意粉狂熱 (雅蘭中心)

营业中

休息中

今日晚上去呢間餐廳食晚飯，等入去嘅時候已經等左好耐先入到去食野。等待嘅過程無一個服務員負責接待。入到餐廳裡面，成間餐廳都系煮食嘅油煙味。本人有鼻感受所以感到非常唔舒服。搞到成餐飯好辛苦。去到送餐嘅時候，服務員好唔耐煩甘放低個飯就走。完全無問過我同朋友點左d咩。正常餐廳都會問下點左d咩餐，根據客人點嘅餐放番系客人面前。最後，系我地就食完飯嘅時候就黎吹埋單，因為我地仲食緊所以無理佢。過左無耐又有個服務員黎吹埋單。5分鐘內吹左我地3次埋單。問題系我地仲未食完😓😓總結，我唔會再去呢間餐廳食飯，服務差，環境差，態度差。

尼間餐廳係朋友選擇，因為遲出門口，朋友狂餐廳入面等，但餐廳同和民共用同一個門口，所以比較難搵🤔因為遲到，朋友已經食左少少野 ，不過唔清楚食左咩，我去到share左個千層麵，pizza。朋友話吾夠食可以睇餐牌再叫，我睇餐牌見到好多種不同類型的食物，但唔知點咩好，所以無叫千層麵味道不錯，每人吃1-2件就無曬，pizza因為有洋蔥，我挑走之後好似得番塊餅皮😅偏食真係有少少麻煩飲品單點太貴，所以我無叫飲品

呢度主要係食pizza意粉選擇都幾多，而且價錢便宜。都幾抵食。雞翼炸到金黃色但可惜有啲皮甩咗出嚟不過味道還可以😌Pizza有兩個size（一個small,另一個regular)細的分到三份如果大家想試多啲口味建議叫small👍🏻我地叫左兩個一個係帕爾馬火腿三色沙律披蕯另一個係黃金四重芝士披蕯（配蜜糖）兩個都新鮮出爐，幾好食南瓜🎃雞肉意粉南瓜味都幾濃，可以一試。呢度飲品選擇都幾多有alcoholic drink, wine, beer, mojito, sangria, soft drink, ya kilt, soda & fruit juice, coffee and tea~緊有一款岩。其實同朋友來食tea叫杯飲品，share個small pizza都唔錯。

今日同舊印尼工人姐姐聚舊，想安靜唔趕咁食飯傾計，選了食pizza,因為就姐姐宗教，所以都唔會食有豬肉的，以為睇清楚餐牌，點知上菜時都仲係有少少豬，我本來諗住自己食，再另叫比工人，點知Ken經理超好人，立即同我哋換，再問清楚廚房其他餸菜有冇豬，原來其他的都會有煙肉，佢立即同我哋換晒佢，無另外收費，真心多謝經理的體貼，令我哋有個愉快的晚上，食得好安心，又唔限時間，可以慢慢傾，真心滿意。下次會再去食嘢。

今日晚餐突然好想食意粉，意粉狂熱主打有好多款意粉，見餐牌就覺得好豐富好多選擇🙈香草烤雞雜菌蕃茄意粉$68雞肉唔係太滑又冇乜味，雜菌份量唔夠多，用咗蕃茄蓉，所以都重蕃茄味溫泉蛋芝士卡邦尼意粉$88上面放咗好多芝士蓋過咗隻蛋🙈想食再重啲芝士味可以再加芝士粉，好多煙肉👍🏼👍🏼明太子海鮮pizza $68Small size啱晒兩人份量過口癮🙌🏻唔係太食到有明太子味，千島醬好好味😋蒜味芝士雞翼 $38重芝士粉🙈🙈🙈點埋蒜味芥末醬酸酸甜甜好好開胃

再次來訪位於旺角雅蘭中心2樓嘅意粉狂熱，係和民集團姐妹分支嘅意大利菜餐廳🇮🇹，今次為左omni素食風嘅款式來嘆意大利粉，加入新omni menu 之後，意粉的口味選擇變得更加多。🥳為左推動可持續發展目標，今次意粉狂熱推出左SDGs Fair，同green Monday一齊聯乘，推出期間限定的OMNI menu 🥬以植物肉: 新豬肉、新炸魚、新蟹餅作為主要食材，泡製了多款不同植物肉的新菜式，當中更不乏純素菜式，❣️重要野講講先❣️揀左特選商品菜單，記得scan qr code參加活動出示返版面，就可以即時享獲SDGs餐牌9折優惠! 完成活動再點選OMNI商品1客即送Oatchi雪麥糍1粒，點2客送2粒~ 正呀!呢個餐牌營業額中嘅3.17%，會捐助慈善團體School Aid Japan，幫助發展中國家的孤兒及兒童，素食健康之餘還可以做善事! 掂呀!🥘法式芝士洋蔥湯 $38推介:⭐️⭐️⭐️⭐️餐前湯絕對少不了，上次試左特濃蘑菇湯唔錯，今次點埋個幾吸睛嘅洋蔥湯，一上檯已見到洋蔥粒非常多，煲到全熟夠哂腍身入口，面層有一塊法包及芝士，令法包吸晒洋蔥湯嘅精華，可以作為蘑菇湯的次要選擇。🍝新蟹餅羅勒牛油果鮮製

呢排因為疫情關係，今日同friends 食久違的dinner 堂食~~點解會食呢間係比佢招牌吸引，sharp color 同瘋狂感覺同埋想食意粉，所以我地就入左黎呢度食叫左snacks 芝士chicken wings ~ 一段段唔夠入味薯角 ~ 脆卜卜主食叫左 蕃茄肉醬千層麵 ~ 蕃茄肉醬味幾好溫泉蛋黑松露蘑菇手工意粉 ~ 手工意粉煙煙韌韌好重黑松露味 yummy 四重芝士pizza ~ 有埋蜜糖點另一番風味, 甜絲絲, 餅底薄薄好好味4個一齊share, 分量剛好 Good

首先要讚一讚呢度嘅侍應好有禮貌兼友善!👏👏👏食物質素方面... 我覺得好有水準!👍👍👍豪華小食拼盤 (3式: $98 5式: $158)我地揀咗香烤雞翼、意式魷魚圈配他他汁... 同埋帕爾瑪火腿!雞翼夠juicy... 魷魚圈夠彈牙... 火腿夠咸香! 推介!😋😋😋秘製炸雞 $38香脆肉嫩... 非常吸引... 份量可以多少少就更加perfect!🤭🤭🤭香草烤雞凱撒沙律 $38烤雞唔嚡口... 沙律新鮮兼清新... 唔想太heavy至啱食呢d!😬😬😬Overall... 非常滿意!😊😊😊

空間較細，裝修係有自己特色，店員服務就一般，再加上係用QR Code自己下單，所以感受唔到服務午餐跟餐有沙律。我地點左芝士煙肉帶子忌廉意粉，份量一般，一個男士會唔夠食。味道唔差，意粉質地煮得煙韌，帶子係細粒平價帆立貝，賣相都係普通照燒雞蛋黃醬Pizza賣相好靚，不過批底唔夠厚度，正常都係薄嘅，但佢嘅口感唔夠煙韌度同彈性，差過批薩盒同批薩hut果啲。而上面餡料有特色同好味，唯獨雞肉同蛋黃醬都少，食唔出日本風咖啡就標準集團食肆用開嘅味，唔係香唔係好飲，只係賣即磨，所以真係見人見智

叫戶戶送速遞外賣 叫咗一份二人套餐，有一個薄餅 一份炸雞 一盒卡邦尼意粉 再另加一份薯條。薄餅味道同賣相還可以，但一打開個炸雞，啲雞黑到一個點，完全食唔到！跟住到薯條仲衰過大連鎖店嗰啲🤦🏻‍♀️個意粉完全冇味道，唔會有下次。

疫情下大家減少咗外出，多咗嗌外賣喺室內聚餐，🤰🏻呢次staycation 就揀咗呢間日式意大利菜返酒店食，雖然唔係特別好食，但貪佢份量多選擇多兼抵食，🤰🏻同朋友三人夾埋嗌咗個二人餐都係$178喳！另外再加咗啲小食都係人均～$100到，真心cp值高🌝蒜味芝士雞翼（4隻）（蒜味芥末醬）雞翼好難整得唔好食，雖然外賣食已經凍咗，但雞翼蒜味出，而且面頭有超多芝士碎，非常惹味👍🏽🌗秘製炸雞外賣炸雞梗係差啲，外皮已經唔脆，但雞肉調過味隻味喺好食嘅，建議堂食先好嗌🌝照燒雞蛋黃醬披薩 10"成餐最滿意係呢個日式fusion pizza🤩（意大利人見到應該會發癲系列）但係蛋黃醬配照燒烤雞組合真係冇得輸！甜鹹交錯嘅照燒雞加上蛋黃醬奶香👍🏽天衣無縫！🌔蒜香白酒汁海蜆意粉外賣意粉都keep到彈牙🍝口感不錯👍🏽而且蜆肉都算比得慷慨😂白酒味同蒜香味平衡得幾好，唯一敗筆係意粉偏乾🌗海蝦牛油果羅勒意粉同一問題，意粉偏乾，扣分，海蝦有兩隻，二人餐黎講岩岩好，而肉質尚算爽口牛油果都比得幾多，但唔夠熟偏硬咗啲🤣同埋成個意粉冇咩味🌘意式炸魷魚圈配他他汁魷魚圈偏韌，而且切得好幼，外皮仲大塊過佢，唔抵食唔好食👎🏽總結：Pizza好

環境燈光柔和，裝修簡約，食物款式好多元化，意大利粉、意大利飯、鐵板燒、pizza、甜品同其他小食🤤價錢合理親民！🔸牛油果沙律🥗 $48 (lunch)入面有車厘茄、香橙片、沙律菜同牛油果🥑配埋醋汁，酸酸甜甜幾開胃！🔸照燒雞蛋黃醬披薩🍕 $78 (lunch)呢款Pizza性價比最高👍🏼雞肉有輕輕燒過，蛋黃醬味唔算好濃，撈埋紫菜，幾有日本風味🇯🇵Pizza係薄底，口感鬆脆，幾好食😋🔸海鮮蒜香蕃茄意粉🍝 $88 (lunch)醬汁都足料，每啖都食到蕃茄同蒜，意粉都夠彈牙😋海鮮配料麻麻，個青口仲有啲腥🤫🔸海老忌廉芝士焗飯🥘 $78 (lunch)係好邪惡既焗飯😚面頭放滿芝士同好多蝦，啲芝士仲可以做到拉絲既效果🤤真係好容易食唔停口🤣🔸豪華3式拼盤🍢 $98 (lunch)可以揀選三款小食，今次就揀左海蝦牛油果法包多士、香烤雞翼(4隻)同意式炸魷魚圈配他他汁🤤多士較軟身，味道一般，而雞翼味較淡，燒得唔夠香🥲炸魷魚圈外脆內軟，而魷魚口感煙韌，但就冇咩味🤫呢款整體質素麻麻~~整體而言，價錢唔貴，一份錢一分味道，食物質素中規中矩，其中焗飯同Pizza味道會出色啲🤤所以價錢方面，令佢都加左啲分，可以話係

旺角行街行到攰，想搵個地方坐下食下下午茶，咁岩嚟到雅蘭中心，見到唔算多人，唔駛等咁耐咁就入去試吓啦入到去見到個Menu都幾豐富而且價錢好抵其實都坐滿左大半人，所以我坐嗰個位都比較近吧枱有少少迫😂不過都唔影響嘅咁就叫咗個三文魚牛油果蕃茄焗飯，佢係包埋嘢飲同埋沙律，就價錢又係西餐來講佢真係超抵雖然個飯係細咗少少但係都夠食嘅因為佢有芝士同牛油果呢啲比較飽肚嘅食材食落牛油果同三文魚真係好夾而且係焗飯食落去熱辣辣真係好惹味呢個價錢咁嘅質素簡直係冇得彈！

首先講吓OpenRice Pay同埋恒生個優惠先，因為付款感受其實都會影響到用餐感覺，雖然真係同餐廳完全冇關係，借個機會講兩句啦，反正OpenRice應該都會睇吓嘅。首先個OpenRice Pay迎新優惠小額簽帳OK嘅，大額其實冇乜分別。然後OpenRice Pay同恒生嘅優惠，佢個優惠二同優惠三唔可以重疊享有，所以簡單啲來講簽$80就最好，繼續係優惠細額簽帳。8%回贈要禮拜六日先有，咁我book枱都唔係禮拜六日，好心佢就唔好寫話有呢個回贈啦⋯⋯（M Power卡係OpenRice Pay用又係超級雞肋，回贈上限4000，但係最少要簽3000，不過算啦反正兩個都冇咩好嘅感覺，下次要簽就簽Red Card算數）講返正題先，以下內容可以全部加番半粒星，因為比完錢嘅感覺都真係好有影響，但係平心而論間餐廳真係超級中規中矩，冇嘢做得好差，但係都真係冇乜嘢可以話好好食。真係普通到冇嘢好講…魷魚圈咋都OK嘅，不過中間冇乜味道；雞翼可以，唔太乾，啲味道都可以，不過我覺得可以辣少少；然後個火腿現成嘅所以都冇嘢好點評；最後個法包算係做得比較好嘅，可惜海老變咗蝦仔，但係全部嘢都有四件（4人set）點解剩係得

☕️ 食物：👍🏻👍🏻👍🏻  /5 💰CP值：👍🏻👍🏻👍🏻 /5  🤵🏻 服務：👍🏻👍🏻👍🏻/5🛋 環境： 👍🏻👍🏻👍🏻 /5同男朋友放假搵野食，搵左兩間都冇開，就醒起自己都想食Pastaholic芝士雞千層面最喜歡食千層面，一睇到就毫不猶豫叫左黎食，千層麵發擇水準，而芝士汁充分掛住係千層麵，雞塊都可以Parmaham Pizza係意大利Pizza既薄脆餅底，以上面既配料都唔錯，走左我最怕既火箭菜，而Parmaham 口味又唔會過份咸，而Pizza份量岩岩好，兩位都食得好滿足！