意粉狂熱 (雅蘭中心)

营业中

休息中

同朋友去雅蘭睇運動用品，跟住就在商場覓食餐廳招牌好搶眼，門口走廊放有幾張木圓枱同木椅，襯上綠色植物，好有大自然氣息裏面座位也不少，打開餐牌有好多選擇喎，在西班牙小菜類別中，揀咗海蝦牛油果法包多士 $38兩塊多士，上面有海蝦，牛油果同醬汁，多士脆口，海蝦鮮，呢個作為小吃很不錯Pizza有分正常十吋同細size，兩個人就選擇個細嘅Parma ham 三色沙律pizza $58 Pizza呈長方形 上面鋪上Parma ham 同其他沙律菜。薄身pizza，加上咸香的火腿和清新的沙律菜，不膩，很不錯，有點後悔無叫個大批。主菜叫咗軟殼蟹配海膽忌廉汁意大利飯 $128  軟殼蟹外表香脆，肉質鮮甜，加上軟硬適中的意大利飯，被鮮甜的海膽忌廉汁包裹住，啖啖滋味。蘆筍帶子蒜香欖油意粉 $88 除咗帶子蘆筍之外，還有一些車厘茄，意大利粉最緊要軟硬適中，配上欖油炮製，呢個比意大利飯清新還叫了Mocha $38 同Matcha Latte $38夠滑，又唔會過甜，一邊食嘢，一邊飲嘢，一邊傾計，最大享受 呢晚除咗買咗運動用品，也跟朋友輕鬆愉快食咗一餐。

是日晚上跟爸爸下班後外出用餐，這間意粉狂熱有幾間分店。這一次來到旺角的分店。如果事前於OpenRice book枱會有優惠，可惜今次我跟爸爸都沒有預先book枱，但慶幸是晚上大約六時多的時間，暫時人流不算太多，可以直入餐廳就坐。被餐廳門外的餐牌所吸引，看到餐廳有多款不同的西式美食，例如有意粉、飯、小食、湯、甜品等等，價錢相宜，而且賣相也很不錯。首先我們每人點了一個湯。一款是法式芝士洋蔥湯，味道很香，賣相很好。有一片芝士法包放於洋蔥湯內，芝士法包吸入了洋蔥湯，吃起來軟綿綿的，味道濃郁十分惹味。呢一款湯十分有特色，而且也較少地方會有提供洋蔥湯。另一款為特濃南瓜粟米忌廉湯，南瓜湯十分濃郁，味道很有層次，完全十分足料，吃到滿滿的南瓜粟米味道，很香甜。我們還點了一客蒜蓉多士，蒜蓉多士烤得香香脆脆，用來點湯來吃十分惹味。蒜蓉多士一共有四片份量足夠。到主角了，點了一份軟殼蟹海膽忌廉汁鮮制意粉。軟殼蟹一分為二，軟殼蟹脆卜卜很好吃，炸成金黃色，中間仍保留着蟹肉香味。這件軟殼蟹真的十分香口，很好吃。另外還拌上了海膽忌廉汁意粉，這客意粉十分creamy，忌廉汁很香很惹味，這個意粉啖啖也十分好味，用來配軟殼蟹

今日同朋友到旺角食飯，到達餐廳不需要等位就可以入座。我們叫了法式芝士洋蔥湯，烤北海道產香草豬扒，脆炸原條白身魚配薯角和軟殼蟹配海膽忌廉汁鮮製意粉。首先上的是洋蔥湯，湯中間有件蒜蓉包，湯的味道鹹中有點甜，蒜蓉包則浸滿湯，入口即化。再來的是豬扒，是以石板端上，主要是可以保持食物的温度，豬扒有香草味，肉質鮮嫩有肉汁。另外薯角表面香脆，入口味道有薯仔味。之後是軟殼蟹意粉，軟殼蟹炸衣很薄，肉質鮮甜又不會過鹹。意粉配上海膽忌廉汁，微甜中帶有淡淡的海膽香味，令人想一食再食。最後是脆炸原條白身魚，一共有兩條白身魚，炸得香脆，而肉質鮮嫩滑口，更沒有骨，不用擔心要吐魚骨的問題。整體而言，味道不錯，而且價錢便宜，另外坐得舒服。

每次諗到意粉就想食呢間，意粉狂熱食第五次啦，真係無令我失望每次都咁好食，兩個人食叫左一碟牛油果沙律菜好淋牛油果入囗即溶沙律汁加橙粒好凊新～做前菜一流意粉有分手工意粉或普通意粉，我地各叫一碟牛肝意粉同帆立貝忌廉意粉試下分別，感覺手工意粉比較好食同市面意粉不同口感，兩碟都咁色香味俱全最後拍左片上传唔到大家睇其他圖片應該會揾到

雅蘭中心的意粉狂熱餐廳是我們指定去食西餐廳之一，因為每次都保持到水準之餘，價格實在十分便宜抵食。今次我們有四個人去dinner，可以order多幾款美食了，真的好開心又滿足啊！😋😍😘每款都是值得推介比大家的，因實在好好味，所以不需要特別去介紹每款內容是怎樣了。👍👍👍但南瓜湯就不會推价了，份量小吾夠熱，味道亦麻麻。👎香草烤雞蕃茄意粉. $78軟殼蟹意粉. $128四重芝士pizza (配蜜糖) $88經典三式拼盤. $88豪華三式拼盤. $98特濃南瓜忌廉湯. $28草莓桃沙冰. $58

晚上跟同朋友在旺角購物後，到了地鐵站旁的雅蘭中心的「意粉狂熱」，被門面的燈光及裝修吸引了，決定一試，它裝修以木系為主，氣氛帶有情調，安排了大張的卡位就座，餐廳座位夠多實在寬敞！餐牌選擇非常多，主打意粉及Pizza之外，有前菜、小食、主菜、飲品、甜品蛋糕等，值得一讚是餐牌設計精美，菜式圖片很吸引。先點了開胃的香草烤雞凱撒沙律，沙律份量多，以幾種不同的新鮮沙律菜及蕃茄粒，加入面包粒酥炸後很香脆，再配大量沙拉醬，口感清新。軟殼蟹配海膽忌廉汁鮮製意粉，賣相吸引，軟殼蟹比例像是一比一，軟殼蟹炸得香口，意大利麵口感煙韌彈牙，海膽忌廉汁濃稠適中帶鮮甜味，是我最喜愛的菜色！美式辣肉腸Pizza，即叫即做焗得夠熱，有三大塊，邊界位有微微焦香，，外脆內軟，加上辣肉腸的少許油脂，番茄、洋葱碎粒，口感及層次很豐富。蒜蓉味芝士雞翼，炸得金黃香口，咬下去肉汁豐富，配上蜜糖芥末醬，更加惹味 ，十分推介；意式炸魷魚圈配他他汁，魷魚口感彈牙，即叫即炸，不會覺得油膩！抹茶梳打十分夠特色，淡中帶濃的抹茶加入了清爽清涼的梳打水，相當清新及解膩，作為開胃飲品很適合；凍檸檬水，新鮮的檸檬味道清爽不會過甜，配炸物一流！整體來說，食

今天約了一位朋友，放工出旺角行街，行了一會，大家也買到東西，就想晚餐那兒吃，附近雅蘭中心，上去行一行餐廳，見到門口餐牌，食物不錯，未吃過，選了這間，環境同坐位都舒服，看了餐牌叫了軟殼蟹鮮製意粉 大隻，炸得好金黄，軟熟脆口，意粉嫩滑，特別有蟹香味豪華5式拼盤 海蝦牛油果法多士細細件，鮮海蝦同牛油果味，軟熟爽滑香烤雞翼 (4隻) 檸檬蜜脆口雞肉，入口濃香檸檬蜜甜味意式炸魷魚圈配他他汁炸得金黄，厚身同彈牙，味道搭配帕爾馬火腿薄薄一片，特別霖同火腿香味脆炸薯角炸得脆，好有甜薯味忌廉汁煮青口 爽口，鮮海水鮮味，又有忌廉汁香，特別日本牛乳布甸 特濃奶香同滑身

今朝起身都幾失望🫣又要爬起身返工…11:40就走得，搭兩個幾鐘車，返工返兩個幾鐘🫤唔知個意義喺邊🤷🏻‍♀️.最有意義係約男朋友一齊食完lunch先返歸❤️呢度嘅lunch set 幾抵食💁🏻‍♀️$68-$88 包沙律/湯 + 主菜 + 飲品除咗自家製鮮意粉系列冇得免費升級之外…其他意粉都可以免費升級1.5倍量㗎🤩.Caesar Salad 啲沙律菜新鮮爽脆，加咗啲柚子醬更鮮甜😋<<蕃茄溫泉蛋煙肉蘑菇意粉>>($78)蕃茄蓉俾得好慷慨，每啖意粉都食到酸酸甜甜嘅蕃茄肉👏🏻震騰騰嘅溫泉蛋撈匀啲意粉就夠晒汁🤞🏻略嫌覺得佢啲煙肉肥咗少少🤏🏻不過surprise 佢嘅蘑菇有好多種類! 口感豐富!!<<蒜香白酒汁海蜆意粉>>($78)蒜香超濃嘅意粉好彈牙~略漸乾身咗少少，同埋唔太食到白酒味!海蜆大概有8-10隻! 處理得幾好! 1D 沙都冇👍🏻擺盤又擺得幾靚☺️.簡簡單單一餐👩🏼‍🤝‍👨🏾最緊要係邊個一齊食🥰

今日喺旺角收工好肚餓所以同朋友去食意粉狂熱餐廳採用手機點餐方便快捷前菜方面，我哋叫咗一份忌廉汁青口青口嘅份量都幾多忌廉汁仲配上煙肉增加一點咸香味👍🏻之後我哋叫咗一份蒜香芝士雞翼餐廳加咗大量嘅芝士粉係芝士控嘅最愛仲要配上蒜味芥末醬令到雞翼更加惹味明太子海鮮pizza （small)估唔到明太子醬加Pizza係咁夾而且Pizza底外脆內軟煙煙韌韌 整得唔錯見到餐廳有新推介 我哋就試吓佢嘅軟殼蟹配海膽忌廉汁意大利飯意大利飯既賣相一洗軟殼蟹有兩大舊 炸得好脆好香口海膽忌廉汁味道甜甜地配上軟殼蟹同鹹鹹既炸芝士配合得好好推介最後我哋叫咗一份安格斯一口牛柳牛柳本身煮到五成熟跟餐配上一塊熱鐵板可以自行選擇鍾意食嘅熟度好細心我同朋友都鍾意食五成熟所以我哋就冇再燒牛肉嫩滑 唔韌仲好重牛味我同朋友都好滿意呢一餐價錢唔貴而且可以食到好多唔同嘅菜式

朋友跟我推介位於雅蘭中心二樓的「意粉狂熱」性價比高，建議我去試試。既然是好友推介，今晚就跟家人來嚐嚐。❣️ 法式芝士洋蔥湯 $38正宗法式芝士洋蔥湯，洋葱炒透後，辛辣味就會消散，只留下洋葱的清甜味道。這個法式芝士洋蔥湯濃稠不黏，湯內粒粒洋葱，加上塗上芝士的法包盡吸收了清甜的洋蔥湯，口感豐富，濃香美味。❣️ 豪華3式拼盤 (從5款中選3款) $98拼盤有五款食物選項，帕爾馬火腿、意式炸魷魚圈配他他汁、海蝦牛油果法包多士、香烤雞翼/蒜味芝士雞翼、脆炸薯角；從5款中選3款。我選了帕爾馬火腿、意式炸魷魚圈配他他汁和海蝦牛油果法包多士。帕爾馬火腿：肉質柔軟，味道鹹香細緻。意式炸魷魚圈：炸得金黃，口感香脆，薄薄的炸漿，裹着彈牙帶點嚼勁的魷魚圈，蘸上他他汁更滋味。海蝦牛油果法包多士：海蝦爽口，跟幼滑的牛油果鋪在脆口的法包上，伴入清脆香甜的洋蔥粒，口感清爽豐富。❣️ 軟殼蟹配海膽忌廉汁意大利飯 $128厚肉的軟殼蟹香脆可口。意大利飯軟硬度適中，配以鮮甜的海膽忌廉汁，啖啖滋味。芝士薄脆帶鹹香味，來伴海膽忌廉汁意大利飯，更顯口感和味道層次。❣️ 香烤香草羊架 $128以鐵板送上，熱呼呼的， 保持熱力，不致放涼。大

食晚飯想食下意粉🍝甘岩係旺角行 上去雅蘭上面睇下有咩食 見到呢間意粉狂熱有二人餐又平200幾 有多野食 湯 沙律 兩個意粉 餐飲仲有甜品 🍮試左芝士肉醬千層麵同白汁蜆肉意粉好好食😋甜品好靚

約左好友出去旺角睇戲🎥又未夠鐘就去左雅蘭搵食，上到2樓比呢間意粉狂熱吸引😍因為成間鋪都好colourful😍好友話套餐好抵食🤭咁就先去醫左肚先🤭食店都幾大間👍🏻座位好闊落，而且用QR CODE落單，乾淨俐落👍🏻二人餐有餐湯、沙律、意粉及甜品，我地就另外加多個risotto😋餐湯有兩款選擇，我地各點一個：法式芝士洋蔥湯🤤雖然洋蔥湯做法好簡單，但係味道香濃又足料，另外配上法包，令人食指大動🤤忌廉蘑菇湯:呢個湯非常CREAMY👍🏻而且勁多蘑菇粒，令到成個湯好鮮味😋凱撒沙律🥗新鮮生菜及蕃茄仔爽甜，再配上麵包塊😋一次過可以享受多重口感😋海老意粉配檸檬忌廉汁:海老鮮甜，而且麵條好煙靭，忌廉汁配上檸檬汁，咁就變得更加清新及開胃，減低了肥膩感😋芝士肉醬千層麵:呢個口感好豐富，每層麵都彈性十足，夾雜的肉碎醬汁又多又濃，酸酸地令人好有胃口，係我好鍾意食既千層麵😋軟殼蟹配海膽忌廉汁意大利飯:呢個係見到隔離枱點左，好吸引我眼球，所以都點左來食，賣相真係好吸引，個脆片超好食，而且RISOTTO夠CREAMY，每啖飯都被海膽忌廉汁包圍，軟殼蟹炸得好香口酥脆😋是日甜品:TIRAMISU配上芒果及忌亷，呢個配搭好夾，

放工前朋友急CALL食飯, 仲要選擇人多的旺角, 好彩朋友已經揀左餐廳, 仲係Openrice可以訂座。餐廳就係雅蘭中心的意粉狂熱, 好耐無行過雅蘭中心, 地方十分方便, 只要係旺角站雅蘭中心方向一出左邊就係, 一分鐘都唔駛。 位於2樓, 一上電梯就見大大個霓紅燈招牌, 一定睇得到。餐廳地方大, 容納不少枱, 仲有長卡位可以比多D人聚會。職員一坐低已奉上一樽清水及餐牌, 而且還友善介紹主菜, 提供意見。餐廳用QR Code落單, 好方便。睇下餐牌, 餐廳的食物價錢十分親民, 而且選擇都不少。埋單都係4百幾。最後同朋友點選左 :軟殼蟹配海膽忌廉汁鮮製意粉 $128牛油果沙律 $48忌廉蘑菇湯 $28特濃南瓜粟米忌廉湯 $28經典3式拼盤 $88飲品 : Fresh Strawberry Mojito (Non-alcohol) $38飲品 : Mojito ~ Fresh Kiwi Mojito $43軟殼蟹配海膽忌廉汁鮮製意粉 $128$128食到軟殼蟹, 仲要有海膽忌廉汁喎 ! 真係好期待。果然有驚喜。軟殼蟹係即炸, 上枱時已聞到勁香, 吃落去又脆又香口。仲有意粉彈牙易入口, 忌廉汁

今日去旺角睇傢俬，之後去雅蘭食晚飯，去咗一間西式餐廳，雖然唔係fine dining，不過勝在上菜快，價錢好親民抵食，味道亦都唔錯。海蝦牛油果法包多士一疊兩件，賣相都幾精緻，蝦肉鋪響牛油果沙律上面，海蝦幾爽口，牛油果沙律撈得幾好味，口感creamy唔膩口，非常唔錯。辣肉腸薄餅我哋點了small size, normal size 有10 寸，small size 個Pizza係長方形，有3件。pizza 嘅芝士同茄醬都幾夠，辣肉腸正常發揮，食落都幾滋味，唯其中一片辣肉腸切得厚咗啲啲，口感微硬。如果下次再食，我諗我哋都會叫返normal size, 價錢唔係貴好多，好似更抵食。軟殼蟹海膽意粉擺盤都幾吸引，有完隻大大隻軟殼蟹切開兩件，都幾厚肉，而且驚喜地有蟹膏，蟹炸非常香脆，而且食得出新鮮鮮甜，扁意粉口感幾彈牙，幾掛汁，汁醬都好多新鮮蟹籽，食落卜卜爽口，海膽味鮮甜。如果再重d海膽味，重口味嘅我就更喜歡。忌廉汁青口呢份青口好多，青口肉都幾大隻，雖然明知青口係普通急凍嘅貨色，但忌廉汁加上煙肉都幾惹味，再加d檸檬汁落青口，都好好食，絕對對得起有餘佢嘅價錢。整體來講，呢個價錢，食到咁多，仲有一杯芒