意粉狂熱 (雅蘭中心)

营业中

休息中

🧀黃金四重芝士pizza配蜜糖朋友同我都係芝士控，好快就被餐牌上面呢一個黃金四重芝士pizza吸引。Pizza質感鬆軟，芝士味非常香濃。微鹹嘅芝士味配上甜甜嘅蜜糖，口感同味道令人非常滿足。🍝芝士煙肉帶子忌廉意粉由個名字就可以知道呢個意粉嘅材料相當豐富。帶子係主角，肉質豐富，帶有海鮮嘅鮮味。煙肉永遠係意大利菜令味道更香濃嘅重要材料。意粉軟硬適中，口感彈牙。最後加上芝士及蒜蓉，增加忌廉意粉嘅層次。🦀意式脆炸軟殼蟹配酸味芥茉醬軟殼蟹受歡迎並唔係冇原因嘅，用軟殼蟹製作前菜，小食，主菜，都非常出色。一人可以享用一整隻軟殼蟹，連蟹膏亦都得以保留。灑上檸檬汁，增加味道嘅層次。而酸味芥茉醬就可以將軟殼蟹本身油膩嘅感覺中和。🥤抹茶沙冰 & 咖啡焦糖沙冰充滿意大利夏日風味嘅晚餐，點少得冰凍嘅飲品？抹茶沙冰同咖啡焦糖沙冰，為我哋帶嚟解暑冰涼嘅感覺。而且很喜歡沙冰顏色柔和精緻，像甜品一般賞心悅目。