意樂餐廳 (良景廣場)

营业中

休息中

之前同男朋友食過另一間分店今日經開呢到就想食下除左門口招待個男人好口d入面d侍應又黑面態度又差叫左個巨型雞扒就黑過舊炭白汁西蘭花個白汁水到好似倒埋煮西蘭花d水入去咁吉出來食重滴緊水以後唔會再來

話說今晚係同　BB 特別既日子～一起食晚餐～ 梗係帶佢食好d~ 點左個三文魚 魚子炒飯 同玉米忌廉湯～ 三文魚炒飯炒得拾到好處-不太油、材料份量岩岩好、有三文魚味、沒有被其他調味料蓋過、魚子粒粒增加口感、咬破魚子汁撈飯食更惹味玉米湯較清淡～唔係濃湯個種～水較多～但清清地都幾好～仍留有玉米甜味價錢方面算中價牆上既裝飾幾特別環境衛生ok，但可以更好

點左個辣肉醬pizza,卡邦尼意粉及香草芝士薯條。個薯條真係無得輸。餐飲就算熱飲都好大杯。係大興村黎講佢都算中上美食。價錢都平民化。好多太太帶小朋友黎食因舖內椅子闊冷氣又唔太冷剛剛好。上餐速度又快。非常好既餐廳!

中午同同事食lunch 呢度都算易搵位🤔落雨搭輕鐵又唔驚溚親Carbonara長通粉有驚喜 sauce都幾creamy 不過好多洋蔥😂拉麵就有d伏。。勁重奶油湯底味 唔推薦食💁但整體環境都幾好坐既 闊落

已經唔係第一次食呢間餐廳， 自從有一次喺大興邨食過之後，連續幾晚晚餐都係嚟呢度食，平民嘅價錢，味道美味，選擇多。小朋友平時好揀飲擇食，食晚飯都食分量好少，但食呢個☝️☝️「鮮蜆蒜香煙肉忌廉天使麵」就大大碗，仲食咗兩碗添😂😂，自己都試過，蜆肉好新鮮，加咗啲洋蔥、煙肉同鮮菇一齊煮的確好香，天使麵軟硬適中，忌廉汁唔會太濃，味道啱啱好，唔怪得小朋友咁鍾意食， 重要只係＄47，好食過嗰啲百幾二百蚊一個天使麵嘅餐廳，最後小朋友食左個好小餐廳有嘅甜品，「好立牛乳奶凍」，當然全個食晒啦！🤣🤣另外我哋都叫咗個雜扒餐㗎，牛肝菌汁味道都唔錯，冇咁悶，唔使成日黑椒汁，蒜蓉汁， 洋蔥汁禁單調。最後一提， 餐廳都算乾淨，裝修簡約，令人感覺好舒服，侍應都好有禮貌，客人多，而侍應人數不會太少，叫極都冇人理你。埋單＄142，絕對可以接受。下次要試大利飯，聽聞意大利飯都好好食，好期待。

今日同個老友黎良景，本來想黎食生蠔，經佢介紹應該幾好味，可惜未開門，就唯有搵附近餐廳食。呢間位置唔遠，商場入面。晚上約7點幾食，唔算多人，環境衛生，我地叫左呢兩樣，我前面既系雞肉鰻魚汁冷面，本來想叫烏冬，但冇哂，食個冷面清涼下，我老友個碟系意大利飯，詳細名字唔記得了。佢就幾推介，但我未試過，所以都唔講呢碟啦。而我覺得冷面系夏天食就岩岩好 雞肉比較多，仲有青瓜絲蟹柳絲既配菜，清清地都唔錯架，配特飲就加錢，我配左杯朱古力咖啡 ，味道有點甜，不過真系飲一次就夠了。大約130內既價錢，我覺開系呢間商場 ，味道算可以。

水準一向無變 但良景呢間職員差到不得了 係差到唔會再入呢間分店!!!!!!!無論我一邊指住餐牌 一邊讀出要食乜職員依然睥住我一直問我食乜 仲問我叫嘅食物係邊到平時已經食開鰻魚飯 叫走葱職員完全好似新黎 一句好大聲話<無葱架喎> 之後話<我寫就照寫 廚房盡做>當然最後係無走到 而朋友之後落單同一個飯叫走葱就走左 態度係十萬個差 !!!!!!!!!!!!!!!!!!!!!第一次係openrice俾評語反映 未試落一張單 我會著哂火

呢個係因為同事話黎 先知有呢間餐廳唔好以為佢細細間 都好多人等位下~餐牌都有幾個 選擇都幾多下 如果係學生優惠選擇仲多 可惜我已經不是了第一碟的係長通粉 都幾快上碟 而且仲要係熱辣辣 加上佢d芝士汁 口感不錯不錯第二黎的係 咖哩飯 未上枱之前都聞到佢陣咖哩味 而且份量都幾多 唔怪得lunch咁多人捧場 真係經濟實惠同扺食ge第三碟黎係 意粉 水準完全估佢唔到 好好味 好味過長通粉 呢黎間要試呢個 成碟食晒 最後黎的係 焗意粉 所以等候時間都要耐小小 不過你見佢咁多芝士就知正 再加上濃厚的蕃茄 好易飽 同事都真係食唔晒 哈哈 細量的可以share

咁岩經過咪入去食個lunch lo, 點知嚇死人la記得一定要睇哂篇食評呀！！環境: 🏘1. 坐位其實唔算逼2. 地下超級污糟3. 枱面抹完仲係好污糟服務: 👩👧👦👱1. 待應應左一下, 之後又唔記得落order**其實呢間餐廳一向唔夠人用, 搞到d服務越來越差**食物: 🍝🍜🍛🥗🍲1. 日式肥牛拉麪整體味道係ok既湯底頗香分量足夠推薦指數: 👍👍👍👍💜💛💚💟💜💛💚💟如果大家想知更多美食info, 就快d follow fatdog1234 la💜💛💚💟💜💚💟💛

今天有和幾位朋友組隊行山團到屯門的菠蘿山行行，我先和友人早點到良景村吃個早餐醒醒神！即磨熱咖啡 (6/10)味道不錯，不落糖也沒有太苦。肉碎蕃茄湯通粉 (5/10)蕃茄味算濃，肉碎份量一般，友人另加$3 配一塊厚多士才夠。燕麥片太陽蛋套餐 (5/10)整個感覺不過不失，燕麥片算是夠濃夠料，太陽蛋也煎得剛好，份量也是偏少，雖然已配有一塊蒜香厚多士(蒜味夠，也算脆)，但我怕不夠飽還是加了$6 配迷你通粉。吃飽有氣力行山了！

平時落樓下食都無咩選擇，所以多數食呢間，過得去。推介咖喱牛腩飯，佢夠辣同香口，牛腩都易咬，個咖喱汁好食～呢個係黑松露奶油煙肉意粉，幾好食，多d黑松露隻味會再出d～野飲叫左兩杯，跟餐半價但都要加9蚊一杯飲。

拎位過程勁混亂，叫我地入去但明明冇位，先叫我地出番去，啲staff又寸😢叫野食好多都冇，牛腩又冇雞翼又冇咁樣😢落單又落錯，抹茶咖啡落左抹茶啫喱😢但係野食唔差嘅！

服務態度差侍應串嘴到冇朋友(部份)，餐牌寫即叫即整要等15分鐘。我兩個人叫咗兩客，五分鐘唔使上菜， 雖我叫五成熟，但出嚟成舊生肉。再叫佢整返熟啲，都係生嘅。垃圾評級，不予再光顧！

餐廳空間幾大唔會太迫，下午茶時間入座，餐廳裡人客算full，冇得坐卡位，之後仲要有人搭枱。2個人叫左2個飯同2樣小食。飯分量都可以，女仔來說食完都飽既，而且價錢合理，普通茶餐廳都四五十蚊，佢既質素比茶記好啲既🙈意大利鮮茄烤豬扒焗珍珠飯：焗飯入面既茄汁唔係罐頭茄汁，因為食落去酸酸甜甜有鮮蕃既味道，豬扒唔會硬，雖然唔係厚切豬扒，但都好食既，仲有少量其他配菜，唔會太dry 。烤雞茄子百里香忌廉焗珍珠飯：茄子有啲可惜，唔單止細細粒，而且得個幾粒😑 好彩雞肉份量ok，配上白汁又幾香幾好食窩，所以個飯都唔錯😋另外加$8會有2隻雞翼，我地分別叫左，柚子蜜糖雞翼同水牛辣雞翼。前者，第一口食落好香好有柚子味得黎又甜甜地，但之後會覺得有少少膩。後前，有啲辣但味道唔差。其實係本身雞翼好食，因為2款雞翼純粹係面塗上醬汁。

平日食意樂只會叫帆立貝海鮮烏冬，今日見到轉新餐單，就決定試試安格斯牛扒。蘑菇忌廉餐湯：非常足料，蘑菇非常多，好味。本人喜愛的薯角和芝士蕃茄。旁邊的茄子、黃椒、紅椒和青豆略嫌多油。主菜安格斯牛配牛肝汁，牛五成熟，厚身有肉汁，比預期中好味。牛本身用孜然調味再煎，不點醬汁也可，當然配牛肝汁也不錯。是平民扒餐的不錯選擇，下次再食。