愛文生

营业中

休息中

最近終於有機會試下朋友口中好好味既愛文生，2條友某一晚就去左食，好多人排隊，但門口可以拎飛再上網 check嗌到幾號都幾方便，不過有時會一次飛幾張飛跑都跑唔切返去😂 今次試左薯仔牛柳粒，豉椒炒蜆(無曬埾子)同埋我最愛既椒鹽九肚魚！份量真係好多，2個人食3個餸係食唔曬既！味道就正常啦，無我個朋友話好好食咁誇張。埋單3百幾，正常價錢。

This is the place to get that daipaidong feel and quality. Stuff are very good. Some dishes could be better but good nonetheless.I had the stir fry vegetables, potato and beef and the sala pork (the sweet and sour pork chop with the Mayo)Definitely a place you will enjoy with friends and family

這次去和舊同事相聚三個人嗌左四個餸，每人$190埋單，今次係冇咩飲酒只係飲咗三至四支藍妹,其實之前都去過幾次每次食嘅嘢都係唔同，因為之前幾次有朋友唔食牛肉，就冇叫牛柳粒，今次就試咗牛柳粒，係堅好食，魚腸喺香港少有嘅地方有得食，整得唔差也沒有腥味，其他菜水準出色，同埋佢嘅菜式比較大碟、比起其他餐廳菜館佢係算大碟㗎，值得推薦可以再去，但係要早啲去因為平日七點後已經要等位.下次再去可以試吓佢個豉椒炒聖子

本來大排檔應該要一大班朋友先開心😆因為可以叫多啲野食😆😆但限聚令嘅關係所以今次我只係2個人去，呢間鋪距離地鐵站都算遠，不過都易搵👏🏻👏🏻👏🏻大排檔出名就係碟碟都好大碟，果然真係好大碟👏🏻👏🏻黑椒牛柳薯仔粒-薯仔炸到個皮脆脆地入面又好林👏🏻牛柳粒外面都整到硬硬地，一食落口入面既肉好林，同埋一食就知唔係平價牛粒，有少少牛味，但美中不足既係無蜜糖味，當然佢餐牌冇寫有蜜糖，但我平時係第二道食好似係會有蜜糖味🤣有好似好食啲🤣🤣🤣金銀蛋浸豆苗-呢碟睇落好普通但食落就唔普通，好好食😍👏🏻👏🏻重點佢個湯個味整到好好連同肉碎豆苗蛋白一齊食，超好食👏🏻👏🏻皮蛋就麻麻地好食，但值得推介我地叫左兩個飯再加兩罐汽水，埋單26x，算唔算平就唔知啦🤣因為我極少食大排檔，但味道唔錯，會再去食😆

朋友話好想食大排檔，我問左其他超鍾意食大排檔嘅朋友仔，佢推薦呢間。.🌼鐵板黑椒鹹豬手 $148超大份豬手，切開肉質肥美，豬皮軟熟，沾黑椒汁一起食好正。熱辣辣新鮮上鍋。四個人識啱啱好，兩個人嘅話可能食到最後有d膩。.🌼 爆炒大聖子 $120本身想叫炒小聖子，但已經沽清。推薦呢個大聖子，三十蚊一條。爆炒好好味😋，含有辣椒。.🌼豬潤啫啫田雞煲 $108豬潤厚身，田雞份量都幾多下。食到最後仲搵到d田雞肉係鍋底。.🌼清炒油麥菜 $68朋友說很好吃。

特登過嚟食薯仔牛柳粒，滿心歡喜可惜好鹹炒蟶子幾肥美，味道好食，入味，仲帶點小辣家鄉小炒王，足料好豐富但係所有配料都有啲鹹，不過餸飯都唔錯椒鹽九肚魚，新鮮熱辣辣，不錯

好耐冇去過呢啲咁地踎嘅飯店度食嘢, 今日有七個人一齊嚟食飯, 居然係呢呢啲好似大排檔咁嘅 飯店度食。講真食物味道真係唔錯嘅, 但係呢啲咁地踎嘅地方就真係會比較污糟同埋嘈雜以食嘢嘅位置都會比較迫。 當然啦一大班麻甩佬咁就梗係冇所謂啦, 如果係一班女就可能會嫌污糟咗少少。炒蟶子不過就細細隻, 但味道係唔錯嘅黑椒薯仔牛柳粒 啲薯仔太大粒可以切細粒啲豆豉鯪魚油麥菜 大大碟呢個係鹹蛋炒苦瓜我就真係冇食過啦因為我唔食苦瓜嘅椒鹽九肚魚 好味嘅椒鹽魷魚比較乾身一般般沙拉豬扒最唔吸引嘅地方就係就咁將啲沙律汁吱係面豉椒蒸鱔呢個又整得唔錯啲鮮好脆七個人冇嗌白飯啲餸全部食曬未到都好食總括嚟講不過地方就真係一般般

好耐冇去過深水埗，同女朋友兩口子食飯突然想食下中菜，就上網搜尋一下，見到呢間老字號鑊氣小炒，又有唔少讚好，就即管試吓。平日去諗住冇咁多人，點知都要輪候一會，店員都好好禮貌盡量都想快一點安排有冷氣地方比我們坐，大約等了15分鐘，最後都要搭枱，還好是一張中枱與隔離家庭吃飯都有一點距離👍🏻因為兩個人食飯所以未能叫太多，眼見其實有好多特色小炒都很想叫黎食，但最後女朋友好想食椒鹽鮮魷，咁我就唯有補個椒絲腐乳通菜炒牛肉同福建炒飯就算，椒鹽鮮魷非常乾身，不會很油膩亦都很香口，值得一讚，通菜份量亦很多，最後炒飯完全係酒家級數，埋單280蚊，價錢可以接受，下次會返嚟試吓個豬手，因為見到好多枱都叫😍

今日約左舊同事一齊食飯以前係深水埗一帶都只係食開萬發今次想試新既鋪頭朋友話愛民生都吾錯就一於試下喇😛—————————————————什菇炒西蘭花🥦 (👍🏻👍🏻👍🏻👍🏻👍🏻)利碟超岩我口味❤️西蘭花爽口 什菇入味 送飯一流—————————————————啫啫通菜煲（👍🏻👍🏻👍🏻）朋友話好好味我就覺得未到話好好食😂因為有咸魚味既碎肉 可能係腐魚？我就麻麻😬—————————————————黑椒牛柳粒👍🏻👍🏻專登叫黎試下見佢話係米之蓮推介但超失望😞薯仔係勁咸牛柳勁多根😨？好難咬.....食完要飲可樂真係😑—————————————————豉椒炒蜆👍🏻👍🏻👍🏻👍🏻食大排檔我必點之一整體味道吾錯既但可以更有鑊氣—————————————————椒鹽炸豆腐👍🏻👍🏻👍🏻👍🏻👍🏻利個我朋友點既好味喎真係炸得岩岩好咸味適中推介❤️—————————————————我地五個人叫左五個餸 一個飯 三枝野飲賣單 每人$102吾貴又傾得開心我地六點左右到 吹水吹到九點禁制😂愈夜愈多人食🤪

這是一間歷史很悠久的大排檔! 能捱過半過世紀, 一定有佢的原因! 說實在香港人把口很勵害, 只要唔好食, 就會很快執!叫了三款小茶滑蛋炒牛肉~~~ 雖然這是很簡單的小菜, 一般人都可以煮到, 但真係唔係每個人都做到佢的質素! 蛋 和 牛肉都炒得很滑, 牛肉亦彈牙, 口感頗佳!椒鹽鮮魷~~~鮮魷的外皮炸得很香脆, 但內部的鮮魷不會炸得過火而變得死死實實, 這反映出廚師的功力!而且鮮魷肥厚, 不會將價就貨!什菜煲~~~雖說是簡單的菜式，可以是湯底夠濃, 所以食物很入口味! 最後我連湯都飲清光!!!只能說, 味道依舊好食! 抵佢多年越做越大。

好不容易齊腳來到了聞名已久的愛文生聚一下，7:45到達，估唔到全街全店都係人，人氣真唔可以睇少！但放眼望去人車爭路，啲飯枱直頭係路邊，其實好危險，同埋會吸塵，呢度環境比我想像中差，而且周圍油煙周圍飄。等位等左足足9個字先入到，滿心歡喜點菜，但想點的葱油雞，即霸王雞阿姐話無喎，只好退而求其次點了沙薑雞！雖然雞係正常的，也算滑嫩，但個沙薑醬真係令人失望，完全無薑味，無應有的沙薑香味，屋企阿媽整個沙薑醬都好過佢！啫啫菜煲不錯，有咸蝦醬香，味道都幾有煲氣！薯仔牛柳份量都多，牛仔粒都嫩同唔乾，不過薯仔有啲有半生熟情況，可能因為食過更好的，所以这個只能話正常水準！豉椒炒蜆份量足，味道都不錯，蜆食落無沙，而且微辣，所以都幾惹味！我為左九肚魚而黎，所以點了椒鹽雙拼，鮮魷都算新鮮彈牙，不錯的！但這條九肚魚，由外乾到內，完全無嗰種濕潤感，以為一條係咁，但原來條條都係咁，都算係咁耐以黎食過最差！所以食左一條，另一條撕開都見到乾柴就直接全碟九肚魚都放棄左！好失望！總括而言，一般的大排檔，不過價錢不算貴，也算實惠，但環境衛生較差，大熱天時真的要諗清楚先去，因為坐室外一來熱，二來車來車往，有點吸塵。好食的話，前兩

香港既街邊大排檔已經買少見少，唯有趁下而家仲有啲機會就去試吓唔同嘅大排檔，呢間都算歷史悠久，有好多朋友都食過，都推介呢間大排檔，咁就即管去試吓！去到都唔使點等位，見到佢個露天廚房個火好旺，鑊氣一流，香味十足，即刻坐底叫下d考牌菜啦！每次我地食飯都一定會叫椒鹽九肚魚，點知中伏，碟餸嚟到賣相就一般，個色好似炸過咗火，每條魚都好硬，肯定係個粉漿出咗事，不過味道算可以！跟住叫下海鮮啦，見到啲蟶子都算靚，咁就試吓用豉椒炒，不過個豉椒味就怪怪地唔係好夠味！份量都算多唔會剩係得啲殼！出邊好少會食到鹹魚煎肉餅，諗住見佢嗰火咁靚煎野就試吓啦，但係唔知係咪唔夠鹹魚，個鹹香味就唔係好夠，好似普通嘅煎肉餅！三個大男人，三碟餸又點會夠，不過都驚驚地又驚中伏，咁岩見到隔離枱叫咗兩碟餸，就跟風啦！西蘭花班片，都幾好味，終於有返d信心，但係唔知係咪隔離飯特別香，我哋嗰碟好似好細碟！跟住就試埋佢最出名嗰個黑椒薯仔牛柳粒， 上菜嘅時候碟餸都算大，不過好似薯仔多過牛！黑椒味好香，薯仔走過油，牛柳粒就好林，唔錯！

今次分享深水埗大排檔界「四大天王」之一即使係閒日 店內都係坐無虛席亦都見到唔少外國人/遊客幫襯黎到當然唔少得要叫黑椒牛柳薯仔粒❤️黑椒味濃而香 大廚唔吝嗇比左好多牛柳粒不過呢碟餸我覺得配角仲出色薯仔係香口帶一點脆 而且好入味😋另外叫左每次幫襯大排擋都會叫碟有鑊氣既豉油王炒麵😌不過今次幫襯水準失真雖然炒得乾身 但食落口都係覺得油膩😢 味道調配得偏鹹 可能重口味人士會中意整體黎講我係接受 不論價錢及食物質素更重要係：香港愈來愈少有咁地道的大排檔 真係要多多支持呢種香港飲食文化👏🏼

愛文生相信大家都好熟悉 一講起港式大排檔 呢間絕對係大家會諗起嘅頭三位。幫襯過好多次 我有一次係新年前極繁忙 有啲失水準 其他時候從來未試過失望。今次兩個人叫咗四個餸 生炒排骨 薑蔥桶蠔煲 啫啫雞豬膶煲 避風塘炒茄子 全部都好好味 保持到都係咁有鑊氣。而我最鍾意嘅係生炒骨 炸到脆一脆 就算放在一陣 仍然唔會影響到口感。

最近天氣凍咗，所以好多人都會出街打邊爐或者食啲暖野而我都唔例外，朋友gathering就約咗佢地一齊食大排檔食飯啦我地六個人七點鐘到鋪頭，等咗差唔多二十分鐘先攞到位入去叫咗呢度嘅招牌小菜椒鹽魷魚，黑椒薯仔牛柳粒同埋好多其他小菜全部小菜都做得十分出色，不枉我地等咗咁耐先攞到位食飯喺打排檔食飯配埋啤酒吹吓水真係冇得頂地址：深水埗石硤尾街1號地下B-C號舖