嘅麥香同苦澀味嘅朋友就最適合。🍐慢煮紅酒梨配意大利雪糕($38)🍍慢煮白酒菠蘿配意大利雪糕($38)紅酒梨以慢煮方法烹調，爽口並帶濃郁紅酒味，不像燉煮梨般軟爛。菠蘿的白酒味較不明顯，只帶輕微後勁，脆脆的焦糖與軟滑的菠蘿做成雙重口感，超級愛！意大利雪糕味道不太甜，食完整個都不覺得Guilty。如果菜式能加點裝飾，如肉類加兩粒車厘茄伴碟，Gelato上加兩片薄荷葉，就更養眼了~

平時食sous vide都唔平仲要未必係真點慢煮今次黎到上環的我愛慢煮 佢地有兩間分店 兩間都係上環 仲要係黃店！梗係要試試佢！A la carte menu都以肉類為主 豬牛羊鴨都有我地就試左平時出面較少見的羊同鴨羊後膝Lamb shank 加$8配慢煮溫泉蛋好大隻 外皮脆香 入面啖啖肉 仲好入味添！另外係Sous vide duck leg confit配露荀平時就算係高級餐廳都會避免叫duck confit因為好易出事 好易煮到好乾好鞋但呢度好有驚喜有水準 兩隻脾好多肉 食落好嫩口甜品就叫左白酒慢煮菠蘿配意大利雪糕 甜蜜帶淡淡酒香整體來講性價比超高 主菜平均$120-140 有質素又貼地 一定會回頭再訪！

我愛慢活，尤其在週末！一家名叫「我愛慢煮」的小店吸引了我的注意，最合時宜是在對面不遠的球場旁有泊車位，兩口子可以再次駕車出走、暫拒口罩直進午餐。本以為是家中檔的輕鬆小館子，原來是半自助式的食店，客人在收銀處下單，然後自己取餐具及倒清水找個靚位等食。風格非常簡約，食物不雕琢卻有質素、擺盤簡單不失企理協調。價錢出奇的便宜，質素意料外之妥當，性價比果然高，怪不得疫情下生意依然不俗！慢煮餐單七款肉九款選擇、九樣配菜四點甜，多元不複雜。 美國安格斯頂級平鐵扒 $138牛扒分大、中、小，靈活地符合不同胃口啲客人，這是細心合理的安排。以小砧板作碟，簡單得就只有一片烤至焦香、爆汁有坑紋的肉，憑實力裸妝出場！肉質如期望中般粉嫩、鬆軟有咬口，沒有投訴的機會。雜菜沙律 $20以和麻汁調味，因此帶點酸，沙律菜新鮮爽脆 。48小時羊後膝 $138羊後膝實在有份量，羊皮酥香胞口，肉厚有汁，啖啖肉，食肉獸大滿足，沒有羊羶味，調味恰到好處。芝士溫泉大啡菇 $36我挑了芝士溫泉大啡菇作伴菜非常夾，留心的芝士溫泉蛋，增添潤澤。朱古力撻 $38 草莓醬比利時窩夫配意大利雪糕 $38兩款甜品賣相吸引，組合及味道皆令我們

之前食過呢間我愛慢煮覺得唔錯今次去咗上環另一間分店環境更加chill同有氣氛不過就無咁近地鐵站仲要上少少斜今次三個人一齊食試到更加多慢煮既菜式試咗依度出名嘅法式油封鴨髀一份有兩隻鴨髀幾抵食食落有油封嗰種鹹香肉質都幾嫩滑唔會鞋口仲叫咗美式煙烤豬仔骨食落熱辣辣肉質比鴨髀嫩滑醬汁酸酸甜甜好開胃但份量比上次依既少左DD仲試咗佢既安格斯平鐵扒雖然冇得揀生熟嘅程度但食落啱啱好原汁原味食落唔覺有筋最有驚喜反而係配菜墨西哥粟米花帶少少辣粟米食落又好甜味道好惹味大啡菇加埋芝士同温泉蛋三樣野焗埋一齊味道好夾炸蕃薯條反而比較失色略嫌唔夠熱同食落唔算香脆依度仲有好多唔同既手工啤幾啱三五知己一路食一路飲成件事真係幾chill

平時去開餐廳見到慢煮都覺得幾吸引，因為大多數都係會有肉食，同埋都唔會係好韌既肉呢間小店係用自助型式自取餐具，同埋自行去點餐，斟水，相對而言，呢到就免加一，但佢地仍會為你上菜，同埋留意著你既需要，其實服務分分鍾仲好過好多收加一既餐廳。黎到呢個擺到明食慢煮既餐廳，點既餸都係肉，肉，肉😂😂US 安格斯頂級平鐵扒 $118唔知點解慢煮一定最想點牛，可能平時好快煮完既牛，一過左火喉就會好韌好難食，響慢煮可以嚮往一下煮好耐仍好juicy 既口味，今次既牛入面仲係粉粉地色，重口味，不錯。美式煙烤豬仔骨 $118用傳統美式bbq 醬配搭既rib, 骨好幼，即同步係好多肉食😆肉淋而不老，好味蜜糖香草烤雞鎚四隻 $118估唔到4隻雞鎚原來勁大份，咁鍾意食肉既我都食到覺得太飽，喜歡食肉既朋友快d 黎滿足下。草莓醬比利時窩夫配意大利雪糕$38其實呢到仲有好多唔係肉食既野食，而且仲要好好食🤩下次就咁黎食甜品都可以，窩夫好厚實，本身以為細細塊，但食落都好飽肚，再加埋大方既草莓汁，同雪糕，令晚餐有一個完滿既ending 😋

慢煮文化已經流行左好幾年，聽朋友介紹過哩間位於西營盤嘅慢煮餐廳，但因為位置唔算就腳，所以直到今日先有機會黎試下佢嘅慢煮菜式🙈第一次黎西營盤，大概由地鐵站一出行8分鐘就到，位置雖然偏靜，但唔算難搵。餐廳門口會見到左青龍🐉右白虎🐅咁，好易認😝餐牌選擇唔算多，但已經樣樣望落都好吸引！有羊、牛、豬、鴨等，任君選擇。而配菜嘅種類亦充滿特色，飲品方面就有佢哋嘅手工啤酒，手調飲品等。荔枝接骨木花特飲接骨木花茶味好清甜，同梳打好夾，仲有大大粒荔枝肉食😋配菜方面好多選擇，我哋決定一人嗌一份蕃薯條，再加一份芝士忌廉菠菜苗。炸蕃薯條 $28✨✨✨✨✨估唔到兩份炸蕃薯條嘅份量會係咁多😍😍😍😍炸得好脆但唔會油膩，蕃薯好甜好甜，咬落會食到蕃薯肉，哩款蕃薯條比一般西餐嘅炸薯條好食好多！感覺亦無咁熱氣，絕對係必點！✨✨✨沾上黑松露蛋黃醬食更加分，黑松露份量多，物超所值。芝士忌廉波菜苗 $32芝士忌廉波菜苗份量偏少，但咁樣反而可以嗌多啲配菜，菠菜苗超級嫩，同淡淡嘅忌廉好配合。由於配菜好快就黎到嘅關係，主菜感覺都唔會等得好耐。安格斯頂級西冷牛扒 $138牛扒有分大中小size，如果女仔嗌小size已經足夠。牛肉唔係全熟，

男朋友生日，揀左間特別小小嘅餐廳，仲係黃店。餐廳入面有一大隻連豬，10月1有提供食物同地方比手足添。餐廳地點的確唔就腳，喺東華醫院附近，但唔難搵嘅。一入去有啲焗，冇開冷氣，不過之後有開返，ok嘅。點餐唔喺位點，要行落去cashier到嗌嘅。餐具亦都係自己拎，不過有少少污糟，仲有食物殘渣喺隻碟度。一叫完等大概5分鐘就開始上菜，仲上得幾快添。小食性價比非常之高，一啲都唔貴，而且質素OK。 炸蕃薯條，芝士忌廉菠菜苗，同芝士溫泉蛋大啡菇都好味、推介。 到主菜，法式豬鞍架係慢煮，有肉汁得黎外脆內軟，超正！但法式油封鴨脾唔係慢煮，好乾，而且仲有羶味 有啲失望 慢煮紅酒梨配意大利雪糕賣晒冇得叫，叫左朱古力撻。朱古力味濃嘅，但賣相一般我就冇影相了。訂位之前見過有食客可以喺甜品上寫字，我都有request，但上嘅時候冇寫到，咁就算啦⋯⋯總結，菜式唔多選擇，食一次就夠了。除左鴨脾，其他我都推薦的～

今日去開上環文武廟拜神，再行行附近啲懷舊街道見到而間我愛慢煮就去試下👍🏼入到去已到連登豬就知而間黃到不得了，佢係自助型式既☺️全部都係慢煮既，有豬，牛，羊，仲有其他小食，最重要既係有好平既手工啤酒😍我叫左US安格斯頂級西冷牛扒佢用慢煮既方法，唔會過熟而韌，肉汁鎖住係牛扒入面，肉質非常嫩滑，好有牛肉味，每啖都好多肉汁👍🏼另一個係法式油封鴨脾入面肉質好滑，加上啲皮好脆，一啲都唔會有油膩既感覺，唔會好乾同有一陣鴨肉既味道😍芝士溫泉蛋大啡菇芝士下面係溫泉蛋，一切開溫泉蛋蛋汁流晒出黎黎🥰個菇好多汁店員再推介左我一枝手工啤酒好濃郁既麥味👍🏼👍🏼

輪到男朋友接力啦~今日比女朋友掉抵左，咁唯有自己出去偷食。記得女朋友話上環有間唔錯既小店，努力一記就醒起“我愛慢煮”，一search有兩間，見有時間就選擇左慢慢碌上山。上到去環境舒適，灯光有氣氛令人覺得好warm好放鬆。好，即刻去點菜先黎個氈酒，再配個豬鞍當然要配埋個番薯薯條。先上既氈酒，成個present好靚，個杯令我諗起我女朋友最鍾意既富士山。前菜番薯薯條，一食熱辣辣，相當新鮮，但重點原來係個醬到，個松露味好出，配埋個薯條，一流！最後到個main，豬鞍肉汁鮮甜，不過肉質較鞋。最後整體都比預期好，性價比高，而且門口寫住醫護半價以及店內隻小黃豬，就已經值得去食。最後一提女店員服務慇懃有禮，抵讚下次都要帶埋女朋友黎食下啦~

聽聞慢煮方式嘅食物特別鮮嫩好食，情人節快到，一於上網揾間慢煮餐廳同老公預祝情人節啦😉上環普慶坊呢間我愛慢煮，位置比較偏僻，可以由東華醫院附近行樓梯行上去，近卜公公園，店舖裝飾中西合璧，西洋吊燈加埋中式掛飾,家庭聚會可以上閣樓，自成一角😄點餐係自助形式，櫃面同侍應點選咗食物後，就會送到餐枱，餐具，醬料係自助形式，飲管用紙造，夠環保👍🏻首先，要份雜菜沙律，份量都幾多，撈咗橄欖油同醋，特別醒胃😋美式燻烤豬仔骨，豬仔骨肉質通常比較靱，但係原來用慢煮嘅方式烹調，肉質唔單止鮮嫩，肉汁多，仲腍到一切就骨肉分開，BBQ醬配肉質嘅原汁原味，有驚喜👍🏻48小時羊後膝，用48小時低温慢煮方式煮嘅羊後膝，肉質同樣咁嫩滑，肉汁鎖住係羊膝裡面，用孜然粉同茴香粉醃肉，羊羶味唔重👍🏻飲品我哋要咗熱情芒果特飲同士多啤梨特飲，梳打汽水加埋果粒，味道夠清新😋好想試佢地嘅慢煮紅酒梨配意大利雪糕，但係已經賣哂🤔，老公提議下次再黎食，反正餐牌仲有其他菜式我哋都未試😋

作為餐廳最重要是食物質素，除了選擇多，份量夠，價錢相宜，CP值高，味道都得到很多網上好評，仲要免加一添，呢間【我愛慢煮】好飲集齊左以上嘅傻點之餘仲係走文青 cafe 風格皆因位處上環普慶坊，相當 chill ，其慢煮食物又是否如想像中好吃？.盲摸摸嚟到門口，門面水泥牆身，兩旁繪上龍、虎，霸氣十足。 入面同門口Style唔同，暖紅色磚牆，有上層下層，又有高腳枱櫈，環境寧靜，慢活。食物方面，一大張A3紙底面兩頁睇晒，沙律、配菜、主菜(意粉、薄餅、肉類)，好多食物係慢煮由分子料理發展出來，能保持食物原味及鮮嫩口感，大受廚師及食客歡迎。餐廳係以採取半自助形式，客人自行到櫃枱點餐、領餐具，餐紙、醬汁，由店員送餐。都幾Causal。👋炸蕃薯條 $28香脆度高，炸出外酥內軟、口感香甜的酥炸蕃薯條。他喜歡，我也一樣喜歡，值得一讚，配上松露沙律醬很好吃，蕃薯香味不會被松露味道搶過，呢個預食非常開胃！ 👋芝士溫泉蛋大啡菇 $36對於喜愛食菇菌類的我，任何菇菌的菜式都喜愛。一來食得健康，二來菇菌可以作主菜或配菜。 人稱"大啡菇"或"大磨菇"，今次點了個芝士溫泉蛋大啡菇作前菜，即叫即焗不過都等左一陣呢。充滿著

Life pace in HK is too fast....walk fast, work fast, eat fast.  We are missing out beautiful things around us, try to slow down once a while to enjoy what's happening around us.  Slow-cooking definitely slows down our lives as the food prepation method relies on using low-heat for a long amount of time. Grilled Danish Half Chicken $128Chicken was tender and easy to cut .  The chicken itself is filled with flavor, if you have a heavy taste bud, you can add black pepper sauce. Pork Rack $138Incred

上環既半山區，真係無乜幾可會係呢度出沒。點解會黎呢度食野，坦白講，全因為”慢煮”呢兩個字。呢個區域，藝術感十足，呢間小店亦融入其中，有左青龍右白虎傍住，氣勢十足。好有親切感既豬😍慢煮安格斯頂級西冷牛扒有條獨有既脂肪邊，帶出陣陣牛香慢煮法式豬鞍扒+芝士溫泉蛋大啡菇慢煮法式豬鞍扒，食落去勁juicy，仲juicy過塊牛😍配上香草，更加帶出豬既肉味☺️芝士溫泉蛋大啡菇，切落去剛剛好，唔太生唔太熟，少少流，岩岩用大啡菇裝住😍latte🥰最後要試個甜品，慢煮菠蘿！平時唔食菠蘿既我都要試，唔鞋口，有薄薄烤熔左既焦糖。配上意大利雪糕，絕對係大滿足😋