我愛慢煮 (普慶坊) (已結業)

男朋友生日，揀左間特別小小嘅餐廳，仲係黃店。餐廳入面有一大隻連豬，10月1有提供食物同地方比手足添。餐廳地點的確唔就腳，喺東華醫院附近，但唔難搵嘅。一入去有啲焗，冇開冷氣，不過之後有開返，ok嘅。點餐唔喺位點，要行落去cashier到嗌嘅。餐具亦都係自己拎，不過有少少污糟，仲有食物殘渣喺隻碟度。一叫完等大概5分鐘就開始上菜，仲上得幾快添。小食性價比非常之高，一啲都唔貴，而且質素OK。 炸蕃薯條，芝士忌廉菠菜苗，同芝士溫泉蛋大啡菇都好味、推介。 到主菜，法式豬鞍架係慢煮，有肉汁得黎外脆內軟，超正！但法式油封鴨脾唔係慢煮，好乾，而且仲有羶味 有啲失望 慢煮紅酒梨配意大利雪糕賣晒冇得叫，叫左朱古力撻。朱古力味濃嘅，但賣相一般我就冇影相了。訂位之前見過有食客可以喺甜品上寫字，我都有request，但上嘅時候冇寫到，咁就算啦⋯⋯總結，菜式唔多選擇，食一次就夠了。除左鴨脾，其他我都推薦的～