愛文生

营业中

休息中

Real dai Pai dong in HK- Oi Man Sang Dai Pai Dong Restaurant.So many childhood memories of my father bringing me here when I was little.Now it's time to return the favour..Chilli CrabStir-Fried Clams with Black Bean SauceGolden King PrawnPeking pork chopStir-fried Kang Kung with Preserved Beancurd and Chilli ..港式大排檔-愛文生今時今日傳統街邊的大排檔真的愈來愈少，很多都搬入店了，風味也不及之前還好這家依然能保持街邊風味，而且超有鑊氣這家是我小時候第一家吃的大排檔，以前就住在隔一條街，父親常常帶我去吃，爸爸就是第一個灌輸大排檔文化給我的人依稀記得，他們以前沒有舖位，只有一個小小的檔口，幾張桌，慢慢由一家店，變成現在的一整條街同一家大排檔，小時候爸爸帶我去，感恩今天能換我帶爸爸去❤️

這天跟4位中學同學聚一聚，來到深水埗的愛文生大排檔，我們大概6點多就到了，人不算多，直接入座就可以了。 我們叫了一份魚香茄子，薯仔牛柳粒，椒鹽鮮魷，還有藍妹啤酒。 我們5個人也叫了2碗飯。先說魚香茄子，正常發揮，茄子挺多，可能正因為這個原因，顯得肉碎很少。而薯仔牛柳粒，薯仔和牛柳都很大塊，吃起來有點不方便，而且牛柳略嫌韌了點。這個椒鹽鮮魷就不錯，味道適中，炸粉也不見得很厚，配上汁送飯很開胃。總得來說，這次個人覺得是中規中矩。

今日拍拖拖二人世界嚟食，「愛文生飯店」。黑椒薯仔牛柳粒人生中第一次食到黑椒薯仔牛柳粒，就喺愛文生呢道，不過愈來愈覺得水準愈來愈差。薯仔唔入味，感覺好似快快脆炒完，快快脆上枱就算。豉椒炒蟶子原本抱住個俾人搵笨嘅心態嚟食，因為呢道出街食飯次次叫蜆，次次都喺殻多過肉。不過今次炒蟶子就有驚喜啦，真喺殻肉比例1:1👍👍👍，而且粒粒都夠厚肉。黑椒鹹豬手次次嚟都會叫黑椒鹹豬手，不過同黑椒薯仔牛柳粒一樣，唔喺水準愈來愈差，就喺食材質素愈來愈差。雖然豬手肥先好食，但太肥就會咩肉食啦。政府政策出晒錯，做就大排檔愈來愈小，市民唯有焗住小選揀，就算水準愈來愈差都無其他選擇！

深水埗有唔少大排檔，好耐以前已經聽過愛文生，不時同另一半提起話想要試，但佢講過好多次話覺得麻麻，唔係佢杯茶，於是拖到而家。難得同幾位朋友聚會，就一於試下。禮拜五晚天氣頗熱，好在朋友早少少過黎搵位，可惜室內已滿，咁外面坐街都係預左嘅，食大排檔有時講氣氛，環境唔講究得咁多一般中式小炒都有齊，價錢稱唔上平，但亦都不至於話好貴，簡單炒幾款小菜，埋單人均都係百零蚊。黑椒薯仔牛柳粒 $98好多小菜館都有做呢款菜式，但真係並非間間整得好食。我諗其中最出名應該係萬發啦，幾乎成為薯仔牛柳粒嘅基準。愛文生嘅出品同我想像中有距離，水準一般首先牛柳粒份量少，食落都有肉味，唔會話乸到鬆哂；薯仔外層微脆，可惜炸得過乾，而且我唔係好buy佢有陣「美極味」。椒鹽炸鮮魷 $108炸物嘅質素同樣一般，魷魚賣相還好，加左椒絲、椒鹽咁，炸起來口感過乾、過硬，魷魚太虛無，只有幾條較完整。豉椒炒蜆 $98炒蜆味道唔錯，辣度適中，夠惹味；唯蜆肉並非飽滿，而且吐沙未夠乾淨家鄉小炒王 $108我地點左兩碟差唔多嘅野，哈哈。小炒肉份量就唔多，勝在夠香口，而且不至於太油淋淋。炒通菜整體黎講，愛文生俾我嘅印象真係一般，撇開環境、服務唔講，食

深水埗這間大排檔真係聞名已久，終於覓得良日來一試鑊氣小炒！同朋友兩個人去食，叫咗三個餸。【豬潤啫啫雞煲】分量好足，大大舊雞，大大塊豬潤，鑊氣十足，食落好香，好味！【金菇蟹柳扒時菜】一上菜覺得好伏，還笑說似嘔吐物。不過食落都OK嘅，汁幾鮮甜。青菜撈蟹柳金菇汁食，都幾正！【椒鹽炸鮮魷】好好食啊！如果戲院有得賣就好了！鹹蛋黃嘅香味搭配魷魚嘅鮮甜，外面焦脆，內裡爽滑，兩者相輔相成，合二為一打造了絕佳的口感。其實樣樣菜分量都好多，全部都食唔曬，個心係好想再食多d，可惜個肚裝唔落啦。唯有捧著我嘅肚腩依依不捨地看著香噴噴的剩菜離去。

深水埗呢一檔大排檔超級有人氣🤗小編一直都好想試，不過萬年都勁多人等位😳所以一定要勁早去攞飛，如果唔係真係有排等😏愛文生係一間開業於1956年家庭式經營專賣小菜同海鮮小炒嘅鐵皮大排擋😎全靠兩個古董火水爐，喺街頭炒出鑊氣小炒，非常有風味🥳-🍴芫荽皮蛋魚片湯芫荽皮蛋魚片湯以芫荽、皮蛋、魚片同布包豆腐煲成🤫雖然配搭簡單，但就非常適合為呢一餐飯做一個開端☺️呢一煲湯一上枱嗰陣已經非常吸引，表面飄浮着大量嘅芫荽😳一潷起亦都有非常多嘅魚片，入面亦都加入左布包豆腐，皮蛋份量都算多😁魚片湯入口有好重嘅芫荽香味，入口亦都有少少辣辣地嘅感覺，味道非常清新🤪而且啲芫荽入口亦非常嫩身，一啲都唔老🤗至於個魚片方面，魚片入口都算嫰滑，完全唔嚡口，而且冇骨😆真係超級加分。整體來講，湯嘅味道雖然比較清淡，但味道亦都非常足夠，芫荽味重果下真係超級加分😌-🍴椒鹽九肚魚椒鹽九肚魚炸得外脆內軟，食落非常香口😙而且入口食落口感亦非常鬆化。中間嘅九肚魚雖然就唔算肥美大條🤔不過入口食落肉質一絲絲咁，但九肚魚亦非常嫩滑😝再者九肚魚入口食落嘅椒鹽味都幾重，但又唔會太過鹹，而且有啲辣辣地咁，真係會食唔停口😜而且沾埋個喼汁一齊食，入口酸酸地咁

想食街邊大排檔，選擇不太多，突然諗起深水埗的「愛文生」，之前未食過，不過都聽過大名好耐。星期六8點幾去到，要等位都預左，但前面仲有幾十個號碼未叫，見佢鋪位多，又擺埋露天位，希望唔駛等太耐。眼見大枱比較多，都諗係咪要等到天荒地老，好好彩，因為我地企近店員，佢見到面前有張枱吉左，就隨口叫我地坐。好彩完就到不幸喇，我地最想食的菜式都賣晒，蟶子，冇，黑椒薯仔牛柳粒，都冇。大約9點咋喎～唔想敗興而回，附近又冇咩想食，就照叫其他嘢。家鄉小炒王（$108）一上枱已好香蝦醬味，材料有韭菜花、魷魚、蝦乾、菜脯、腰果，爽、鮮、脆、鹹有齊，好適合送飯送酒，不過因為有菜脯+蝦醬關係，都幾鹹，唔鍾意咁濃味要注意。另一樣常點的就係沙嗲牛肉粉絲煲（$88），以為呢樣一定穩陣啦，點知就連茶餐廳的都不如，牛肉有點鞋又冇味，粉絲係好多，但感覺唔到沙嗲的香濃惹味，非常失望。椒鹽鮮魷（$98）外層炸衣雖然脆，但並唔薄，就算魷魚尙算鮮味彈牙，都挽回唔到分數。食客佔半數係遊客，變成了遊客食肆，人多，食物又早沽清，質素都唔太驚喜。不過店員大部分都好好人，雖然好忙，但都會同你傾兩句，臨走想影下師傅炒餸，佢冇嫌棄，仲同我好熱情講拜拜，

聽就聽得多啦~  真係好多人都識呢間野~ 食就未食過~~  所以今晚收工同男友特登過黎試下  8點一黎到已經全場爆滿  2個人點左  2個送同兩個白飯咋0.0~  第1個係豉椒炒蟶子$148     超惹味 勁好食!! 好食到我想再點架== 但係同男友都係食唔到多就飽  所以...下次啦 haha    我比5星!!!! 第2個 又係黑椒薯仔牛柳粒$98 我真係成日食呢個- - 哈哈  好鐘意食薯仔>< 呢間d薯仔都係外香脆 內軟~ 正 (((都係薯仔先係主角)))  牛柳粒一般  ((塞晒比男友食))  XD 佢又塞番晒d薯仔比我食  哈哈但我覺得可以味道上再調整下  或者試下第2間咁再+d汁 會更加好食  ~~((因為我食過另一間有汁但又脆薯  好正>< 所以有d要求 XD)) 提提你:~ 如果想去食下  就要早d到啦   唔接受訂位的!!!  

星期日一行四人想吃大排檔，8:30還是要等位，還好等待時間只需15分鐘。坐下立馬叫了惹味的豉椒炒聖子，不太辣，火喉足，聖子雖然細細條，但鮮味足，肉滿滿，重點是一點沙也沒有。必食推介。另外點了朋友喜歡的粟米魚肚羹，大大窩，材料足，粟米湯很濃，難怪朋友每次來都點，很有家的感覺。椒鹽豆腐，外脆內滑，非常好吃！佐酒一流，必點之選生炒骨，炸得剛好，肉排不乾身。淋上甜酸汁後仍是帶點脆，甜酸濃度也是剛好，不錯金銀蛋莧菜，很咸。莧菜也很老身，或許不是時候吧。可以不試。最後是蒜蓉蒸蝦，吃一下就知是新鮮的蝦，蝦肉結實，蒜蓉調味不錯，只是比起其他菜式價錢較貴。

大排檔具有集體回憶，所以我間中都會幫襯。愛文生可以話係是深水埗區的，其椒鹽鮮魷同豉椒炒蜆係我既至愛，可能是火力夠猛，上枱時肉質仍很鮮嫩，這是茶記及西餐無可比擬的。

細細個食到大既大排檔，由人手派飛食到而家門口已經有部機比你禁飛系統化後食物水準依然，這間大排檔我相信係香港數一數二，不用多推薦也已經滿載口碑適逢下雨天加上是星期一平日晚上7時，雖然去到都座無虛席，但總算係可以即時入座不用等兩個女孩子不能點太多菜，粗粗地四個食住先啦這晚的豉椒炒蟶子不誇張，由頭食到尾都仲未食完，我o地不停問食完未阿？平時多數係每人食幾條就會見底，可能這晚用的是細蟶子吧，可惜略嫌唔太夠味，辣味係夠既，但〝豉〞味還欠一點點吧半隻鹽水雞原來是配沙薑汁，我覺得有點太〝鞋〞了吧，連雞脾食落都唔覺得滑乳鴿係一路行入黎既時候見到有其他人點，突然好想食所以叫o左，還不錯，絕對要襯熱食先食到佢皮脆肉嫩我發現差唔多檯檯都有叫雜菜煲，但佢又唔係舖頭推介菜色，便會一會佢預o左佢係會淡既，見佢附送埋豉油就知唔點應該無咩味，但反而又比想像中ok入面係以油麥菜，白菜仔同菜心為主再加少少鮮魷魚，冬菇粒同埋面頭少少粉C，我o地都希望如果可以多少少粉C就好啦..D菜都好新鮮但食完之後覺得雜菜煲既味精都幾重下...因為勁口渴這些年，愛文生水準還是不變，而且最鍾意大排檔檯與檯之間親密既氣氛，雖然大家都唔識大家，

聞名已久嘅愛文生，終於約齊班兄弟去食，大排檔本來就係粗曠嘅地方，男人嘅浪漫，晚上八點半左右一行4人就黎到愛文生，可能比較夜嘅關係，唔使等位就坐低左。黎得大排檔都預左唔會太企理，但我地坐喺廚房旁邊，油煙比較勁同埋地下都係濕晒嘅。不過環境唔緊要，我地嘅注意力已經比旁邊啲食物吸引住，食物嘅香味瞬間令地個肚打晒鼓。我地一共叫左5個餸，可能人多嘅關係都等左接近半個鐘先上菜。 首先係「紅炆斑腩煲」，份量十足，有斑腩，炸豆腐同冬菇, 加上生菜鋪底，味道幾好。第二道菜係「黑椒鹹豬手」，大大隻豬手煮到好淋，啲肉唔使用力一切就骨肉分離，而且非常入味，超多骨膠原，但可以多番啲黑椒味，上菜時亦都唔夠熱 。之後係人氣嘅招牌菜，「黑椒薯仔牛柳粒」，果然冇令我地失望，好味！ 薯仔絕對係呢碟餸嘅主角，非常香口，表面脆卜卜，入面鬆化。牛柳粒唔韌，唔錯，但有朋友覺得味道偏鹹。朋友話想食有鑊氣嘅菜式，所以叫左呢碟「桂林炒生腸」，我本來都怕食生腸，但呢碟處理到冇臭味，而且爽口彈牙，都可以接受。 最後係椒絲腐乳通菜，夠火喉，爽口，大排檔水準,不過不失。

這間人氣大牌檔平日晚上都完全爆滿不止店內的抬全爆 外面整條街都俾佢霸哂亦全部滿座 果然名不虛傳值得一提是這裡不接受訂座所以建議早點去免得要等位咕嚕肉 | $98醬汁好食是基本而炸粉豬肉的黃金比例就是成功之處炸粉薄而脆 多肉而且肉質爽厚黑椒鹹豬手 | $148怪不得是這裡招牌菜 超巨型鹹豬手豬手煮得超淋 豬手皮的膠狀質感好似食緊花膠一樣略嫌黑椒味不夠濃 但肉質好嫩好淋不會鞋口或過鹹 非常出色豉椒炒蟶子 | $148豉椒炒蜆 | $98豉椒超惹味 再有適度的辣絕對會食唔停口兩款海鮮都好食 蟶子略勝一籌椒鹽九肚魚 | $98大牌檔必叫的餸 外面脆爆魚依然勁嫩滑 再點喼汁真係好好食🤤黑椒薯仔牛柳粒 | $98牛柳其實都只是配角 薯仔才是主角❗️外面炸到好香脆 裡面薯仔依然軟糯而且好夠味 感到有點美極鮮露的味道💯金銀蛋浸時菜 | $88連菜都要特別稱讚😂菠菜煮得很爽口不會過淋 依然保持口感皮蛋亦好爽滑 好出色豬潤啫啫雞煲 | $98好惹味的煲仔❗️蔥蒜味道香令雞好入味豬潤真係好正！超爽椒鹽炸豆腐 | $78炸豆腐真係無得輸 外面香脆裡面是滑豆腐可能我較重口味 認為椒鹽味可以多一點但夠哂多炸蒜抵讚😋最

一黎到呢到，成條街幾乎都係愛文生既客人，星期三晚七點幾，都要等左半個鐘左右先有位。不過要搭枱，但都冇辦法既，好野自然多人食。我地叫左:小炒皇 有腰果、魷魚、榨菜、韭菜 撈埋一碟一齊炒，雖然油左小小，但好有鑊氣，好香好鮮甜。魷魚唔會過淋，亦唔會難咬，嫩嫩的，好爽。黑椒薯仔牛肉粒牛肉粒同薯仔都好大粒又好多。牛肉粒都係好淋，啖啖肉，配上黑椒辣辣地，好惹味，好好送飯。薯仔粒外脆內軟女好食！對於澱粉人黎講係停唔到，好似食薯片咁。豉椒炒蟶子雖然唔係好大隻，但好彈好嫩，好新鮮！另外啲洋蔥都又脆又甜，豉椒汁辣辣地 又係撈飯一流。滑蛋蝦仁蝦仁超大粒，啲蛋又好多！雞蛋香滑，蝦仁夠爽口。雞蛋同蝦仁都唔會過老。椒鹽九肚魚個個頭一般，但勝在炸得乾身酥脆，好香口，而且唔會好厚粉。野食雖然油左小小，不過真係好惹味，同埋碟碟都好大碟，好開心

小炒要好食其實心目中都有幾間係頭幾位，不過愛文生真係我ＮＵＭＢＥＲ　１。話說妹妹介紹呢家去食媽媽生日飯我都奇怪，生日飯黎呢到食又好似唔係好舒服，同埋又好擔心衛生問題個Ｄ，同埋又無得ＢＯＯＫ位，不過算啦家人難得食餐飯，唔比太多意見。黎到要位已經有店員好熱心咁幫忙，呢個值得一讚，好快已經有位。叫咗幾個小炒都係最出名，果然無介紹錯！份量大大碟之餘仲好有獲氣，好有大排檔風味，樣樣都好好食，最衰我地人唔係多唔可以試哂添～下次真係要叫多Ｄ人去，試埋其他嘢